راعي الوقيد
20-04-2011, 22:17
اتمنى تعجبكم
عشرين شارب ما شرب لي فناجيل
من دلة ٍ صفرا بها شاذليه
من دلة ٍ تبري ضرم للرياجيل
سويتها للي تردّد عليه
أحد ٍ يقول البن طاغي على الهيل
وأحد ٍ يقول الهيل زايد شويه
أحد ٍ يدور للّغط باب تعليل
يحط منقوده بهذي وذيه
واحد ٍ يحلل حكيها الزين تحليل
غلطان منهو يحسب اني رديه
غلطان ثم غلطان يالشيخ بالحيل
بيني وبينه يالوفي مكرهيه
أنا بدويه عزوتي قربهم ويل
إيه بدويه والفخر لبدويه
أصبر على الشدات لحظات وتزيل
وتزيل معها كل محنه قويه
لاني من اللي ترتكب عار بالليل
ولاني من اللي تقبله في هديه
ولاني من اللي شانها القال والقيل
ولاني من اللي تعشق العنصريه
يا مشغلين أعماركم حط ٍ وشيل
حضرة جناب العز قبّل إيديه
ما مالت الحره ولا تعرف الميل
كل البشر تدري بأني نقيّه
يالله عسى حظه مثل صاحب الفيل
اللي نوى مكه لفعل الخطيه
وجزاه من ربي بطير ٍ ابابيل
إمسوّمه من عند رب البريه
مع تمنياتي ان ترقى لهامات ذوقكم:)
لكم التحية
عشرين شارب ما شرب لي فناجيل
من دلة ٍ صفرا بها شاذليه
من دلة ٍ تبري ضرم للرياجيل
سويتها للي تردّد عليه
أحد ٍ يقول البن طاغي على الهيل
وأحد ٍ يقول الهيل زايد شويه
أحد ٍ يدور للّغط باب تعليل
يحط منقوده بهذي وذيه
واحد ٍ يحلل حكيها الزين تحليل
غلطان منهو يحسب اني رديه
غلطان ثم غلطان يالشيخ بالحيل
بيني وبينه يالوفي مكرهيه
أنا بدويه عزوتي قربهم ويل
إيه بدويه والفخر لبدويه
أصبر على الشدات لحظات وتزيل
وتزيل معها كل محنه قويه
لاني من اللي ترتكب عار بالليل
ولاني من اللي تقبله في هديه
ولاني من اللي شانها القال والقيل
ولاني من اللي تعشق العنصريه
يا مشغلين أعماركم حط ٍ وشيل
حضرة جناب العز قبّل إيديه
ما مالت الحره ولا تعرف الميل
كل البشر تدري بأني نقيّه
يالله عسى حظه مثل صاحب الفيل
اللي نوى مكه لفعل الخطيه
وجزاه من ربي بطير ٍ ابابيل
إمسوّمه من عند رب البريه
مع تمنياتي ان ترقى لهامات ذوقكم:)
لكم التحية