% تحدي الشعار %

[الشبث]

الموضوع واضح من عنوانه :)






في كل يوم ادخل في صراع بيني وبين نفسي



واتسائل



هل يوجد في المضايف شاعر قوي جداً ؟


احياناً اقول ايه موجود


والدليل هالقصايد المميزه اللي دايم نقراه لشعارنا بدون تحديد اسم



واحياناً اقول والله انك يا شبيثان مخبط ويبي لمخك اعادة ضبط مصنع :)


هذولا شعار لكن على الخفيف



كيف ؟


يعني هذولا لو تقولهم اكتبوا قصيده عن الشيء او الموضوع الفلاني


ما يقدرون ابد



اما عاد ابد ما يقدرون هذي كثر لي منه




في الاخير حبيت اني اجيب مشخاله واشخل شعارنا به :)



فكرت في فكره اني اجيب كم بيت عن اي شي



واطلب من شعارنا الافاضل انهم يجارون هالقصيده


بنفس الوزن والقافيه والفكره



وراح نشوف منهو الشاعر ومنهو الشويعر :)





طبعاً المشاركه للجميع من اخواننا الشعار


سواء جديد او قديم


مكتوب تحت اسموه شاعر ولا ان شاء الله حلاق :)



بس هااااه


راح انتقد اي قصيده واخرج شاعرها من هالمسابقه او التحدي



وراح اكسب التحدي معه :thumb:









من هالحين راح ابداء التحدي


والمجال مفتوح اسبوع كامل للمشاركه



عطيتكم وقت


والظاهر اني ما قصرت معكم :)











اول موضوع راح نتحدى عليه


قصائد في الملك عبدالله بمناسبة شفائه وعودته اطال الله عمره




وهذي كم بيت ابي شعارنا يجارونه


المملكه من بــــــــــرها لابحرها


استبشرت في جــــيتك ياكحيلان


كل البسيطه رحبـــــوبك بشرها


واكبر فرحهم يوم سمعوبالعــــلان


رجعة ملك كل العــرب تنتظرها


ماهووطن واحد معه كل الاوطان


غيثآ بلاقيع الديار تعـــــــــمرها


لك مدتآ تروي ظما كــل ظمـيان


الجود والفزعـــات ماتختصرها


كل البشر عندك قريبين واخوان


وعينك يابومتــعب بعيدآ نظرها


دايم ومداتــــك جزيلات وسمان


الممــــــــلكه ربي لحبك صخرها


ياللي جهودك ماتقــــــدر بالاثمان






واتمنى اللي مهو شاعر يراقب من بعيد ولا يكثر بربره


لان الوضع ما يحتمل ومتحدي الزقرت انا لا يفرمتون واجهيتي :)







بأنتظار شعارنا الافاضل



وقبل انسى


اقل شي اربع ابياااااات نفس الوزن والقافيه والفكره او موضوغ القصيده

وترى فيه لجنه خفيه معي اعلمكم ليا غلبتوني ولا غلبتكم :)





وتقلدوا تحيتي

[ريال الفسحه]

طيب مسموح اشارك


والا اعطي مجال للمبتدئين :)

[الشبث]

لا يا ريالي انت خلك بالادوار النهائيه اذا حمي الوطيس :)




وتقلد تحيتي

[عبدالله الجعيثن]

للتثبيت



لتميزه



ولي عوده

[الشبث]

شكرا يابو غازي



وياليت بعد تنخى كل الشعار لاني والله ناويهم نيه عند الله خبره



ابي اطلع لك الزين من الوسط


اللي قريحتوه لك عليه تبي تبين :)




وتقلد تحيتي

[متفاائل]

ابومـــــــــــــــــــــــــــــاجد

ابدعت في اختياار فكره الموضوع

التحدي الكبير له رهبه

مبدع ابوماجد اينما تكون

لك تقديري واحترامااااتي

[الشبث]

الله لا يهينك يابو عمر



وابيك تشوف عملي بهم



ابي اسدحهم واحد واحد خخخخخخخخ



لاهنت يالذيب على هالمرور



وتقلد تحيتي

[عبدالرحمن]

تسلم ياالغالي يابوماجد على هالفكرة الرائعة كروعتك
واتمنى على جميع الشعراء الاعزاء التفاعل مع الموضوع.

[الشبث]

والله ليتهم يابو يوسف



لاني بادي سهل


وكل شوي راح تصعب القافيه ليما يعجزون عنه





لاهنت يالغالي على هالمرور



وتقلد تحيتي

[الجازي]

تسيف تبيهم يتفاعلون وأنت مهددهم تسدحهم واحد واحد :) <<<< ناويتن على موضوعه :)

الفكرة روعة يابو ماجد

ولا راح يتصدر لها إلا اللي واثق من نفسه وشاعر عن حق وحقيق <<<< تسمع بالتحفيز وبث روح التحدي في المتنافسين :)

وش رايك أنفع أسوي بروقوبندا لموضوعك :) <<<< توها متعلمة هالكلمة :)

[الشبث]

والله اللي هاقين بروحوه يقول انا هذا



وعلى قولة المثل



ليس الفتى من قال كان ابي


ولكن الفتى من قال ها انا ذا









للتوضيح لاخواني القراء اللي ما يعرفون معنى بروقوبندا


هي مرقة الباندا


دب الباندا





:)





تهقين فيه احد راح يخش الميدان ولا ماعندك احد ؟





وتقلدي تحيتي

[الجازي]

أول شي ليش تعلمهم معنى بروقوبندا !!؟

أنا لي سنة أبحث فيها وتجي تسدحها لهم باردة مبردة :)

بالنسبة لتحديك بصراحة قوي وراح يفرز لك الشعار الشجعان من الجبناء :) <<<< تقل خربتها العمة :)

وتسان مالقيت أحد يشارك مالك إلا خويك أبو غازي هو اللي تمون عليه وما هقيته بيطيح وجهك :)

مزمز عليه على كيفك :)

وريالوه ينفع يغششه أبو غازي

وتسان ينفع نشارك بالفصيح الشكوى لله بشارك :)

[الشبث]

<< ماسكن قنجالوه بيدوه ويراعي للسماء ويحاتسي الجازي




ايييييييييه


افهم من كلامتس يا خيه ان مابهم الشاعر اللي تقول شاعر صحيح



لا لا لا


ما هقوتي


انتي ما تشوفين القصايد اليوميه اللي تنزل


يعني عاجزين يكتبون اربع او خمس ابيات يسكتوني بهن


ما اتوقع



بعدين هم يقولون حنا شعار




لا لا لا


ما دخل مخي كلامتس يا خيه ابد





وتقلدي تحيتي

[الجازي]

هو البلا في وش اللي يسكتك :)

والا ماهم عاجزين لايسدحون لك مية بيت ان بغيت !

بس الخوف من لسانك ونقدك <<<< مخربته مخربته :)

عموماً إن غداً لناظره قريب

واحسب كم فنجال بتشربه لين ماتوصلك أول مشاركة !!

[الشبث]

يا حي يا عاااااايش


كم قنجااال



اقول الاسبوع الجاي تبين تشوفين اول مشاركه


يعني يبي يصير به مفاطيح



شرايتس نتراهن انا وياتس نشوف متى اول مشاركه



انا اراهنتس مافيه شي قبل يومين


ربعي واعرفهم





وتقلدي تحيتي

[الجازي]

طيب وش تراهن عليه!!؟

عشان يمديني أسجل بيوزر جديد وأسدح لي بيتين تشرشحهن على كيفك وأنا أكسب الرهن :) <<< هذا اللي يسمونه التفكير بصوت مسموع :)

[الشبث]

اراهن من اللي تبين



<< يحسبه تبي ترحموه ما يدري انه بلوى







وتقلدي تحيتي

[الاصمعي]

والله موضوعك ممتاز جداً أخي أبو ماجد بس عندي بعض التساؤلات هل المطلوب الحالي مجارات الأبيات التي أتيت بها فقط؟ وهل هي كامل القصيدة أو لا عشان ما ندوس قافيتها؟

ان شاء الله سأشارك غداً

تخبر أنا شفت الموضوع القايلة ، وبالليل ما أدخل لذلك مالك الا تصبر علي لصبيحة بكرى يالغالي

تحياتي

[الجازي]

^
^
ياحي الله أبو خالد

أبرك الساعات اللي تشرف هالموضوع

بس اصبر شوي خلني أشرط رهني دامي ضمنته :)

شبيثان بسرعة جاوب على أسئلة أبو خالد عشان يحط مشاركته بكرة وأكسب الرهن :)

[الاصمعي]

كان به رهان الشرط أربعون ، وابشري بلي يسدحهن قبل نصلي المغرب :)

[الجازي]

طيب افزع لي يابو خالد

وش أطلب رهن :)

شبيثان وهق عمره وقال اطلبي اللي تبين

وأنا مغلتن عليه منذو مبطي وهذي فرصتي

وش رايك وش أطلب !؟

وأبشر باللي تبي :)

[عبدالله الجعيثن]

مشاركه متواضعه






قال اللذي بير الجزاله حفرها :: يشفق على جزل المعاني والاوزان
عينه على ياقوتها مع دررها:: مثل السبايك يوم صفّه بميزان
عيني من البارح يرفرف نظرها :: تدري بموكب رجعتك ياكحيلان
عم الفرح ووجيه شعبك غمرها::هنوا بعض في كل موقع وميدان
الدار عذرا مشطت لك شعرها :: تبي تضمك يامليكه بالاحضان

[سالم الظفيري]

تسلم اخوي ابو ماجد موضوع قمة في الروعة

وفكرة ممتازة

لك تحياتي

[الاصمعي]

وهذي مشاركتي المتواضعة:

سحايب الوسم التي ننتظرها**لأجله استغثنا رجال-أطفال-نسوان
هلت وبلت سهلها مع وعرها**وسالت شقايا وأوديه به وشعبان
عم الربيع الدار واينع زهرها**احجرته ونفده وصلبه وصمان
وقامت تغطرف بالغنا من سكرها**محبوبها جاله من الشوق نشوان
عساك يا غيث البلاد تعمرها**وتعيش به ما عاش نوحٍ من أزمان

***

والشكر لراع الفكرة ومحتضرها**الذيب أبو ماجد صديقي شبيثان
^
^
بخششه عشان الفوز:)

بس والله يستاهل قصيد مهو بيت فكرته رائعة ومحفزة للكتابة والمشاركة وأتمنى أن يستمر التفاعل ويزداد ولا ينقطع باكتمال هالمسابقة الحلوة:goooood:

تحياتي

[الجازي]

:)

شبيثان

دنتا وئعتك سودا متنيلة بستين نيلة :)

كسبت الرهن من أمس

وهذا عندك أبو غازي وأبو خالد أول المشاركين :thumb:

لا وكلهم يقولون مشاركاتهم متواضعة وأبو خالد معطيك بيت بخشيش :)

هاه وش بيطلع معك الحين !!؟ :)

*
*
*

مجاراة رائعة من شعرائنا الكبار وبداية قوية تبشر بخير

صح الله ألسنتكم ودام إبداعكم وتسلمو على فزعتكم مع أخيتكم <<<< قلبت الموضوع لصالحها !!

إلا وش أطلب رهن تراني مابعد حددت شيء وأنا مشتهية شيء دسم هالمرة :7ayyoh:

[الشبث]

يااااملا البعد يهالعجوووز


عزالله اللي قعدت به


<< يلطم





ابو خالد


اول شي اعتذر لاني تاخرت بالرد على تسائلاتك

بس ما شاء الله عليك مشاركه رائعه


صح لسانك يابعد راسي

واذا انا استاهل قصيده

بيت منك يعتبر لي قصيده








ابو غازي


صح لساااااااااااااااانك يا كبير الشعار

غزالله جزل








اخوي سالم

حياك الله يالغالي


وننتظر مشاركتك













العمه

كسبتي الرهن الاول


وللحين باقي رهانات واااجد << راعي طويله


ابو غازي وابو خالد انا كنت متوقع اجتيازهم للمرحلة الاولى بسهوله


وانا اعتبرهم من كبار الشعار ولافيها شك



بس اراهنك ان الباقين يبي يجي يوم السبت ومحد كتب


لا هايس

ولا بركات مع انوه كلمن يهددن :)

ولا رحيل


ولا غيرهم من شعارنا



راح تكتشفين اني صادق يوم اقولتس ان المضايف به يمكن شاعرين او ثلاثه هم اللي متى ما بغوا قصدوا



وراح نشوف




رهن جديد :)




وتقلدوا تحيتي

[الجازي]

أقول لاتصرّف

سدد رهنك أول بأول :)

البلشة مدري وش أطلب :)

خلاص نشوف الباقين والجولات الجاية ويا أنا يا أنت :)

[الشبث]

ياااقهري



انتي للحين متوقعه يجون الباقين ويكتبون



افلق روحي ولا وش اسوي ياربي








شوفي هالبيتين


يوم ان ابو ماجد نوى يثير بركان
يبي يصفي عذبها من كدرها
طالت وعرضه واقبل اليوم زعلان
من كثرة اشعار قليل ثمرها
قال التحدي يالربع رمي نيشان
بجمله ووضح مبتداها وخبرهاا







وتقلدي تحيتي

[الجازي]

أنا مستعدة أسامحك بالرهن تسان هالبويتين لك !!

عموما أنا لازلت عند كلمتي ورهني :)

اليوم بتشوف عذبين القصايد

هذا ميدانهم

[الشبث]

لا والله مهن لي


<< يراعي تحت :)





مهو علشانه ميدانهم انا جاين اناطحهم بميدانهم



علشان مهو تزعجيني وتقولين هذولا شعاارنا قويين ومدري وشو


اللي براسوه شي يطلع لي



وتقلدي تحيتي

[الجازي]

تراعي لتحت !!؟

يعني هالبيتين لمتفائل :) <<<< من الصبح وهو مسنتر تحت :)

أجل ياشبيثان شد حيلك وتسانك مابعد صرفت الراتبين المكافأة فلا تصرفهن ناوية أرهنهن وبكسب الرهن الثاني :)

[الشبث]

الراتبين


<< دنق ونزلت دمعتوه :)








شوفي بقولتس شي


شبيثان لا يمكن يخش معترك ويخسره ابداً


يعني يجيني هالشعار اللي على قد حالهم ويهزمون تحديي



ياخي هذا وحنا بالبدايه


اجل شلون لو حشرتهم بقافيه صعبه


انتي احسبيه بالعقل بالله


فيه احد راح يجي لو جت قافيه صعبه ؟



اقل شي راح يقولون والله مشغولين والله مدري وشو



بالعربي انا جاي اطلع الشاعر من اللي مهو شاعر



واخر شي راح احط بلاك لست للي مهم شعار :)





وتقلدي تحيتي

[الجازي]

فيه احد راح يجي لو جت قافيه صعبه ؟



ارسى لك على بر

راح والا بيجي :)

<<<<<< فاهمة غلط :)

أقول خل عنك الهياط

بعدين ماتلاحظ وصلنا الصفحة الرابعة ومافيها الا مشاركتين بس لابو غازي والاصمعي !!

الباقي كله ردودنا :)

احذفهن وشف وش يصير بموضوعك <<<<< أبوك يالتحطيم :)

أنا أقول الليلة عندي احساس بتوصلك ثلاث مشاركات بس عاد مدري من مين <<<< الله من الهلس توه قايل لتس محاتسي ثلاثة من أخوياه الشعار :)

نعيش الليلة ونشوف <<< يعني نموت باتسر !! :)

[الشبث]

والله مدري انا انفخ بدزربتن مشقوقه ولا وش السالفه



هالحين وش اقول انا من امس



لو نحذف الردود ما يطلع الا مشاركتين بس



بالله مهي فشيله


بالله للحين تتوقعين منهم شي




بديت اندم على هالموضوع



ايييييييه يا شعيب المناشبي :)




اذا جاء الليله ثلاث مشاركات بكرى فطورتس فيل مقلقل :315r:




وتقلدي تحيتي

[الجازي]

^
^
رهن جديد :)

بس بالله وين بتلقى لك قدر كبره تقلقله فيه :) <<< ضامنة الرهن :)

[الشبث]

ماعليتس


احط خرطوموه بقدر

ووروكوه بقدر


وجنوبوه بقدر









انتي الحين خليهم يجون


لو تبين فوق الفيل زرافه


بس ماضنتي تحصلين جربوع



وتقلدي تحيتي

[الشبث]

رجاء خاااص من اخواني الشعار



لا تتصلون على جوالي وتترجون وتقولون احرجتنا ومدري ايش




انا رجال مؤتمن على المضايف


وشايف ان فيه ناس مهي شعااار شعااار


فا انا ابي اطلع الشاعر من النص شاعر :)





البلا ان فيه كم شاعر يتصلون علي ويهددوني بالهجاء


ما يدرووون ان فيه عندي شاعر متزهلن لي بالرد القاسي عليهم

وعادي انزله واقول انا كاتبه :) << لا ذمه ولا ضمير





وتقلدوا تحيتي

[الجازي]

والله ماهي شينة

لو يحطون هجاهم لك ويشاركون به هنا

عز الله اللي كسبت الرهان الثاني :)

قل لهم بس يهجونك وما جاء منهم مبارك :)

[الشبث]

مو مشكله خلي يطلع منهم اي شي لو هجاء




بس نشوف منهم شي




خخخخخخخخ



وتقلدي تحيتي

[الجازي]

طيب الحين يوم انك يائس منهم

غاثنا وماحطن بموضوعك هنا ليه !!؟

والا بس إزعاج للسلطات وهياط :)

[الشبث]

قلت لعل وعسى يطلع بالميتين حي




وتقلدي تحيتي

[الجازي]

اسمع

ترى ان طقت الصفحات عشر وما جاك احد بنقفل الموضوع وننقله للفلة :)

ماصار تحدي :)

وتقديراً للاصمعي وابو غازي بنحط مجاراتهم في توقيعنا واحد لك وواحد لي :)

وش قلت !!؟

[الشبث]

والله خوش فكره




الا شرايتس من هالحين اختصارا للوقت لاني واثق محد جاي



وتقلدي تحيتي

[الجازي]

تونا خمس صفحات ممنوع تقفله قبل عشر اصبر شوي :)

[الشبث]

الله يعين


يعني نبي نطوول




بس يالله


شورانا


يمكن احد يصير بوه مر ويجي




وتقلدي تحيتي

[الجازي]

يعني هم اذا بغوا يكتبون قصيدة لازم يمرون بمرحلة المر هذي !!؟ :)

أجل نسميه مضيف المر أبرك :)

[متعجب]

بالخير يا بو ماجد


/
/

موضوعك عن شنو ؟؟:d:





/
/

ودنا نشاركك بس بدايتك صعبة ومحفوفه


يمكن بالنسخه الثانية نجيك

[الشبث]

الجازي


مضيف المر والمتمرمرين :)













متعجب


موضوعي تعبير عن اخر مره زرت فيها حديقة الحيوان




اقول اللي بوه مرمره يجي




وتقلد تحيتي

[الجازي]

يعني لاصار ودك تدعي للواحد يصير شاعر تقول له جعلك للمر :)

[الشبث]

اي قولي ياعلك للمر اللي يمرمر خشتك تمرمر :)




وتقلدي تحيتي

[الجازي]

أدعي عليك أجل !!؟

فرصة من يحصل له يصير شاعر هاليومين :)

[الشبث]

لا ياخي من قال لك ابي اصير شاعر



فكينا بس من مداعيتس



عاد انتن يالعجز تدعن من قللللب



وتقلدي تحيتي

[دموع الذهب]

صح لسان شعراءنا الاكارم

متابعين بكل شغف

الله يفتح عليكم يارب

[الشبث]

شكرا اختي دموع الذهب


وتشرفنا بمتابعتك




وتقلدي تحيتي

[سالم الظفيري]

تسلــــم لـــي الفكـره ومنـــهو ابتكـــرها

افكـــار مـــن ابـــداع يمــــنا شبيـــــثان

حي الحـــروف وحــي منهــو سطـــرها

سبــايـــكٍ صـــــارت للابـــداع عنــــوان

فــي فـــرحة الامـــه بعـــودة فخـــرهــا

منهو سمع في ارض تستقبل انسان

حتــى السمــاء استقبلتك بمطـــرهــا

وكلمت هـلا ينطقبها قلــب ولســـان

فــرحت شعــب طلـت ملك كملتــها

لانــك ملكة اقلـوبنا صــدق وايــمان

والمعذرة عن القصور
والف شكرا لك ابو ماجد

[ام الرغفان]

متابعين من بعيد



<<معه خيشه حصى <<فامه المتابعه غلط



يعطيك الف عافيه ابو ماجد

[الشبث]

صح لسااانك يابو زياااااد



ابي ادقق على هالابيات وارد لك


<<< سواااااااااالي فيها سلطان الهاجري :)






وياليت يابو زياد تتابعنا على طول والجولات القادمه اكثر صعوبه










ام الرغفان

ياخيه انتبهي لا تفلقيني ههههههههههههه





وتقلدوا تحيتي

[الجازي]

صح لسانك يابو زياد

هذا واحد جاء وجاب الخير معه

باقي اثنين وأكسب الرهان

شبيثان اصبر خلني أدعي عليك بالمر قبل ماتعذرب قصيدة الرجال لاتفشلنا فيه :)

[بتول آل علي]

مين فاتح موضوع شات بقسمي من دون علمي ؟؟؟

:(



،






حي الله بو ماجد :)

يعطيك العافية على الفكرة و الحركة يا طويل العمر

لكني ضعت في الابيات المطلوبة

هالحين انت حطيت 4 ابيات و عليهم 6 صفحات شات !!!

ضيعنا ادور فيه ابيات وراهن ولا هم هذولا بس

،

يعني الله لا يهينك لو انك تحط لنا تذكير بالابيات في كل صفحة على الاقل علشان ما نتوه :)


و ينطيكم العافية جميعا

[سالم الظفيري]

صح بدنك اختي الجازي

يصير اشارك مره ثانية عشان تكسين الرهان

[الجازي]

هلا بك أخوي سالم

والله فكرتك ماهي شينة :)

عندك يوزر ثاني !!؟ :)

[هيبتي بعثرتهم]

السلام عليكم ورحمة الله

اشكر الاخ الشبث على فكرته الرائعه
واذا مازال المجال مفتوح فهذه مشاركتي
واذا انتهى التحدي فتقبلو ابيات كتبتها على نفس الفكره الاولى


أبيات شِعري قافها مع بحرْها
تشرِفت في مدْح المليك الانسان

نفسي على حبَك إلـهي أمرْها
حيث إن طاعتكم ذكرْها بـ قرآن

ياللي قلوب الشعب طيبك أسرْها
يفداك غالي مايُقدَرْ بالاثمان

ناظر عيون الشعب دمْعهْ غمرْها
وتناثرت بسماتها فوق الاوجان

من يوم سَمْعَوا عودتك في خبرْها
عَمَ الفرح في جيَِتك كل الاوطان


والمعذره على القصور

[صعوة فسفورية]

هههههه الجازي تولجتيه


شبث وينهم احبابي وينهم


هارد لك :)

[عبدالله المهيني]

ابو ماجد

الله يعطيك العافيه




مع المتابعين

[الجازي]

صح لسانك أخوي (( هيبتي بعثرتهم ))

والمشاركة مفتوحة بس خلك متابع معنا لأن فيه جولة ثانية راح تكون أصعب شوي :thumb:

شبيثان

هذا الرهن الثاني وكسبته :) <<< كوده مايراجع الردود :)

سجل عندك في الدفتر :)

*
*
*

صعوة يابعدي ادعي لي ولتس من الرهن نصيب :)

[-------]

بصراحة فكرة رائعة جدا

وامتعتونا

الشبث - الجازي - الشعار


متابعة لكم

[عبدالله الجعيثن]

تم الاغلاق لانتهاء المهله



ننتظر موضوع الاسبوع الثاني



شكرا