فهد الغنام
31-05-2011, 15:31
السلام عليكم ورحمة الله وبركاته ,,
قصيدة من الطرق القديم فقط للتواصل معكم ,,, مرروها وإسمحوا لي عن القصور,,
سمّوا بالله وصلوا على النبي ,,,
,,,
يوم إنتشى الطيّب على صوت ماوه = في راس طعس إمن الولع شب ضوّه
قلبه خلي والوقت كله طراوه = وعينه على برقٍ تكاشف ابنوّه
عدّيت في رجم العنا والشقاوه = وذرفت دمعات الغلا في علوّه
يا شين وقت اليوم ما به حلاوه= بينه وبين إسعاد الأحباب فوّه
إمن أولٍ حبل الغلا به رهاوه= حبلٍ مع الأيام يزداد قوّه
واليوم حبل الود صابه رخاوه =وجهه من صدوف الليالي تشوّه
خلاني اقنب في علوّ النباوه =اضحك ونار إفراق الأحباب جوّه
وبيني وبين النوم حرب وعداوه =شيّن قديم وشيّ ياناس توّه
يلقى الشقى عندي مكان وحفاوه = وبيني وبين الهم رفقه وخوّه
والحب حظ وفيه لين وقساوه= والصد والهجران ما به امروّه
وأهل الحسد لوّ يظِهرون الهداوه=في هم على فرقا الحبايب اجروّه
ناسٍ على الكذبه سوات الفلاوه=ما باقي ألا يدّعون النبوّه
قلته وأنا كلي بياض ونقاوه = وأنت الذي ودك تسويه سوّه
اخوكم فهد الغنام الشمري
,,
قصيدة من الطرق القديم فقط للتواصل معكم ,,, مرروها وإسمحوا لي عن القصور,,
سمّوا بالله وصلوا على النبي ,,,
,,,
يوم إنتشى الطيّب على صوت ماوه = في راس طعس إمن الولع شب ضوّه
قلبه خلي والوقت كله طراوه = وعينه على برقٍ تكاشف ابنوّه
عدّيت في رجم العنا والشقاوه = وذرفت دمعات الغلا في علوّه
يا شين وقت اليوم ما به حلاوه= بينه وبين إسعاد الأحباب فوّه
إمن أولٍ حبل الغلا به رهاوه= حبلٍ مع الأيام يزداد قوّه
واليوم حبل الود صابه رخاوه =وجهه من صدوف الليالي تشوّه
خلاني اقنب في علوّ النباوه =اضحك ونار إفراق الأحباب جوّه
وبيني وبين النوم حرب وعداوه =شيّن قديم وشيّ ياناس توّه
يلقى الشقى عندي مكان وحفاوه = وبيني وبين الهم رفقه وخوّه
والحب حظ وفيه لين وقساوه= والصد والهجران ما به امروّه
وأهل الحسد لوّ يظِهرون الهداوه=في هم على فرقا الحبايب اجروّه
ناسٍ على الكذبه سوات الفلاوه=ما باقي ألا يدّعون النبوّه
قلته وأنا كلي بياض ونقاوه = وأنت الذي ودك تسويه سوّه
اخوكم فهد الغنام الشمري
,,