من لايقد " المرجله " ماتقـده

[عبدالله الوريكي]

قلبي يكنْ وبالهواجيس مزحوم
وعــيني لــذيذ النوم طاري يلده




مهدوم يابيت(ن) بلا عز مهدوم
لابــد مــاالايام تسرع بهـــــده




وش عاد لو راعيه بالمال مردوم !
مــاله كـــثير ولا لقى من يعده




مـــاينفعه لامال وقصور وختوم
لاصـار ماله مع هل الطيب مده




الـمال بين الناس قسم(ن)ومقسوم
وكـلن عطاه الله قسم(ن) يســده




وانا ظفرت بشي عدا عن اللوم
لامـال لا سـلطان لامُـلك جـده




اليا حملت ثقال وأزريت ِلاقوم
مليون واحد من يشيله بعِضده




الله رزقني خوة أشناب وقروم
ولا الردي أجزيه بالعون صده




الحرد يفرد في جناحيه ويحوم
ويــهد ولا الـبوم مامنه هــده




مازيد بالموال أنا عندي علوم
ولاودي أظِـهر ماخفاكم بشده




العاري الجردان" نستره" بهدوم
ومايرضي النعسان كود المخده




والطيبين علومهم نسمعه دوم
ومـن لايـقد المرجله (http://www.alwreek.com/vb/showthread.php?t=2566)مـاتقــده



أخوكم / عبدالله الجحيشي

[عبدالله الجعيثن]

الله




صح لسانك يالسميّ



ابيات جزله جدا ومعبره

[سالم الظفيري]

صح لسانك اخوي عبدالله

تسلم وتدوم

لك تحياتي

[عبدالله الوريكي]

صح بدنكم الجميع

واشكركم على مروركم الطيب

[ابو ضاري]

صح لسانك يالغالي


لاهنت على القصيده المعبره

[عبدالله الوريكي]

صح بدنك يابو ضاري واشكرك على المرور يالغالي

[(كرستيانو)]

صح لسانك يالغاااالي
بنتظار جديدك

[فتى البيداء]

صح لسانك أخوي عبدالله ..