% تحدي الشعار المرحلة الثالثه %

[الشبث]

معنى التحدي شحذ همه وترميم *** ابي الشعر من كل قرم اهقابه


ابي سحاب الشعر ماودي الديم*** مامقصدي به فتنه ولا طلابه


ياللي تبي حلق الشبث اصح يانيم*** لا تحاول التفكير في طق بابه


هذا خطاب وتقدر تقول تعميم*** ومن اطلع عليه ياخذ حسابه


واخص فيها اللي حضر روضة خريم*** اللي حصل بيني وبينه شذابه


هذاك يبطي ماعرف سين من جيم*** لاصرت بالملعب تجنب ركابه




وتقلدوا تحيتي

[ابو فارس]

اكوي يا ابو ماجد


ايه ياشيخ بعثرهم


خلهم شذر مذر


صح لسانك وعلا شانك ودام هتانك




ياحبني لك مع اني ودي اكسر راسك


دمت بخير

[متفاائل]

ابو ماجد انت تخوف من جد اكوي اكوي :3ayyen_khair:

لي نكسه كان اعمدتن عظامي

[عبدالله الجعيثن]

خل الدبا يمرح وجنّب عن الغيم // ترى الشعيب ان فاض كلن يهابه

لاتزحم الشعّار وتصاب بالضيم // وتصير بيدين الشواعير طابه

لو شفتهم يتجاهلون المراسيم // أقلهم لا هاج فك النشابه

صاحبك وان ضاقت عليه الملازيم // يبغاك بالشدات لين وحبابه

والباب افكه في وجيه المعازيم // واللي يصك الباب ماطق بابه

صدر الشمالي ديم يطغى على الديم // هذا جوابه كان تبغى جوابه

[الاصمعي]

أبو ماجد ما كأنه تكررت سالفة التحدي بالمرحلة الثانية والمرحلة هذي بعد!!

يعني لو جدد الموضوع الى غزل وداع خوه سياسة وعلى وزن أبيات لشعراء من برى مثل ما سويت بالمرحلة الأولى برايي تكون أقوى والراي لك معد ومخرج المسابقة

تحياتي

[الجازي]

^
^
^
:thumb:

شبيثان

الحين نثر شف شلون تهزأت :)

أجل شلون لاجاك القصيد :7ayyoh:

عاشوا شعراءنا العظام

وليسقط النفعيون المقتاتون على فتات الكبار :)

[ابو ضاري]

لاتزحم الشعّار وتصاب بالضيم // وتصير بيدين الشواعير طابه


لاهنت يابو غازي


<<<<<ملاهد الشبث

[الاصمعي]

خل التحدي! وسط الأجواء تعتيم
........ ....قبل تصير احلاف "خندف-شبابة"
ثم نتماسك بالشوش والبلاعيم
............... ....اسود ونمورٍ تصارع بغابة
خله على الروض الخضر والترانيم
..............مع شبة الضو في عوالي هضابه
ولا مدايح بالرجال الصماميم
....................الي بميلات الدهر يعتزى به
وان جبتها عالجرح جب طاري الريم
.....................وتشوف شعّارك تشلق ثيابه
لو كان ريمه ما سوت ربع ملّيم
...................يشوفها كالشمس حروة غيابه
مثل الفراش بلمعة الشعلة مهيم
......................تحرقه وهوه مندفع غير آبه

[الجازي]

خل الدبا يمرح وجنّب عن الغيم // ترى الشعيب ان فاض كلن يهابه

لاتزحم الشعّار وتصاب بالضيم // وتصير بيدين الشواعير طابه

لو شفتهم يتجاهلون المراسيم // أقلهم لا هاج فك النشابه

صاحبك وان ضاقت عليه الملازيم // يبغاك بالشدات لين وحبابه

والباب افكه في وجيه المعازيم // واللي يصك الباب ماطق بابه

صدر الشمالي ديم يطغى على الديم // هذا جوابه كان تبغى جوابه

عساه يصير طابه

أخاف ينعجن عجن ويصير أردى من الطابة :)

صح لسانك يابو غازي

أبيات جزلة حسافتن على أبيات شبيثان :7ayyoh:
لاهنت أخوي

[الجازي]

خل التحدي! وسط الأجواء تعتيم



........ ....قبل تصير احلاف "خندف-شبابة"
ثم نتماسك بالشوش والبلاعيم
............... ....اسود ونمورٍ تصارع بغابة
خله على الروض الخضر والترانيم
..............مع شبة الضو في عوالي هضابه
ولا مدايح بالرجال الصماميم
....................الي بميلات الدهر يعتزى به
وان جبتها عالجرح جب طاري الريم
.....................وتشوف شعّارك تشلق ثيابه
لو كان ريمه ما سوت ربع ملّيم
...................يشوفها كالشمس حروة غيابه
مثل الفراش بلمعة الشعلة مهيم


......................تحرقه وهوه مندفع غير آبه





صح لسانك يا أبو خالد
أحرقته نثر


وشويته وحسحسته شعر :thumb: <<<< متشققة من الوناسة :)


وان جبتها عالجرح جب طاري الريم
...............وتشوف شعّارك تشلق ثيابه


ترى الاصمعي يقصدني أنا وريم شمر <<< بس عاد الأبيات اللي عقبها والربع مليم مالنا شغل فيها :)


يعني المرحلة الجاية ياشبيثان خلها مدح فيني أنا وريومة :7ayyoh:


ليتك بعد يابو خالد حاط من ضمن المواضيع اللي اقترحتها بيت تهجي فيه شبيثان عشان تصير المسابقة فعالة وقوية ومنعشة :hala1:


لاهنت على هالأبيات الرائعة

[سالم الظفيري]

يشاعر اللي في بحر شعــره يـهيــم
ارسـل ابيــاتاً مـثـل رش السحــابـة

رش السحاب اللي تهامل مـن الغيـم
نـزل علـى صــــدر ونبـت اشعــابــة

يومك تسوي للقصـايــد تصــاميــم
تعممــة وتـقــول مــابــه اطــلابــة

يالاصمعــي بشــر شبيثــان بالظيم
الظــاهـر انــه مـفطـــرله قــلابـــة

الظــاهــر انا نبي نــربطة فــي سيم
حتـــى يقـــول الشعــر قفلــت بابــة

جتك القصــائــد يابو ماجد تقل ديم
شعــارانا تــشبـة اســـودا ابغـــابة

يحيي يبــرد حــرتة في ظهر تيم
ويـعلمــــه ان الــذيــاب اذيابــة

[كبرياء انثى]

الله يعطيك العافيه


والله يقويكم ياشعار >>>> تبي تشدون حيلكم تقولون فيها قصيده على الطاير :)

[سالم الظفيري]

وليش ماتحاولين وتتحدين على ماظن ان التحدي


للكل

لك تحياتي

[كبرياء انثى]

لا ابيكم تتحدون فيني >>> اخس يالقويه:)

[الجازي]

صح لسانك أخوي سالم

أبيات جميلة وعز الله إنكم أسود بغابة الشعر

لاهنت

[متفاائل]

ازكى تحياتي وازكى التساليم
للي جمع مابين شعر ودعابه
،
سلام-ن احلى من حليب المجاهيم
والذّ من شهد العسل وانسيابه
،
حنا بزمان تحديات-ن وتنظيم
ياكثر امورٍ صار فيها انقلابه
،
حتى الشعر صابه من الوقت تأليم
معذور لو القوس نسي الربابه
،
الشعر يبي له صيانه وترهيم
وبعض القطع لوغيرت دون ثابه
،
مايفيد فيها سمكرتها وتلحيم
مهما تحاول به كثير-ن خرابه
،
ترى حلات الشعر لاجاه تطعيم
دمج قديمه في جديد تشابه

[الاصمعي]

ترى الاصمعي يقصدني أنا وريم شمر <<< بس عاد الأبيات اللي عقبها والربع مليم مالنا شغل فيها :)





يعني المرحلة الجاية ياشبيثان خلها مدح فيني أنا وريومة :7ayyoh:



ههههههههه أقصدك انتي وريم شمر:3ajeeb:
وبعدين أبياتي ما تجزء يا تاخذنهن كلهن أو تتركنهن كلهن!


المهم انتن تستاهلن معلقات مهو عاد شطر بيت يغابشنكن به غيركن !


متابعة وتشجيع للشعراء تشكرين عليه جداً


تحياتي

[ريال الفسحه]

وين الشبث يالشعار ؟


شكلوه هج :)


صح لسان كل من مر من هنا واتحفنا
بجديد هذا التحدي ..

[الاصمعي]

هههههههه سالم أجل مفطر قلابه أبو ماجد:thumb:

يقول متفائل: معذور لو القوس نسي الربابه

شطر أعجبني جداً يبدو أنه لم يسبق اليه :goooood:

[الشبث]

ريالي


افاا بس


انت ما تدري اني ملبدن لهم



ولا ابي الموضوع يقلب تشات



ابي اشوف الفعل


مليت من الحتسي









ابو خالد

عزالله انك كفو


بس لو ما اطريت اسم هالمغلث :)


ابشر ان شاء الله الاسبوع الجاي المواضيع جديده




وتقلدوا تحيتي

[برق العتيم]

السلام عليكم ورحمة الله وبركاته


يسعد مساكم جميع
مشاركتي الأولى ورد سريع على الأبيات من أختكم برق العتيم اتمنى ينال رضاكم


برسل مع شمس القوافي ترانيم
................................. وارسم حروفي نجوم فوق السحابه
أبيات موزونه كما رمح بالغيم
................................. غنى بها الساري وقوس الربابه
بنت (ن) لشمر والفخر فيهم مقيم
................................. ربعي شعاع العز مجد ومهابه
مضايفهم دار السعد عاليه ديم
................................. نقش الكرم بجدار داره وبابه





وافر تحيتي