هذا جزا المساكين ..

[ريوف]

:
:


:7ayyoh:


كيف حالكم ياطويلين الأشبار ...!


اليوم وانا اتذكر ايام الطفوله المنصرمه ..
وإلآ يمر بالشريط سواد أثريه موقف أغبر مر بي منذ نعومة اظفاري ..

هذا نوبه من النوبات كنت اطلع الضحى لحديقه مقابله بيتنا العب انا وخين لي اصغر مني ..

انا الحقيقه ماكنت العب كنت الله لايبلا تقل مستهلتسه وتقل يدافع البلا الماء ماناجده ..

كنت اشرب من ماء النوافير اللي بالحديقه وهاتك يالتح ..

المصيبه إن ماء النوافير مداوى عشان الزرع والحكومه الفاضله مي مقصره مار اللي يمر هالحديقه بالذات يحلف دين ورب عالمين إن مايدرج الماء بقاعه ..

والأكيد اني أنا جاغمتن الماء جغم ..




:
:



لكن الله بسماه

ماترك الآفه ريوف تعيث بالارض فسادا طويلا ..

مهو الله يجيركم يومين وانا ادقس
وانا يقومنن اطيح ..
صرت خيوط ..

وهم يدخلونن العنايه يوم واليوم الثاني ترقيد عادي وهم يجونن الزوار .





وطبعا اول الزوار اختي مهاجره والشله الباقيه وبنت عمي بالمختصر وعصابته وشي طبيعي مايزوروني غير بيدهم هديه ..




واول شي جابوه لي كرتون ريكو ..
عاد النذاله اللي بي كله طلعت << هذا بدال ماترحمنين بلتسي الله يعافيتس لا عمك عم ..


هم طبعا جو مع عمي يوم حبوني وسلموا علي وعطوني الكيك قالوا عاد افتحيه وعطينا ..

وانا اتحضن الكرتون واقوم ابتسي طلعوهم من غرفتي وهم ياحياتي عيونهم تلاوز يبون افرق عليهم كيك ..

وانا اشغل صياح طلعوهم طلعوهم والله وهم يطردونهم عمي وابوي وأنا ارجهن وانام ..

وبس << ماسويت شي بريئه صح ..


:
:

[ابو فارس]

بريئة جدا
براءة شموخ من لبن الخلفات


على فكرة
الصور اللي بريكو وين راحن.؟

كانهن عندك تراني شراي

[سالم الظفيري]

حييييييييييييييييل بريئة

هذا

جزاهم يعني


بعدين ترى مياه النوافير معقمة حيل


تسلمين اختي


ريوف

لك تحياتي

[الشبث]

لااااا اله الا الله



يعني بدال ما تقولين شكرا يالطيبين تطردينهم


ابوووتس يالنذاله


وهم بعد مهم قليلين شر



يعني جايبين كيك وتطلبون بعد خخخخخخخخخخخخ



والوكاد مفشوخه من الصوبين هههههههههه





يالله حيه




ولا هنتي على السالفه



وتقلدي تحيتي

[ريوف]

بريئة جدا
براءة شموخ من لبن الخلفات


على فكرة
الصور اللي بريكو وين راحن.؟

كانهن عندك تراني شراي

عندي بس ترا سيمن ب 15 الف << حشى لوهن مكينة خياطه بزمناته ..


حياك ابو فارس

[عبدالله الجعيثن]

انا اشوف البلديه رجعوا الوايتات تشتغل



اثري المزارع نشف ماء نوافيرهن:)

[بالمختصر..]

,




امممممماااااااااا عااااااااااد

و أنا معهم ؟

ما اتذكر :)

هههههههههههههه يا قلبي أبوي أكيد حشرنا كلنا و جابنا لتس :)


نذله إنقلعي لا تجين تقهوين معي لين تجيبين ريكو :)




.
.

[ريوف]

حييييييييييييييييل بريئة

هذا

جزاهم يعني


بعدين ترى مياه النوافير معقمة حيل


تسلمين اختي


ريوف

لك تحياتي



اهلين سالم

ايه بريئه انا وغد ما أفهم بس الكبار ليه طاوعوني << يابعد وجهتس هم طاوعوتس مايبونتس تزعلين وإنتي تعبانه


معقم << طمنتن وانا كل ما اوجعن شي قلت هكالسنه شربت ماء النوافير ..

حياك سالم ..

[ريوف]

لااااا اله الا الله



يعني بدال ما تقولين شكرا يالطيبين تطردينهم


ابوووتس يالنذاله


وهم بعد مهم قليلين شر



يعني جايبين كيك وتطلبون بعد خخخخخخخخخخخخ



والوكاد مفشوخه من الصوبين هههههههههه





يالله حيه




ولا هنتي على السالفه



وتقلدي تحيتي



الشبث

ركز معي اوكي هم جابوه هديه لسلامتي انا لو احرقه هم مايزعلون المفروض خلاص طلع من كيسهم صار حلالي مو يجون وحاطين ببالهم مايمشون غير قارشينه لي ..


حياك شبيثان نورت ..

[ريوف]

انا اشوف البلديه رجعوا الوايتات تشتغل



اثري المزارع نشف ماء نوافيرهن:)


افا عليك بس :)
مسويه قحط بالديره هههه


حياك عمي

[الشبث]

ريوووف


ركزي معي شوي << مغاور




ادري انهن صارن حلالتس


بس وشوله الطرده ههههههههههههههههههههه


فضحتيهم بالمستشفى


والله رحمتهم خخخخخخخخخخخخخ



وتقلدي تحيتي

[عبدالله الجعيثن]

^


^


يستاهلن ... اجل يبن يغاورنّه بحلاله:)

[الشبث]

^
^

ابو غازي


هن من ناحية يستاهلن يستاهلن


بس ياخي طريقة الطرد قاسيه شوي :)



سمعت ان سكرتية المستشفى طلعوهن بالقوه :)


وتقلد تحيتي

[عبدالله الجعيثن]

انا سمعت ان الربيعه بنفسه طردهن :a:

[الشبث]

انا سمعت انه عطت الربيعه من الريكو عقب ما طردهن



وتقلد تحيتي

[بالمختصر..]

,




عاد ريكو بصم الله عالنعمه :)

لو هو تويكس يصير به قتلى و جرحى :)




.
.

[الشبث]

خخخخخخخخخ


الظاهر لوهو تويكس تسان للحين بالعنايه




خخخخخخخخخخ



وتقلدي تحيتي

[بالمختصر..]

خخخخخخخخخ


الظاهر لوهو تويكس تسان للحين بالعنايه




خخخخخخخخخخ



وتقلدي تحيتي


عاد انا يومني صغيره مدمنة تويكس على انوه كان أعلى شي بـ الرف حق البقاله << تقامز و تآخذ :)


بس الظاهر عشان ريوف كانت تحب ريكو وتجمع اللزقات جابوه له ههههههههههههههه




.
.

[الشبث]

لا ما تدرين ليش



ريوف مسويه تقشف


تخبرين ريكو ارخص من تويكس :)



وتقلدي تحيتي

[ابو فارس]

بس ترا سيمن ب

ريوف
انت دارسة برى؟
يعني جامعة في بنغلاديش مثلا؟

[سالم الظفيري]

باو فارس ترى كلمة

بس سيمن ب

على ماظن كردية



خلن ابحث عنها ورد عليك


لك تحياتي

[ابو فارس]

سالم
على دربك وانت رايح للاكراد
مر على كينيا

اشك انه لها عرق هناك



عطن خبر

[بالمختصر..]

باو فارس ترى كلمة

بس سيمن ب

على ماظن كردية



خلن ابحث عنها ورد عليك


لك تحياتي


سباص سالم :315r:

يعني شكراً سالم بـ الكردي ..

ذكرتن به , العام تعرفت على وحده تعرف كردي و تعلمت منه كم كلمه ..




عاد انت قول : سباص خوش = عفواً :)




.
.

[سالم الظفيري]

بالمختصر خوش معني ماني واثقن حيل

بس سباط انا

خابرها كلمة ماهي زينة


شكرا لك اختي


لك تحياتي

[بالمختصر..]

بالمختصر خوش معني ماني واثقن حيل

بس سباط انا

خابرها كلمة ماهي زينة


شكرا لك اختي


لك تحياتي


على كيفك تلعب بـ اللغه ؟ :)

سباص مو سباط , والله صحيح كلامي ما أمزح ..




.
.

[راعي الوقيد]

واضح من هالقصة اللي على عيونتس انتس بريئة:)

بس تبين الصدز !!

انتي كـ:thumb:ـذا

تحيتي لك

[الشبث]

سباص خوش سباص خوش



يعني هدووء شوي



وتقلدوا تحيتي

[سالم الظفيري]

اخس والله قام


يرطن


لاتقول انه كردي بعد

لك تحياتي

[راعي الوقيد]

على طاري الاكراد

لكن النكته عندهم ورا يعني تعال:)

خو حافيز << مع السلامة

[سالم الظفيري]

بديت اشك

الكل يتكلم كردي



اقول خو حافيز


لك تحياتي

[بالمختصر..]

,




ودي أقول كلمات ثانيه بس تذبحن ريوف عفسنا موضوعه ههههههههههه

ريوف .. تي رحيمن :)

يعني إنتي روحي ( فيس خجول ) , عشان ما تزعلين :)




.
.

[شرهه]

هذا نوبه من النوبات كنت اطلع الضحى لحديقه مقابله بيتنا العب انا وخين لي اصغر مني ..





اهنيتس صراحة على هالطفوله يالمرجهنه :thumb:



وما تنلامين قسم بالله يا هالنوافير غير شكلات .. انا يا مني شفتهن ينزغف عقلي وودي اجيب جراكل واعبي



بس اشوى اني ما لحقت عليهن الا وانا مرايه كبر القاع






.

.


حياتس ومنورة الفلة

[الشبث]

سالم


تي رحيمن حق راع الوقيد << ابو اللغه اللي تعرفه




وتقلدوا تحيتي

[بالمختصر..]

على طاري الاكراد

لكن النكته عندهم ورا يعني تعال:)

خو حافيز << مع السلامة


صح عليك ..:goooood:




.
.

[سالم الظفيري]

ولايهمك اختي


سباص سباص


لك تحياتي

[راعي الوقيد]

على طاري ريوف :)

فيه واحد عشقته اسمه ريوف ؛ مرة راح يتصيّد بالبر


شاف له عنز << غزال >> يوم بغى يرميها ويصيدها ؛ تذكر عشيقته وقال

ياعنز بتس من حلايا ريوف * في سهلة سايح ظلة

لو اذبحتس ما معي معروف * تنقد علي كل خلق الله

والمعذرة اختي

لكن الموضوع فلّاوي وهذا اللي خلانن اتورشع هالقصيدة:)

تحيتي لك

[الشبث]

<< يبي يقلد راع الوقيد




على طاري الاكراد



خيشون صهريج = يعني نسيبي الغالي

مخاميل مخاديد = يعني مخده مخمليه

هانفيااات شربايات = حنفية ماء قراح

لساعااات سومطرات = شطة سومطره :)




وتقلدوا تحيتي

[سالم الظفيري]

قل على كيفك


عشان محد يعرف

قاعد نصب علينا


وين راحت بالمختصر

هي اللي تعرف


لك تحياتي

[شرهه]

ريوف دزاندة و له جعير .. شوفو وجهه قلب ازرق ومصطبله بلا حراك




اشي راعو له لا يكون قارضن يده الباب

[الشبث]

<< يراعي لريوف



شرهه


جيبي طيب كلونيا نبي نشممه


شكله دزانده



وتقلدي تحيتي

[سالم الظفيري]

ياحبكم


لشر انتي وشرهوه


ماتخلون احد بحالة


لك تحياتي

[الشبث]

احترم نفسك


اعقل ثنين انا وشرهه وريال بعد معنا


الاداره وثقت منا وحطتنا مشرفين


يعني حنا العقال



ولا عندك اعتراض على تفكير ابو سلطان ونباهتوه ؟


<< يبي يدهوروه



وتقلد تحيتي

[سالم الظفيري]

هههههههههههههههههههههههه



يعني لو محصل احسن منكم كان

مغيركم من زمان


بس خلن شوي اضبط نفسي ابو سلطان


ورفسكم رفس اني وشرهوه وريال

لك تحياتي

[شرهه]

>>جايبتن حزمة كراث تركض به


ما لقيت كلونيا




نبي ندخله بخشمه وتقوم على طول





/




سالم الظوفيري وش شره .. ياخي وش معرفك للسياسة



ما صرنا ادارة الفلة عبث..:thumb:




شف و تعلم

[الشبث]

رفس = صقل





كنت شاك من زمااان ان بك عرق :)




وتقلد تحيتي

[سالم الظفيري]

كفو ونعم فيكم

بس كل شي له نهائة



ماتستحون على وجيهكم


ترىالرجال مستحي منكم


خلاص اطلعوا كثر خيركم





ونتم نهائتكم على يدي



لك تحياتي

[الشبث]

على يدك ؟



شلون يعني خضاب مثلا ؟





وتقلد تحيتي

[شرهه]

ابو ماجد وش رايك وش نسوي بوه ... نقطعه تقطيع ثلاجه و الا نسفره لديرته

[عبدالله الجعيثن]

<<<<مشولعن سالم بغاربه




ابوماجد.....لك ب سالم حاجه ولا اتفاهم معه :315r:

[سالم الظفيري]

لا طراق


هههههههههههههههههه



لك تحياتي

[شرهه]

ريوف



يا بعد عيني وشنوحتس ساكته





وش توجسين يا روحي

[سالم الظفيري]

هلا ابو غازي


يالله حيه


اقول ابو غازي لاتتز ههههههههههههههههه


لك تحياتي

[الشبث]

ابو غازي


جبووه وين تبيبوه


حنا ما فرحنا على الله يجين احد وانت تبي تقلعوه




شرهه


شلوطي الفراسن



وتقلدوا تحيتي

[الشبث]

ريوف ريوف ريوف

<< ينده ريوف




الغاليه وش يوجعتس


وش توجسين


وويلي ليه ما تردين علي




شرهه


بس تراعي ولا تكلم

وش به


منهو مخرعه حسبي الله عليكم




لايكون سالم طالعن له على غفله :)




وتقلدوا تحيتي

[شرهه]

تم يا ذيبان

.

.


ابوغازي علمن الصدز وش تبي بوه وين تبي تديه بالضبط





و لا تتزون يا جماعة




التز حاجه ماهي كويسه

[سالم الظفيري]

يالله اشوفك على خير

عذرا للجميع





















اقول شبيثان اقلب وجهك هههههههههههههههههههههههههههههه وخذ شرهوه معك ههههههههههههههههههههه

[شرهه]

ريوف الغالية



اصصصصصم الله على قلبتس اصصصصصم الله عليتس





اشي الحقوووو هالمجرم قبل يهرب ... خلوه يشرب من هالكاسة نبي غسوله





البنت ماهي مضبوطه .. شكله صاكه عين

[الشبث]

اقبل وجهك



قابلوه الله


خخخخخخخخ


وتقلد تحيتي

[الشبث]

<< غايلن سالم


اشررررب


اقول اشرررب ودزذف شوين لا اغولك


وتقلدوا تحيتي

[شرهه]

اوووويحي




لا تذبحه اصبر شوي شوي عليه



ما خلصنا منوه






ووووااويحي شف ابو غازي انصرع وشنوحه

[الشبث]

وااااقردي شوفي فهيد وقع



شبلاااهم الربع



واااقردي


وتقلدي تحيتي

[شرهه]

وووواووويحنا



طلع معوه ربع مهو بس لحاله

[جمران]

واول شي جابوه لي كرتون ريكو ..



هم طبعا جو مع عمي يوم حبوني وسلموا علي وعطوني الكيك قالوا عاد افتحيه وعطينا ..

وانا اتحضن الكرتون واقوم ابتسي طلعوهم من غرفتي وهم ياحياتي عيونهم تلاوز يبون افرق عليهم كيك ..

:


ريوف ارسي على بر علشان افهم

كرتون ريكو والا كيك ؟


:)

[سالم الظفيري]

وش علي بالك

شرهوه


معي فريق كامل


بس اصبرو على شوي



على بالكم طلعتي عبث


لك تحياتي

[ريوف]

,




امممممماااااااااا عااااااااااد

و أنا معهم ؟

ما اتذكر :)

هههههههههههههه يا قلبي أبوي أكيد حشرنا كلنا و جابنا لتس :)


نذله إنقلعي لا تجين تقهوين معي لين تجيبين ريكو :)




.
.

:
:


بالمختصر ماتخبرين عمي كحشكم كلكم انتم وعجيان جيراننا .
وانبته ان معه زوايد نزلهم بنص الطريق ..


:

[ريوف]

ريوووف


ركزي معي شوي << مغاور




ادري انهن صارن حلالتس


بس وشوله الطرده ههههههههههههههههههههه


فضحتيهم بالمستشفى


والله رحمتهم خخخخخخخخخخخخخ



وتقلدي تحيتي

:
:


تدري عاد يوم لقيتكم دارعين بموضوعي ..





حضنت شرهه ...... لا
بالمختصر لا مو بالمختصر

حضنت موضوعي وقاعده اقول طلعوهم

وا ريالتاه << تنخى ريال الفسحه :)


يطردكم من موضوعي صفحه صفحه زنقه زنقه زين زين :)


كنت ابنخاك انت وشرهه لكنكم انتم ساس البلا ..
قلت مالي غير ريال ياعله بعد شرهه

[ريوف]

^


^


يستاهلن ... اجل يبن يغاورنّه بحلاله:)

/


لافض فوك :) ..


:

[سالم الظفيري]

هلا ريوف

لو الله فاكني من موضوعك

كان انا بخير


تولجوني هالظالمين

وانتي هربتي


لك تحياتي

[ريوف]

^
^

ابو غازي


هن من ناحية يستاهلن يستاهلن


بس ياخي طريقة الطرد قاسيه شوي :)



سمعت ان سكرتية المستشفى طلعوهن بالقوه :)


وتقلد تحيتي

/


اهم شي اعترفتوا انهن يستاهلن :)


:

[ابو فارس]

طيب وين وصلنا ؟


اليوم رفحاء مغبرة
ثم جاها رشاش


وش علومكم انتم بعد جزاء المساكين؟

[راعي الوقيد]

حان الفراق وصار في جونا غيم
آمنت بالمكتوب شره وخيره

[ريوف]

انا سمعت انه عطت الربيعه من الريكو عقب ما طردهن



وتقلد تحيتي


/

:‏)

يستاهل الربيعه ..

:

[بالمختصر..]

اليوم رفحاء مغبرة
ثم جاها رشاش


وش علومكم انتم بعد جزاء المساكين؟



حيل الله قوي :)

الله يعينكم .. حنا الجو على كيف كيفك ..




.
.

[ريوف]

,




عاد ريكو بصم الله عالنعمه :)

لو هو تويكس يصير به قتلى و جرحى :)




.
.

/



الله يسامحتس بهذاك الوقت كان عده توكس :) .....~


:

[ريال الفسحه]

انا مستانس


جدا مستانس


ومن شدة فرحتي يا اعطي حديكم مخالفه
يا اشق يوزري :)



ريوف


انتي الظاهر ماتخافين الله والا وغد وبهالعمر تسوين كذا ؟؟؟:(


وش خليتي للمجرمين :)

[ريوف]

خخخخخخخخخ


الظاهر لوهو تويكس تسان للحين بالعنايه




خخخخخخخخخخ



وتقلدي تحيتي

/


ههههههههههه
ياجواحيتك ...~


:

[ريوف]

ريوف
انت دارسة برى؟
يعني جامعة في بنغلاديش مثلا؟



/


لا جاكرتا :) ...~

:

[ريوف]

باو فارس ترى كلمة

بس سيمن ب

على ماظن كردية



خلن ابحث عنها ورد عليك


لك تحياتي

/


وش دراك :) ..

:

[سالم الظفيري]

وش دراك
الظاهر مترجمي ماعنده سالفة


منك نستفيد وش معناها طيب


لك تحياتي

[ريوف]

سباص سالم :315r:

يعني شكراً سالم بـ الكردي ..

ذكرتن به , العام تعرفت على وحده تعرف كردي و تعلمت منه كم كلمه ..




عاد انت قول : سباص خوش = عفواً :)




.
.

/


لايشوشونتس وتجيبين اقصاتس ..
ياغبرى يابنت عمي خليتس كتوم << اسمع من يوصي ...!


ويردلي يردلي سمرا قتلتيني ... خافي من رب السما وحدي لاتخليني

:‏)‏

:

[ريوف]

واضح من هالقصة اللي على عيونتس انتس بريئة:)

بس تبين الصدز !!

انتي كـ:thumb:ـذا

تحيتي لك

/

هلا راعي الوقيد ..
والله إنت اللي كذا << أنه واقف معاه ...!

:‏)‏

:

[ريوف]

,




ودي أقول كلمات ثانيه بس تذبحن ريوف عفسنا موضوعه ههههههههههه

ريوف .. تي رحيمن :)

يعني إنتي روحي ( فيس خجول ) , عشان ما تزعلين :)




.
.

/


قسم بالله انخض مخي ..
تقولين انتي روحي واحسبتس تطرديني من موضوعي قلت هينتن له بس اشوفه ...~

اثريتس تغزلين بي :) << شف الفهم بس ....!


تي تسبدي << يعني ياتسبدي

:

[بنت الجبل آخت القصيد]

اييييه ياريكو

الله يذكر ايامه بالخير
انتي المفروض مسوين لك غسيل معده على هالماء اللي شربتيه :d:

ريوف وينك ؟
اشتقنا لك :)


عرفتيني <<مسويه لغزز

[بالمختصر..]

/


لايشوشونتس وتجيبين اقصاتس ..
ياغبرى يابنت عمي خليتس كتوم << اسمع من يوصي ...!


ويردلي يردلي سمرا قتلتيني ... خافي من رب السما وحدي لاتخليني

:‏)‏

:

ههههههههههههههههههههههههههه

ما عليتس واثق الخطوه ما يزلق :)

تي صقيقتي << يعني انتي خويتي ههههههههه << امحق ترجمه :)




.
.

[ريوف]

اهنيتس صراحة على هالطفوله يالمرجهنه :thumb:



وما تنلامين قسم بالله يا هالنوافير غير شكلات .. انا يا مني شفتهن ينزغف عقلي وودي اجيب جراكل واعبي



بس اشوى اني ما لحقت عليهن الا وانا مرايه كبر القاع






.

.


حياتس ومنورة الفلة

/


حتى انا اهنيني واهني الطفوله بي :) ...~


الحمدلله اللي الحكومه تأنت بوضع النوافير وإلا كان قارضتهن أنتي ..


هلابتس الفله منوره بريال مو بتس << تموت بالملاهد ..

:

[بنت الجبل آخت القصيد]

^
^

تي احبكن :d:

[ريوف]

على طاري ريوف :)

فيه واحد عشقته اسمه ريوف ؛ مرة راح يتصيّد بالبر


شاف له عنز << غزال >> يوم بغى يرميها ويصيدها ؛ تذكر عشيقته وقال

ياعنز بتس من حلايا ريوف * في سهلة سايح ظلة

لو اذبحتس ما معي معروف * تنقد علي كل خلق الله

والمعذرة اختي

لكن الموضوع فلّاوي وهذا اللي خلانن اتورشع هالقصيدة:)

تحيتي لك

/


عاد عليش تعذر عادي خذ راحتك ..
أقول خل نقلب الموضوع محاوره تسانك شاعر :) ...~


:

[ريوف]

<< يبي يقلد راع الوقيد




على طاري الاكراد



خيشون صهريج = يعني نسيبي الغالي

مخاميل مخاديد = يعني مخده مخمليه

هانفيااات شربايات = حنفية ماء قراح

لساعااات سومطرات = شطة سومطره :)




وتقلدوا تحيتي

/


هانفيات شربايات << أحسه نغزه شبيثان :) ....~
او اللي على راسه بطحا ..

:

[ريوف]

ريوف دزاندة و له جعير .. شوفو وجهه قلب ازرق ومصطبله بلا حراك




اشي راعو له لا يكون قارضن يده الباب

/


الحين ليه الإشاعات درعتي باهلي واصدقائي ومعجبيني << محد درا خخخخخ ..



مايصير الواحد يترك يوزره ويسافر << :) ....~


:

[ريوف]

<< يراعي لريوف



شرهه


جيبي طيب كلونيا نبي نشممه


شكله دزانده



وتقلدي تحيتي

/


كلونيا هاه ..
والله دزندت من الضحك يوم قريت ردودكم المصيبه بين عمي وعمتي واتقتق بغيت اروح غلطه ....!


:

[ريوف]

ريوف



يا بعد عيني وشنوحتس ساكته





وش توجسين يا روحي


/



كش إسعاف إسعافكم ياعل ماتوجهون ع الصديز ..~

شبيثان جاي ينقذن داس اصبعي المكسور << لي فريخ ومو منتبه ..


:

[ريوف]

ريوف ريوف ريوف

<< ينده ريوف




الغاليه وش يوجعتس


وش توجسين


وويلي ليه ما تردين علي




شرهه


بس تراعي ولا تكلم

وش به


منهو مخرعه حسبي الله عليكم




لايكون سالم طالعن له على غفله :)




وتقلدوا تحيتي

/


شيل رجلك عن اصبعي :) ..




شبيثان طلبتك ...












لاتسوي سوبرمان ثاني مره ....!



:

[ريوف]

ريوف ارسي على بر علشان افهم

كرتون ريكو والا كيك ؟


:)

/


هلا جمران ..


مافيه مساعدة صديدز لاني ماني موكده :) ...!




نورت جمران .

:

[ريوف]

هلا ريوف

لو الله فاكني من موضوعك

كان انا بخير


تولجوني هالظالمين

وانتي هربتي


لك تحياتي

/


مهو هروب هذا إستدراج :) ...~


:

[ريوف]

طيب وين وصلنا ؟


اليوم رفحاء مغبرة
ثم جاها رشاش


وش علومكم انتم بعد جزاء المساكين؟

/


على حطة يدك :) ..


وشلون الاجواء اليوم عندكم ...!


:

[ريوف]

حان الفراق وصار في جونا غيم
آمنت بالمكتوب شره وخيره



/

كيبوردي ..

ليه الفراق وليه ترنيمة الضيم
يجيرك الله وقلبي الله يجيره



:‏)


:

[راعي الوقيد]

^
^
:thumb:

[ريوف]

انا مستانس


جدا مستانس


ومن شدة فرحتي يا اعطي حديكم مخالفه
يا اشق يوزري :)



ريوف


انتي الظاهر ماتخافين الله والا وغد وبهالعمر تسوين كذا ؟؟؟:(


وش خليتي للمجرمين :)

/


الله يديم الوناسه << بس وش مونسك ( اويحي يالشفايه )


ماتحس دهاء يوم خذيت الهديه طردتهم ..
بس الله حق انا مو من فراغ طردتهم كنت حاسه بنواياهم وسبحان صدق إحساسي جو ياكلونه ويخلون وجهي بارد << لكني كنت لهم بالمرصاد :) ...~

:

[ريوف]

الظاهر مترجمي ماعنده سالفة


منك نستفيد وش معناها طيب


لك تحياتي

/


هذي كلمه عربيه مأخوذه من سام يسوم سوما :)

بس قليل اللي يقدرون ينطقونه لأنه تحتاج فصاحه وهي على شاكلة هعخع وغيره ...~


:

[ريوف]

اييييه ياريكو

الله يذكر ايامه بالخير
انتي المفروض مسوين لك غسيل معده على هالماء اللي شربتيه :d:

ريوف وينك ؟
اشتقنا لك :)


عرفتيني <<مسويه لغزز


/


سوو لي وإلا شلون على قيد الحياه للحين << تخيلوا متت وانا طفله صم الله علي ( فيس يجعر )


اما حل اللغز ..

بنت الجبل أخت القصيد << عندي إحساس يقول إنتس عطر القصيد ..


:

[ريوف]

^
^

تي احبكن :d:


/


حبتس ربتس ياجدي ...~


:

[ريوف]

^
^
:thumb:



/


:‏)‏


:

[الشبث]

مقفل من قبلي


تغدى عشر صفحات اللي هي الحد الائتماني :)





وتقلدوا تحيتي