تعالوا أقروا علي

[شموخ شمالية]

السلام عليكم


تذكرون موضوعي اللي قلت لكم أني أسهر من 8 سنوات ماأنام الا بعد الفجر :surprised



هالمرّه جانن بلا وإن شاءالله مهو بلا بس فعلآ غريب :sick:

أنام الساعة 3 الفجر وأصحى الساعة 6
يعني بس ثلاث ساعات :blink:
والبارح قلت أبي أتأخر وانام بعد الفجر وأشوف متى أصحى
نمت 5 ونص وصحيت 8 :boxed:

مدري وشبي ..؟

أنا شاكّة بحاجة هي سبب قلّة النوم وقلت أسألكم وأشوف أنتم نفس ظني بالشئ اللي معي أو لا ..!



والسبب الثاني الضاهر أنكم أعطيتونن عين خاصةٍ الشيبان لانهم ودّهم بالسهر
ومهو حاصلن لهم لسبب أن نشاطهم مايساعد وماعندهم طاقة ياالله حسن الختام :biggrin:



أنا بغيت أكتب الموضوع بالاسري وأسوي عليه أستفتاء بس قلت خلن عند صلفيق علشان أكون ضيفه >> تغلي التعزّب





لو تكرمتوا أعطونن أرائكم وهاللي صاربي وش سببه :blink:
.
.

[راعي الوقيد]

اعيذك بكلمات الله التامة من كل شيطان وهامة ومن كل عينن لامة

ماتشوفين شر خيتي ام عمر

مار الظاهر انتس لحقتي على الشيبان وصرتي وحدة منهم:)

الله يالدنيا تخبرين يوم انتي وغده:)

وعندي لتس علاج بس ابرسله لتس بالخاص << خلي الشفاية تشتغل عند بعض الناس:)

تحيتي لك

[شموخ شمالية]

مار الظاهر انتس لحقتي على الشيبان وصرتي وحدة منهم:)



تسييييف

هذي من الاشياء اللي أنا خايفتن منهن الصراحة



أرسلوه ياعم أنتظرك

[الجازي]

شموخة

طيب وش أنتي شاكتن به

ماقلتي عشان نعلمتس هو مثل شكنا والا لأ !!؟ :)

[شموخ شمالية]

شموخة

طيب وش أنتي شاكتن به

ماقلتي عشان نعلمتس هو مثل شكنا والا لأ !!؟ :)


no
no
no

سوري عزيزتي الجازي ماراح أعلمكم لين أشوف وش تقولون بهالشئ اللي بي
يمكن اذا علمتكم تمشونها علي :315r:



الا اذا تبين أعلمك علشان ماتموتين من الشفاية راح أتصل بك العصر :7ayyoh:

[الجازي]

العصر !!؟

عسى ماتكلفتي بس !!

أقول

أنا عرفت بلاتس

هذا ياطويلة العمر من الشفاية اللي بتس ماعاد تقدرين تنامين أربع ساعات على بعض

تبين تشوفين أحوال الرعية هنا لايفوتس شيء :)

موضوعتس هناك فضحتس :7ayyoh:

[راعي الوقيد]

كفشن بعضهن:)

صادوهـ

[شموخ شمالية]

العصر !!؟

عسى ماتكلفتي بس !!

أقول

أنا عرفت بلاتس

هذا ياطويلة العمر من الشفاية اللي بتس ماعاد تقدرين تنامين أربع ساعات على بعض

تبين تشوفين أحوال الرعية هنا لايفوتس شيء :)

موضوعتس هناك فضحتس :7ayyoh:


أنا ماأحب أتصل الا العصر تدرين ليش ؟
لاني أكون مصحصحة صح وعندي المهيّله وحلى
ونعناع وبقل :315r:
أم الروقآآآن





أي موضوع اللي فضحن ؟
لايكون الرسالة اللي أبيها لـ بنت خالي راحت لتس :a:

[متفاائل]

هههههههههههههههههه

تطمني هذا الامر عادي انا اشوف امي هاتس الله ينقله عويفيته:)

[دموع الذهب]

والله يالغاليه أطمنج الوضع طبيعي

أنا انام مثلج و صار لي يمكن 5 سنين

أخر خبري بالنوم الساعه 12 ثالث ثانوي :(

أنام بعد صلاة الفجر مباشره

و اصحى 8 أو تسع و عليها صاحيه

لين الفجر اليوم لتالي

والوضع عندي عادي

و اجلس بالسرير استغفر بالساعات ولا نام :(

اذا عرفتي لج علاج بلغني الله يرضى عليج :)

[جمران]

من طبيعة الابن آدمي اذا تقدم فيه العمر يقل النوم لديه :)

والله والعالم انتس خرفتي






عسى الله يشفيتس والاكيد ظروف وتفكرين واجد بالفلوس هع

[ابو فارس]

وشلون نقرأ؟
اصلا مانقدر نشارك بدون ما نقرأ ونكتب

لكن حالتك هذه بصراحة الى الان ماتبين لي شئ منها

ارسلي رقم دخولك للمضايف
ونبي نوديه لفرنسا يسوون له اختبارات
بعد شهر تجي النتيجة


انا ارجح ان حالتك هذه لكثرة العجز اللي مثلك بالمضايف
وكل ماتطالعين يمين او يسار تقولين ياقردي
اثرينا ولينا
اقرشنا

وبكذا تحسين انك مثل روب المراعي اذا باقي عليه يوم واحد

لذلك انصحك تحاولين تتركين صداقتك مع العجز
وتظلين لحالك ابرك لك


وبعدها نشوف وش فيك


الان بنصرف لك مسكنات
برسل لك مية مقرئ عليها
من الخفجي
حتى يتم الاطمئنان عليك


لي نكسات وعودات وحركتات

[-------]

اولا جاوبي ع الاسئلة

1- تعاني من السمنه
2- تنامين بالظهر
3-تعانين من ضغوطات
4- نوع الدواء المنوم << اذا كنتي تستخدمي ؟؟

[شموخ شمالية]

هههههههههههههههههه

تطمني هذا الامر عادي انا اشوف امي هاتس الله ينقله عويفيته:)


تسيف أمك :puzzled:

[شموخ شمالية]

والله يالغاليه أطمنج الوضع طبيعي

أنا انام مثلج و صار لي يمكن 5 سنين

أخر خبري بالنوم الساعه 12 ثالث ثانوي :(

أنام بعد صلاة الفجر مباشره

و اصحى 8 أو تسع و عليها صاحيه

لين الفجر اليوم لتالي

والوضع عندي عادي

و اجلس بالسرير استغفر بالساعات ولا نام :(

اذا عرفتي لج علاج بلغني الله يرضى عليج :)


الله يعين بس



رحت للدكتور يقول حاولي ماتنامين بالنهار أو أستخدمي علاج منوّم لين تتعودين على ساعة معيّنة
للنوم



شكرآ لـ حضورك

[شموخ شمالية]

من طبيعة الابن آدمي اذا تقدم فيه العمر يقل النوم لديه :)

والله والعالم انتس خرفتي






عسى الله يشفيتس والاكيد ظروف وتفكرين واجد بالفلوس هع


الفلوس هن هم الحياة
بس ليت هذا همي بس




شكرآ لـ حضورك

[شموخ شمالية]

انا ارجح ان حالتك هذه لكثرة العجز اللي مثلك بالمضايف
وكل ماتطالعين يمين او يسار تقولين ياقردي
اثرينا ولينا
اقرشنا


لذلك انصحك تحاولين تتركين صداقتك مع العجز
وتظلين لحالك ابرك لك




فراقهن خير بس وش أسوي بغلاهن :315r:


شكرآ لـ حضورك

[شموخ شمالية]

3-تعانين من ضغوطات



الضاهر أنتِ دكتورة وأنا ماادري :315r:

فعلآ الدكتور قال أبي أصرف لك مضاد للاكتئاب أو منوّم ورفضت الوالدة الله يحفظها..

فعلآ أمر بأيام كلها توتر والبال مشغول شويات وان شاءالله انها سحابة صيف وتعدي




شكرآ وأكثر يالغالية

[ابو ضاري]

اصلا قله النوم ياتي من التفكير والهموم ومايكتمه القلب


الحاله مجربه


انتظري الدواء


<<<<<<<<<نترك فرصه للشفايين :)

[الجازي]

شموخة

عرفت علّتس

وربي عرفتها :)

<<<< فرحانة :)

شوفي يالغلا

شوفي وش أنتي كاتبه يالزينة !!

(( فينيّ گلآمْ . .
مآهُو مُجرّد [ فَضْفَضه ]
أوُ " . . آآآهْ ،أزفرْهآ وُ . . أنآمْ !!
فينيّ گلآمْ ،من يسمعه !
في ذمتي !
عينه يجآفيهآ آلمنآم . . ))

فيتس كلام من يسمعه عينه تجافيها المنام

هذا اللي يسمعه بس !!

وشلون انتي ياراعيته !؟

أكيد ماتدرين وين درب النوم معه :)

فكينا منتس ومن كلامتس مانبي النوم يجافينا مثلتس :)

*
*
ترى أمس شفت مكالمتس وحطيتها عالصامت حلليني :)

غصبن عني والله

أخواني يتابعون المباراة وقافلين الغرفة عن الصغار وانحبست ماقدرت أطلع خايفة من هواشهم :)

ويوم دقيتي قامت النغمة تلعلع :a:
كلهم خزوني بغيت أنصفر :wallah_hoo:

على طول حطيته عالصامت منتي نافعتني :7ayyoh:

[شموخ شمالية]

اصلا قله النوم ياتي من التفكير والهموم ومايكتمه القلب


الحاله مجربه


انتظري الدواء


<<<<<<<<<نترك فرصه للشفايين :)


اذا الدواء بفلوس مانبيه
المرض والله هو دفع الفلوس ياعم :7ayyoh:



شكرآ لـ حضورك

[-------]

الضاهر أنتِ دكتورة وأنا ماادري :315r:

اجل ليش متعبة عمري وسئلتك

بس خلاص عرفنا علتك

ماعليك من الباقي

الممرضة ايثار تعالجك

[صلفيق]

أنا بغيت أكتب الموضوع بالاسري وأسوي عليه أستفتاء بس قلت خلن عند صلفيق علشان أكون ضيفه >> تغلي التعزّب

.
.


ياهلا ومرحبا بشموخ الشامخة دائما بشموخها !!

ياويلك لو ماجبتيه بهذا !!!



اختي ام عمر..
يمكن عطوك عين هاللي مايتسمون ..... ماني قايل منهم !!

بس تطمني ياخيتي ـ تريني ماني معهم
من زمااااان تاركهم.


شموخ شمالية..
آخر الدراسات عن النوم تقول:
النوم قبل الساعة 12 تعتبر كل ساعة عن ساعتين
يعني لو نمتي بهالوقت .. فـ 3 ساعات تعتبر عن 6 ساعات فيما سواها.
والنوم من الساعة 12 الى الساعة 3 تعتبر كل ساعة نوم عن ساعة ونصف

بس انتي الملاحظ انك تنامين بعد الـ 5 !! يعني تيتي تيتي مثل مارحتي جيتي..

طيب..
ماجربتي الكالسيوم من بعد العشاء ؟؟
[يعني اللبن ومشتقاته] ـ فهي تساعد على النوم الهاديء

واعتقد والله أعلم انك تعانين من ضغط دم غير منتظم ـ يعني متذبذب المقدار
فهؤلاء المصابين به يعانون دائما من قلة النوم مقارنة مع غيرهم !

ياليت ام عمر لو تقيسين ضغط الدم مساء كل ليلة ـ وان لاحظتي زيادة عن
140/90 ملم زئبق ... استشيري طبيبك الخاص فوراً .

هذا مع عدم الاكثار من المنبهات ـ ولو ان هذا من الصعب على النساء .. فـ قهوة العصر
تكاد تكون شبه اجبارية.

ابذلي مجهود يومي بشغل البيت دون الاعتماد على الخادمة ـ أو حاولي الخروج مع ابو عمر
عصر كل يوم للمشي بمسافات ابتداءا من كيلو ـ تزداد كل يوم 100 متر ـ وراح تنامين نومة أهل الكهف!
المهم ابتعدي تماما عن الأدوية مهما كان واصفها عليه من الدرجة العلمية ..


((((( اعطينا ماعندك من معلومات!



حياك الله اختي شموخ شمالية
وياهلا بك بالطبي
بس عاد الغنم سرّاحة والا تستاهلين الذبايح ـ لكن شرايك بالمشاوي دامك متعزبتنا بهذا ؟




كل التحايا أختي شموخ شمالية،،،

[شموخ شمالية]

وراح تنامين نومة أهل الكهف!هذا دعوتن قشرا
الله لايحل عدوك :315r:



[يعني اللبن ومشتقاته]

تسيف لبن :a:
لالا اللبن تركناه بعد مابغيت اموت منه









لكن شرايك بالمشاوي دامك متعزبتنا بهذا ؟

مهي شينه تسانه من السرايا أو من مطعم الفخار اللي بجنب التنور :315r:






ابشرك الامور زينه وصرت أنام من الساعة 11 وأصحى مع المدارس
أمي قالت نبي نسفّر الشغالة مدامتس تقومين هالوقت
>> شكلي برجع للسهر أفضل :)



ماقصرت يالطيب ع النصائح فعلآ ضغط الدم مش مضبوط معاي وكسل الغدة أتعبني الصراحة
الله المستعان




شكرآ دكتور

[صلفيق]

مهي شينه تسانه من السرايا أو من مطعم الفخار اللي بجنب التنور :315r:

:3ayyen_khair:




ابشرك الامور زينه وصرت أنام من الساعة 11 وأصحى مع المدارس
أمي قالت نبي نسفّر الشغالة مدامتس تقومين هالوقت
>> شكلي برجع للسهر أفضل :)

الله يبشرك بالخير
وماتشوفين شر ان شاءالله

بس لاتبينين لهم !! تريك والله تبلشين بتاليه!


ماقصرت يالطيب ع النصائح فعلآ ضغط الدم مش مضبوط معاي وكسل الغدة أتعبني الصراحة
الله المستعان

المهم حافظي على مستوى ضغط الدم
وحاولي الابتعاد عما يثير اعصابك >>>> وتذكري دائماً ان [المشاكل هي تماما كالمسائل الحسابية]
يعني = مافيه مشكلة الا ولها حل !!
المهم أختي ام عمر ..
لاتشغلي نفسك بالمشكلة ،، بل استطيعي ايجاد الحل الأنسب.
كثيرون هم من يضخمون المشاكل بالاهتمام بالسبب ، وهذا يزيد المشاكل تعقيدا.
لكن المهم ان نبحث عن حل وليس الانغماس بالسبب وبتفريع المشكلة وزيادة التعقيد.

أما مشكلة الغدة فانتظري رسالة بالخاص.



حياك الله ام عمر
وألف لاباس عليك


اتركي جمعة الحريم العصوريات ـ وانتي تصيرين تمااام وعال العال.



تحاياي،،،

[شموخ شمالية]

حياك الله ام عمر
وألف لاباس عليك


اتركي جمعة الحريم العصوريات ـ وانتي تصيرين تمااام وعال العال.



تحاياي،،،


تصدق عاد
الحين أبي أطلع للشبـّه :)

مابي طب








ماقصرت خيو ولاعدمتك

[سالم الظفيري]

الف لاباس اختي ام عمر تون اشوف الموضوع

وش الشالفة

اقرب شيخ عندس بحائل

ولا خوذي علاج منوم


واللي اهم من كل شي

قبل النوم المعوذات ثلاث مرات انفذي بيدك ومسحي ماستطعتي من جسمك

وآيت الكهف

واخر آيتين من صورة البقرة

بالشفاء اختي ام عمر

لك تحياتي