خطاف الارواح

[سعد الطواله]

داوي جروحي وجرحيني وروحي=وثم ارجعي من قبل خطاف الارواح
وداوي جروح القلب وداوي جروحي=انتي مناة القلب وعطري اذا فاح
حبي كبير وشلت حبي بروحي=يا عاذلين القلب وشعاد لو صاح
ياعاذلين القلب خله يبوحي=خله يقول ان حبها فوق ما طاح
ولي الفخر ما دام انتي طموحي=وقولها والله ولاني بشحاح
الموت يقبل على قلبي ويروحي=لاشك ان الموت ما يبيني ارتاح
ياكل كلي وياعمري وياروحي=يازين بقولك تفديك الارواح

[فيصل اللويش]

الغالي سعد الطواله


صح لسانك

فالفكره جدا رائعه


والقصيده بفكرتها قبل اي شي من مقومات القصيده


ولكن وجدت بعض الملا حظات البسيطه والتي يمكن تجاوزها مستقبلا


1- البيت الا ول

داوي جروحي واجرحيني وروحي 000 وثم ارجعي من قبل خطاف الا رواح

نجد هنا في الشطر الثاني حرف الواو زائده

والا فضل 00000 ثم ارجعي من قبل خطاف الا رواح


2- البيت الثاني

داوي جروح القلب وداوي جروحي000 انتي مناة القلب وعطري اذا فاح

نجد بالشطر الا ول ان الواو زائده وكذالك بالشطر الثاني الواو زائده

والا فضل 000
داوي جروح القلب 00داوي جروحي 0000 انتي مناة القلب00عطري اذا فاح


3- البيت السادس

الموت يقبل على قلبي ويروحي 000 لا شك ان الموت مايبيني اراح

نجد هنا ان كلمة ( على قلبي ) كاسره الشطر الا ول وكلمة( مايبيني ) كاسره الشطر الثاني

والا فضل 000 الموت يقبل للخفوق ويروحي 000 لا شك ان الموت ماوده ارتاح

ولم يتغير معنى البيت مطلقا

4- البيت الا خير

ياكل كلي ياعمري وروحي 000 يازين بقولك تفديك الا رواح

نجد ان كلمة ( ياعمري ) لا تصح مطلقا بكلمه وسط بالمسحوب المخفف للصدر الا اذا تم تخفيف ماقبلها فقط وهي هنا كاسره الوزن بالشطر الا ول اما الشطر الثاني مكسور كله

والا فضل 00 ياكل كلي ياحياتي وروحي 0000 بقوللك يازين تفديك الا رواح


ولو لم تعجبني فكرة القصيده لم انتقدها فأانا لا انتقد الا من اراه رائعا

اخوك 000 فيصل اللويش

[المشرف العام]

اخي سعد الطواله ..

تســــــــــلم اخي على هذه القصيده ..

ومشكووووووووووور اخي ابو طلال على هذا الايضاح الراقي ..

اتكلم شخصيا عن نفسي .. يعلم الله انني استفدت من ذلك كثير


----------

شكرا لكما على ذلك ...


لا خلينا ولا عدمناكما ان شاء الله

[سعد الطواله]

اخوي فيصل تسلم والله على ها الايضاح

وبصراحه انا ما قلت انها بدايت شعري ولهذا اسمحولي ان كنت مكسر بلابيات

ومع ذالك اكرر شكري لك

واخوي المشرف العالم

الله يسلمك ويعافيك

[ابو مشاري الشمري]

تسلم أخوي سعد الطواله وصح السانك
ولاتحرمنا من غيرها أخوي
فيصل اللويش الله يعطيك العافيه على هالايضاح
كلنا اذا دققنا بالشعر لابد أن نجد بعض الاخطاء وبعض البيوت المكسوره
وهذا وارد .
وأولهم أنا ياكثر الاخطاء والبيوت المكسوره
تسلمون الله يعطيكم العافيه.
أخوكم ابو مشاري

[سعد الطواله]

صح بدنك يا بو مشاري واسف والله على ها التئخير

لاني والله انشغلت ولا قدرة ارد وهذا انا اعود اليكم

اخوك سعد الطواله

[ســاير الرماحي]

هلا بسعد


صح لسانك



بداية جيدة اخوي سعد

واستمر . .

تحياتي

[سعد الطواله]

صح بدنك ساير الرماحي

وتسلم على ها التشجيع :)

تحياتي لك