المساعد الشخصي الرقمي

مشاهدة النسخة كاملة : بالخيراي .. قصة من الزمن القديم


شرهه
23-04-2011, 13:59
السلام عليكم ورحمة الله وبركاته ....




وشلونكم يا الربع

عساكم طيبين







/



طرت علي سالفتن جرت علي من هالسنين .. يوم حنا بدو نرحل وننزل
قلت خلن اكتبه وهي طبعا نقطة من بطولاتي






/


اول السالفه كنا رحيل وحنا ننزل على لنا غدير يمار نازلينن عليه قومن قبلنا من الجهه الثانية ولا فطنا لهم



وهي تقبس بيننا




كلن يقول ارحلو انتم حنا اللي جينا اول وكلن ركب راسه وعيا





يمار ما بوه حل الا الحرب








وهي تقوم يمار الحرب ما تمزح وماتوا به نص الفريس و معندين كل الطرفين
عيوا لا يستسلمون





وهو يجي امير قبيلتنا يصوت للبني المزيونات




قال اركضن تعالن اركبن البعارين و وتزينن واكشفن وراعن للفريس وشجعنهم


وهن يرحن وما بقى الا انا قاعده اتفرج :(








يمار ما بوه فايده .. للحين الحرب مشتده وماحد راضي يستسلم







يوم فطنت يمار الريس يصوتلي يقول شرهه تعالي



وانا اجيه اركض



قال روحي صفي بين الحريم وقلت متوكد يا طويل العمر


اخاف اخلي فريسنا يصابون بالاحباط ومعنوياتهم تصير ميح




قال اقول لايكثر و اخلصي علي روحي معهن






وانا استانس .. حسسسيت انننني انثثثثى اول مرة يصوتونلي ويخلوني اصف جنبهن





وانا اجي اركض مع هالخشوف واصف بينهن



وهن يلولشن ويصفقن




والفريس تحمسوا وقامو يحاربون من قلب



وانا اجي اصير قدامهن و اكشف وجهي





واراعي لهم واضحك





يوم فطنت يمار العالم انحاشت




كلن عض شليلووووه وراح يركض من شنق




وهم يستسلمون و هم يهدون بيوتهم ويرحلون





و حتى ما التفتوا لنا







وانا اراعي لريس قومنا



قلت معقوله انا طخما لها الدرجة

معقولة انحاشو لانهم عجسووو لا يتحملون جمالي و انزغفت عقولهم :)






قال الا من قشرتس انحاشو و نبي نتخذتس منا وبعد سلاح فتاك للنيل من الاعداء ..اللي ما نبيه نبيتس تكشفين لوه وجهتس من شان نقضي عليه :(






عاد تشوفون يا معشر الشيون ان الشين لوه فوائد جما .. ولو ابعده من هنا الى باتسر ما راح اقضي





وشكرا
سالم الظفيري
23-04-2011, 14:14
هههههههههههههههههههه

عزلله خوش قصة الله يطول عمرس اختي :3ajeeb:


بس قبل الشيخ اسمة رئيس

وش اسم النادي حقكم


بعدين ليش مافية محترفين عندكم


والله انك ضحكتيني يلعن بليسك

بعدين اكيد انك شينة ولك شوشة بعد

ولونها شهباء ههههههههههه

انتي :thumb:

تسلمين لك تحياتي
الشبث
23-04-2011, 14:37
عليتس وجه يقطع المطر






ياخي تكفين لا تكشفين قدام الاعضاء



اخاف باتسر يجي ابو سلطان ما يلقا قداموه الا انتي ويسكر المنتدى :)







ههههههههههههههههههه



حسبي الله على بليستس




وتقلدي تحيتي
بالمختصر..
23-04-2011, 15:07
,




ههههههههههههه

اشي أشوف صدي علي :)

,

حكيم ريسكم حكيييييييييم :)




.
.
ابو فارس
23-04-2011, 15:17
وانا اقول ليه العرب انهزمت بايلول وتموز وشباط وباقي الربع؟


اتوقع ان اصولك التي تعود لمصر كانت بحلف مع تل ابيب


ياجماعة ترى الوضع خطير ماهو بسيط



لازم نبلغ
الجازي
23-04-2011, 16:16
شهشه

يابعدي

لايلعبون عليتس

حتى وأنتي قشرا وشينة

الدنيا مصالح

ساومي على شينتس ياقلبي

مافيه شيء ببلاش :)

اعقدي صفقات

كل فتشة بمبلغ وقدره :7ayyoh:

خلي هالزينات ينقهرون من صفقاتس ويتمنون هالشين اللي أنتي بوه

وما هي بعيدة بعد يسوون عمليات تشيين :7ayyoh:

صدقيني

شينتس استثمار رابح لاتفوتينه :)

وأنا لتس مني أصير مديرة أعمالتس ونبدأ من باتسر ننشر لتس صور دعائية عشان تصيرين نجمة عالمية :)

ماتدرين يمكن باتسر تجيتس عروض من الأمريكان أو القاعدة وطالبان :) <<< اللي يدفع أكثر خليتس معه :)

بس تكفين

طلبتس

لاعاد تحطين حرتس بي هالصبحية ترى تستاثمين فيني والله :)
شمـ حايل ـرية
23-04-2011, 18:57
ههههههههههههههههههههههههههههههههههههههه


شكرا شكرا

ارتفعت معنوياتي هههههههههههههههههههه
عبدالله الجعيثن
23-04-2011, 19:31
وانا اشوف مالتس تواجد بالترحيب




انثريتس ماخذته من قاصره :)
جمران
23-04-2011, 22:48
حدى الفرّيس اللي نحاشو يقول والعهده على الراوي

انهم يحسبون الدآبه طلعت عليهم

وان آخر يقول انحاشو جاكم الاعور الدجال :solh:
عبدالله الجعيثن
23-04-2011, 23:08
المشكله مهي هي




المشكله المزايين اللي معه اكاليوم كلهن ماتن
ابو فارس
23-04-2011, 23:09
ياعل ماتجيبين الفود ياشرهة


صحيح يا ابو غازي؟
انت متوكد؟
جمران
23-04-2011, 23:13
اقول اغديتس من سلالة ظلما اللي يذكرون
ريال الفسحه
23-04-2011, 23:30
علي ماعلي انتس ذكر




وانا اجي اركض مع هالخشوف واصف بينهن


بالله هذي جمله تقوله بنت ؟


مازلت مصر انتس ذكر وعسكري بامن الطرق



:)
سالم الظفيري
23-04-2011, 23:46
كنت شاك بس ريالوه تصدق عاد الحين

ثبتت الروئة خلاص


بس بامن الطرق ماظن
بنت الجبل آخت القصيد
23-04-2011, 23:57
انا اشوف يادخلت المضايف

تجينن تكه وضيقه واسكره واطلع

:puzzled:

.
.

المهم بالموضوع الريس shlwee7
عبدالرحمن
24-04-2011, 00:46
^
^
بنت الجبل> يفكر قديم ولا عضو جديد :)

نرجع لعسكري امن الطرق :)

وشرايك ياست شرهه تفزعين لهل مصراته:thumb:
سلمه القذافي اليو لشيوخ القبايل
يغدي افكارك الجهنمية تنجح
ويحطونك قي مقام راس لانوف:)
شموخ شمالية
24-04-2011, 03:33
.
.
.

اذا أنتي قشرا من الطخما بالله




أحبسسسسس roooose
صلفيق
24-04-2011, 03:51
والله ان ريّسكم لقى سلاحه اللي ماأحد يقاومه!

ياجماعة تروا الشين مثل التتان >>> ماأحد يانية الا خوياو



شكرا شرهه
شرهه
24-04-2011, 13:09
هههههههههههههههههههه

عزلله خوش قصة الله يطول عمرس اختي :3ajeeb:


بس قبل الشيخ اسمة رئيس

وش اسم النادي حقكم


بعدين ليش مافية محترفين عندكم


والله انك ضحكتيني يلعن بليسك

بعدين اكيد انك شينة ولك شوشة بعد

ولونها شهباء ههههههههههه

انتي :thumb:

تسلمين لك تحياتي



هههههههههههههه
ههههههههههههههه



هلا بك اخوي سالم




شوشه و بس !!


شوشتي كل شين معششن به .. قمل و نمل و عناقب وحتى الفقع ينبت به :)




ما قول الا الله لا يجيب للصديدز بنتن مثلي
ههههههههههههه





الله لا يهينك على هالمرور



تحياتي
شرهه
24-04-2011, 13:13
عليتس وجه يقطع المطر




عز ما صدقت :puzzled:



هذي هي مستهلتن علينا كل اليومين اللي فاتن




ياخي تكفين لا تكشفين قدام الاعضاء


ما عليك .. وجهي سلاح فتاك ما راح اشهره بوجه احد



اخاف باتسر يجي ابو سلطان ما يلقا قداموه الا انتي ويسكر المنتدى :)



ههههههههههههههههههه
ههههههههههههههههههه




ههههههههههههههههههه



حسبي الله على بليستس




وتقلدي تحيتي





لا هنت على المرور




و تقلد تحيتي واتقلد تحيتك
شرهه
24-04-2011, 13:18
,




ههههههههههههه

اشي أشوف صدي علي :)

,


هاه صديت ..





حكيم ريسكم حكيييييييييم :)




.
.

ما صار ريسنا عببببببببببببببث



ما اخترناه من فراغ
ههههههههههههه
ههههههههههههه











لاهنتي يا البرنسيسه
ام الرغفان
25-04-2011, 19:45
ههههههههههههههههههههههههههههههههههههههه



شرهووووووووووه خذ اللله هالصوابر يالبى مختس بسسس


سيري وحنا خلفك


حمله الشيون اقوى سلاح :7ayyoh:
سالم الظفيري
25-04-2011, 20:08
والله خوش حملة ههههههههههههههههههه

شدو الجرذان اختي شرههههه


يعني نقول لارجوع الى الامام بالتوفيق


اذا محتاجين شيون ياكثرهم

لك تحياتي
راعي الوقيد
25-04-2011, 20:09
هههههههه

والله ياعليتس اسلوب:thumb:

ماقول الا

الزين زين لوقام من منامه * والشين شين لو تغسل بصابون

وانتي بنايتن مزاوينه على قشرتس:)

<< صورة مع التحية لأبو فهد " مضيف قصة وقصيدة "

يسلموووووو
ليلى بنت عبدالعزيز
26-04-2011, 03:30
يعني تشوفين نغير المثل مدري وشو ...الجمال نعمه الا الشين نعمه :)
يشرفني اني انظم مع جيشكم الجبار

يسلمك مخك على هيك موضوع :thumb:
شمعه
28-04-2011, 00:43
ههههههههههههههههه يالبى الشيون
اثريتس بطله
اجل بنسوي فلم رعب انا وياتس انتي المقنع وانا مصاصه دماء<عاد لايق على صوابرنا
واللي تبي تشارك بالفلم ترسل لشرشر صورته مانبي مزين :d:
عولم
ملاحظه/لايوجد ادوار للرجال تخبرون حنا بس نبي نخرع المشاهد مهو نفضخ قلبه او ننهيه من الحياه:)
حيل حليل
28-04-2011, 13:20
هههههههههههههههههههه
سبحان
كل شي بهالدنيا
له فايده
حتى الوجيه اللي تقطع الرزق :)



شرهه
ورى ماتركبين سن ذهبي
ترى رجعت موضته من جديد :)

لاهنتي يالشيخه
شرهه
30-04-2011, 06:35
الله حيهم كلهم




منورين الموضوع كلكم






تحياتي
عبدالله الجعيثن
30-04-2011, 09:25
^


^



عسى ماتكلّفتي :)
الجازي
30-04-2011, 16:13
انت لو بدل هالمسجات اللي تغثيني بهن هالصبحية تكتبينهن في ردودتس تسان أبرك :)

<<< بتحقدين عليها :)

تصدقين توني أنتبه لرسالتس أحسب إني أحلم هالصبح :)

مساء الخيراي والليراي يابعد كل البناي :7ayyoh:

شرهه صح إن القشارة والشين عامل مشترك بيننا بس عاد لاتتخذيني زعيمتس الروحية وتشوهين سمعتي :)

خلينا على ستر الله :thumb:
شرهه
30-04-2011, 18:05
^

^

اي مسجات واي بطيخ رجائن لا تطلعين علي اشاعات .. ترا الربع يصدقون >>>>جحدت :)





والله يا خيه كل ما نطلع للشبوك الصبح .. تطرين علي وارسلتس مدري ليه عاد تطرين علي انتي بالذات :puzzled:






مساء النور والسرور يا خيه


.

.

.






ابو غازي ياخي تخبر كنت توي نازلتن من طيارتي توي جايتن من لندن يوم ارد وتعبانه مابي حيل





تخبر حاضرتن عرس وليام وكيت وابلشتنا هالعجوز اللي يقال له اليزابيث يا انه لوّه وما ينسير عليه .. تبينا نمرح مار قلت ورانا اشغال الصخال والمعزا ويالله ارخصت لنا n)
الجازي
30-04-2011, 18:17
^
^

بلاتس خابرتني في زمان مضى أرعى هالمعزى

عاد شوفي انتي وش تطلعين دامي أنا الراعي :7ayyoh:
بعدين رايحتن للندن !!

أبوتس يالخيانة

ولا تاخذيني معتس

مغير مسجات عالفاضي :)

يالله خيره اللي مارحت معتس ماجاز لي عرسهم :)

عساتس بس حطيتي لتس عنز فوق راستس سنع قبعة مثل قبعاتهم <<< ياويلتس تسانتس حطيتي عنزي أم زميّم :)

والله مامثل عرس ديانا :(

شهشه

بالله وش هالثقل على الفلة

مسوية لي فيها بريستيج

ماعاد لتس حس

والا مهددينتس بباند

احتسي يابعدهم لاتشيلين هم

فضفضي

لايردتس الا الباند اذا صقعوتس به :7ayyoh:
شرهه
30-04-2011, 18:30
هههههههههههههه
هههههههههههههه




لا ماني حاطتن عنز بكبره ... لا بس فرو العنز لبسته ونسفته على كتفي وكلن ينشدن هالفرو اللي انتي لابسه وشو فروه.. يا لبيه يا ام زميم بفضله اختاروني نجمة الحفل n)







احمدي ربتس يا شيخة اللي ما رحتي




ابوك يالزحمه .. امم امم اللي حاضرين مالتس مخش
شرهه
30-04-2011, 18:31
و بالنسبة للثقل .. والله كله اشغال ما فضيت الا تو





و منا وبعد راح اخمر بالفلة واحجر لكم :puzzled:
عبدالله الجعيثن
30-04-2011, 18:43
^تخبر حاضرتن عرس وليام وكيت n)


شنوح ماشفتس هناك:)


انا توي جاي الفجر انا وجمران
شرهه
30-04-2011, 18:48
يا قهر ليه ما علمتوني


من الزحمه ما شفتن




طيب وينك عن مقعد تشارلز





ان كنت بالطاولة اللي عن يمينه
عبدالله الجعيثن
30-04-2011, 18:56
لا انا وجمران ندربل من بعيد ماقدرنا ناصل حولهم
شرهه
30-04-2011, 19:00
^


ما شفت لك وحده لابستن فرو عنز
قـــوت
01-05-2011, 01:44
فرو عنز :a: امش يهالعنز اللي له فرو يمكن عنزكم كشخه :)



شرهه نبي نحرر بك فلسطين

نوديك لمدينه حقل واكشري لجهة فلسطين خخخخ
ريم شمر
02-05-2011, 02:32
ذكرت سالفة العجوز اللي كاشفتن وجهها ومغطيه يديها

جايه في برنامج ......وتسألها العجوز الثانيه المذيعه

( انتي ليه مغطيه ايديكي ............قالت : خوفاً من الفتنه :)

ردت عليها : اللي حيشوف وشك موش حيبص على ايديكي :solh: )

اي عاد هنا اقول اللي حيشوف شرهه موش حيبص على الغدير بتعهم :315r:

تسلمين فارسة القبيله :d: