عسى منزلٍ ضمه ؛ حقوق الوسم تسقيه ..!!

[راعي الوقيد]

ياهيه التفت لي واسمع دعاي لك ياهيه
ترى عادك بتشبع من البعد وتواجه !!

دعيتك بصوتٍ ياصلك ليه ما توحيه
وأنا أسمع ضلوعك من صدى الصوت لجاجه

عليك الفؤاد إخلاجه مصمخ راعيه
خف الله في راعيه ما تسمع إخلاجه

ترى العفو قد جاك أوله وإغتنم تاليه
وترى الحلم بحرٍ غير لاتآمن أمواجه

وترى الود ليلٍ مظلمٍ جيت لك ساريه
سراجه وصالك والجفا ينفخ سراجه

وترى قصرنا اللي كم سنة نجمع ونبنيه
هوى العذل طيح بابه العود وسياجه

لي أيام مدري وين دارك ولا أدري ليه
وأنا خابر إني باب شفك ومزلاجه

غيابٍ بلا سبة هجادٍ بلا تنبيه
وجفا أغلى العرب نارٍ على الكبد وهاجة

نضج قلبي من البعد وش حاجتك تكويه
جفاك الجمر والصبر في بعدك الصاجه

إنطبع حبك بقلبي والأيام ما تمحيه
هذا هجرك يحاول يموجه ولا ماجه

يموت الأمل لكن ظنون الغلا تحييه
وعروق الوفا فالروح والقلب وجاجة

خبرتوا حدٍ يبكي على واحدٍ يبكيه
وخبرتوا حدٍ مسجون ما يبغي إفراجه

أحبه ولا أبغضته على شيٍ يسويه
ولا زالت رقاب الرجا فيه منعاجة

عسى منزلٍ ضمه حقوق الوسم تسقيه
وتضحك له الدنيا وهو يضحك حجاجه

فقد خاطري شي من الضيقة مسليه
وغدت روحي من الناس والليل هجاجة

أروح لمكانٍ خابره .. خابره يآتيه
أسوق القدم صوبه وهي مالها حاجة

مكانٍ نزيه وأول مواجهي له فيه
وأنا خابرٍ ما رجل مثله بدواجة

لعل وعسى ما حدني للمجي يدعيه
وأشوفه وأنا ما ودي أسبب إحراجه

يحب الجريح آخر دروب اللقى ويجيه
وتحب القدم جية مكان أول مواجه

محمد بن فطيّس

لكم التحية

[سالم الظفيري]

صح لسانك اخوي راعي الوقيد

على النقل والذوق والاختيار

لك تحياتي

[راعي الوقيد]

صح بدنك اخوي سالم الظفيري

ومرورك تشريف لي يالعزة

لك التحية

[متفاائل]

سلمت ابو فيصل على هذه الرائعه

وصح لسان بن فطيس

[شموخ شمالية]

.
.
.

خبرتوا حدٍ يبكي على واحدٍ يبكيه
...وخبرتوا حدٍ مسجون ما يبغي إفراجه

أحبه ولا أبغضته على شيٍ يسويه
...ولا زالت رقاب الرجا فيه منعاجة

عسى منزلٍ ضمه حقوق الوسم تسقيه
....وتضحك له الدنيا وهو يضحك حجاجه





صح لسان أبن فطيس
وصح نقلك وذوقك أخوي أبوفيصل

لاهنت

[راعي الوقيد]

ومن قال يسلم يابو عمر

مرورك الكريم سرني

لك التحية

[راعي الوقيد]

صح بدنتس اختي ام عمر

شاكر لك مرورك الكريم

تحيتي لك

[جمران]

ابو فيصل يالنسيب

تصدق ان القصيده محفوظه عندي بالمفضله


ياخي صدز ليا قالو كن نسيب ولاتكن ابن عم :)


http://www.youtube.com/watch?v=hluvtyi9pU0&feature=player_embedded

rooose2 تقبلها مني


دمت وسلمت يالغالي

[عبدالرحمن]

رائعة يسلم ذوقك الراقي يابوفيصل
وصح لسان ابن فطيس.

[عبدالرحمن]

وترى الحلم بحرٍ غير لاتآمن أمواجه
اعتقد اني قرأت الحب وليس الحلم!
فهل اعتقادي صحيح ولا.....:)

[إم أسيل]

×

صـــح لسسِآآن شاعرها
................................. لاهنت يــآ ناقلها

يعطيكـ العــآفيه ’’ تقبل تحيتي ’’

[عبدالرحمن]

وترى الحلم بحرٍ غير لاتآمن أمواجه
اعتقد اني قرأت الحب وليس الحلم!
فهل اعتقادي صحيح ولا .........:)

[راعي الوقيد]

حياك الله يابو نورة

ومشكور على الإضافة

ومشكور على التوصية:)

لك التحية

[راعي الوقيد]

الرائع مرورك يابو يوسف:)

تسلم يالغلا ولاهنت

وعلى فكرة ترى اعتقادك خاطئ يالعزوة

ولاهي لك عادة تجيب طاري هالسوالف:)

لك التحية

[راعي الوقيد]

لاهنتي ام اسيل

شاكر مرورك العطر

تحيتي لك