% تحدي الشعار المرحلة الثانيه %

[الشبث]

يا صاحبي قدرك على الراس والعين
بس التحــدي ما يبيـلـــه صحـــايب


انا اتحدى بالشـــــعر بيت واثنين
وانت بقصيدك صاير اليوم هايب


ليه التهـرب لا تصــيرون عــجلين
ترى بمضيفي صاير الوضع سايب


نبغى تحدي يفرق الزين والشين
واكيد ما نبطي وبنرجع حبــايب





ايه يا حزم الضامي


هذي الابيات مني انا


قلت لعل وعسى هالشعار يعطوني وجه ويردون بقصايدهم المذهبه :)



بس شوين شوين علي تروني ارقل :)










ملاحظه : الرد هنا فقط مشاركات الاخوان الشعار فقط

والبقيه يردون في الموضوع الاخر موضوع للشات




وتقلدوا تحيتي

[متفاائل]

ياقايد الحمله على وين ناوين
البر ما يساعد غبار وهبايب
والبحر باليابان موج وبراكين
والنووي بالجو شكل سحايب
ابشر بسعدك وطلبك جاك بالحين
وشلي بشعر مايخدم الحبايب
اصخره بالحق للمستفيدين
ولاني ببيع بيوت شعري جلايب
جنك يابو ماجد حروفي عناوين
ورضيت بك ماقول مخطي وصايب
تقدر تسميها حبيبي عرابين
واذا ابغيت اطاااااا لعين الصلايب

[سالم الظفيري]

سلام ياذخر الــرجـــال المسميـــن
من روس قوما ينحطون الصعايب

اليــوم جيت تقــول معــاي بيتيــن
تعلن حروب وتبي نرجع صحايب

معــاد به صحبــة ولاعــادبه شيـن
من اليوم ياذيبـان نبــدى الحــرايب

انــا ادور مسكتــك لــي عــاميــــن
ادورك بــالطيــب ولا غــصــــأيـب

ابــي بــوردانك احــط البهــاميــن
وبعد تقول عن الشعر صرت تايب

بسفـــرك على خطــوط الفلبيــن
مايفهمـونك لة تســوي عجــايب

[هايس الشمري]

يا صاحبي غلطان.. تنطح براكين..!
لا تستثير النار.. بتعود.. خايب..!

مالك و مال العاقلين.. المجانين..!!!!!
افكارهم واقع.. و لكن غرايب..!

هادين لكن لا استثيروا عنيفين..!
اصحاب سلم.. و للحرايب.. حرايب..!


يا صاحبي غلطان .. تلعب معَ مين..!؟؟
اوقعت نفسك بالنشب.. و النشايب..!!!




سلااام

[هيبتي بعثرتهم]

ماهي تحدي بس ابعطي براهين


من شاعر ضاقت عليه الرحايب


*******


ياللي على شِعْره يغزّ النياشين


ترنا على الحروه شبابٍ وشايب


*******


بدعْت لك من لبَ الافكار بيتين


تدرْهم حروفه سُوات النجايب


*******


حنا عيال التسع والاصل من طين


والفرق بالتقوى وفعْل السبايب


*******


ترنا على الملّه وإخوان بالدين


لاشك نبقى بالنهايه حبايب

[الاصمعي]

يا معلن تحدي وشارب فناجين
........."أهل الشعر" تسلم عطيب الضرايب
مابالحَمْض يابو مويجد بعارين
................. قفرٍ خلو ولا تخفاك السبايب
أحدٍ غرور وزاجرته الشياطين
..............كنه لراس دريعي الشعر جايب
وثاني مجاله وصف لولو ونسرين
............. يعني قصيده عشق واليوم تايب
وثالث تخصص حنشله كالشيـ ...
.................. منا ومنا بين سرق ونهايب
ولا أزحم الكل مار فعلاً قليلين
................ الي يجيبون الدرر والعجايب
وعند التحدي يحتمون السمارين
............... وحضورهم يسد عن كل غايب