المساعد الشخصي الرقمي

مشاهدة النسخة كاملة : [::زمان يارمضان :: ]


ريم شمر
16-08-2011, 08:54
في الصباحات الرمضانيه
عبق الطفوله ينتشر شذاه
وذكرياتها ترتفع الى قمة الذاكره
وانا استلذ بنكهتها حين تمرني
واتمسك بصورها حتى اخر صوره


لاننا كنا اطفال لم نكن نعي او نستوعب ذلك الخمود الجماعي
في البيوت في الشوارع ..في كل الاماكن ...
رغم انه حدث مبهج بالنسبة لنا !!


كنا نشعر ان الكون في الصباح الرمضاني ملك لنا وحدنا
فالكبار المزعجون والمتحكمون .......ناااااائمون !!


ونحن فقط من نأمر وننهى ونعيث في البيت خراباً


بالطبع كانت اثار عبثنا الصباحي تظهر حين يستيقظ النوام
ننال العقاب بعد الحساب .....ولكن الم العقوبه لايذكر امام
لذة الشعور بامتلاك المكان والزمان !!


والاجمل لذة استعادة تلك الذكريات !!



انظر لاطفالي الان ينامون ملأ جفونهم
ولايستيقظون الا حين ينتصف النهار !


واحدث نفسي وابتسم
وانا امسح على رأس فهد واطبع قبلة على جبينه :


ليتكم تعلمون ماالذي تفوّتون !!


http://sudeer-up.com/upload/uploads/thumbs/sudeer-3dd8c003c6.jpg
ريم شمر
16-08-2011, 08:57
انذرني ابو سلطان بالامس
اما اكتب موضوع جديد او يعطيني باند :a:


وصعبه اني انهي تاريخي المضائفي هذي النهايه المؤلمه:(
لذا رضخت واستسلمت


فتحت صفحه جديده وهذا اللي جا معي :315r:
فإن راق لكم فالحمدلله وان لم يكن عندكم ابو سلطان انا مالي شغل :wallah_hoo:



لكن الموضوع تفاعلي وباقلامكم وتفاعلكم يكتمل النقص
مضمونه ذكريات رمضان زمان للشباب والشيبان :)


وسلامتكم
ابن جشعم
16-08-2011, 09:50
وشلون وكيف مايروق لنا وهو من ريم شمــــــر أم طلال

اللي لم يروق لي هو النهاية المؤلمة وش قصدتس فيها !!!

ــــــــــــــــــــــــــــــــــــ

اجل ماهو بس عوالنا اللي نوم الياعقب الظهر وعقب العصر :)

احلى شي مر علينا هكالحين انك تسحر وتجزم انك تصوم
والكل يعتقد انك صايم ولا يفضحك الا علامات الشوارب من اثر الفيمتو.

فعلا ايام جميله يفتقدها اطفال اليوم.


تحياتي لك
بالمختصر..
16-08-2011, 10:55
،




ذكريات جميله :)

أنا كنت أصوم للظهر بس .. و بعده أفطر ، لكن بإعتقادي إني أكملت صومي ،

بس اليوم اللي ما أنساه هو أول مره صليت فيه التراويح بالمسجد ..

صليت بكيفي ، و سلمت قبل الإمام :)



لا هنتي ريم ، موضوع أكثر من رائع ..




.
.
ابو فارس
16-08-2011, 13:08
اما ذكريات الطفولة فقد أكل عليها الدهر وشرب
هي ابعد مما نتذكر

لكن
اتذكر في بداية الثمانينات وقد كنت في المتوسطة
كان الوقت يشبه رمضان هذه السنة
نصلي الفجر ونخرج للملعب
نلعب حتى الساعة 7 او 8 صباحا
نعووووووووووووووووود متعبييييييييييين جدا
راودتني نفسي كثيرا للافطار حيث اني كنت اشك بان اكثر زملائي يخربونها
لكن عصمني الله وتغلبت عليها


اما صباحات وغدانك فهي صورة مكررة في كل بيت

بجد يا ام طلال
اولادنا وشبابنا فقدوا اشياء كثيرة
لايعرفون ان يمتعوا انفسهم
او يلهو بشئ جميل
وفي الاخير طفشانين زهقانين ملانين


شكرا لفهد الذي نام وايقض فيك هذه الفكرة


دمت بخير
أهداااب
16-08-2011, 16:48
من يوم يومي أنتظرهم حتى يناموا و يحلا لي الجوو
و أعثي في البيت فساداً :)


ما أذكر إذا كنت أصوم أو أفطر
بس اللي أذكره أني كنت أتربع جنب السفره قبل موعد الآذان بربع ساعه
و أقرب أشهى الأطباق إلى جهتي >> دبه ههههههههه


بس تعرفين


أحلى مافي رمضان زمان
أنه ما عندنا غير غصب واحد و غصب أثنين:315r:


يعني وقت الصلاة أجباري الواحد يقوم لها مافي شيء يلهيه مثل بوكريم مدري بنات الثانويه :qannaj:



شكراً ريوومه
ريم شمر
17-08-2011, 07:31
حياكم لاعدمتكم وشكرا من القلب على التفاعل ولي عوده لكل رد على حده


rooooserooooseroooose



هذي ملح المضايف وسكرها الجازي
فديت الملح والسكر وكل علب البهارات :d:
طلبتها تشارك بالموضوع وطبعا ماتقدر ترفض لي طلب :315r:
مو لانها صديقه سنعه لكن لاني استاهلn) <<< هذا الهياط يالريم موب هياطك :)



مشاركة الجازي ///




صباحات رمضان لم تكن كباقي الصباحات
لها طعم ونكهة أخرى لاتضاهيها أي نكهة
بالنسبة لي يرتفع معدل الجريمة فيها :)
من بين جرائمي اللطيفة أني كنت أمارس الوصاية على طريدي <<<< معليش خشينا عالعامي :)
طريدي معناها أخوي اللي جاء بعدي بسنة تقريبا
ويسمونه طريد لأنه يطرد اللي قبله من حضن أمه عشان يحتل هو مكانه
وبما إنه طردني من حضن أمي اضطريت ألجأ لحضن أبوي :)
وقررت أنتقم من هالطريد !!
ففي يوم من صباحات رمضان اللي خلا لي الجو فيها مع هالطريد
طلعت به برا للحوش عشان أستفرد به صح :)
وكان فيه صحن كبير منشور فيه حب شعير <<<< مدري لمين هالشعير ماخبرت ببيتنا حمير :)
المهم وأنا أوسوس لأخوي قلت شف بحط حبة في إذنك عشان بعد كم يوم تنبت وتطلع من إذنك شجرة :) <<<< مدري وش الإغراء في هالعرض :)


طبعا هو ماكان له الخيرة من أمره :)
يعني مجبور يوافق برضاه وإلا غصب عنه !!
يوم حطيتها بإذنه من هنا هو ماصدّق خبر وقام يصارخ ويصيح آي إذني آي والله لا أعلّم عليك أمي وووو
وأنا اللي تطقني أم الركب ولا أدري وشلون أسكته
قمت بكحلها وأعميتها :)
قلت : ياخوّاف شف أنا بحط في إذني الحين وما توجعني
وأقوم وأحط بإذني حبة شعير :)
طبعاً هي ماتوجع بس هو يبي ينتقم ولقاها فرصة !!
المهم ماطاع يسكت وراح لأمي وقال لها !!
جاني تهزيء وهواش ودعاوي ويوم درت جدتي كمّلت الناقص الله يرحمها وهزأتني
المهم في الليل خذونا للمستشفى عشان يطلعون هالشعير اللي بآذاننا :)
الدكتور طبعا فاطس ضحك من القصة :)
الله يوسع صدري بالعافية مثل ماوسعت صدره :)
المفاجأة الكبيرة وش تتوقعون !!!!؟











أخوي لقوا حبة الشعير وطلعوها
أما محاتسيتكم فلا تزال الحبة بأذنها :)
لاهي اللي طلعت
ولا هي اللي نبتت وصارت شجرة وخلتني أتفيأ ظلالها :)
تهقون تحتاج سماد !!؟ :)




وكل عام وأنتم بألف خير والشهر عليكم مبارك
المتوقد
17-08-2011, 08:35
اما حبة الشعير حكااايه ههههه

ماهو بس طلال نيم با ام طلال

من شوي طلعة مداوم وبناتي بسابع نومه

الا وحده الصغير ه جالسه على قناة الماسه (المجد) وحاطتن له كوب فيمتوا وسندويشه وتفطر

قلت له عفيه بنتي تفطر نفسه ووادعته ومشيت



لي رجعه مع هالذكريات على رواقه
عبدالله الجعيثن
17-08-2011, 09:45
طيب واللي ماعرف ان فيه صيام الا بالثانوي:)
المتوقد
17-08-2011, 10:18
منهو اللي افتى للك ابن شعلان :)
ليلى بنت عبدالعزيز
18-08-2011, 08:36
لي عوده لعلها تليق بقلمك وفكرك الراقي ..


لكن شدني هنا هالكلمات :a:




وصعبه اني انهي تاريخي المضائفي هذي النهايه المؤلمه:(
لذا رضخت واستسلمت


وش تنهين موب على كيفك تروحين وتخلينا لي حديث معك بس
هناااااك :)
ابو راكــــــــان
19-08-2011, 02:04
طيب واللي ماعرف ان فيه صيام الا بالثانوي:)



والله خطير منهو اللي ماعرف الصيام الا بالثانويه ....هههه
ابو راكــــــــان
19-08-2011, 02:07
[SIZE=5]طلعت به برا للحوش عشان أستفرد به صح :)
وكان فيه صحن كبير منشور فيه حب شعير <<<< مدري لمين هالشعير ماخبرت ببيتنا حمير :)

[COLOR=orange]هههههههه.... الله يخرب بيتك يابليس





[CENTER]أخوي لقوا حبة الشعير وطلعوها
أما محاتسيتكم فلا تزال الحبة بأذنها :)
لاهي اللي طلعت
ولا هي اللي نبتت وصارت شجرة وخلتني أتفيأ ظلالها :)
تهقون تحتاج سماد !!؟ :)


الله يكون بعونك على حبة الشعير ......





وكل عام وأنتم بألف خير والشهر عليكم مبارك


مشكوره على هالروايه الشيقه
شامان
19-08-2011, 05:34
السلام عليكم ورحمة الله وبركاته

الله يعطيك العافية اختي ريم شمر ومبارك عليك الشهر متأخرة شوي

وعيدك مبارك مقدماااا

ايام رمضان يا ايام رمضان هو :

الكابتن ماجد
او بيل وسباستيان
او حكايات عالمية ( في قصص الشعوب )
او بومبو ( السيارة العجيبة )
ومسلسل ( سالي ) لا سالي كانت كل مانروح لخوالي بالرياض بالصيف نلقاها عمري ما شفتها بتلفزيون الكويت الا يمكن بعد الغزو

يا هو زمان قلما كنا نقدر نسهر واقل من قلما شوي اني اشوف
الزراق وانام كان هذا اقصى طموحاتي اللي ممكن تتحقق

اما الحين توصل صلاة الظهر ما ناموا اجفانهم صارت سود
تقول مدمنين لا حول ولا قوة الا بالله .

ننام البيت مرتب نقوم والا تقول مسير علينا البارح ١٠٠ نفر
المطبخ حوسة تقول راثعتن فيه ناقه .

اخر شي اكتشفت ان عبودي الشرير ليليااا هو قائد الحملة .

اذكر شهر من شهور رمضان قبل الغزو بفترة كنت المتذوق للاكل
اهلنا يطبخون وانا متفق مع حرمة اخوي انها لا طبخت شي تناديني
تخلينا اذوق ( لقمة ) علشان اشوف زين والا مو زين بس هاااه هي تقولي انت قول اللهم اني صايم وكمل صومك وارد للساحة العب كورة

وسلامتكم
المتوقد
19-08-2011, 14:28
ايهه عدنا للذكريات :)



مدري منين ابدا

يااالله ياهي راحت السنين , اول ماطلع قلبي على رمضان كنا في الرياض وساكنين في صنادق في مكان اسكان الحرس الوطني الحين وكان حي النسيم بعيد اطراف البنيان عند شارع الاربعين

يابعد المسافه والبنيان الحين وصلن لمستشفى الحرس الوطني :za3lan:

كانت الصنادق منتشره وكنا نعيش وكما لو كنا بيت واحد

ومافيه كهرب وقت الظهر ابو وامي كل واحد منهم عند راسه سطل ماء يحط الشرشف بووه ويعصره وينفظفه ويتغطى ويصير كانه مكيف صحراوي:)


لي تعدي فترة الظهر

وانا استغله فرصه وانحاش لجيرانا عندهم تلفزيون على بطاريه ابيض واسود :)

ياهي ايام حلوه كان مثلا جارنا بعد المغرب يفرش بين البيوت وتجي عندووه مرتووه وبعدين تجي جارتهم وامي وابوي ونتجمع وسوالف

بس كانو يحشرونا وقت الفطور مايبون احد يجي :)


وبعدين انتقلنا لبقيق

اذاكر ن الواقف ان ولد عمي شرب من طاسه بانزين كان يظنها فيمتو:)

بغى يموت لكن الله سلمه


طبعا من السبعينات الى اخر الثمانيات كان رمضان بالصيف مع التسعينات برد الجو وبدانا نعيش رمضان في اشتاء الى كم قبل كم سنه

ايام الشتاء احلى ماكانه رمضان

ناخذ عزبتنا ونروح للبر ايام امطار وكانت ايام حلوه وبعدين جت سنة الربيع 1998

امتلات الارض ربيع وفقع وكانت الرحلات كثيره ياهي سنه من العمر



هذا مايحضرني الحين


ولي رجعه ان تذكرت شي بارز
ريم شمر
22-08-2011, 00:57
وشلون وكيف مايروق لنا وهو من ريم شمــــــر أم طلال





اللي لم يروق لي هو النهاية المؤلمة وش قصدتس فيها !!!




ههههه المقصد ان الباند عقب هالمشوار موهو النهايه المرجوه

والامر كله مزح لاغير :)


ــــــــــــــــــــــــــــــــــــ




اجل ماهو بس عوالنا اللي نوم الياعقب الظهر وعقب العصر :)


احلى شي مر علينا هكالحين انك تسحر وتجزم انك تصوم
والكل يعتقد انك صايم ولا يفضحك الا علامات الشوارب من اثر الفيمتو.


فعلا ايام جميله يفتقدها اطفال اليوم.



تحياتي لك



ياسلام عالاعترافات :goooood:


تسلم يابن جشعم ولاهنت على الحضور والمشاركه
ريم شمر
22-08-2011, 01:05
،




ذكريات جميله :)

أنا كنت أصوم للظهر بس .. و بعده أفطر ، لكن بإعتقادي إني أكملت صومي ،

بس اليوم اللي ما أنساه هو أول مره صليت فيه التراويح بالمسجد ..

صليت بكيفي ، و سلمت قبل الإمام :)



لا هنتي ريم ، موضوع أكثر من رائع ..

.
.

حيا الله الغاليه

اي عاد طفولة العنقا غير :d:

فديت الحضور الرايق

تسلمين بالمختصر
ريم شمر
22-08-2011, 01:09
اما ذكريات الطفولة فقد أكل عليها الدهر وشرب
هي ابعد مما نتذكر

هههههه اعتراف خطير يابو فارس :)
<<< ترسل نسخه لام فارس :315r:



لكن
اتذكر في بداية الثمانينات وقد كنت في المتوسطة
كان الوقت يشبه رمضان هذه السنة
نصلي الفجر ونخرج للملعب
نلعب حتى الساعة 7 او 8 صباحا
نعووووووووووووووووود متعبييييييييييين جدا
راودتني نفسي كثيرا للافطار حيث اني كنت اشك بان اكثر زملائي يخربونها
لكن عصمني الله وتغلبت عليها


طيب وش اللي يرغمكم على هالشي :(




اما صباحات وغدانك فهي صورة مكررة في كل بيت

بجد يا ام طلال
اولادنا وشبابنا فقدوا اشياء كثيرة
لايعرفون ان يمتعوا انفسهم
او يلهو بشئ جميل
وفي الاخير طفشانين زهقانين ملانين


شكرا لفهد الذي نام وايقض فيك هذه الفكرة
دمت بخير


صدقت ابو فارس والشكر لك لحضورك المتميز
تسلم ولاهنت
ريم شمر
22-08-2011, 01:17
من يوم يومي أنتظرهم حتى يناموا و يحلا لي الجوو

و أعثي في البيت فساداً :)

ما أذكر إذا كنت أصوم أو أفطر
بس اللي أذكره أني كنت أتربع جنب السفره قبل موعد الآذان بربع ساعه
و أقرب أشهى الأطباق إلى جهتي >> دبه ههههههههه

بس تعرفين

أحلى مافي رمضان زمان
أنه ما عندنا غير غصب واحد و غصب أثنين:315r:

يعني وقت الصلاة أجباري الواحد يقوم لها مافي شيء يلهيه مثل بوكريم مدري بنات الثانويه :qannaj:



شكراً ريوومه



هههههه اجل مافاتتك متعة التخريب والافساد

لأنها من اجمل متع الطفوله :)

لا والاحلى انك من كثر البراءه تطلعين منها زي الشعره من العجين
ويطيح فيها غيرك :a:

<<<< ماوهقت احد ابد :315r:

يسلم لي حضور السندريلا وطلتها
بنت الجبل آخت القصيد
22-08-2011, 04:46
اما انا في زماناتي كنا في مزراع
اللي اذكره للحين ان ابوي قرر يجيب رشاش بالمزرعه
وبادين يشتغلون حفريات من اول المزرعه لاخره

المهم كانت امي تسوي المهلبيه والكريمه وتروح تقيل وتقفل علينا عنده
وكنا نهرب ومانبي احد يشوفنا اننا ناكل نسرق صحون المهلبيه ونروح للحفريات ونطب به وناكل

وكل ماجاء العصر جاء ابوي ينقل الملاعق والصحون n)


ومره امي منومه بالمشفى
لقينا سيارة اخوي مفتوحه ونطب به ولعب يوم قام اخوي يجي للسياره قالت هذا مكاني
مااحط بذمتي مدري وش خربه :)

احسن شيء برمضان
كنا نسوي شبات الصبح وكل يوم الفطور عند وحده من بنات جيرانناوالعزيمه من البقاله كيك وعصير



لو نسرد كل شيء بناذيك ياريم



.
.

فعلا زمان يارمضان

لاهنتِ يالريم roooose
المشرف العام
30-08-2011, 00:05
/

مداخله سريعه .. لكف البحث .. عن ام طلال .. بكل صوب ، بيت بيت ، دار دار ، زنقه زنقه ، وعلى قادة الكتائب " تعيين خير وكلّن يمسك ارضه " :)

/
/



منوّره المضيف العام يام طلال ..

وشاكر لك الاستجابه .. لكِ احترامي وتقديري


/
/

أنا بديت الصيام بسن مبكره ، على ذمّة الراوي :) ، بديت الصيام وانا بزمالي :a:
ريم شمر
01-09-2011, 00:57
صباحات رمضان لم تكن كباقي الصباحات
لها طعم ونكهة أخرى لاتضاهيها أي نكهة
بالنسبة لي يرتفع معدل الجريمة فيها :)
من بين جرائمي اللطيفة أني كنت أمارس الوصاية على طريدي <<<< معليش خشينا عالعامي :)
طريدي معناها أخوي اللي جاء بعدي بسنة تقريبا
ويسمونه طريد لأنه يطرد اللي قبله من حضن أمه عشان يحتل هو مكانه
وبما إنه طردني من حضن أمي اضطريت ألجأ لحضن أبوي :)
وقررت أنتقم من هالطريد !!
ففي يوم من صباحات رمضان اللي خلا لي الجو فيها مع هالطريد
طلعت به برا للحوش عشان أستفرد به صح :)
وكان فيه صحن كبير منشور فيه حب شعير <<<< مدري لمين هالشعير ماخبرت ببيتنا حمير :)
المهم وأنا أوسوس لأخوي قلت شف بحط حبة في إذنك عشان بعد كم يوم تنبت وتطلع من إذنك شجرة :) <<<< مدري وش الإغراء في هالعرض :)

طبعا هو ماكان له الخيرة من أمره :)
يعني مجبور يوافق برضاه وإلا غصب عنه !!
يوم حطيتها بإذنه من هنا هو ماصدّق خبر وقام يصارخ ويصيح آي إذني آي والله لا أعلّم عليك أمي وووو
وأنا اللي تطقني أم الركب ولا أدري وشلون أسكته
قمت بكحلها وأعميتها :)
قلت : ياخوّاف شف أنا بحط في إذني الحين وما توجعني
وأقوم وأحط بإذني حبة شعير :)
طبعاً هي ماتوجع بس هو يبي ينتقم ولقاها فرصة !!
المهم ماطاع يسكت وراح لأمي وقال لها !!
جاني تهزيء وهواش ودعاوي ويوم درت جدتي كمّلت الناقص الله يرحمها وهزأتني
المهم في الليل خذونا للمستشفى عشان يطلعون هالشعير اللي بآذاننا :)
الدكتور طبعا فاطس ضحك من القصة :)
الله يوسع صدري بالعافية مثل ماوسعت صدره :)
المفاجأة الكبيرة وش تتوقعون !!!!؟










أخوي لقوا حبة الشعير وطلعوها
أما محاتسيتكم فلا تزال الحبة بأذنها :)
لاهي اللي طلعت
ولا هي اللي نبتت وصارت شجرة وخلتني أتفيأ ظلالها :)
تهقون تحتاج سماد !!؟ :)




وكل عام وأنتم بألف خير والشهر عليكم مبارك



مشاركه بنكهة الجازي

لاشك تستحق الاقتباس من اول حرف لاخر حرف

اشتقنا لك ريمو :goooood:
ريم شمر
01-09-2011, 02:14
ايهه عدنا للذكريات :)



مدري منين ابدا

يااالله ياهي راحت السنين , اول ماطلع قلبي على رمضان كنا في الرياض وساكنين في صنادق في مكان اسكان الحرس الوطني الحين وكان حي النسيم بعيد اطراف البنيان عند شارع الاربعين

يابعد المسافه والبنيان الحين وصلن لمستشفى الحرس الوطني :za3lan:

كانت الصنادق منتشره وكنا نعيش وكما لو كنا بيت واحد

ومافيه كهرب وقت الظهر ابو وامي كل واحد منهم عند راسه سطل ماء يحط الشرشف بووه ويعصره وينفظفه ويتغطى ويصير كانه مكيف صحراوي:)


لي تعدي فترة الظهر

وانا استغله فرصه وانحاش لجيرانا عندهم تلفزيون على بطاريه ابيض واسود :)

ياهي ايام حلوه كان مثلا جارنا بعد المغرب يفرش بين البيوت وتجي عندووه مرتووه وبعدين تجي جارتهم وامي وابوي ونتجمع وسوالف

بس كانو يحشرونا وقت الفطور مايبون احد يجي :)


وبعدين انتقلنا لبقيق

اذاكر ن الواقف ان ولد عمي شرب من طاسه بانزين كان يظنها فيمتو:)

بغى يموت لكن الله سلمه


طبعا من السبعينات الى اخر الثمانيات كان رمضان بالصيف مع التسعينات برد الجو وبدانا نعيش رمضان في اشتاء الى كم قبل كم سنه

ايام الشتاء احلى ماكانه رمضان

ناخذ عزبتنا ونروح للبر ايام امطار وكانت ايام حلوه وبعدين جت سنة الربيع 1998

امتلات الارض ربيع وفقع وكانت الرحلات كثيره ياهي سنه من العمر



هذا مايحضرني الحين


ولي رجعه ان تذكرت شي بارز


يازين هالسوالف يابو روان :goooood:

ياعل ربي يسلمك ويحفظك

شاكره ومقدره وممتنه لحضورك المتميز جدا

لاهنت
ريم شمر
01-09-2011, 02:19
طيب واللي ماعرف ان فيه صيام الا بالثانوي:)

يقام عليه الحد :)

خيييير انشاء الله وين العرب عنك :a:

اهم شي تأكد من غازي هو يدري انه فيه شهر اسمه رمضان والا الا :315r:
ريم شمر
01-09-2011, 02:23
لي عوده لعلها تليق بقلمك وفكرك الراقي ..


لكن شدني هنا هالكلمات :a:



وصعبه اني انهي تاريخي المضائفي هذي النهايه المؤلمه:(
لذا رضخت واستسلمت

وش تنهين موب على كيفك تروحين وتخلينا لي حديث معك بس

هناااااك :)



ياحلو حديثك ويازينه هنا وهناك ياام محمد

<<<< خافت :315r:


بنتظارك يالغاليه :d:
ريم شمر
01-09-2011, 02:27
مشكوره على هالروايه الشيقه

عفوا بس لازم تحدد الشكر لمين ؟؟ لي والا للجازي ؟!

علشان بس مانتهاوش عليه :)

للقائل والا للناقل

بس لاحظ ان النقل اصعب :315r:

حياك وتسلم
ريم شمر
03-09-2011, 20:42
السلام عليكم ورحمة الله وبركاته

الله يعطيك العافية اختي ريم شمر ومبارك عليك الشهر متأخرة شوي

وعيدك مبارك مقدماااا

ايام رمضان يا ايام رمضان هو :

الكابتن ماجد
او بيل وسباستيان
او حكايات عالمية ( في قصص الشعوب )
او بومبو ( السيارة العجيبة )
ومسلسل ( سالي ) لا سالي كانت كل مانروح لخوالي بالرياض بالصيف نلقاها عمري ما شفتها بتلفزيون الكويت الا يمكن بعد الغزو

يا هو زمان قلما كنا نقدر نسهر واقل من قلما شوي اني اشوف
الزراق وانام كان هذا اقصى طموحاتي اللي ممكن تتحقق

اما الحين توصل صلاة الظهر ما ناموا اجفانهم صارت سود
تقول مدمنين لا حول ولا قوة الا بالله .

ننام البيت مرتب نقوم والا تقول مسير علينا البارح ١٠٠ نفر
المطبخ حوسة تقول راثعتن فيه ناقه .

اخر شي اكتشفت ان عبودي الشرير ليليااا هو قائد الحملة .

اذكر شهر من شهور رمضان قبل الغزو بفترة كنت المتذوق للاكل
اهلنا يطبخون وانا متفق مع حرمة اخوي انها لا طبخت شي تناديني
تخلينا اذوق ( لقمة ) علشان اشوف زين والا مو زين بس هاااه هي تقولي انت قول اللهم اني صايم وكمل صومك وارد للساحة العب كورة

وسلامتكم

هههههههه احلى شي انك مسؤول الذواقه :315r:

حياك شامان وعاش من شافك

تسلم عالمشاركه الرايقه ولاهنت
ريم شمر
03-09-2011, 20:50
اما انا في زماناتي كنا في مزراع




اللي اذكره للحين ان ابوي قرر يجيب رشاش بالمزرعه

وبادين يشتغلون حفريات من اول المزرعه لاخره


المهم كانت امي تسوي المهلبيه والكريمه وتروح تقيل وتقفل علينا عنده
وكنا نهرب ومانبي احد يشوفنا اننا ناكل نسرق صحون المهلبيه ونروح للحفريات ونطب به وناكل


وكل ماجاء العصر جاء ابوي ينقل الملاعق والصحون n)



ومره امي منومه بالمشفى
لقينا سيارة اخوي مفتوحه ونطب به ولعب يوم قام اخوي يجي للسياره قالت هذا مكاني
مااحط بذمتي مدري وش خربه :)


احسن شيء برمضان
كنا نسوي شبات الصبح وكل يوم الفطور عند وحده من بنات جيرانناوالعزيمه من البقاله كيك وعصير




لو نسرد كل شيء بناذيك ياريم




.
.


فعلا زمان يارمضان


لاهنتِ يالريم roooose






يازينها من اذيه :d:


سوالفك عسل ياعسل


والله وطلعتي من اهل الشقاوة والافساد والتخريب :315r:


احلى شييي


ويكتمل الحلى اذا طلعتي منها وطاح فيها غيرك :)

حياك يالغاليه وتسلمين
ريم شمر
03-09-2011, 21:47
/

مداخله سريعه .. لكف البحث .. عن ام طلال .. بكل صوب ، بيت بيت ، دار دار ، زنقه زنقه ، وعلى قادة الكتائب " تعيين خير وكلّن يمسك ارضه " :)

/
/



منوّره المضيف العام يام طلال ..

وشاكر لك الاستجابه .. لكِ احترامي وتقديري


/
/

أنا بديت الصيام بسن مبكره ، على ذمّة الراوي :) ، بديت الصيام وانا بزمالي :a:


اجل الصلاة متى؟ :)


تسلم يابوسلطان والله يخليك ذخر
قدرك عالي وطلباتك اوامر ....وتهديدك يخرّع :315r:

لاهنت وعسى ربي يحفظك
ريم شمر
03-09-2011, 21:50
The Following 7 Users Say Thank You to ريم شمر For This Useful Post:


أهداااب (http://www.shmmr.net/vb/threads/member.php?u=21158), الاصمعي (http://www.shmmr.net/vb/threads/member.php?u=711), المتوقد (http://www.shmmr.net/vb/threads/member.php?u=8257), بالمختصر.. (http://www.shmmr.net/vb/threads/member.php?u=12235), بنت الجبل آخت القصيد (http://www.shmmr.net/vb/threads/member.php?u=19641), لوليتا (http://www.shmmr.net/vb/threads/member.php?u=13965), ليالي نـــ ج ـــد (http://www.shmmr.net/vb/threads/member.php?u=23837)


تقبلوا شكري وتقديري ...مااعدمكم
مرزوق الشمري
12-09-2011, 16:52
الحقيقه ايام جميله مرات نصوم للظهر ومرات للعصر ايام شقاوة

شكرا عل الموضوع تذكرة ليلى والليالي الخواليا اليوم اللي اروح مايرجع
ياعمار ايام الغنم والحلال والخيل وصفاء القلوب والتعاطف بين الجيان
اليوم تمدنا
اكرر شكري
ريم شمر
12-09-2011, 21:38
الحقيقه ايام جميله مرات نصوم للظهر ومرات للعصر ايام شقاوة

شكرا عل الموضوع تذكرة ليلى والليالي الخواليا اليوم اللي اروح مايرجع
ياعمار ايام الغنم والحلال والخيل وصفاء القلوب والتعاطف بين الجيان
اليوم تمدنا
اكرر شكري


حياك اخوي مرزوق

والشكر لك لمرورك ومشاركتك

لاهنت