مشاهدة النسخة كاملة : وش يطلع الكعكوع :)
نح ياحمام الهوى لـ محمد بن لعبون
نح ياحمام الهوى بسجوع ** يا من يسومه وانا بيعه
ما فيك كود العنا و فجوع ** وقرور قلبي و تصديعه
ياعلي ذالي شهر واسبوع ** ألطم كما تلطم الشيعه
راعي الهوى زايده مقطوع ** قلبه معلّق بشرّيعه
دُونكْ ثْوَيبي مِزوع مْزُوع ** فتّق ظفوري بترقيعه
راعي الهوى دايمٍ مسبوع ** بالليل تكثر سعاسِيعه
وجدي على الجادل المربوع ** اللي خذ القلب تفجيعه
أمنّي على شوفته و اموع ** والنفس فيها طميميعه
وخْديدْ مَيّ يشع اشعوع ** مثل القمر في ترابيعه
تغريك في قولها كعكوع ** حمر الخواتم باصابيعه
قلب الخطا ياعلي مطبوع ** بالصدر تخفق بترميعه
وسلامتكم
بس لاتنسون تجاوبون على السؤال :)
بـ 10
قصيده رائعه لشاعر داهيه بالشعر الله يرحمه
شكرا على هالنقل الطيب
وتقلدي تحيتي
^
^
وش اللي بـ 10 !!؟
هذا هو الكعكوع يعني !!؟ :)
تسانه مهو الكعكوع وراك ماجاوبت على السؤال !!؟
راعي الوقيد
18-04-2011, 13:31
راع الهوى دايمٍ مسبوع ** بالليل تكثر سعاسِيعه
الله يعينه على سعسعة تالي الليول:)
أمنّي على شوفته و اموع ** والنفس فيها طميميعه
هذا ذايب بجد:)
قصيدة قمّة ممتعة وجريئة:)
لكن وشو الكعكوع:232r:
يمكن تقصد سلتوح مثلاً:7ayyoh:
:goooood:
تحيتي لك
يسلموا الجازي نقل حلو
الكعكوع يمتكن تكون كع كع كع يعني على وزن هههههه
تحياتيــ
عبدالرحمن
18-04-2011, 13:32
وجدي على الجادل المربوع ** اللي خذ القلب تفجيعه
أمنّي على شوفته و اموع ** والنفس فيها طميميعه
وخْديدْ مَيّ يشع اشعوع ** مثل القمر في ترابيعه
تغريك في قولها كعكوع ** حمر الخواتم باصابيعه
قلب الخطا ياعلي مطبوع ** بالصدر تخفق بترميعه
-----------------------------
اختيار رائع يسلم ذوقك اختي القديرة
ورحم الله تعالى الشاعر.
الكعكوع واضح من سياقه!
لذلك سأترك الجواب عليه!
لأهل الحاضرة!.
راع الهوى دايمٍ مسبوع ** بالليل تكثر سعاسِيعه
الله يعينه على سعسعة تالي الليول:)
أمنّي على شوفته و اموع ** والنفس فيها طميميعه
هذا ذايب بجد:)
قصيدة قمّة ممتعة وجريئة:)
لكن وشو الكعكوع:232r:
:goooood:
تحيتي لك
حياك الله يابو فيصل
أجل ماتدري وش الكعكوع !!
والله البلشة !!
من بيعطينا العلم السنع !!
شكراً لمرورك
اقول بعشره
يعني بعشر ريال للي يجاوب
واذا تبيني افقشوه ماعندي مشكله افقشوه
انا حاب اعطي فرصه للمبتدئين :)
وتقلدي تحيتي
يسلموا الجازي نقل حلو
الكعكوع يمتكن تكون كع كع كع يعني على وزن هههههه
تحياتيــ
هلا بك يابو عمر
الكعكعة يعني الضحك !!
والله يمكن ماهي بعيدة !!
بس عاد الكعكعة وش فيها من الإغراء :) <<< بتنشب لابن لعبون :7ayyoh:
شرفتني بمرورك أخوي متفائل وشكراً على الرمعة :)
وجدي على الجادل المربوع ** اللي خذ القلب تفجيعه
أمنّي على شوفته و اموع ** والنفس فيها طميميعه
وخْديدْ مَيّ يشع اشعوع ** مثل القمر في ترابيعه
تغريك في قولها كعكوع ** حمر الخواتم باصابيعه
قلب الخطا ياعلي مطبوع ** بالصدر تخفق بترميعه
-----------------------------
اختيار رائع يسلم ذوقك اختي القديرة
ورحم الله تعالى الشاعر.
الكعكوع واضح من سياقه!
لذلك سأترك الجواب عليه!
لأهل الحاضرة!.
حياك الله يابو يوسف
بس ماهقيت الحاضرة يكعكعون :)
ارمع ياتصيب ياتخيب !!
شكراً لك
والله البلشة !!
من بيعطينا العلم السنع !!
ابشري والله
يا ان الشاعر ابن لعبون كان يقصد انه من عائلة الكعكوع
او انه يقصد ان فيها لتجه فما تقول كوع تقول كع كوع
يقصد من زين كلامه يعني
<< خلاص جابوه
وتقلدي تحيتي
اقول بعشره
يعني بعشر ريال للي يجاوب
واذا تبيني افقشوه ماعندي مشكله افقشوه
انا حاب اعطي فرصه للمبتدئين :)
وتقلدي تحيتي
الله يفقش راس العدو قل آمين
الحين صاجنا نبي قصايد الأولين وعطونا من قصايد الأولين
قلت شكل الولد فاهم
ويوم جبت لك قصيدة ابن لعبون
عجزت تعرف الكعكوع :)
إثر الدعوى هياط
ودي أكعكع بس علي حلف :7ayyoh:
ابشري والله
يا ان الشاعر ابن لعبون كان يقصد انه من عائلة الكعكوع
او انه يقصد ان فيها لتجه فما تقول كوع تقول كع كوع
يقصد من زين كلامه يعني
<< خلاص جابوه
وتقلدي تحيتي
ما أقول إلا الله يخلف على أميمتك
(( تغريك في قولها كعكوع ))
تغريك في قولها عائلة الكعكوع :)
أو
تغريك في قولها لتجة اذا بغت تقول كوع قالت كعكوع :) <<< وش هالتغزل الحوطي :7ayyoh:
شبيثان رجاءاً خلك مع الجماهير لما يجي الجواب الصحيح لاتطينها أكثر من كذا
الله يجيبك يابو رغد يافارس العشيرة تشوف لنا هالكعكوع وش يطلع :thumb:<<< تسنها تهدد :)
خخخخخخخخخخخخخخخخخخخخخخ
اهاااا
افهم من كلامتس ان كعكوع يعني فارس القبيله
وهي قالت كعكوع يعني انت كعكوع يا ابن لعبون خخخخخخخخخ
وتقلدي تحيتي
تسانه صح فهو جوابي أنا قايلته قبلك
وتسانه خطأ فهو جوابك
ولا زلنا في انتظار الخبراء في قصيد الأولين :)
عبدالله المهيني
18-04-2011, 15:45
الكعكعه هي التميز
فـ كعكوع تعني مميز
وكأن لهذا اللفظ إرتباط بتميز الأنثى ( قديماً ) بدق الوشم في وجهها أو على ظهر كف اليد أو حتى على الذراع
فـ يقلن النسوة فلانة وضعة كعكوع
( هذا ماعندي من علم لا أجزم به )
عليه ممكن أقيس على أساس أن الشاعر هنا تكلم بلسان حال من يتغزل بها
تغريك في قولها كعكوع
أفهم بأنها هي تقول عنه مميز
أي أن كعكوع ( مميز ) يتم إستخدامها للذكر وللإنثى على حد سواء
هذا إن صحت معلومتي
وسلامتكم :)
حياك الله يابو صالح
والله يمكن
بس إذا طلع معنى كعكوع مميز
أنا أشوف إن تفسير البيت يطلع بهالشكل :
تغريك في قولها كعكوع
يعني أسلوبها في الحديث مميز ومغري
وهنا يكون المعنى مناسب جداً
تشرفت بمرورك وإضافتك أخوي عبدالله
سالم الظفيري
18-04-2011, 15:57
تسلمين اختي الجازي على النقل والاختيار
والذوق
سلمت يداك
لك تحياتي
حياك الله أخوي سالم
نورت المتصفح
شكراً لك
حيه وما جابت
ابن لعبون مدرسة بالشعر وثروة بالألفاظ والمفردات الشعبية في بيئته التي عاش فيها أو مر عليها
والكعكوع لا أجد له تفسير الا ما قال به أخي أبو عمر فهو الضحك فهو يقول انها تغريه بحديثها المختلط بالضحك أو الجالب للضحك
فيه شاعر شعبي قديم أول ما طلعن التلفونات يتغزل بفتاة ويمتدح حديثها يقول كأنها وغد يضحك بتلفون عاد ضحك الوغد بالتلفون مدري وش يفرق عن ضحكه العادي:thumb:
ما أحوجنا الى مضيف نأتي به بالأشعار القديمة أو الحديثه ونناقشها ونعلق عليه بدل من يسلم ذوقك وشكراً على النقل
فجمال الشعر بالحديث عنه والتعليق عليه وليس بالإطراء فقط لقائله أو ناقله
دمتي متميزة أختي الكريمة الجازي
تحياتي
حياك الله يابو خالد
أجل أنت مع راي أبو عمر
يعني الضحك !!
كل شيء جايز
عندنا احتمالين الآن (( الضحك ,, مميز ))
بالنسبة لمضيف لنقد القصائد والتعليق عليها فأنا أضم صوتي لصوتك وأؤيدك بقوة
تبادل الآراء حول القصائد ونقدها يثري الموضوع وينشر الثقافة الصحيحة المتعلقة بالشعر النبطي
تشرفت بحضورك يابو خالدشكراً لك
عبدالله الجعيثن
18-04-2011, 18:46
شكرا اختنا ام زكي:)
قصيده لعلم ومبدع " ابن لعبون "
بالنسبه لكعكوع <<<اجتهاد شخصي
الكعكوع من الكعكعه وهي خفض الصوت والتريّث بظهور الكلمات
يعني ماتطلع الكلمه الا بطلعة الروح .... كنايه عن الحياء
وكـأنه يشحذ السوالف منها شحذه:)
شمـ حايل ـرية
18-04-2011, 20:26
عااااااااااااااااشت الجازي
وصح لسانتس يا ملي لاعدمناتس ولا عدمنا جديدتس
شكرا اختنا ام زكي:)
قصيده لعلم ومبدع " ابن لعبون "
بالنسبه لكعكوع <<<اجتهاد شخصي
الكعكوع من الكعكعه وهي خفض الصوت والتريّث بظهور الكلمات
يعني ماتطلع الكلمه الا بطلعة الروح .... كنايه عن الحياء
وكـأنه يشحذ السوالف منها شحذه:)
هلا بك يابو غازي
إذا أنت متأكد إن الكعكعة هي خفض الصوت والتريث بظهور الكلمات
فتفسيرك مقبول
تغريك في قولها حياء وثقل :)
يعطيك العافية يابو غازي
ومشكور على المرور
عااااااااااااااااشت الجازي
وصح لسانتس يا ملي لاعدمناتس ولا عدمنا جديدتس
هلا وغلا بهالطلة يابعدي
شرفتيني يالغلا
أبشركم لقيت الإجابة الصحيحة :7ayyoh:
قوقلت لما تقوقلت :)
واكتب كعكوع وتكعكع ومكعكع الله لايكعكع العدو :)
لما أخيراً طحت على منتدى
يتكلم عن مصطلحات كويتية (( كلام الكويتيين مالوت أول :) ))
وكانت صاحبة الموضوع كاتبة من ضمن الكلمات كلمة كعكوع <<< الله يالقيت كلمات تحبها قلوبكم :7ayyoh:
لقيت (( زبوط النقعة : وهو الشخص القصير ضعيف البنية :) )) ولقيت بعد (( غمنده : يعني اتفاق سري لعمل شرير غالباً :) ))
وكلمات كثيرة حلوة
بس المهم لقيت من ضمنها كلمة (( يتكعكع : وتعني يتضاحك والكعكعة هي الضحك مع إخراج صوت كع كع :) ))
وبما إن الشاعر ابن لعبون الله يرحمه عاش باقي عمره في الكويت معناها تأثر بمصطلحاتهم وأخذ منها واستخدمها في أبياته !!
وبكذا تكون الإجابة الصحيحة هي إجابة أبو عمر والاصمعي :mabrook: <<< داخلين مسابقة على غفلة :)
بس تبون الصدز هالكعكعة مخربة البيت !!
وشلون تغريه وهي تكعكع والكعكعة لازم يطلع معها صوت كع كع أحسها ماصلة شوي :)
لكن للناس فيما يعشقون مذاهب :)
شاكرة لكل من مر وحضر وشارك في هذا الحوار المثري وعسى الله يخليني لكم عشان أقوقل وأجيب الإجابات الصحيحة :7ayyoh:
عبدالرحمن
19-04-2011, 00:54
واضح ولا يبي كل هالقوقله:)
المهم يعطيك العافية يالقديرة
ويسلم ذوقك اللي حرك كل الاذواق.
تغريك في قولها كعكوع = يعني قولها الضاحك
الكعكوع واضح من سياقه!
لذلك سأترك الجواب عليه!
لأهل الحاضرة!.
واضح ولا يبي كل هالقوقله:)
وين هالكلام يوم العرب كلهم منعفسين وكلٍ يدلي بدلوه ولا لقوا من يصحح لهم !!؟
الحين تجي تقول مايبي لها قوقلة
طيب كان فزعت من الأول وريحت روسنا :)
أبو يوسف هالكلام مايمشي عندي
وترى الجهل بالشيء مافيه شيء
ومن قال لا أدري فقد أفتى
<<<<<< إلا غصب مايدري :7ayyoh:
حياك الله يابو يوسف
وماهي بعيدة يكون عندك خبر عن معناها بحكم إقامتك في الكويت
بس ليتني دارية من الأول إنها كلمة كويتية كان سألت ريومة وفكتني من هالدوخة ولا أدوخت الربع معي :)
الجازي معذرتن على التاخير
انا الحقيقه مريت الموضوع مغرب امس ومابغيت ارد وقلت ابي افكر بهالكعكوع :)
وبالنسبه لقوقلتس وبحثتس وماجيتي به من معنى لهذه المفرده
ماني مقتنع بذلك
وعندي تفسير مغاير
انا اقول ان ابن لعبون وعشقته ومن خلال لقاءاته معها وكلامهم
هي اما ان تكون حاجه مع عشقته من مايلبسنه الحريم
او عليها من وشم متسان جرح اي شي واتوقع ان محله باليد لان الشطر اللي بعده يوضح صفة ومكان هالكعكوع
او انها مره اخطت عنده بتقول كوع قالت كعكوع وجازت له هالكلمه وصار يكررها عليها وقامت تغنّج هي بهالكلمه :chinese:
الملوّن بالوردي انا اميل اليه لان لو ترجعون ل ابيات القصيده تلقون الشطر الاول يقول شي
واما يأكده او يصفه بالشطر الثاني :thumb:
الجازي منوّره المنقول بهالمشاركه الثريّه ووجودتس هنا مكسب للمضيف
لاخلى ولا عدم
اما بالنسبه لاقتراح اخوي الاصمعي بوجود مضيف يهتم بـ مناقشة القصائد المنقوله واخذ الاراء حول بعض المعاني فـ اني اشد على يدك واضم صوتي لصوتك
الجازي شكرا
^
^
أفااااااااااااا
بدا يدخلني الماء !!
لاتخرب فرحتي بهالاكتشاف العظيم :)
الشطر اللي بعدها يصف شيء ثاني مختلف
لو لاحظت معي تدرّجه في وصفها بدأ بخدها ثم وصف طريقة كلامها وضحكها ثم وصف خواتمها !!
ما أعتقد إنها تحتمل أكثر من كذا !!
حياك الله يابو نورة لاتأخير ولا هم يحزنون
قاعدين نرمع بهالكعكوع لما جبناه :)
شكراً لحضورك
راعي الوقيد
19-04-2011, 15:01
وش طلع الكعكوع ؟
راعي الوقيد
19-04-2011, 15:30
الله يرحم ابن لعبون
مات ومات سر الكعكوع معه
شكرا يالجازي
وبما إن الشاعر ابن لعبون الله يرحمه عاش باقي عمره في الكويت معناها تأثر بمصطلحاتهم وأخذ منها واستخدمها في أبياته !!
وبكذا تكون الإجابة الصحيحة هي إجابة أبو عمر والاصمعي :mabrook: <<< داخلين مسابقة على غفلة :)
الله يبارك فيك يالجازي وانا متنازل عن الجائزة لأخي أبو عمر بما أنه أول من أشار للمعنى<<مصدق عمره :)
وبدون "وبما" الي ببداية المقتبس أختي الجازي :)
فالشاعر حتى لو لم يأت الكويت مطلقاً فالبيئة مشتركة بين الكويت والزبير في ذلك العهد والمفردات التي تستعمل بالكويت تستعمل بالزبير والعكس صحيح !!
الكلام لا تكون الكلمة "كعكوع" مصحفة وليست الكلمة الأصلية التي قالها ابن لعبون:thumb:
تحياتي
أفاااااااا
يعني خلصنا من الشك بمعناها طحنا بالشك بصحة نقلها !!
طيب ممكن تكون مصحفة أو محرفة عن أي كلمة !!؟
مادري بس ممكن مثلاً من الملكوع ولي ههي تمغيط لملكع من اللكاعة:)
طبع نقلها بالمخطوطات أختي الجازي ولا أعني نقلك لها هنا !
وعلى كل حال فقد استفدنا قراءة متأنية وتمعن وذهاب لأكثر من معنى وصورة من خلال بحثنا حول هالـ (كعكوع) :)
فشكراً ثانيا وثالثا على هذا المتصفح المفيد جدا
تحياتي
أها
صح يمكن مي ملكعة
بس ماتنهضم وشلون لكاعتها تغريه !!
العفو يابو خالد والمتصفح منور وثري بوجودكم وردودكم
راعي الوقيد
19-04-2011, 17:17
نح ياحمام الهوى بسجوع ** يا من يسومه وانا بيعه
بـ 10
وعلي بعشرين يالنسيب:)
وهذي آخر سومه ومابعده الا البيع:)
وتقلدوا تحيتي
شموخ شمالية
20-04-2011, 00:21
.
.
يسلموا عمتو
الا عرفتوا وشهو الكعكوع << عاجزة تشوف الردود
تسلمين يالغلا
الكعكوع هو الضحك لاقامت تضحك وتكعكع اعرفي إن هذا هو قصد ابن لعبون !! :)
نورتيني يابعدي
ما انتبهت للموضوع إلاّ تالي
والمسأله سهله جداً لو إنك نسّقتي البيت بشكل صحيح
تغريك....في قولها كعكوع <<< مفتاح الحل في ال stop اللي بعد تغريك
/
/
أحدن ما يعرف كعكوع !!!
راعي الوقيد
20-04-2011, 09:27
تسلمين يالغلا
الكعكوع هو الضحك لاقامت تضحك وتكعكع اعرفي إن هذا هو قصد ابن لعبون !! :)
نورتيني يابعدي
العلم عند ابن لعبون !!
جواب وافي يالوافية !!
ما انتبهت للموضوع إلاّ تالي
والمسأله سهله جداً لو إنك نسّقتي البيت بشكل صحيح
تغريك....في قولها كعكوع <<< مفتاح الحل في ال stop اللي بعد تغريك
/
/
أحدن ما يعرف كعكوع !!!
أنا قريتها بهالشكل بس بدون ما أفصل المعنى
يعني الإغراء صفة تابعة للي بعده بمعنى (( أسلوبها في الكلام يغريه ))
أما إذا تقصد إن الإغراء صفة مستقلة ,, وبعدين ذكر طريقتها في الكلام كوصف مستقل فما أعتقد هذا قصد الشاعر !!
الكعكوع كان وصف غامض والحين فكينا الشفرة !
حياك الله يابو عبدالرحمن وشكراً لحضورك
جواب وافي يالوافية !!
حياك الله يابو فيصل
كأن الردود ملتبسة عليك !!
تسلمين يالجازي دوم مختلفه ومتميزه بمواضيعك
وفكرة الحوار والتعليق على القصائد فكره اكثر من رائعه ولاتحتاج لمضيف جديد
مضيف المنقول يكفي ويوفي
يابعد قلبي ياريوم
فعلاً القلوب شواهد
اليوم الصبح أراجع ملفك بشوف آخر دخول لك لأني فاقدتك من زمان
وجابك الله لموضوعي :)
نورتيني يابعدهم
بالنسبة لمناقشة ونقد القصائد في المنقول ماتفرق معي بس ممنوعة للأسف هنا !!؟
والشباب يؤيدون مضيف خاص جديد
وحشتيني ياوحشة :d:
Powered by vBulletin® Version 4.2.5 Copyright © 2024 vBulletin Solutions, Inc. All rights reserved, TranZ by Almuhajir