باك

[فهد الجنيدي]

بااااااااااااك

هاي وشلونكم

يااااي مرة مششتاق لكم

يا حليلكم زي منتوا ما تغيرتوا

الشبث لين الحين يهاوش عيال الحارة
و كل قطو يطقه

و الشهبا تدور بالقوايل بالبيوت الي تنبني

و ريال ما عنده مواضيع يكتبها بس يجي يرد على موضوع برد ماله دخل بالموضوع

و أم الرغفان بس تناقر خلق الله

حال زي بعضوه

ياه ضيعت عمري معاكم و انا مدنق على الكي بورد
أكتب و أرد على المواضيع
لا
كل شوسي محصل فلقة من مشرف بالجبهه
جبهتي صارت تقول مؤشر سوق الأسهم من الشخوط ألي عليها
كلها فلق

معليش أدري
كلامي قاسي شوي بس هذا الواقع
( شكل الشبث عاضن لسانه يبي يعطني باند و يستغفر ) :mad:

تخبرون شريت أي فون 4
و أخذ كل وقتي
على الهوز هير و الواتس أب و البالرينقو
و أصدقاء من كل العالم
من الخليج و الشام و المغرب و شرق أسيا و أوروبا و الأمركيتين

مو من لينه و جبه و النسيم و السلي و الثقبه و الشعبيات الجديدة و الكوريات

خلاص الواحد لازم يوسع أفقه
و بعدين أنا أحب الشات هنا مقدر
أرسل لواحد رساله خاصة
و أروح أسوي بيض عيون أضيع وقت شوي
على مايرد
خلاص وصلنا عصر السرعه
ون تو
عطني و أعطيك لا تضيع وقتي فيه ناس بسولف معاهم ينتظروني

و بعدين أنتم الواحد لا أقفى عنكم من غير شر تقل مقفى ضبعة محد يسأل عنه
أنا قلت أجي ألقى بريدي فل
أكيد فيه ناس تسأل عني
تصدقون و لا رسالة حصلت
الشغالة أشوا مني على الأقل تجيها رساله كل شهر
أنا لي أربع شهور ما لقيت شي

تدرون أني لو أنقطع عن صحابي في الأيفون نص يوم
ألقاهم محرقين كفرات و مسوين مظاهرات يدوروني
مع أني ما اعرقهم ألا من كم شهر

بس ما الحب ألا للحبيب الأولي
الجرح من أيده يطيب و ينجلي

ماقدرت أبعد عنكم كثير
يمكن هبيت بالأيفون كم شهر
و ما قدرت أبعد
أشتقت للمناقر مع الشبث و الشهيب و مختصر
و فزعات سعود و حليل
و مغثة الجعيثن
و أتذارات الغايب

بس ألي مو موجود في الأيفون قسم الشكاوي
هذا ألي فقتده أكثر شي
مقدر أشتكي أحد هناك

ودي أسوي زحمة

أحبكم كلبوكم
من أبو سلطان لين الشهبا ( يعني أصغرنا )
و أن شاء الله أني برجع من اليوم و من الموضوع هذا

لحظة










فيه أحد يبيني على البالرينقو
يلا

بررررب
أشوفكم بعدين

[سالم الظفيري]

حياك الله ترى المثل يقول من تغلى تخلى


هلا فيك

مكانك موجود


في قلوب الجميع

بس تصدق عاد احسن شي ان اهل الحفر صارو متطورين ايفون شي حلوة والله


يسعد قلبك ربي

احبك يالحفراوي

لك تحياتي

[ســـعود]

ههههههههههههههههههههههههههههههه

فهد انت شي



هلا با الطيب الغالي عزيز وشوفته منوة


هلا با القاطع يا الله حيوة ومنور المضايف

فهد نورت يا الغلا

[قـــوت]

يالله حيووه


نورك اجهرنا يابو بلرنقو

[ريال الفسحه]

يقول رجعت لكم


ليه مطلقنا اول؟

اقول وخر هناك بس:)

[راعي الوقيد]

كل شوسي محصل فلقة من مشرف بالجبهه



عقب البالرينقو حتى اكلنا نسيته وقمت تخبص بالحتسي:)

اكيد هالاكلة من صديغك اللي باليابان:)

وانا اشوف ماشاء الله شدوقك واصلاتن القوقل وطالعات من عند الياهو:)

اثاريهن من دغ السوشي:7ayyoh:

الله يحييك خيو مرتن ثانية

والمعذرة يابعدي اللي مايعرفك مايثمنك:smooch:

[شرهه]

يا هلا بك يا فهد







من أبو سلطان لين الشهبا ( يعني أصغرنا )



الله مير يسلمك كلك نظر


اي بالله انني غررره وصغيرة سن على اولي :)




يا ويري يا زقرت الحفر ما يخلون حركاتهم .. يبي يعلمنا انوه متطور و شارين ايفون بأي طريقة



يا علوه مبروك .. وترا حتى انا تطورت و شريت جوال الدمعة ولا سويت كل هالزحمه :mabrook:

[فتى البيداء]

يالله حي فهد أنا تراني مثلك متغيب لي مده .. يمار أشوف صندوق الرسايل داج .. ليه أنتم مالكم خوي ؟؟

يمكنني هفيت أقل الأحوال تحللون .. فهد عندي لك راي .. ليمنك صديت لك مده ارسلك رسالة اتفقد حضورك .. وأنت مثل ..


الشهيب قسم بالله بغيت اطيح من الضحك :


يا ويري يا زقرت الحفر ما يخلون حركاتهم .. يبي يعلمنا انوه متطور و شارين ايفون بأي طريقة


يا علوه مبروك .. وترا حتى انا تطورت و شريت جوال الدمعة ولا سويت كل هالزحمه


الشهيب ياعلوه مبروك أن شأالله ..

[تــــركــــي]

ما طلعت الا على هزيمة النصر هههههههه



لو انا منك امسح التوقيع




و مبرووووك الايفوووون و حياك الله

[الشبث]

يالربع وش اسوي بوه هالهديفه هذا



ارنوه باند


ولا اولع كفره على راسوووه




انت تدري اصلا ان الرياض ما جتوه الامطار الا يوم انقلعت عنوه يالدباتش هههههههههههههه




يالله حيوه



وانا ادري والله ان هالموضوع مثل اللي قبلوه


يوم ويومين وتفرك له كم شهر خخخخخخخ




تدري ليه ما نسأل عنك


لان هذي عوايدك تجي شوي وتسسسحب على ابونا



اجل خلك ممرح ازين










يالربع تروه يتسذب ويعقب ما عندوه ايفون


مشترين بلاك بيري اول ما طلع ويحسبوه بلاك بيري خخخخخخخخخ






وتقلدوا تحيتي

[عبدالله الجعيثن]

هلا والله بفهد










مشترين بلاك بيري اول ما طلع ويحسبوه بلاك بيري خخخخخخخخخ




يالربع ممكن مترجم ... :)

[تــــركــــي]

يالربع ممكن مترجم ...


تتعب مع الشبث

والقسم تحت ادارتة فما نقدر نقول شي

[عبدالله الجعيثن]

يعني رايك نمشّيه:)

[تــــركــــي]

نمشّيه غصب



المثل يقول


اليد اللي ما تقواها صافحها



و بالفلة ما نقدر على الشبث





انت اسحبه برا الفلة و ابشر بعزك

[عبدالله الجعيثن]

<<<يصوت للشبث



ابسحبه للرياضي وانت تغافله بمفتاح الكفرات:315r:

[الشبث]

تغافل انت وياه



حلوكم وجيه


تركي وابن جعيثن



الا ما عمركم شفتوا رجم مكون من اثنين



الظاهر ابخليكم بمدخل المضايف مسوين حركة التايتنك خخخخخخخخخ




وتقلدوا تحيتي

[عبدالله الجعيثن]

^

^


فدااااك يالغلاroooose

[شنقل]

تعال أبيك برومي بالبارلينقو

بووه شي يجوز لك

[حيل حليل]

^
^
وانا اقول وين غط خوينا
اثريك طايح بالبارلينقو

اديني الروم :)



هلا فهد
الله حيووووه

وينك يالقطوع

تصدق عاد صلينا عليك صلاة الغايب
واللي امنا ابو جعيثن
واللي شار علينا بهالشور شبيثان
عاد حيلك بهم :)

احلى باك ياجدي خوالك

[ابو ضاري]

هلا وغلا بالغالي


وشنوحك تبطي علينا


فهد ارجع مشتاقين لك





والشبث دواوه عندي