عالي رصيده جديد الشاعر ركاد الشمري

[عآشق الشعر]

السلام عليكم ورحمة الله وبركاته


اليوم أقدم لكم قصيدة للشاعر ركاد الشمري
عنوانها
(( عالي رصيده ))


يقول



عسيت انا ديارن خلي سكنها
وقتن مضى عسى ربي يعيده


إبتسي على فرقاه كني ولدها
يا لابتي من منِـكم لي يجيـده


قولوا لها جزل القصايد جزلها
ولعيونها كتبت هذي القصيده


نثرت دمعن والله الي شهدها
عليتس يلـي في حياتي فقيده


البارحه ديارتس قلبي قصدها
بتسى عليتس وأحسب إنه حديده


ولاشفتها قدامي تمشي بوهنها
دقـات قلبي كلها لــه عديـده


وهني العقد عايشن في نهدها
ولا سيـــول دمها في وريـــده


تكفون صدفتن لو منكم وجدها
يقولـها بقلبــي عالـي رصيده


وأنا أدري إنه مآنكرت في وعدها
ميـر القـدر خلاهـا عني بعيـده


ويالله تحفظ له شبابا ورغدها
حتى ولو بعدها ظلوعي هـميده



وسلامتكم


----------------------------


أتمنى تنال على اعجابكم

[جمران]

صح لسان الشاعر وصح نقلك

[ســـعود]

عاشق الشعر

يعطيك العافية على ذوقك وننتظر منك اكثر من هذه القصيدة


تحياتي لك

[الاصمعي]

الله الله شي

بغيت أقبس بس كل بيت يقول الزود عندي

الله يعطيك العافية على هالذوق بالاختيار

شوقتنا لمتابعة جديد الداهية ركاد الشمري

تحياتي

[سالم الظفيري]

يعطيك العافية اخوي عاشق

تسلم على النقل والذوق

وصح لسان الشاعر


لك تحياتي