يادار وين اللي احبه وانا وين,

[راقيه الجزائريه]

يادار وين اللي احبه وانا وين
في غربتي والشوق عذب فؤادي
ياليتني طير واملك جناحين
باطير للغالي وبوصل بلادي
مسكين قلبي هزه الشوق مسكين
والجفن من فرقاه فارق رقادي
من يوم ودعته وانا ساهر العين
ماطاب لي نومي ولا طعم زادي
مشتاق له مشتاق له كامل الزين
واكيد هو مثلي من الشوق غادي
يارب ياجامع قلوب المحبين
اسألك تجمعني بغاية مرادي
كل يوم قلبي عايش بين نارين
نار الجروح ونار فرقى ودادي
مدري متى برتاح من غربة البين
وارجع لمحبوبي واعود بلادي

[بعد ملي]

يارب ياجامع قلوب المحبين
اسألك تجمعني بغاية مرادي

ابيات رائعه
كعهدنا بكِ ياراقيه
بارك الله فيكِ

[سالم الظفيري]

يعطيك العافية اختي راقية


وصح لسانك على النقل والاختيار


لك تحياتي

[جمران]

مميزه راقيه

واختيار رائع بالفعل

دمتِ وسلمتِ