طرائف من الشعر النبطي

[ابوعلي]

طرائف من الشعر النبطي

مستيك لا تقول ياحبيبي مستيك . . . كثرت زلاتك وانـت تقول سوري

ون يوكول مي فز قلبي ولبيت . . . ذس از مي دارلينج دونت ووري

ايم بي سايد يوم شفتك ونيت . . . وذ يولاخرالعمر لو تطيع شوري

قف مي فايف خل نبني البيت ... . بيتناكله مسك وعطر وورد جوري



دوم يعيرني يقول جسمك متين . . . . . حلجك المفتـوح لازم تغلقـه

هيه يـا دبـه لازم تخفـيـن . . . . . والا أثوّ فيك عشرين افشقه

واستمريت في رجيمي سنتيـن . . . . . جدي اللي مات بغيت ألحقه

وش رايك!؟ قلتها بصوت حزين . . . . قال: دبه وانقلبتي لي سلقه



لي صاحـبٍ منه تبي تطلع الروح . . خبلٍ ومن هي مولعه فيه خبله

عامين المح له مع الجد ومزوح . . واقول يا عنتر تناديك عبلـه

طال المدى ثم قلت انااغليك يالوح . . مجروحة جرحٍ مخاطره عجله

دنق وقال انامن العام مجـروح . . وأشر لجرحٍ مبطيٍ وسط رجلـه



مانسيتك ادري انت من تكون . . . .. وادري انك واحد من ناس هـاي
\r
واني انسان فقـير ما يمون . . . .. وعادي لو ودعتني او قلت باي

ماتطبعت بطبع جيمي وجون . . . . . اتبع سلوم العرب فعـل وراي

ان(توبي اورنت توبي)لازم اكون . . . ما يهم القلب لو لي قلت واي

عيبي ماعندي شبح اوبوعيون . . . . ومثلي حده لو كشـخ فاير فلاي

[ابو يزيد]

الأخ /ابو علي
الله يمسيك بالخير
تشكر على هالأختار المتميز
والدعابة الشعرية
وودي اعقب على قصيدة هالمسكينة اللي تقول:
لي صاحـبٍ منه تبي تطلع الروح . . خبلٍ ومن هي مولعه فيه خبله

عامين المح له مع الجد ومزوح . . واقول يا عنتر تناديك عبلـه

طال المدى ثم قلت انااغليك يالوح . . مجروحة جرحٍ مخاطره عجله

دنق وقال انامن العام مجـروح . . وأشر لجرحٍ مبطيٍ وسط رجلـه
اقول :
الله يعين هالمسكينة
هاذي والله ماه خبلة لايهمك
هذي والله عقلها يازن عقل عشرة رجاجيل من طينة رفيقه
وبعدين ياخي الرجال واجد
وش اللي حده على هاالمعتوه اكيد حده
حدا ثلاث:
ياانهم بمزرعتين جنب بعض
ولا لقت الا هو وقالت اتسلى ثمن انقلب السحر على الساحر
او انه اعجبها شكله الخارجي مثل شباب هالوقت
وقالت أهم شي المظهر دامه مزيون وانا وشعلي من الباقي الوقت ماهو وقت مغازي وقت مظاهر وكله واحد لو هو من برا الله الله ومن جوا يعلم الله
او انها مخلصة وتحب
اتطبق السعودة بحذافيرها.
وبعدين انا اقول هذا ماهو بس خبل هذا اكيد اله لايبلانا مصاب بالعبط المنغولي
او بعد مصاب بالشيزوفرنيا "انفصام الشخصية"
تدري ليش
انا اقولك ياخي عامين وهي تلمحله مافهم!!!!
لكن الله يهنيها ويشفي الأثنين
قل آمين
وتسلم يابو علي.
تحياتي

[ابوعلي]

ابويزيد

ما قصرت والله على التحليل

لكن يقولون ان الحب اعمى.

بالنسبه للسعوده فانها ضروريه وخصوصا في هذا المجال,ويمكن تمتد

الى باقي الدول الخليجيه.

وتسلم لي

[سيف الاسماء]

الاخ ابوعلي وابو يزيد مشكورين على هالتحليلين الحلويين ...

بس لي وجهة نظر وهي انه اخونا بالله هذا يستدلخ والا مو معقوله سنتين تلمح له وهو يعني اني مو فاهم ...

[ابوعلي]

السمن العرابي

دقق بالبيت التالي وانت تعرف الجواب:


لي صاحـبٍ منه تبي تطلع الروح . . خبلٍ ومن هي مولعه فيه خبله

الشاعره هنا تعترف انها والحبيب خبول!!!!!!

خيرها بغيرها

وتسلم:):):):):)

[عبدالعزيز]

مشكور أخوي أبو علي على الفكاهات

ولاتنسى إضافة

أنتفخ لستك غرامي وانفقع
00000000وعيت الرقعه تداوي ماجرى
ــــــــــــــــــــــــــــــــــــ
بعد ماتماكنت الرد وعدلته/
لاتحسبون اللي تحت معهن تقعد تصير الدعوى مفادع
تروه توقيع

[معدل بواسطة أبو صياح بتاريخ 07-11-2001 عند 07:52 AM]

[برزان]

غغغغغغغغغغغغغغه غرم الله ههههههههههه والله حلوة جدا يابو علي واليك بعدا مما عندنا من هذا القسايد
...............................................
حبيبي ضربني بالمحبه على علباي
........................... وحول من العلبا على راس بعصوصي
وحول من االبعصوص عجلا ومر (...)
........................... وهذا سواة اللي بالمحبه خصوصي
@@@@@@@@@@@@@@
معاني الكلمات
1/ البعصوص ..... في لغة بعض الاقام العصعص ..
2/ (...) معناها ( ...) اولها حرف خ واخرها ي
,,,,,,,,,,, باي

[ابوعلي]

الاخ ابوصياح

الاخ برزان

ردود خفيفة دم مثل دمكم :):):):):) والله ان ضحكت لين بغيت اطيح

مشكورين على تواصلكم:cool: :cool: وعلى روح المرح الواضحه في

تعليقاتكم دائما;););););););)

وعلى المحبه

[العذب]

ابو علي الرائع .....

الله يعطيك العافية ....


واسمح أن أزيد على هذه الطرائف بوحدة من عندي ...

وهذي أبيات مزجت فيها بين الفصحى والانجلزي

أقول :

يقول لي الحبيب بكل فخر .... أتقدر أن تصد فقلت ( إيزي )
فقال إذن قلام علي حق ... وصد قلىً فقلت له ( بليزي )
( كمان كم هير آي لافيوفري هاي )..( يو آر سويت فارجع) ياعزيزي
فقال(آي دونت كانت ) فاعذر عليلا.. فأنت ( سلي ) وحبك كالفريزي



هاه . وش رايك ...




وعلى المحبة ,,,,

[ابوعلي]

ياالعذب

رائي انها مشاركه حلوه :):):) وماتحتاج شهاده

فكل مشاركاتك يا العذب زيك عذبه ;);):cool: :cool:

[سيف الشمال]

مشكورين ابو علي

على المشاركه الحلوه هذي


سيف الشمال

[ابوعلي]

سيف الشمال

مشكور حبيبي على المواصله

وتسلم