ان ضاق صدري من همــوم تـولاه

[سالم الظفيري]

ان ضاق صدري من همــوم تـولاه
وزاد العماس وقام صدري يفوحي


انا بلاي اللي على الـرب مشكـاه
اللي محرولني وانا ازريت اروحي


يامعــــذربيـن التتـن لـــولاه لـولاه
لولا شــرابه يا عـرب ويـن اروحي

والله يالولا العظم يوم انـي امـلاه
واكويه بالجـمـر ويكــوي جـروحي


مع دله صفـرا على النـار مــركـاه
ابصــر بصبتهـا علــى كيف روحي

فنجالها يشدي خضـاب الخونـداه
الجادل الي عند اهلهـا طموحـي


لا طق طقـة محــة البيـض بخبـاه
لا قام هاجوس الضماير يجوحـي


يامكيف الفنجال خصه هل الجـاه
راعي الجمايل قبل قـن قموحـي


صبــه لمــن هـو تنثـر الـدم يمنـاه
يثني جواده عند راعـي اللدوحـي


والثـانـي الـي مــاتـونـي مطايـاه
يضوي اليا صكت عليه النبــوحي


وعده لمن عوص النجايب تنصـاه
ريف لهـن لاجا الزمان الشحوحـي


دب الدهر يضحك عجاجه لمن جاه
وقت المعاسـر مـارد مــأيــزوحـي


وباقي الرجال فحول نسوان ورعاه
ضباط مال وحافظيـن الســروحـي


وراع الردى ماحدٍ اليـا مــات ينعـاه
لا صــار محروم جبـان شحــوحـي

[الحيمري]

كم من صبـي معجباتـه حظايـاه
اشوف حالي مادرى ويـش نوحـي





يرحم الشيخ/ذعار بن ربيعان


انت طيب ولا تجيب لا الطيب
تسلم

[سالم الظفيري]

ماعليك زود اخوي ابو منيف


شرفني مرورك الكريم


لك تحياتي

[جمران]

الظفيري صح نقلك وسلمت يمينك

الحيمري تسلم على الاضافه القيمه

ولكن السوال فيه بيت على نفس الوزن والقافيه


لو كل من قال آهـ برْين شكاياه
كثّرت من قول آهـ وابريت روحي


هل هو لنفس القصيده والشاعر والا ؟؟



اللي عنده المعلومه لا يبخل

[سالم الظفيري]

هلا فيك اخوي ابو نوره




شرفني مرورك


القصدة ترى مو نفس القافية راح انزها لك


بس جالس ادور على اسم الشاعر