المساعد الشخصي الرقمي

مشاهدة النسخة كاملة : رابع اسابيع القصايد ....الأعداد ..


سالفة عشق
30-05-2011, 00:17
السسسسلام علييييكم
طابت بكم اياامكم في رضااه



سعدت بتوااجدكم
دائما بين اروقتي مما دعاني
الى الاستمرار والبحث لكم عن الأفضل

في هذا الاسبوع وهو




رابع اسابيع القصايد ..

وعنوانه



الأعداد ،،



..

.

الاعداد في
سنيين .. شهوور .. اسابييع ..ايااام .. ساعات

اتمنى تواجدكم المميز والراقي بكم دووما




بنهاية هذا الاسبوع سوف يتم حصر اكثرر المشاركين باسابيع القصيد للشهر الاول




دمتم في رقي دووما


سالفة عشق


..


.
سالفة عشق
30-05-2011, 00:29
راحت ثمان اسنين حل ونرحال
راحت ثمانٍ كلها مدلهمه


سالت عنها اسنين واشهور واليال


ولافي قطر الى توجهت يمه


قضيتها بالحب والشوق رحال


شوقٍ تحدى كل ياسه وهمه
وعقب الثمان اللي تعبها برى الحال


جـــــــاب الزمان الكارثة والمطمة


جــــــــاني ولدها يبتسم بين الاطفال


ومن بسمته ذكرت أنا بسمة امـــــه



وركضت له دمعي على الخد همال


ومن كثر شوقي قمت بلحيل اظمه


ساعة حضنته الطفل في يدي مال
شــــميت ريحتها على اطراف كمه
واستلهمت نفسي مقاديم الأهوال


وتم الضياع واكدت لي متمه


ليت الغياب اللي شغل غربتي طال


ولا دور العاشق على حرق دمه
واليوم بنت الناس في بيت رجال


وحب على غير الشرف لي مذمـه


مجبور اعود واشتكي كل الأميال


بنفسٍ حزينه كائبه مستهمه
رجع غريبٍ سكته بر ورمال


يموت : يحيا : يندفن : ما يهمه



.






.
جمران
30-05-2011, 13:22
موضوع لاتكاد تخلو قصيده منه


ضربة معلم وانت كذلك باختياراتكِ وانتقاءاتكِ سالفة عشق




عامين عقب العشر من عمرٍن مضالي

عامين عقب العشر ياخالي وفاته



roooose
سالم الظفيري
30-05-2011, 21:35
يعطيك العافية اختي سالفة عشق



ضاقت علي الدار من عقب فرقاك
والـحـزن عـيـا لايـخـلـي سـنـيـنـي

ابـكـي واهــل الدمع لاحـل ذكـراك
واقـعـد واجــر الاه عـقـب الـونـيـنـي

هـذي ثــلاث شهور مـرت بــلـيـاك
والحـزن بـيـح كـل مـافـي كـنـيـنـي

واللـه مــانسي كـل مـده ليـمـناك
لاصــرت ضايق كـل حـاجـه تجيني

اقعد مـع همومي وافـكـر بمـاجـاك
وتسيل عبراتي وهي وسط عيني

ياليتني خـابـر متي وقـت دنـــيـاك
مـن شـان اقـدم كـل مافـي يديني

ياليت موتك ضيع الـدرب واخـطـاك
ولا يـليـت الـمـوت قـبـلـك يجــيـنـي

ايـام نـسـهـر لأخـــر الـلـيـل ويـــاك
والـيـوم وحـدي والـحــزن محتوينـي

غـبتي ولاكــن دايـم الـدوم طريـاك
كنـك مـن الــي تـوهـم قـايــمـينـي

ياعـل منهـو مـابكـي عـنـد مـثـواك
يجيه مـن ماجـانـي يـالـلـه ثنيـنـي

ادعي عسي ربي من النار ياقـاك
وانا لي الـلـه فـي زمـانـي عـويـنـي
متفاائل
30-05-2011, 22:07
الحمد للباري فزع من شكاله

والحمد له ثاني على كل الاحوال

والحمد له ثالث بقدرة فعاله

حمدٍ كثير عد ماقايل قال
سالفة عشق
31-05-2011, 08:30
^
^

كل الشكر لكم جمييعا موفوور بكامل الامتنان
لهذا الحضور الرااقي
شكرا مددا بلا عدد



.



في كل ساعه وكل يوم وكل شهروكل عام
لك العيون مفتحات .. والضلوع مشرعه
ل/ بن حمري
سالفة عشق
31-05-2011, 08:42
يقول مخلد عند ...ون
بالمدعي ياعارفين المكاني

اقدامنا ولقدام خلي تناصن
في مطرح عنه الطريق يحداني

اول عذاب القلب من عنبر خن
والمسك والريحان والزعفراني

واتلا عذاب القلب شقر بهلن
على عنيق كنه الخيزراني

جاني يجر هدوم مدري وشنهن
لابس على الدفه حرير يماني

اربع سنين اقرع كما يقرع الشن
يا واصلينه علموه بمكاني

واربع سنين حب سيدي على ظن
واربع سنين زادنا ما هناني

ودي أسايل عنه واقول من من؟
لو كان سيدي خابره ما غواني

ستين منضية من الجيش ينقن
ايضاً و يقفاهن عشر و ثماني

عشرين منها من شقا نجد هفن
وعشرين منها يم وادي قحطاني

وعشرين منها في المدينة يرسن
وثمان منها يم وادي شهراني

والعشر الاخرى في سويقة يحلن
ويدورونه في الغبا والبياني

اوسط وعد ليلة فطوره يهلن
واول وعد ليلة هلال رمضاني

وآخر وعد يوم المحامل يدقن
في لمة الحجاج صبحي ثماني

ان كان جابن الحبيب عليهن
ابا انشر البيضا والج الغناني

ل / مخلد الذيابي

.
سالم الظفيري
31-05-2011, 22:24
سنتين .. و انت إحتفالٍ بيني ، و بيني
سنتين قاسي .. و لا فكرت تلقاني

سنتين .. خلف السهر والملح ناسيني
يا ديرة عيون قلبي ، و سكّر لْساني

من يوم سافرت .. لا قلبي و لا عيني
قصّيت تذكرتك الخضرا من أجفاني

لون الشجر و الشوارع سافرت فيني
تشابهت هالأماكن داخل إنساني

و هذا أنا .. لا فضاي و لا جناحيني
سنتين و آنا أنزفك دمعي .. و تقراني

سنتين زحمة غيابك في شراييني
مهما ارتجلتك مدى ربعي و خلاّني

لملم غيابك ، و صبّحني و مسّيني
آنا بلا ريح فرقا طاحت أغصاني
سالم الظفيري
31-05-2011, 22:26
ماني بقايل لك على الوصل شفقان
لو أن قلبي للوصل حن عرقا

مالي سواك أحباب في كل الاوطان
( يا حارق اقلوب الغنادير حرقا )

لي معك (قصة حب) والشعر برهان
يا كثر ماغنيت قافه وطرقا

كل القصايد من هواجيس ,, وأحزان
صليت فيني,, يا منى الروح شرقا

تعبت اجي ولهان ,, واروح ولهان
واليا نزلت الدار تجفل وترقا

ازريت بالنسيان ,, مافيه نسيان
حاولت لكن ! تسرق الروح سرقا

يا ذارف الدمعه على الخد ندمان
هل هو صحيح ادموع الاعيان زرقا ؟

يا عزوتي طال الهجر .. والقدر حان
وش حيلتي يا (روق) والاد برقا

كثر الشعر مافاد والحظ مابان
غامض .. ومثلي بالبخت ناس غرقا

(ترقبوا) .. قصة محبه بعنوان
سنتين وصل وباقي العمر فرقا
سالم الظفيري
31-05-2011, 22:32
العذر مكتوب لاصار الخطا مقري !
............. اسف على ضحكتي/ اسف على احزاني

خطاي معذور والا غلطتي عذري
................. ومرارة العـذر في قلبي و بلساني !

مدرى وش اللى ذكرته وضاق به صدري
................. مدرى وش اللي نسيت ولاتناساني

لبست انا ثوب لا طولي ولا قصري
................. يا طيبة القلب .. وين القلب وداني ؟

سنتين من عمرها مرت ومن عمري
.................. سنتين احس الزمن فيها تعدانـي

سنتين مرت حياتي من ورا ظهري
................. والحب سجني ومسجوني وسجاني

والشعر مطرود من قلبي ومن فكري
.................. سنتين ماني بأنا / ماني بحد ثاني

غنيت للناس والدنيا على خبري
................. والشعر في دفتري مغرور وانساني

غنيت للحب يوم عيونها تغري
.................. يوم الوفا والكلام الطيب ألحـاني

غنيت للدمع يوم أن البكا كبري!
................ واليوم أنا اكبرمن دموعي وحرماني

اليوم ماعاد يمدي اللي جرح يبري
.................. مليت من كثرة خطاياهم وغفراني

مليت أنا الشعر/ مل الشعر من شعري
................. مليت انا الحب / مل الحب وجداني

ليه أنكسر بالعيون اللي تبي كسري؟
................... ليه اتغـرب ورا حزني وكتماني

العين ماتستحي والوجه مايذري
................. ماعاد يجزي هل المعروف بإحساني

لو هي عليّه عزيز النفس من صغري
................. ما أشاور القلب في كرهي لعدواني

إن رحت ياكثرهم وإن جيت ياكثري
................. ضاقت بي عيونهم لو كنت وحداني

تعبت وازريت .. ما مليت من صبري
................. ليت الذي راح مني كثر ما جـاني

أحيان ودي أطيح من التعب وازري
................. وتشيلني عزتي , وسلوم جـداني
سالفة عشق
02-06-2011, 14:57
^

^


ياطييب حضوركم
دائما وجودكم اضافه تمييز لكم

لاهنتواا
سالفة عشق
02-06-2011, 14:59
ثلاث سنين انا أخطط لهذا اليوم يابو سعود
تيسّر حالي و جاهز اوفّي وعدي بوقته



و فجأه جتني تتعذر .. تقول تأخَرَت لوعود
و انا مستغرب و اسمع كأني وعدها خنته !!



حسبت انها تمازحني و تتصنع جفا و صدود
ضحكت بوجهها من قلب.. مع انْها بايخه النكته


و قالت ارضى بالواقع .. قلبي ماهو المعهود
تغير كل شي صوبك .. نصيبي ما اظن انته !!


كنت ف يوم محبوبي و لكن ما اظن نعود
وصل من قبل ما توصل .. و انا ذاك الصبر عفته


و لكن تكفى صدقني و يشهد ربي المعبود
ترى ما خنتك بغفله .. ولا كلمته و شفته


صراحه اهلي قالوا لي بأنه ولد اصل و جود
و جتني امه بالصوره .. و بكلمات المدح اخته


سكت و قلت هي فرصه مدام الجود في الموجود
و قالوا كل من حولي علامات الرضا سكته

و انا فكرت دام امه و اخته ما عليهم زود
اكيد اني براضيهم اذا وافقت و اخترته


و اراضي اهلي و اخواني مدام ان الفرح مقصود
عطيت الناس انا كلمه ومعاهم وقتي حددته


و لا اقدر اغيرها .. ترى عند العرب منقود
اوافق و اعتذر باجر و اقول الراي غيرته !


تبي تشرح لي المنقود .. تصدق عاد يا بو سعود؟
تبيني اقتنع و ارضى بحال ٍ عمري ما عشته

انا ماني بقايلها .. عسى يفرش ثراها ورود
بعد ما حطمت قلبي و طعم الموت جربته


عسى بفستانها اشواك .. و في ثوبه عقارب سود
و نار ٍ تحرق الكوشه و تحرق بيتهم حتى


و موت بليلة الدخله يبرد حرتي يا كود
ولا احس انها بحضنه يلامس خد لامسته


علي اهون اذا ماتوا ولا بنفس السرير رقود
ترى صعب ٍ علي اتخيل اللي ما تخيلته



عسى قاع الثرى يقسى و يتحول صخر جلمود
و حفار القبر يرفض يسوي فوق مقدرته


ترى دفنة عديم الذات تلوع حتى كبد الدود
و من خان العهود و مات تعافه حتى مقبرته


عسى ربي يجازيهم بحبل ٍ من مسد ممدود
يعلقهم من اطرافه و فوقه نار ٍ و تحته

انا ماني حقود و شين ولاني من نسل نمرود
ومن حط نفسه بوضعي بيقول اللي انا قلته


مدام الفعل له ردة فعل والله ابشري بردود
بدعي دامني حي ٍ و بغرس للدعا نبته


و بسقيها نزيف القلب و دمع ٍ ما رحم لخدود
و تكبر و الثمر ثاري من اللي خانني و صنته

انا نذرٍ علي اكتب و افجر هالقصيد رعود
و اسمّع كل بشر صوتي عجبته ولا زعلته


و اردد للي يسمعني .. اذا حبيت ( حط حدود )
انا حبيت دون حدود و شوف اللي تكبدته


ثلاث سنين انا ابني و جت ( صوره ) بكل برود
خذت مني شقى عمري و حلم ٍ ( قلت ) حققته !!!


ثلاث سنين انا أخطط لهذا اليوم يابو سعود
وتوافق من كلام اخته .. و صوره ( 4 ف 6 )


الشاعر/
فهد معتوق - ساقي الشوق اسم القصيد اربعه في سته
ابو ضاري
03-06-2011, 01:03
همٍ يجي سآعه ويقفي / مجآفيك
................ وهمٍ على صدرك له سنين [ مشقيه ]

وهمٍ [ خبيث ] وهمه شلون / يذيك
................ وهمٍ نظيف ولا شكى منه / رآعيه

وهمٍ كبير يحركه [ شوق ] ويجيك
................ وهمٍ صغير ودربه بعزم [ يحبيه ]

وهمٍ كريم الطبع يبذل / ويعطيك
................ وهمٍ بخيل ومدته سم / يهديه

وهمٍ خفيف الدم لا جآ [ يسليك ]
................ وهمٍ ثقيل الدم يا شين / طآريه

وهمٍ طويل السآن للخلق / يشكيك
................ وهمٍ كتوم يموت ما بآن [ خآفيه ]
ابو ضاري
03-06-2011, 01:05
مآ لـ(الصبر) في سآعة الضيق رآيآت
.............................. ومآ لـ(الشعر) بالصدر حرفٍ هجآبي

مآ عآد لي وسط الحكآيآ [حكآيآت]
.............................. ولا عآد آصآفح يد تعشق [غيآبي]

تبت ونهيت النفس عن كل مآفآت
.............................. فرق الوضوح / ولمح وجه السرآبي

عآمين رآحت بين حسره و ونآت
.............................. والله يجآزي هالقلم / مع [كتآبي]
متفاائل
03-06-2011, 02:16
أنا يابو مصلح كل ماقلـت قلبـي سـج=صحى مثل مايصحى المسوهج من السجه

وأنا لج قلبي لـج سوقـن حراجـه لـج=بساحة حراج الصبح في ساعـة اللجـه

وأنا لي سنه وأربع سنين وثلاث حجـج=ثمان وثمان شهور مـع تاسعـت حجـه

وأنا كن قلبي فيه حدب السيـوف تخـج=من الهاجس اللي يجذب القلـب ويخجـه

وأنا ياوجودي وجد مـن بالمحاكـم دج=عليـه المحاكـم ثبتـت باطـل الحجـه

على اللي حلايا غزيل-ن من مقيلـه هـج=تبع ساقت أمه يوم ريـح الهـوى هجـه
متفاائل
03-06-2011, 19:10
اجمعتنا الشفوف وفرقتنا الظروف = والمواليف ما اصعب ساعة افراقها
بين عوج الضلوع وبين حدب السيوف = ترسم العين دمعتها على اوراقها
فيه ساعة تطوف وساعةٍ ما تطوف = ساعةٍ يذبح العشاق براقها
ياقمر عشر واربع يامليح الوصوف = المحبة بحور غصت بأعماقها
انقش أسمك على صم الصفا بالحروف = ما محته الليالى السود برناقها
ياحلي الغزال اللي يقود الخشوف = لا تقص العروق وتحرق أدقاقها
دام باب المحبة يالحبيب أمعروف = لك بقلبي بيوتٍ تقرع أحلاقها
ليلى بنت عبدالعزيز
04-06-2011, 01:18
النفوسَ آلوآفيهْ : رغمْ آلمصآعِب مآتميل
وآلسمآء ، كِثر آلسحبْ مآيغطي نورهآ . !
جمران
04-06-2011, 08:25
تباشروبي عقـب سابـع ضحيـه ..... وانا علي ابرك ليالـي زمانـي

لومي على الطيب ولومه عليـه ..... وراه ياخـذ عشقتـي ماتنـانـي
سالم الظفيري
05-06-2011, 23:31
الخامسه ياذيب هاذا نتاجها
غبّر علينا بالمفارق عجاجها

خمسَة سنين الحب والشوق والهوا
قش النصيب اليوم باقي سياجها

فان رحت فادري بان قلبك يحبني
دنياي من بعدك بيطفى سراجها
ليلى بنت عبدالعزيز
08-06-2011, 07:13
,

يّأتي الصّباح..
لـِ / يعآوّد الّبشرَ ترتّيبْ آحلّآمهّم .. من جّديِد !
آرجوّك ربي..
.......... سُقيآ فرّح لـ جّميْع أحّلآمنا المبّتوره ..!
سالم الظفيري
10-06-2011, 15:36
تكررت عقب البطا والتقينا = من عقب مامرن سنينٍ طويلات


في صدفةٍ فيها حشا مادرينا = ولاهقينا نلتقي عقب مافات


لاشك جابتها الليالي وجينا = رغم الفراق ورغم ذيك المسافات