المساعد الشخصي الرقمي

مشاهدة النسخة كاملة : ..* ابي منك الوعد *..


بعد ملي
06-07-2011, 15:10
فديتك ياهوى نفسي مع الشدات خاويني
فديتك لاقسى وقتي علي وناحت أشجاني
أبيك في لحظة الفزعه تحط يديك بيديني
وأبيك لياشكيت الياس تكون بساحة أوطاني
أبيك البلسم لجرحي وأبيك النوم في عيني
طلبتك يابعد ذاتي أماااااااااانه لاتخليني
تراني لو رحلت أبقى ضحية كيد عدواني
سألتك بالله الواااالي سألتك لاتجافيني
معي واصل مشاويرك أواسيك وتواسيني
معي إبقى مثل ظلي حذااااري لاتعداني
أبي منك الوعد إنك على غيري تبديني
وأنا هذا وعد مني ماأبيعك وأشري الثاني
وإذا بلسانك الصادق نطقت وقلت تغليني
أنا بأعلن خبر عاااااجل تعالوا إقروا إعلاني
أبكتب داخل الإعلان إلى من صاريغليني
إلى قلبي إلى عمري إلى من صار يهواني
إليك أهدي نغم شعري وكل عرق نبض فيني
وإليك أهدي شذى عطري وياسميني وريحاني
وأبكتب داخل الإعلان وصيه كان شاريني
معي بالطيب عاملني ولاتجرح بهجراني
ومهماتقسي الدنيا علينا لاتعاديني
ولاتسعى أبد في يوم في عندي وعصياني
أبيك دكتور لآلامي من أحزاني تداويني
وأبي لاكفت أبصاري تكون النور لأعياني
وأبي لافاضت أنفاسي تكون أول معزيني
وأبيك بيدينك الثنتين تلف الجسم بأكفاني
وبعد ماأكون في قبري تذكرني وتبكيني
وأكون حزن على بالك ماتغفل وتنساني
أبي لاقالوا العذال وش اللي بينك وبيني؟
تبسم وتدمع عيونك من الحسره وفقداني
وتجاوبهم إني حي وبالأضلاع تخفيني
وإني سلوة الخاطر معك لاصرت وحداني
أبيك تقول هو ما مات أحاكيه ويحاكيني
أبيك تقول هو موجود وخبيته بوجداني
أبيك تقول هو دمي اللي في شراييني
لأنك دمي اللي كان يضخه عرق شرياني
وأبي لازادت جراحك تخيلني وتناديني
وتفتش داخل شعورك وتهمسلي وتلقاني
وإذاطال السفر إقرا كتاباتي ودواويني
وقل ياكثر ماخلي كتب لي شعروأهداني
ترى لو للقصيد عيووون والله ماتقديني
لأني للقصيد عيون وإسمك رمز ديواني
وترى لو للحروف أهداب تعجز لاتغطيني
لأني للحروف إيحاو وحيك سر لإذعاني
تداركت الزمن يمك الا ياليت يمديني
أخاف أجيك متأخروسيف الوقت ياطاني
نسيت من أجلك الصادق اللي الروح يعطيني
ونسيت الأول والآخر والقاصي مع الداني
وجاري المسح للباقي وأنت اللي تكفيني
حرام أحط معك غيرك وأحبك وأظلم الثاني
كفايه أنت في دنياي أمل باقي يسليني
أمل صوته إذا ضاع الأمل ألقاه بأركاني
كفايه همسك الحاني إذا جاني يدفيني
ويبدد وحشة ظروفي وتشرق فرحة أكواني
تراك بعالمي شمعه تبدد ظلمة سنيني
وتراك بدنيتي دنيا لها لون وشكل ثاني
ودنيامابها حسك ماأبيها وعمرنا فاني:
أنا سميتك الدنيا وأنته وش تسميني؟






راااااقت لـــــrooose2ـــي
متفاائل
06-07-2011, 23:24
يسلموا بعد ملي اختيار رايق ورائع
جمران
06-07-2011, 23:46
بعد ملي

تغيب وتجيب


ذوق مايختلف عليه اثنين



القصيده رائعه وابياتها تحمل بين مفرداتها لغة التضحيه


تسلم الايادي خيتي
لوليتا
07-07-2011, 07:25
*
*


اختيار رائع
جميلة جداا بعد ملي
يسلم ذوقك يا قمر

تقديري واحترامي


*
*
بعد ملي
08-07-2011, 03:08
ربي يسلمك اخوي متفائل

الاروع حضورك

الف شكر
بعد ملي
08-07-2011, 03:11
مشرفنا العزيز سرني حضورك
بارك الله فيك
سالم الظفيري
08-07-2011, 04:42
صح لسانك ونقلك وذوقك اختي بعد ملي


تسلمين على الاختيار


لك تحياتي
صلفيق
08-07-2011, 14:25
اختيار بذوق رائع
وهذه بعد ملي >>> ماتغيب الا تجيب !

سلمتي وسلمت يمينك
وصح لسااااااانك




كل احترامي،،،
بعد ملي
15-07-2011, 18:47
ربي يسلمك لووولي
الف شكر
بعد ملي
16-07-2011, 16:48
الله يسلمك اخوي سالم
الف شكر
بعد ملي
16-07-2011, 16:50
ياهلا دكتورنا العزيز

انرت المتصفح بحضورك