مزاد / مواضيع للبيع

[شامان]

السلام عليكم ورحمة الله وبركاته

مثلكم عارف خلال هالعطلة الصيفية الواحد يصرف الشي الكثير

ومناسبات الاعراس كثيرة ما شاء الله تحتاج وتحتاج وتحتاج ..

ومقبلين على شهر رمضان ووراه العيد وبعده الاستعداد للمدارس

وبعده موسم الحج وعيد الاضحى والموسم الشتوي ، يعني الانسان بحاجة ماسة

دائما الى مدخول أخر لذلك ( صديق لي ) قرر يعتزل عالم المنتديات نهائيا

وعطاني وكالة عامة على جميع مواضيعه وطلب مني اني اعرضهم بالمزاد

لعل وعسى تجيب قيمة يقدر يمشي فيها امورة ويبي بيت .

طبعا جميع مواضيعه غير مستهلكه في مضايف شمر هو من منتدى اخر كبير وعالمي واعضائة بالملايين ويكتبون بجميع اللغات يعني الموضوع الغير عربي نترجمه لك قبل تاخذه .. على سبيل المثال :

5 مواضيع بالعام

3 مواضيع للفلة

4 مواضيع للقسم الرياضي

6 قصائد نبطية متنوعة اللغات وفيها صيني

2 قصدتين الغرض ( مدح ) يعني بس تغير الاسم بالقصيدة فقط

4 مواضيع في امور التعليم ..

8 مواضيع في عالم حواء وشئون الاسرة والطبخ والموضة

32 موضوع بقسم الشكاوي ( حق اللي يبي المطالب )

1 موضوع واحد فقط اقتصادي

3 مواضيع لعالم الاطفال

2 موضوعين بعالم الكمبيوتر

2 موضوعين بالتصاميم ..

5 مواضيع بالموسيقى ( معزوفات بتهوفن ومهلي الحشاش )


المهم اللي يبي ياخذ جملة راح اراعيه بالسعر ..

وفي اقسام اشتر موضعين تحصل على موضوع مجانا من اي قسم ..


يا ليت اللي يفتتح المزاد يحدد اي قسم يبي بالضبط والكمية اللي يبيها

واذا ناقصة عليه الكمية بامكان صديقي يكتبله كم موضوع يكمل له الكمية المطلوبة ..


وسلامتكم

[ابو فارس]

على كذا بتصيرياشامان زنقيل


على العموم انا مندوبك بالخفجي لتصريف البضاعة اللي ماتمشي


بس انا اعجبتني المواضيع الموسيقية هذه
مواضيع بالموسيقى ( معزوفات بتهوفن ومهلي الحشاش )
بس ماعجبني بتهوفنومهلي

كان عندك لبطي البذالي او عطشان المحار


اعرضهم علي


يا اخي ما اعرف اسولف اذا سالم ماهو حولي

صوتوا لسالم خلوه يجي

[شامان]

ابو فارس

ابشرك لقيت بالارشيف بطي البذالي

تاريخ وانجازات

لكن يابو فارس نبي نسمع السومات الطيبة


يمكن يدخل سالم الظفيري بقوة منافس على مواضيع مهلي الحشاش


ياترى هل نسمع سومة طيبة منك نفتح فيها المزااااد

[ابو فارس]

اخاف انك تعبت بالبحث وراح ترفع سعرك على بطي

وش رايك نغير يم ولد عمه بنيان

هات لي بنيان البذالي خاصة البيت اللي يقول


الشوق سكر وانا له شاي---------------يغدي هوى الراس وعماسه



بعطيك على هذا
13.70 ريال

[-------]

ماشاء الله
اشوفك صاير نشيط بالفله
ليكون شريت هالموضوع واللي قبله منه

اعتررررررف ومابعلم عليك

[جمران]

32 موضوع بقسم الشكاوي ( حق اللي يبي المطالب )



هذولن خلهن بيننا على الخاص لي بهن حاجه :)



ومانختلف على السعر

[شامان]

اخاف انك تعبت بالبحث وراح ترفع سعرك على بطي

وش رايك نغير يم ولد عمه بنيان

هات لي بنيان البذالي خاصة البيت اللي يقول


الشوق سكر وانا له شاي---------------يغدي هوى الراس وعماسه



بعطيك على هذا
13.70 ريال

سومتك طيبة وتم البيع لك

ولك مجانا موضوع عن الطبخ

مبرووووووك:315r:

[شامان]

ماشاء الله
اشوفك صاير نشيط بالفله
ليكون شريت هالموضوع واللي قبله منه

اعتررررررف ومابعلم عليك




افا بس يا ايثار افا

الحين بدال لاتفزعين لاخوك وتشترين وتجيبين زباين

تروحين تشككين بالبضاعة

ياالله خليني نسمع سومتك في خوش مواضيع بالموضة

[شامان]

32 موضوع بقسم الشكاوي ( حق اللي يبي المطالب )



هذولن خلهن بيننا على الخاص لي بهن حاجه :)



ومانختلف على السعر

اسمحلي اخوج جمران

السوم علني بالخاص ما نقدر اخاف على سمعتي بالسوق

باجر يقولون مرتشي وسوالف ناس وناس

[فهد الجنيدي]

هههههههههههههههههع
افا شامان وشفيك طقك الضيم
قمت تحرج على تركة الرجال و هو حي

ما عليك تعال انا اسلفك
و شف لي كم موضوع على ذوقك بس يكون رياضي
تخبر خلص الموسم و السوق واقف

[بسمة العز]

الموآضيع الرياضيه اكيد منتهيه صلاحيتهاا :)


لان الخبر اللي من امس محد بيطآلع فيه فـ مابالك بموآضيع انسان معتزل اكيد مغبره هع



بس خلينا نشوف التصآميم يمـكن حلوه ونآخذها لنا توآقيع :315r:









يعطيــك العافيه شامان



احتراامي لك

[ابو ضاري]

والله من الحموضه

[شامان]

هههههههههههههههههع
افا شامان وشفيك طقك الضيم
قمت تحرج على تركة الرجال و هو حي

ما عليك تعال انا اسلفك
و شف لي كم موضوع على ذوقك بس يكون رياضي
تخبر خلص الموسم و السوق واقف

هلا يا مرحبا يا فهد

يا خوي لا تسلفني ولا اسلفك

هذي تجارة ربح وخسارة .. وشي على وةضح النقااا

البضاعه اللي تاخذها ممكن تجربها اذا شفت ان الموضوع مكرر والا شي رجعه خلال 3 ايام عمل مو بالويك اند


ابشرلك بخوش تقارير رياضية عن ركوب الامواج ولعبة الاسكواش

لكن نبي نسمع السومة الطيبة يا فهد

[ابو فارس]

اتوقع ان شامان
بذاته وبشخصه الكريم نسى الموضوع
لذلك انا الوريث الحصري لمواضيعه


حولوا الفلوس على حسابي

[شامان]

اتوقع ان شامان

بذاته وبشخصه الكريم نسى الموضوع
لذلك انا الوريث الحصري لمواضيعه


حولوا الفلوس على حسابي


اخوي ابو فارس وخر راسك شوي

يا كبر صماخك قاعدين نرد على المستثمرين لو سمحت


ههههههههههههه الوريث الشرعي (شكلك مخطط تبيع مواضيعي يا الدب )

[شامان]

الموآضيع الرياضيه اكيد منتهيه صلاحيتهاا :)


لان الخبر اللي من امس محد بيطآلع فيه فـ مابالك بموآضيع انسان معتزل اكيد مغبره هع



بس خلينا نشوف التصآميم يمـكن حلوه ونآخذها لنا توآقيع :315r:









يعطيــك العافيه شامان



احتراامي لك






حرام عليج ،، عاد فيه خوش مواضيع عن تاريخ النادي الاهلي السعودي

بس التصاميم اختيار موفق .. لكن اهم شي نبي نسمع السومة الطيبة

ما عليه سالفة واسطات وتجيني من عند الحريم هذا ما يمشي عندي

نسمع السومة وتدفعين مقدم وتجربين المواضيع 3 ايام عمل

... حركي السوق .. هاااااه جم نقوووول ؟

[شامان]

والله من الحموضه


افا بس يا بو ضاري افا ... هذي مواضيع كلاسيكية

كل ما قدمت كل ما زاد سعرها .. مثل العود الكمبودي

ومثل ارز بو كاس .. كل ما صار المنتج قديم كل ما غلا سعره ..

ولك عندي مواضيع ( طب شعبي + مواضيع علاج بالكي )

تصلحلك .. بس سمعنا سومتكك الطيبة






قررررررررررررررب يا ولد قرررررررررررررررب

[ابو فارس]

شف يا شامانوه

بما ان ابو ضاري قام يتوجع من الحموضة
اذن مواضيعك فيها تسمم

وانا احس ان عقلي مغصني بعد

بكذا نحولك للبلدية تكشف عليك

[شامان]

شف يا شامانوه

بما ان ابو ضاري قام يتوجع من الحموضة
اذن مواضيعك فيها تسمم

وانا احس ان عقلي مغصني بعد

بكذا نحولك للبلدية تكشف عليك


ياخوي انت شنو مقرر علي بحياتي

ابو فارس خلنا نترزق الله


هذا الحسد وما يسوي ...

اقول طيب انا فيني تسمم شكومواضيعي ( يا معود يا الحبيب يا الطيب )


ابو ضاري لقينا حلووووه أهديناه كم موضوع ( طب شعبي + موضوع كي + موضوع تعدد الزوجات )

وما عليك راح يلقى مواضيعي كلها سكرية بسكرية .. بس انتظر مشاركتوه القادمة


وانت اللي راح تفلس

[ابو فارس]

انا بديت اشك بنفسي
احس صرت مفلس من يوم قمت ارد عليك

وتركت مضيفي مابه احد



بعدين وش قصدك بسكرية؟

يفكر يبسط بتمر سكري على وجه رمضان

[قـــوت]

ابو ضاري عليه رد اليم هههههههههههههههههههههههههههههههههههههههه ه


شامان ابسط بمواضيعي بعد ولك نسبه

[ابو فارس]

مواضيعك ما احد يسومها


الا اذا بتدفعين من حسابك انا راح اشتريها

[قـــوت]

ابو فارس تبي تغرر بي وتاخذ مواضيعي وفلوسي

عاد وجهك وجه شريطي هههههههههههههههههههههه

[شامان]

اختي / قوووت

ابشري باللي يبيع كل مواضيعك وبسعر طيب بعد

ولو تبين نبيع بيتكم ما عندج مشكله ( حلوه عندج مو )

بس لو نفتك من هالنزغه اللي ينقاله ابو فارس

حاط دوبه ودوبي ،، ناوي يفتح محل جنب محلي

المهم الله الله بالدعاية الطيبة لاخوج عند الربعات

[شموخ شمالية]

.
.


هو يطلع لنا شين لو تبيع مواضيعنا او تلهف دراهمنا وتنحاش :232r:
اذا تعطينن النص خذ مواضيعي كلهن حتى مواضيعي اللي بالمنتديات الثانية
ابي أزعج لك الروابط ع الخاص

[سالم الظفيري]

الحضرمية وصلت


على طول بيع


لك تحياتي

[ليلى بنت عبدالعزيز]

عروض مميزه:)

لو اشري المواضيع كلها كم تعطيني تخفيض..!!:)

[بنت الجبل آخت القصيد]

طيب المواضيع ماركه او لا:)

[شامان]

.
.


هو يطلع لنا شين لو تبيع مواضيعنا او تلهف دراهمنا وتنحاش :232r:
اذا تعطينن النص خذ مواضيعي كلهن حتى مواضيعي اللي بالمنتديات الثانية
ابي أزعج لك الروابط ع الخاص

اهلا اختي شموخ

والله يا ليت تعطينا عينه من مواضيعك علشان نشوف

تمشي بالسوق والا لا ،، صراحه السوق الحين راكد

ما في سيوله ، وكلن نايم على مواصيعه ينتظرون تصريح

من ابو سلطان احتمل ترتفع الاسعار .

بعدين يا ليت ترسلين اتعابي قبل الروابط واعتبري اسعاري خاصة لك فقط

[شامان]

الحضرمية وصلت


على طول بيع



لك تحياتي

سالم الظفيري يرحم والديك لا تطفش الزباين

انا من شفتك تحط مثل عطر ابو فارس دريت انه مشتري ولائك

/

الا يا سالم مو انت سايم مواضيع الشكاوي

[شامان]

عروض مميزه:)

لو اشري المواضيع كلها كم تعطيني تخفيض..!!:)

افا بس افا

اذا ما راعيتك يا النسيبة يزعل فواز البطة

بس انتي شوفي اللي يعجبك والسعر نتفاهم عليه بعدين

حتى او حابه تاخذين هدايا ما عندج مشكله ( مشكل نهي )

[شامان]

طيب المواضيع ماركه او لا:)

هههههههههههههه

ههههههههههه

والله مت ضحك لما قريت هالمشاركة

اثريني نسيت احط نك نيم صديقي المعتزل علشان تسألون عن اسمه

بالمنتديات وتشوفون اذا مواضيعه عليها القيمة والا لا .

نك نيم صديقي ( الهافي ) الاصلي

وصدقيني ماركة الهافي معروفه بالسوق ومواضيعي هذي خواتهن مبيوعات قبل شهر الموضوع بألف ريال

ممكن تاخذين عينه واذا عجبتك خوذي اكثر

[متفاائل]

شامان بالخير

مادري نحصل مفرح الضمني و فضاله

ان لقيتهن احجزهن باعلى سعر في حال المنافسه

[شامان]

شامان بالخير

مادري نحصل مفرح الضمني و فضاله

ان لقيتهن احجزهن باعلى سعر في حال المنافسه

متفائل ،، صباح ومساء الخير ،، ما ادري يمشي معاك المرحوم مايكل جاكسون ،، وسنغ تان جونج

[ام الشيخ سلوم]

جيت بوقتك اخوي شامان

بالله شف لي موضوع بالقسم الأسري وخاصتآ تربية البزارين وحل لمشكلة البزران وفتح ثلاجة المطبخ كل خمس دقايق مأدري وش يوجسون

اذا لقيت ابشتريه منك بخمس الاف:3ajeeb:

لا تبطي:puzzled:

[شامان]

جيت بوقتك اخوي شامان

بالله شف لي موضوع بالقسم الأسري وخاصتآ تربية البزارين وحل لمشكلة البزران وفتح ثلاجة المطبخ كل خمس دقايق مأدري وش يوجسون

اذا لقيت ابشتريه منك بخمس الاف:3ajeeb:

لا تبطي:puzzled:


هلا ومرحبا

شبيك لبيك كل طلباتك مجابه

- في موضوع اسمه ( كيف تربي ابنك داخل الثلاجه )
- وفي موضوع اسمه ( كيف تربي ابنك جنب الثلاجه )
- وفي موضوع اسمه ( كيف تربي ابنك خارج الثلاجه )


عاد شوفي اللي يلوق لك وراح اعطيك معاهم على السومة الطيبه
موضوعين عن القسم الرياضي واحد عن رياضة ركوب الامواج
وواحد عن القفز بالزانة