مشاهدة النسخة كاملة : إرحل إرحل ياقاروص
السلام عليكم يالربع
مدخل
يالربع تذكرون توقيعي الاولي السنجاب
http://www.shy22.com/upfiles/xdW10387.gif (http://www.shy22.com/)
كانت الامور مستتبه ومستقره بالوطن العربي وكل شي عال العال
زعل علي السنجاب وقام يطالب بالحريه والديموقراطيه والاصلاح
وابشركم نقفته وغيرته ومن غيرته والاوضاع في حادوور
في تونس ومصر مرورا بـ ليبيا واليمن وسوريا
تهقون انه هو المحرض الرئيسي وراء كل هالامور ؟؟
منت بسيط ياسنجابي يجي منك
الوكاد ياجماعة الخير
بهالفايت انطلق علينا لنا قاروص
http://www.shy22.com/upfiles/tVE10995.jpg (http://www.shy22.com/)
يالربع مهو قاروص
الواحد منهن كبر راس ريالوه
ووه ياعل مهو راس غليص
ياوالله البلشه وافزع
واشري المضراب بزعمي ابي اكتله
http://www.shy22.com/upfiles/P9H11211.jpg (http://www.shy22.com/)
يمار ماش
وافزع نوبتن اخرى واشري من هالمبيدات وانواع القتال والمعارك الطاحنه
ياما يزبن المطبخ وننسحب حنا انسحاب تكتيكي
ونحاول جذبه بشتى السبل
وهذا حالنا بين كر وفر
قلت الله يستر هذا وهو ناموس مدري قاروص واهلكنا
شلون لو تقوم حرب والله مانقعد نص نهار
زين والله وننام
ويوم قمنا الصبح والا البناي متورماتن بسم الله عليهن
غادياتن يخرعن
وانا اتهول هن هذولن بناتي والا
خابرهن معصقلاي نحيفاي
بـ ليله وحده انتفخن
وش السالفه؟؟
اثريه القاروص باغت نوره وهيونه وهن نايمات
وماخلى بوجيههن ولا رجولهن ويديهن متسان الا قرصه هالملعون
ياربع حتى فروة الراس قارصه
هاليهودي
ونقوم نمرخهن من الفيكس والوازلين
قامت لبوتي :throb:>> وش عندوه:whistling
الوكاد وهي تنهض ام نوره قالت والله اوريه هالقاروص
وتجيب باغة الملابس اللي تجي مكيّستن الثياب من المغسله
وهي تلبسه وانواع التلزيق والشطرطون
قالت ابي اسوي له مصيده واحط له حلويات وو بلهن صحن والبد لوه ورى باب الصاله
ولا تجون ياما اقولكم
وهي تقفي من عندي
يالربع يمار مكتوب على ظهره
مغسلة الالفية ههههههه
:solh:
وانا اسبط انا والبنيوات بالغرفه
وننتظر
وننتظر
وننتظر
قلت ابشوف وش صار
وانا مقبلن على الصاله يمار مامن حركه ولاصوت
وانا هذا على هوني امشي ذال اني اطير لي قاروص او شي
مافطنت الا الشي يوم لعطن بالغارب
اووووتش يييييييو آآآآآح
تذكرت ابوي يوم يلسّبن بلي الغاز يوم يلقانن ادخن وانا صغير
ههههه
وش بلاتس يا ملا
قالت لي احسبك القاروص
خذى الله عيون العدو
هالحين كل هاللشّه وهالزول وقاروص
والا نوره وهيونه يقلن امي ذبحت القاروص
هييييييه
وتقوم المظاهرات بالبيت
اللبوه مع البنات
ارحل ارحل ياقاروص
ارحل ارحل ياقاروص
لا والمشكله استحلن اللعبه
كل شوين جايتن وحده منهن وتضربن بالمضراب
وانا اقوله عيب يابابا
تقول لي
ارحل ارحل ياقاروص
ارحل ارحل ياقاروص
هههههه
انا ابي ارحل بس وين اغدي وش الدبره
مخرج
هالمره مخرج عن جد
افزعو لي
ابو فارس
10-04-2011, 08:37
ياجمران دوس دوس
وارحل ارحل ياقاروص--- بداية مشروع قصيدة
راحت هيبتك يا جمران
بالله عطن غاربك ابغى الفحك شوي---
لي نكسة كما ينكس بعض العرب لبيتكم
اويري
مار بس هذي
لهنبو بليسك وقفة فروة راسي يوم تقول نوره وهيونه مورمات
العن اصلوه الحيوان والله للعن جدفوه << عصب هي نيتوه
شف يالحبيب
عندي لك حل ملعون ابو جدف
ما تلقى كائن حي يمشي بالشقه
بس يبيلك تفضي البيت يوم على الاقل او يومين
رح لاقرب صيدلية بيطريه
وخذ منهم الجره
وخذلك بخاخات منهم بعد
وحط ربع البخاخ جره والباقي ماء
ورش بالبيت كلوه اكتم البيت كلوه
واطلع وسكر البيت لا تخلي ولا نفس
وارجع لوه بعد يوم وبخروه
وشف
يا شيخ لو فيه فيل يموت
وفيه حل مؤقت
خل ام نوره تبخر غرفة النوم وتكتمه بالبخور من العصر وتسكره
وليا جاء وقت النومه ما تلقى ولا ناموسه كلبه بنت كلب
وفيه حل ثالث
اجيك هالخميس والجمعه والعن ابوهن بالنعول
كلش الا نواره وهيونه
وتقلد تحيتي
ياجمران دوس دوس
وارحل ارحل ياقاروص--- بداية مشروع قصيدة
راحت هيبتك يا جمران
بالله عطن غاربك ابغى الفحك شوي---
لي نكسة كما ينكس بعض العرب لبيتكم
ياحبك للشماته انت :)
ابو ماجد انا ابي حل لمشكلتي
ابي ارجع صخصيتي قدام البنات وامهن
وش السوات
بكيف القاروص خله على جنب
اول شي ابدا بتوحيد الصفوف من الداخل وعقبين نواجه الخطر الخارجي
<< متاثر بالاخبار هاليومين :(
جمران
بهالحاله مافيه الا حل واحد
امسك ناموسه وحده
وتقطع ابرته اللي تقرص به
وحطه على يدك
خله بدال ما تقرص تقوم تبوس يدك
واي ناموسه بالبيت تمسك اقطع ابرته وخله
وانوااع التبويس خخخخخخخخخخخخخ
وتقلد تحيتي
^
عندك مخيله وقوة صبر ياخي مدري شلون
هههههههههههههههههههههههه
سلطااان السويري
10-04-2011, 09:46
صخصيتي
ماعليك ياجميران انشالله ترجع صخصيتك
ههههههههههههههههههههههههههااااي
يامعدوم عجزت لاتذبح قاروص
ثوربه بلك رشاش <<< انحش يالولد
مالك الا اني اجيبلك h2s من المصنع وتضبط امورك:)
^
^
لا جب لوه ار بي جي احس
الحمد لله والشكر
يقولك ناموس مهو فيل
<< يحسبوه يبي يجيبلوه سلاح
وتقلد تحيتي
ماعليك ياجميران انشالله ترجع صخصيتك
ههههههههههههههههههههههههههااااي
يامعدوم عجزت لاتذبح قاروص
ثوربه بلك رشاش <<< انحش يالولد
مالك الا اني اجيبلك h2s من المصنع وتضبط امورك:)
H2S
تبي تذبحن انا وبنيواتي يالظالم
يالله حيووووووووووووووه سمسم
عبدالله الجعيثن
10-04-2011, 10:26
ليا جاء الخميس وجانا الشبث
فض الشقه لي انا وياه
وابشر بااللي يرضيك
<< يحسبوه يبي يجيبلوه سلاح
انا طالبك لا تشغل مخك
ياحليلك وانت على طبيعتك :)
عبدالله الجعيثن
10-04-2011, 10:27
^
^
يطلع القاروص...بس تمتلي ذبان خخخخخخخ
ابو غازي والله اني قايلن لوه
خله علينا وازهله
والله اني نويت المشوه الربوع يابو غازي
اندبلت تسبدي يوم قالي بنات اخيي نواره وهيونه مقروصات
تسيف مقروصات وانا حي
اااااااه
ابو غازي
عاد توي شارين لي نعولن جدد الله يعزكم والقديمات مالي بهن حاجه
بس يا جمران ترى نعلمك من هالحين لازم تعتق الشقه من جديد
<< يبون يشلخون البويه بنعولهم :)
وتقلدوا تحيتي
ليا جاء الخميس وجانا الشبث
فض الشقه لي انا وياه
وابشر بااللي يرضيك
خلاص
ابي اخذ اجازه وانتم ادهروا :)
جمران
انت بس اطلع رحلة لمدة يوم
بس هاااه مهو تجينا وارم زعلان ليه عاللون بشقتي
ان شاء الله نحرق بلاستك به مهو شغلك
لك تجي للشقه وتلقا اللي مهي ميته خدامه تحت رجليك خخخخخخخخخخخخخخخخخخخخخخخخ
وتقلد تحيتي
ابو ماجد وش هالفزعه
تبينن اعتق الشقه عقبين
الا يابعد وجهي لاتجي خل قاروصنا يمغّدنا ولا الخساير اللي من وراك :)
عبدالله الجعيثن
10-04-2011, 10:41
جمران
انت بس علم جيرانك ان فيه لجنه تحري عن الزلازل تبي تدخل الشقه ساعتين بس
عبدالله الجعيثن
10-04-2011, 10:43
ابو ماجد
قبله بليله نبي ندسّم بالعشا :)
جمران
انت بس علم جيرانك ان فيه لجنه تحري عن الزلازل تبي تدخل الشقه ساعتين بس
ابو ماجد
قبله بليله نبي ندسّم بالعشا :)
واغميضه ياشقتي :(
ابو غازي
يذكرون مطلعمن حولكم يضبط الربيان
جمران
بالله بلغ الجيران اننا ممكن واقول ممكن نضطر لهد حدى الجدران
وتقلد تحيتي
عبدالله الجعيثن
10-04-2011, 11:03
جمران
الدرج حق شقتك وسيع؟
يعني مدفع رمضان يدخل معهshlwee7
عبدالله الجعيثن
10-04-2011, 11:04
ابو ماجد
اعرف رقم المطعم...ازهله
وابشرك عندهم خدمة توصيل:)
ابو غازي
شرايك نجمع من هالحين ونربطوه بلوه باغات
علشان ما يجي يوم الخميس ولا بس نفتح الباغه :)
وتقلد تحيتي
عبدالله الجعيثن
10-04-2011, 11:08
انا من البارح اجمع :315r:
عبدالله الجعيثن
10-04-2011, 11:09
جمران
ياليت تصفطون الزوالي وتخلوننا نعرف تشتغل
ابو غازي بس خلن اوضح للاخوان المشاهدين
اخاف يفهموننا غلط
يا اخوان حنا نعني سم النامس
مثل سم الفيران
صح يابو غازي ؟
وتقلدوا تحيتي
عبدالله الجعيثن
10-04-2011, 11:11
ليه
وحنا قلنا غير هالحتسي...
عبدالله الجعيثن
10-04-2011, 11:12
جمران
بالله باغتين الالفيه وكمامات ودسوس وكيس ثلج:)
جمران
قبل نجيك بعشر دقايق ولع جمر نبي نبخر البيت بهالسم
وتقلد تحيتي
عبدالله الجعيثن
10-04-2011, 11:20
جمران
ياليت تخلي لنا كوره "اديداس" لزوم اللزخ:)
ومر بالله اقرب بنشري وجب لنا قطع لستك
ولا اقطع اذان ابو رافع نبي نمحط النامس بهن
وتقلد تحيتي
عبدالرحمن
10-04-2011, 13:57
وحنا لنا اسبوع منتظرين اعلانك الدعائي- ارحل ياقاروص - قلنا اكيد يبي يرحلوه ريس شركة :)
واخرتها بقة مدري ناموسة ولا بعوضه افا مافيش فالحتة .............:a:
اسمع شور شبيثان وتقرهد احلى نومه انت والوغدان سيادة الاخ جمران:)
ابو فارس
10-04-2011, 14:05
جاء متاخر
معه يد النجر
وينهم به ؟
اعطونا مجال لو سمحتوا
عبدالرحمن
10-04-2011, 14:08
^
^
ابد رح كل الاجواء الليبية قدامك بس لا تخلي ولا قاروص بالبيت يعني زنقة زنقة هههههه
عبدالرحمن
10-04-2011, 14:09
نسيت لا اقول لك ترا الحضارمة عندهم خبرة بمكافحة القاروص> ما يقصد شموخ :)
ابو فارس
10-04-2011, 14:10
ابو يوسف
انا دخلت بالديوانية
لقيت كلها طواقي
وش السالفة؟
ابو فارس
10-04-2011, 14:12
بيده حزمة نعنان ويقطعها بالبيت
ويدهن الجدران بالفكس
صار لها دخنة
عبدالرحمن
10-04-2011, 14:14
طواقي ههههههههه
تخبر العمارة تحت الانشاء وتاركه سبيل بس الظاهر نبي نكرش عرب البشتون وزرداري:)
الا ليه تبي تطلع من الموضوع عسى منت ذال من شي هههههههه
ابو فارس
10-04-2011, 14:15
ماني ذال
بس يا اخي فيه ناس يستغلون الاوضاع المزرية في البيوت العربية
لتحصيل ثرواتهم--مايقصد حضارم
شموخ شمالية
10-04-2011, 14:16
.
.
خل ام نوره تبخر غرفة النوم وتكتمه بالبخور من العصر وتسكره
جابها ذبيان ابوماجد
البخور من العصر يقتلهن انا احيانآ ارش فليت مع البخور :)
اما عن سالفة ام نورة والبنات حنا الضاهر نبي نسوّي سواتهن
حسبي الله عليكم يابو غازي انت وابو ماجد
تسيف مامدى احط الموضوع الا يتصلون علي افتح الباب جيناك
انا ماضحكت الا على سالفت باغتين الالفيه و اذان ابو رافع يبي يلزخ الناموس :solh:
ابو فارس
10-04-2011, 14:22
وشلون يعطيك قلبك يا شموخ ترشين الاثنين؟
فليت وبخور؟
ماتشوفين ان هذا تبذير؟
جابها ذبيان ابوماجد
ماله الا رجاله
وش على بالتس انتي هاااه
<< جت معوه صدفه
وتقلدوا تحيتي
وحنا لنا اسبوع منتظرين اعلانك الدعائي- ارحل ياقاروص - قلنا اكيد يبي يرحلوه ريس شركة :)
واخرتها بقة مدري ناموسة ولا بعوضه افا مافيش فالحتة .............:a:
اسمع شور شبيثان وتقرهد احلى نومه انت والوغدان سيادة الاخ جمران:)
يابو يوسف تخبر لزوم دعايات وهيك شغلات :)
طيب وش الحل عندك هل انت مع الرحيل او المقاومه هع
انا اقول مقاومه هع
وتقلد تحيتي
اما عن سالفة ام نورة والبنات حنا الضاهر نبي نسوّي سواتهن
الظاهر عملت ام نوره بي
مثل عملة البوعزيزي وقامت عقبه الثورات هناك وهناك :(
ابو فارس
10-04-2011, 14:26
جمران
قاوم
وانا قدامك مثال حي
امس تسلطوا علي اثنين
شبيثان وريالوه
لين قاومتهم وذابوا كما يذوب الايسكريم في فم الوغد بالقايلة
وشلون يعطيك قلبك يا شموخ ترشين الاثنين؟
فليت وبخور؟
ماتشوفين ان هذا تبذير؟
يارجل ماتدري
هذي ياتذبحن او تذبح القاروص
هههههه
عبدالرحمن
10-04-2011, 14:26
لا لا طبعا انا مع المقاومة> متاثر يحسبه مقاومة انظمة:)
عبدالله الجعيثن
10-04-2011, 14:43
جمران
انا من رايي
انكم بالنهار بشقتكم
وبالليل تنامون بالهللّي خخخخخخخخخخخخخخ
نا حزرت يابو غازي
حتى الهلي به نامس
وتقلد تحيتي
ليلى بنت عبدالعزيز
10-04-2011, 16:25
شريره الناموسه مالقت الا الاميرات تقرصهن ولا انت ماعليه تتحمل:)
افتح علبه الفكس بغرفه النوم
او حط ورق نعناع واذا عندك حوض صغير بالبيت احسن بعد
ورح اقرب صيدليه واشتر من زي ذي
http://foodleco.com/images/P/foodleco_6281100875697.jpg
حطه بالحمامات ( تكرم) وغرفه نومهم واذا راح لنوم شلها عنهم
وجعلهن ينقرضن
وشوي شوي وهيبتك ترد :)
ريال الفسحه
11-04-2011, 00:06
ياخي افهمها وارحل :)
الشعب يريد اسقاط ابوقعنون :)
*
*
انت فعلا في موقف حرج ومنعطف اسري مهم
ولو طولت شوي وما انهيت الناموس
بيرتفع سقف المطالبات
والرحيل ما بيكون الحل الاخير
جمران
اخاف يعلقوا لك مشنقه مع الناموس
او يرشوك ب ريد بدون رائحة وانت نايم
هههههههههههه
رش الغرف من قبل المغرب واقفلها
وحط ناموسية فوق السرير
وبكذا ولا ناموسة ان شاء الله
والف لا بأس على الاميرات الصغيرات والملكة
*
*
جمران
انا من رايي
انكم بالنهار بشقتكم
وبالليل تنامون بالهللّي خخخخخخخخخخخخخخ
نا حزرت يابو غازي
حتى الهلي به نامس
وتقلد تحيتي
الله يسلط عليك انت واياه ناموستين :)
وحده ترفع البطانيه والثانيه تمغدك مع سرك هههههههههههه
واذا عندك حوض صغير بالبيت احسن بعد
اذا تشوفين حوض الهللي ينفع من الحين اروح الورشه اخليهم يفكونه واحطه بالصاله :)
ياخي افهمها وارحل :)
الشعب يريد اسقاط ابوقعنون :)
انا فاهم وش يبون بس استهبل ياما تخلص العماره او انهم يهونون
<< شريري صوووح :)
اخاف يعلقوا لك مشنقه مع الناموس
نهايتي راح تكون مع الناموس
بااااااطل
:)
عبدالله الجعيثن
11-04-2011, 10:58
جمران
تدري ليه السويري منقطع عنا هاليومين؟
ماحصله يزور جماعته ... الجسر مسكّر:)
^
ههههههااااي
اخبروه رحوم وراعي وصل الهديفه
اويري يالسويري :)
ايه هين
صار مثل سالفة الحماار والجزره
حطوا جزرته بالحفر وانعمى صار ما يشوف غير الحفر
وتقلدوا تحيتي
بالمختصر..
23-04-2011, 10:46
,
ههههههههههههههههههههههههههههه
كل هذا يسوي الناموس :)
اشتر الجهاز اللي يحطون بوه اقراص << ما تدري وش اسموه , بس نسميه ( ساهر ) :)
.
.
الموضوع كان مغلق وش اللي فتحه ؟؟
سالم الظفيري
26-04-2011, 20:34
والله اني مثلك يابو نوره
اللي فتح الموضوع اكيد من الثوار
بس وش دخله على الموضوع هذا
الله اعلم
عبدالله الجعيثن
27-04-2011, 12:45
فتحوه المسلمون بعد معارك ضاريه مع التتار
اخرتك بقه ياجمران هههههههه
Powered by vBulletin® Version 4.2.5 Copyright © 2024 vBulletin Solutions, Inc. All rights reserved, TranZ by Almuhajir