برد صدري وأنا أشهق من لقاك و أزفر بفرقاك [الأرشيف]

راقيه الجزائريه

31-03-2011, 15:11

ذعاذيـع الشمـال بعـز ليلـي هــزت الشـبـاك
تبـي تطـرد هواجيـس الغيـاب وتقطـع أحـلامـي

برد صدري وأنا " أشهق " من لقاك و " أزفر " بفرقاك
ترى ما أقسى من غياب الحبايـب .. غيـر أوهامـي

نبت بأرض السنين المجدبة حبك .. وصـرت أهـواك
رضيـت أعيـش بآجمـل ذكرياتـك باقـي أيـامـي

حبيبي لو لقيت اللـي تبـي مـن هالحيـاة .. هنـاك
أنـا باقـي ( هنـا ) ليـن الليالـي تزهـق آلامـي

على بابك وقفت أمـس أبتسـم لـك كنـي أترجـاك
تعيد اللـي سرقتـه مـن هنـاي إن كنـت قدامـي

مشينا مـن زمـان .. وقـدر الله ينتهـي ممشـاك
على درب الغياب .. وخطوتك أسـرع مـن أقدامـي

تجاهلت الوداع .. وقلت لك : ياصاحبي وش جـاك ؟!
ترش الماء على رمضى الطريق .. وصاحبك ضامي !!

حنين اللي نقش إسمك على صـدري وخـلا شفـاك
تهجـا مـا يـدور بداخلـي مـن جرحـي الـدامـي

جمعني بالورق قصة وفاء .. عاشـت علـى ذكـراك
طمست إسمك من أوراق القصيد .. وصرت بإبهامي !

أنا الوافي علـى كثـر الذنـوب اللـي تبـي أنسـاك
تحزمـت الـوداع .. وشلـت لـك تذكـار بحزامـي

فمـان الله .. رح فـج الغيـاب ولــوح بيمـنـاك
أبرسـم صورتـك فـي داخلـي وأحييـك بإلهامـي

جمعنا ماضي الحـب الحقيقـي يـا عسـاي أفـداك
أبيـك تطمـن رمـوش السهـر وتقـولـه نـامـي

فزع بعض القصيـد بهاجسـي مـن هـزت الشبـاك
كتبـت آخـر تفاصيـل اللقـا .. وإنقطعـت أحلامـي

5602

http://www.4shared.com/audio/REx1CHqt/__online.html

جمران

31-03-2011, 19:19

رائعه رائعه اختي راقيه

مميزه كـ عادتكِ بنقلكِ

دمتِ وسلمتِ

مشينا مـن زمـان .. وقـدر الله ينتهـي ممشـاك
على درب الغياب .. وخطوتك أسـرع مـن أقدامـي

متفاائل

31-03-2011, 19:27

روعه الاختيار والنقل

سلمتيـ اختي راقيه

شموخ شمالية

01-04-2011, 02:40

.
.

يسلموا راقية وكلك ذوق roooose

-------

01-04-2011, 05:55

راقية
اختيار راق مثلك
تحياتيroooose

سالم الظفيري

01-04-2011, 22:55

تسلمي اختي راقية على الاختيار والذوق

لك تحياتي