المساعد الشخصي الرقمي

مشاهدة النسخة كاملة : هنيـت مــن حـصـل مـرامـه بدنـيـاه ..!!


راعي الوقيد
24-04-2011, 13:30
الـلـي هـتـف باسـمـاه قلـبـي ونــاداه
حتـى الضلـوع بوجدهـا صفقـت لـه


اللـي غرامـه تـل قلبـي مـن أقـصـاه
وبالدمع عينـي خيّلـت وامطـرت لـه


اللي عسفت النفـس لاجلـه ولرضـاه
والرجل في سمر الغداري عنـت لـه


بليـا سبـب عـهـد الـهـوا لـيـه ينـسـاه
وينسى تخطي رجلي اللي خطت له


الرجـل لـو هـو نـازح الـدار تنصـاه
علـى حثـاث القـاع يـا مـا مشـت لـه


أمــوت مــن فـرقـاه واحـيـا بـذكـراه
والـروح خلـت جسمهـا وانتحـت لـه


قولـو لـه أنـه عـذّب القـلـب وأدمــاه
وحـــي يـــود لــقــاه مــالــه بـقـتـلـه


يـاكــود والله غـيـبـةٍ عـقــب لامـــاه
وعينـي بكـت فرقـاه ثـم اخجلـت لـه


ماصـاب قيـس بحـب ليـلـى تـوطـاه
ولوعات قيس وماجرى له جرت له


مـالاق لـه غيـره مـن النـاس مشهـاه
ويعاف كـل الخـود لـو عرضـت لـه


أغلـيـه لامـانـسـاه واذكـــر سـجـايـاه
لوهـو بعيـد الـدار نفسـي هـفـت لــه


معـذبـي بالـحـب وان حــل طـريــاه
اسـرار ودي بالضميـر اهتـفـت لــه


لـو هـو ظهـر للنـاس وابـدى محيـاه
كـل الخلايـق بالجمـال اشـهـدت لــه


عـزاه ياقلـب علـى الصـبـر مـاقـواه
لو مابغى الفرقا عصت واخطمت له


عزي لمن دمعـه علـى الخـد مجـراه
ودنيـاه غيـب نورهـا مااسفـرت لــه


قولـوا لبـن سـلـوم ابــو زيــد ينـخـاه
يـوم ان غـارات الهـوا صادفـت لــه


يتـابـع الـونـات مـــن كـــود مـاجــاه
لـوكـثـر الــونــات مـافـرجــت لــــه


يهـيـم مـثـل مــودهٍ وســـط مـضـمـاه
يذكـر سنيـن بـالـوداد ضحـكـت لــه


مـاجـت لــه الدنـيـا عـلــى ماتـمـنـاه
وذياب ياسـه مـن حبيبـه عـوت لـه


يكفيـه مـن جـور الهـوا ربـع مـاجـاه
وتغـيـرت دنـيـاه يــوم اوجـهـت لــه


قلبـه مـن الحـرمـان فـاخـت حنـايـاه
مـن يـوم باقـي ايامهـا ماصـفـت لــه


هنيـت مــن حـصـل مـرامـه بدنـيـاه
والـورق بلحـون السعـد غـردت لــه


المولـع اللـي فـي طريـق الهـوا تــاه
لومابغـاه ، اشـراك دربـه سعـت لــه


شعر / احمد السديري


اخاف تكون مكررة:315r:


لكم التحية
عبدالرحمن
24-04-2011, 13:43
ماصـاب قيـس بحـب ليـلـى تـوطـاه
ولوعات قيس وماجرى له جرت له
---------------------
رائعة يسلم اختيارك ياذوق.
سالم الظفيري
24-04-2011, 18:31
صح لسانك ونقلك وذوقك


اختيار رائع

لك تحياتي
شموخ شمالية
24-04-2011, 19:28
.
.
.


هنيـت مــن حـصـل مـرامـه بدنـيـاه
والـورق بلحـون السعـد غـردت لــه
/

تسلم يمينك ياأبوفيصل

ورحم الله الامير أحمد السديري
راعي الوقيد
24-04-2011, 19:31
ومن قال يسلم ابويوسف

شاكر لك مرورك

ولك التحية
راعي الوقيد
24-04-2011, 19:32
صح بدنك اخوي سالم

ومشكور على المرور

ولك التحية
جمران
24-04-2011, 22:07
حتى لو هي مكرره القصيده يابو فيصل

جزله هالقصيده ورووووعه


تسلم يمينك
راعي الوقيد
24-04-2011, 22:36
.
.
.

هنيـت مــن حـصـل مـرامـه بدنـيـاه
والـورق بلحـون السعـد غـردت لــه
/

تسلم يمينك ياأبوفيصل

ورحم الله الامير أحمد السديري

صح بدنك اختي ام عمر

شاكر لك مرور

تحيتي لك
راعي الوقيد
25-04-2011, 09:18
حياك الله ياجمران

اشوى ان ماهي مكررة ولا تسان من امس وهي هناك:)

لك التحية
متفاائل
25-04-2011, 10:34
سلمت ابو فيصل على الاختيار الجزل

تحياتيـ
راعي الوقيد
25-04-2011, 13:01
ومن قال يسلم يالغلا

لك التحية