اهدااااااااء خاص اتبطلـــي غيبه .. و ابطل زقــايــر

[سالم الظفيري]

ياغــايبه وان كان فيها جمــاله
تجملـــي يــام الحــلا والظفـــاير

بالله شــوفي صــاحبك كيف حاله
شوفيه في غيبتك وشلون صاير ؟!

صارت حياته ضيق خلق و بطاله
هم وسهر واوراق شعر وزقاير !!

يعنــي حبيبـــك صــار حالته حاله
مــاباقـــي الا انه يــدن العبـــايـــر

الله لامنــه ذكـــر مـــامضـــالــه
قبل الدواير مــاتجــر الـــدوايـــر

يــوم الطفــوله والشقا والجهاله
يــوم الصغـــاير في عيونه كباير

أيــــام كـــان معـــانده راس ماله
ويســـوق لهبال الشقــــاوه بشـاير

ياما امتلى بالحب والطيـــش باله
وياما امتلت من شخبطته العــواير

يكتب عليها : ( عاشقك للثماله )
ويخط توقيعه : ( جريح الضماير )

ياما اشتكاه ابوك في بيت خاله
وياما تحصل من هـــواك العزاير

مــره حلــف بأنه يبطــل هباله
وقبل يكمل .. فك اخوه الستايــر

ثم طـــالع الشباك.. لينك قبــاله
وفي اقل من لمح البصر جاك طاير

على صغـــر سنه مميــل عقاله
كاشخ وناسي لايصـــك الـــزراير

لاشـــافـــك يتمتم لحاله بحاله
لعيون هالشوفه تهون الخساير

ولاشاف زول ابوك حذف نعاله
الحب جايـــر .. لكن العـــود جاير

طفل يتيم ورغم الأحزان داله
مايدري ان حظه مع الوقت باير

كنتي طموحه .. كنتي أغلى حلاله
كنتي وصرتي بس يام الظفــايــر

طفل زرع من ضحكتك في خياله
لين اثمرت شعر هزاله حرايـــر

لاتتــركينه فـــي غيابك لحاله
بالله شوفي كيف هالطفل صاير

وحده بوحـــده كان عندك عـداله
اتبطلـــي غيبه .. و ابطل زقــاير

[جمران]

طفل يتيم ورغم الأحزان داله
مايدري ان حظه مع الوقت باير


الله الله عليك ياسالم

رووعه ومعبره ومليئه بالحزن والحظ الردي :)


تسلم الايادي يالغالي

[-------]

...اختياراتك كالعادة روعة
يسلمووووووو

[سالم الظفيري]

تسلم اخوي ابو نوره


الله يبعد الحزن عنك وعن الجميع


شرفني مرورك الكريم

لك تحياتي

[سالم الظفيري]

الاروع مرورك اختي ايثار


تسلمين

شرفني مرورك

لك تحياتي

[متفاائل]

سلمت سالم نقل معبر ورائع

لاهنت

[سالم الظفيري]

تسلم وتدوم اخوي ابن عمر


انت الرائع


الله لايهينك على المرور المشرف


لك تحياتي

[بنت الجبل آخت القصيد]

روووعه
تسلم على الاختيار

عندي الالبوم له كامل وكل يوم اسمعه

.
.

[سالم الظفيري]

الروعة مرورك

اختي بنت الجبل


سراحة شاعر غزل مبدع


لك تحياتي