أمتكن بالقلب ولّع كهرباء :)

[جمران]

ياجماعة الخير انا لي كم يوم وانا بي لي خرعه

وبس أنزز وافز من نومي

وابي اعلمكم بالسالفه وادري بكم عيارين وبالمره بعد مبطينن عن الفلّه


الوكاد

بوه اخون لي مسيكين مقرود وباارد واتكالي وعزوبي

والله العالم ان اللي تبي تاخذه انه ان شاء الله بالجنه :)


ماعليه وين وصلنا

ايه اقولكم عاد المشكله ماعمره اتصل علي الا عقبه اما بربع ساعه هه نص ساعه بالتسثير الا والدنيا مغبببره

بالتاالي صرت اذل من اتصاله ولا أرد عليه


مالكم بالطويله

جانا الاسبوع الماضي مسيّرن علينا نهاية الاسبوع وليلة الجمعه خذيته معي يم شقة الفلس :)

ابيه يتعرف على ابو غازي وابو رافع وطلال :)

تخبرون كاشخن بهم دزدامه

وانا اجي والا الشقه مظلمه :( عوذا مابه الوالي وانا قايلن لوه اننا بالشقه ابد ماتفضي وضحتس وسوالفن تجوز لك

وين اودي وجهي بس ماعلي منه صرفت له كم تسذبه :) >> مايبلش

ايه وحنا ندخل واولّع اللمبات والمكيفات واضبط الشاهي واعرض عليه خدمات
ماء سفن اب ماء مغلي فحم

واشغل الـ تي في واحطه على اللاين سبورت اخبروه راعي كوره


واضبط شيشتي والفحم الوكاد انه يوم انه تواست وضبطت

وانا ابسط على الجلسه وامز لي مزتين هه ثلاث اربع


والا المكيفات يوم طفن :( وايحنا

الـ تي في قام يرمش ويشوش :( اوخذ وهو يطفي


اللمبات زين مافقعن وهن يطفن وتغدي لك خرمس

وانا اتهايق على الطبلون والا الشرار يتطاير منه ويشرشر ويشرشر وانا اتقعطل بمتساني

واتذكر سيئاتي كلهن :) وانا اثكب من قعدتي قمزتن وحده يانا عند الباب واصيح لاخوي هج هج انحش بعمرك يافلان

غرضاني كلهن الجوال والمفتاح والبوك كلهن خليتهن العمر ياسلطان :)

هررربت ووصلت السياره والتفت ابشوف اخوي وراي والا لا ؟؟

يمار ماوراي احد


وارجع ابي اتاكد والا توّه طالعن من الباب الداخلي وش السالفه ينشدن قلت الطبلون مولّع والا طفى

مهو قلت لوه الطبلون وهو يهج بغى يتوطانن بالهون بالهون قضت السالفه وخلصت وانت توّك تستوعب

طرت علي سالفتن من اول يقولونه الشاهد منه ( زلّت الهوشه والبشري يتحيزم )

وانا ادخل للشقه زحف متاثرن بكورسات ارامكو وسادّن خشامي بمناديل وبوه لوه خرقتن للعامل ينظف به التلفزون ودزالبتن سودا من الوصخ وابلله بالماء واتلطّم به

ياما وصلت الجوال والاغراض الثانيه واخذهن

واتصل على ابو غازي ولا يرد

ونوبتن اخرى ويالله يرد والا الازعاج عنده قلت ابو غازي ولّع ولّع انا اقصد الطبلون

ويقول لي مهو والله ياسلطان مولعن العرس اثريه بصالة الافراح حاضرن لوه عرس

يارجل طلع منه شرار قال ايه والله نار الدلال شراره يتطاير ودك بالمعسل عندك وتحط على الشيشه


لاحوووول انا وين وهو وين



والله ياجماعه طرى علي دعاية ياسر القحطاني وعبده عطيف وانا اقفل السماعه وارسل لوه رساله

وهو يتصل علي وش صار كمبيوتري اهم شي شيشتي المعسل

الحين انا مانشدت عني صحيح بغيت ابتسي


اي بالله ومن باتسر نجيب الكرهباي ويصلح الطبلون واشوى



وهالحين بالربع اني تقل صار معي لي اهتزاز بالركب والسيدزان



عاد خبركم فهد عبدالمحسن

ساري المفعول حبك بالضمير

امتكن بالقلب ولّع كهربا





ملاحظه

من يوم الخميس الى امس وهي غبره علينا تهقون وش السبب :solh:

فوتّوكو بعافيه :)

[ريم شمر]

لا لاتتهم اخوك

البلا ماجا الا من تحت راس ابو المعسل وشيشته

ليتهن محترقات :)

[ابو فارس]

يالله لك الحمد
انتم يا اهل بقيق بس تحطون القرادة على غيركم

انت تبرق وشوف بوجيه خوياك وتعرف البلا وينه


به وحدة مقرودة من ايام الزمن الجميل
يوم الاتراك يحكمون المنطقة
يسمونهم حمر الطرابيش

تزوجت واحد من اهل بقيق
يوم جلست عنده فترة طفشت
كل يوم غبار وجو مدري وش هو قايل
ومانلومها

وهي تجلس لحالها وتقصد لنفسها

يابقيق مايمدحك من جاك......................وانا من اللي يذمونك
جعل المدافع تهد اقصاك........................وحمر الطرابيش يالونك

يوم سمعها زوجها اشترى لها بلاك بيري:)
ماعلينا
انقل مشاركتي للمنقول واعطن وسام الحملة على بقيق



اما اخوك فلاتتعرضه ترى ان صار به شين او هاه
ترى انا قبيلك واوريك
شايفن عمرك كبير وبتسوي حركتات انت وخشتك؟

[عبدالله الجعيثن]

يتسذب ابالخايبات


هو اللي احرقنا

[عبدالله الجعيثن]

الضحكه مهي هذي


الضحكه جيت عقبه حول الساعه وحده..وانا اراعي بالظلمه ,,,يمار به جمر والع وصوت الشيشه يشتغل...قلت الجن عقبونا على الشقه
وانا اسمي وادخل اتلمّس ابي كمبيوتري وشيشتي

يمار يوم صاح الشين...يمار هذولي سنون ابورافع:315r:يشيّش

[ســـعود]

^
^
هههههههههههههههههه نسى طقم السنون متعلقات بهوز الشيشة :)










جمران احس انه صار بك ذبذبات كهربائية بس خط مية وعشرة:)

كهرباء ماهي على العالم تنير الكهرباء بغت تقبس بجميرااااان

:)

ابو نورة لاهنت

تحياتي لك

[سالم الظفيري]

قولي للرجال الحمدلله على السلامة


ياحبكم لشماته


سلامات خيو سلطان

لك تحياتي

[ســـعود]

قولي للرجال الحمدلله على السلامة


ياحبكم لشماته


سلامات خيو سلطان

لك تحياتي

ههههههههههههههههههههههه قولي يا جمران قولي :):)

[ريال الفسحه]

ههههههههههههههههههههههههه


الله لايقبل وجهه


اخوك هذا كارثه من كوارث العالم



:)



بالله حاول تصرفوه بعيييييييييييييييد عن الشرقيه :)

[فتى البيداء]

يتسذب ابالخايبات


هو اللي احرقنا

أويل تسبدك يافهد ..

أتخيل ابومخطر وده يحلف أن ألي جايبن لهم المصيبة هو جمران بذاته ..

جمران ترا ماهو أنا ألي قلت هاللون .. أقول ابوغازي هو ألي يقول ..

عاد جمران .. لزل المزح .. والله يابوجعيثن من عرفته .. وهو يرمي قرادته على غيره .. افطنوا له .. ولا تحطه بخوك ..

[شنقل]

هل تعلم بأن










مسيلمه الكذاب توفي بحادث سياره على طريق الرقعي

[ليلى بنت عبدالعزيز]

قربت وقريت وعجزت افهم
اثاريني معطيه المخ اجازة هالفتره

لي رجعه الله لايعوق بشر..:)

[أهداااب]

الحمد لله على السلامه :315r:

[جمران]

لا لاتتهم اخوك

البلا ماجا الا من تحت راس ابو المعسل وشيشته

ليتهن محترقات :)


المشكله اننا مانتوب

تصدقين يوم شفت شرار النار مر علي شريط حياتي عدي اشوفه باليوتيوب :)

حي الله خيتي ام طلال

[جمران]

يالله لك الحمد
انتم يا اهل بقيق بس تحطون القرادة على غيركم

انت تبرق وشوف بوجيه خوياك وتعرف البلا وينه




اما اخوك فلاتتعرضه ترى ان صار به شين او هاه
ترى انا قبيلك واوريك
شايفن عمرك كبير وبتسوي حركتات انت وخشتك؟


لحظه لحظه يابو فراس :)

وشهد شاهد من اهلها

اخوي هذا هو يعمل براس مشعاب :)

يعني القراده حولكم ياهل الخفجي

وبعدين قلي بالله ديرتن به السويري وابو معيمر وحضرة جنابكم

وش اكثر من هالقراده :(

[جمران]

يتسذب ابالخايبات


هو اللي احرقنا

والله ماندري منهو اللي جاب غلاية الماء

من جبته ياقليل الفود وانا حاطن يدي على قلبي


الضحكه مهي هذي


الضحكه جيت عقبه حول الساعه وحده..وانا اراعي بالظلمه ,,,يمار به جمر والع وصوت الشيشه يشتغل...قلت الجن عقبونا على الشقه
وانا اسمي وادخل اتلمّس ابي كمبيوتري وشيشتي

يمار يوم صاح الشين...يمار هذولي سنون ابورافع:315r:يشيّش



يافلان والكهرباء مولعه وانا ذالن منه يخرع

احمد ربك اللي ماطار عقلك :)


لاتصرف الموضوع كروة الكهربائي من يدفعه :)

[جمران]

جمران احس انه صار بك ذبذبات كهربائية بس خط مية وعشرة:)

كهرباء ماهي على العالم تنير الكهرباء بغت تقبس بجميرااااان

:)

ابو نورة لاهنت

تحياتي لك

ابو رهف لو اقول ماتصدقن

الحن يامريت من عند التلفزيون اشتغل من روحه

لا والسياره بس ارتسب وهي تشتغل من حاله من زود الذبذبات اللي بي :)

<< ارى تسذبت عليك :)


هلا وغلا يالغالي

احبك يامروح ههههه

[جمران]

قولي للرجال الحمدلله على السلامة


ياحبكم لشماته


سلامات خيو سلطان

لك تحياتي


الله يسلمك يالظفيري

هذولا ناسن يحبون الشماته ماعليك منهم

بس انتبه لطبلون استراحتكم

كل واحد ياخذ باله من طبلونه ياجماعه :)


ههههههههههههههههههههههه قولي يا جمران قولي :):)

سعود برااااا :)

[جمران]

ههههههههههههههههههههههههه


الله لايقبل وجهه


اخوك هذا كارثه من كوارث العالم



:)



بالله حاول تصرفوه بعيييييييييييييييد عن الشرقيه :)

انت بالذات رجاء لاتكلم


الله اكبر ياللي تقوطر بركات مع خشتك :)



ريالي قرب ابي انتشيك مبطين عنك خخخخخ

[جمران]

أويل تسبدك يافهد ..

أتخيل ابومخطر وده يحلف أن ألي جايبن لهم المصيبة هو جمران بذاته ..

جمران ترا ماهو أنا ألي قلت هاللون .. أقول ابوغازي هو ألي يقول ..

عاد جمران .. لزل المزح .. والله يابوجعيثن من عرفته .. وهو يرمي قرادته على غيره .. افطنوا له .. ولا تحطه بخوك ..





يارجل وش اعمل

سمعت بالمثل اللي يقول

مجنون تعرفه ولا عاقل تجهله :)


حياك خيي فتى وابركه من طبلون اللي جابك :)

[جمران]

هل تعلم بأن










مسيلمه الكذاب توفي بحادث سياره على طريق الرقعي


يقولون اللي صدمه الاسود العنسي :)


هلا والله شنقل

ههههههههههههههههه

[جمران]

قربت وقريت وعجزت افهم
اثاريني معطيه المخ اجازة هالفتره

لي رجعه الله لايعوق بشر..:)


اتشى هيه :)

تذكرت لي عاملن عندنا اعلمه بالشغله اللي جايبوه من شانه لي ساعه

وهو بس يهز راسه اتشى هيه اتشى هيه


يوم خلصت قلت خلاص معلوم قال سديق انا جديد مافي معلوم ارابي :(


عاد هذا انتي خيتي ليالي


تدرين انسخي الموضوع وترجمه بقوقل :)

[جمران]

الحمد لله على السلامه :315r:

الله يسلمتس اهدااب :(

[جمران]

يالربع شفاية ابو فارس تخرررع


رديت على الموضوع واعدل على الردود وانهج واقتبس وووووو


وهو قاعدن بهالموضوع يراعي لي

عدّي اشوفك يابو فارس كل شوين تضغط F5

:)

[شامان]

الف الف الحمد الله على السلامة يا شباب

خطاكم السو ان شاء الله

اتابع اخباركم بالعربية والجزيرة اول باول

دائما اخبار الشقة بعد اخبار القذافي

دار دار زنقه زنقه شقه شقه راس مشعاب راس مشعاب

اهم شي بالموضوع شيشة ابو غازي عساها سلمت ؟؟

[جمران]

الف الف الحمد الله على السلامة يا شباب

خطاكم السو ان شاء الله

اتابع اخباركم بالعربية والجزيرة اول باول

دائما اخبار الشقة بعد اخبار القذافي

دار دار زنقه زنقه شقه شقه راس مشعاب راس مشعاب

اهم شي بالموضوع شيشة ابو غازي عساها سلمت ؟؟


الله لايسلّم عدوّك :)

اي بالله ترى الوضع بالشقه متوتّر سيم سيم ليبيا

حياك خيي شامان

الا تعال ماودك تسير على شقتنا اغدي بركاتك تهمل :)

[شامان]

اهم شي تعرفون تغردون في تويتر

فيكم احد مغرد


- وانا يهمني يكون في استتقبالي حرس شرف مع باقات زهور

مع كم نشيدة حتى لو كانت نشيدة ( سالي انا قصة الزمان )

لانه احتمال نوقع بروتوكول تعاون معاكم خبرك حنا يايين من الكويت

يه شدعوه يمعود يا الحبيب يا الطيب .

وياليت ترشح لنا واحد يجهز ايجاز عرض تقديمي يشرح فيه احوال الشقة واخبارها وتطورها

وعملية نقلها من مصاف ابشقق ابو طقة الى الشقق الفاخرة ومصاف شقق النجووووم


والا شرايك !!!

[جمران]

^
خلاص هوّنّا

هذا اوله ينعاف تاله :)

[الشبث]

الله اكثر


كل هذا يطلع منك يا اخو جمران


جمرااان


شرايك اسير عليكم انا هلشان يجيكم مطر لاني مضاد لهالاشكال وبشهادة ريال :)


<< ريال واللي يرحم ابوك اشهد معي لو تسذب









ابيه يتعرف على ابو غازي وابو رافع وطلال

منهو طلال


لايكون بدلتوه بعجاج


تسان مبدلينوه بابو رافع الخستا خخخخخخخخخ





وتقلد تحيتي

[فهد الجنيدي]

حمرانشكلك ظلمت هالمقيريد الظاهر أنك أنت البلاأنا أتفق مع الأخت ريم شمر لما الت عليه

[بالمختصر..]

,




أنصحك تخلي علاقتك مع أخوك هذا علاقه سطحيه :315r:

خوش سالفه والله ..

و هو ما صار بوه شي ؟ اهب :)




.
.

[جمران]

الله اكثر


كل هذا يطلع منك يا اخو جمران


جمرااان


شرايك اسير عليكم انا هلشان يجيكم مطر لاني مضاد لهالاشكال وبشهادة ريال :)


<< ريال واللي يرحم ابوك اشهد معي لو تسذب










منهو طلال


لايكون بدلتوه بعجاج


تسان مبدلينوه بابو رافع الخستا خخخخخخخخخ





وتقلد تحيتي

لا لا لا

لاتجينا واللي يرحم والديك

يقولون الرياض لهم شهر ماجاهم العج والغبار الا يوم داومت :)


وبعدين منهو عجاج مانعرفوه خخخخخخخ


اهلين بهالطله ياحلووو

[جمران]

حمرانشكلك ظلمت هالمقيريد الظاهر أنك أنت البلاأنا أتفق مع الأخت ريم شمر لما الت عليه

هههههاااي

هلا وغلا خيي فهد

عاد تدري انه سمين لك :)

[جمران]

,




أنصحك تخلي علاقتك مع أخوك هذا علاقه سطحيه :315r:

خوش سالفه والله ..

و هو ما صار بوه شي ؟ اهب :)




.
.

انا اصلا علاقتي معه سطحيه

حتى يوم حنا صغار ننام بالسطح :solh:

وبعدين وش تحّتينه عليه هو اللي فيه كافيه


هههههههههه

[بالمختصر..]

,





جمران .. والله ما يمديني رديت على موضوعك و سجلت خروج ابد ما امدى اطفي اللاب إلا طفى الكهرب :solh:

بس اشوا 5 دقايق و رجع ..





.
.

[شرهه]

الله يعيذنا من الناس اللي هلون




تسيف انني يوم نويت اقرا الموضوع بس



يوم فطنت يمار الشاحن متطوحن هناك .. جاين حدا الوغدان ومنشقلن بوه ههههههه


قسمن بالله جد



عاد انفصل الكمبيوتر لاني ما كنتش مركبتن البطارية




سحقا لك ولاخوك



ومابي اتعمق بالرد اكثر كافيني اللي جاني:puzzled:

[بالمختصر..]

^
^




ههههههههه يعني مو بس أنا اللي انكبّت :)




.
.