% يقولون الخوي بالذمه .. ايه هين %

[الشبث]

نصيحة اخو



اي واحد عندوه عيال يوديهم لحديقة الحيوان



علشان ما يتحيونون عليه :)











زمان فيه واحدن حاط شبك بلوه برحه قريب لحارتنا



وحاطن بهالشبك حصان



بس حصان واحد



وما يجيه الا الصبح والعصر





عاد حنا ذبحتنا الشفايه



ما بحياتنا شفنا حصان عن قرب الا هالمره




واتفق انا وواحد من عيال جيراننا ونروح للحصان



ونلعب عليه


ونصفقوه بالبيض


وقبل يجي العصر نهرب لبيوتنا



وكل ظهر هاللون




يوم يجي راعي الحصان يشوف حصانوه مشوووه :)



نلعب بحسبتوه بهالبيض



نخليه حمار وحشي من قوت التشويه





وبيوم من الايام اتفقت انا وخويي اننا نجرم بهالحصان



نبي نخليه يقلب سيسي:315r:



وحنا نجمع اي شي ما يبونه اهل الحاره



قواطي


طماط خايس


نعله الله يعزكم


طاسه ما يبونه


تالي لبن


زبادي منتهي تاريخوه


بيض





اي شي



وحنا نحطهن بكرتون ونروح للحصان





الحصان اول ما شافنا قام يرافس



يدري ان الموت جايوه :)



وخويي يتكلم معوه


اسسسكت اقوووول


الحين اورييييك


مسوي فيها حصااان سبوووق


اورررريييك :)





وانا جالس ارتب العده بالاولويه :) << خبره





ويبداء القصف



هذي بيضه تصفقوه بالخشم


وهذي نعله طابعتن على جنبوه



حتى فيه ربطة جرجير فوق راسوه :)



مااادري وش غاثنا بهالضعيف








وبينما حنا شغااالين بالقصف





ونسمع صوت ددسن جاين يمشي مليونين



من قو ماهو داعس اشوف رجل السواق طالعتن من عند المروحه :)




قلت لخويي انحشششش جانا راعي الحصان



قال تعال نبي نتغيب هنا بدرام العلف



قلت انت تبيه يعلفنا

خلنا نهرب لبيوتنا



قال اهرب انت


انا ابي اتغيب بدرام العلف




وانا اهرررب




وهو يجيني طاير




ويحدن قبل اصل حارتنا



وانا اقف




وينزل وااااصلتن معوه اتش



وهو يغوولن ويقوم يحك وجهي برفرف الددسن :)



وانا لي صياااح مهو انااااا


تكفى خلن والله لا اعلمك بمكااانوه << نويت اخون بخويي من كثروه :315r:



ويبطحن ويقوم يتوطاني



ويفتح الكبوت ويحط راسي ويسكر عليه :)





انواااع التعذيب



وهو يضربن اسمعوه يقول


يا حيوان شاريه ابي اسابق بوه ولا تهيالي


يا حيوان كل يوم اجي وانظف الحصاااان


يا حيوااان مالي شغلتن الا انتم


يا حيوان الحصان صارت بوه خرعه منكم :)






ليما لعن جدفي





وهو يغولن


قال وين خويك الاخر



قلت بدرام العلف



<< انقهرت ليه انا انصرب وهو لا





وهو يتركن ويروح يموه




اشوف خويي يويدز ويرجع بالدرام



يوم قرب لوه وهو ينطق يبي يهرب



ويمسكوه المسكة القشرى




ويحط راسوه بحوض الماء ليما بغى يغرق



ويطلعوه


ويخليه ياكل من العلف شوين :)



ويرنوه هكا الرنة اللي على كيف كيفكم




ومن عقبه ما نداني نراعي لحصانوه




عاد سمعت انوه بعد كم شهر فاز بسباق :)






وتقلدوا تحيتي

[شنقل]

خشة راعي الحصان

[ابو فارس]

لو مسوي فيك مثل هذا كان يبرد قلبي--وش دخلني مدري


http://center.jeddahbikers.com/uploads/jb13054145341.gif


من زمان تحاول اصير خويك بس انا كاشفك

[الشبث]

شنقل


هذي هي


خشة راع الحصان





وتقلد تحيتي

[الشبث]

ابو فااارس



تحسبن ميتن عليك خخخخخخخخ


ما ابيك ههههههه



وتقلد تحيتي

[شرهه]

ابو ماجد



اوووويحي حصان مرتن وحده



بعذر قلوبكم اجل




منتم لاهسين على حصانات





ما تشوفونهن الا بالبرنامج اللي يجي كل جمعة على السعودية .. اللي مذيعهم يقول وانطلقت الجياد على بركة الله





/



بس راع الحصان خبيل ما يعرف ينتقم لو انني بمحلوه


كان رابطتكم بمحل الحصان وقعدت اتقرطكم بتلية الغرضان اللي انتم مجمعين
ههههههه






لاهنت على هيك سالوفه

[بالمختصر..]

,




هههههههههههه الحصان والله بعذروه لو يفوز بالسباق . أكيد منفضخ قلبوه :)

مدزدي بكم راع الحصان ..

و المفروض يخليكم تروشون حصانوه :)




.
.

[سالم الظفيري]

والله من القرادة

حصان

هفت راع الحصان

وجاء واحد ثاني


لك تحياتي

[ريال الفسحه]

ابو ماجد



اوووويحي حصان مرتن وحده



بعذر قلوبكم اجل




منتم لاهسين على حصانات






ابوماجد البنت بدت تغلط :)



اجل ياشرهه وش متعودين عليه ؟




ابوماجد

يقولون يوم بدا السباق وخويكم انطلق بالريوس :)

[الشبث]

شرهه


اللي يسمعتس يقول سايس خيل منتي بنت


وش عنده اللي ما تروح ولا تجي الا على فرس خخخخخخخخخخخ




وتقلدي تحيتي

[الشبث]

هلا بالمختصر


نروش الحصاااان


وش ينظفوه هذا هههههههههه


عليه وصخ الحاره كله خخخخخخخخخ




وتقلدي تحيتي

[الشبث]

هلا سالم


ناس تروح وناس تجي ههههههههههه



لاهنت على هالمرور



وتقلد تحيتي

[الشبث]

ريالي



يقولون خويانا يوم بداء السباق قام يجنح على جنب هههههههههههههه




وتقلد تحيتي