صليت بهم والعلم عند الله

[جمران]

مدخل


هذا وانا صغير اكالحين رحنا يم عمامي بالنفود

وكان يصلي بهم شايب وياجت الصلاة الجهريه مثل المغرب بالركعه الاولى يقرا عقب الحمد الفتح والركعه الثانيه الاخلاص

وليا صلى العشاء عكسهن بزعمه يجدد :)

الوكاد هذا حالنا لنا قطعة ايام

وينشده ابوي يقوله ليه ماتقرا غير هالسورتين لازم تنوع عشان الجماعه مايملون

وهو يقاصي ابوي قال ابعلمك بس لاتعلم احد

قال ابوي خير

قال انا حافظن غيرهن الماعون والتكاثر

ابوي قاله وليه ماتقراهن

قال اسكت مخليهن ليا جانا ضيوف بعيدين خطوه :)


عاد كلما تطري علي اضحك

هههه


اضحكوا





ايه زين عاد جينا للسالفه الرئيسيه

هذا بهالفايت رحت للديره وخذيت به قطعة ايام وصرمتنا لنا بردتن نحمد اللي فكنا منه

الوكاد لي يوم كل عقب صلاه يراعي لي الخطيب ويتبوسم

ويقولي لازم تصلي معنا العشاء الليله :475r:

قلت خير ان شاء الله

وانا افكر واحلل قلت بس مايبي له واحد ثنين

اكيد الرجال يبي يعشينن بس مستحي من الجماعه ويبيه سعوديه :)

<< خطير الولد

وانا انهج واتسوي الثوب والشماغ

يمار الشايب الله يعافيه عنده بشت وبْرمامثله

وانا استدنيه ابكشخ بوه واحطه علي مادخلت يديي بردونه

واتحراه قبل يذن العشا وانا بالمسجد :)

ويوم خذينا ماخذينا ويقيمون الصلاه

ويراعي لي الخطيب قال تقدم ياجمران shlwee7

وانا اطير عيوني منصدم وترتسم على محياي ابتسامه نرجسيه

لاأحد ينشدن وش معنى الابتسامه النرجسيه
ترونن مدري بس طرت علي :)

وانا اقول لا تقدم طال عمرك

وهو يطير عيونه علي قال اقول تقدم

وانا اقمط ام العافيه

وهو يتزايد نبض قلبي ويطير نفسي يالربع

عجزت اتنفس بغيت اموت احس دمي نشف

يمار مشغلن المكرفون

وانا احتسي على روحي اقول هذا العشاء اللي متكشخن له

وانا ابقول استو واعتدلوا

قلت خذى الله هالوجه :)

واتنحنح وأكبّر

الله اكبر

وباليالله اقرى الفاتحه نتعت يوم وصلت ولاالضالـــ يين


وافكر ياربي وش اقرى وتغدي هالسور القصار عدّي ماحفظتهن

يالربع غيّبن عني

مافطنت الا هو الخطيب يقول سبحان الله ثرينن طولت

وانا اشوى واقرى الاخلاص واركع

بهالربشه اللي صارت والاكشن واللخبطه

البشت الملوي قام ينسلت مني

يوم سجدت وهو يقع قدامي البشت وانا اسجد عليه

يوم جيت ابرفع من السجود وهو ينشبن على رقبتي من ورى وهو يغولن :jesus_sp_

وانا اعافر البشت بغيت اموت

يمار طرفه عند رجلي اليمنى وانا انتله به يمار الله لايبلى

ضربت المكرفون برجلي ويقع على الخطيب وراي :)

انا مدري اضحك والا اصيح والا ابتسي

وانا انبطح على بطني من الفشيله:solh:

ياعل ماعادت امامه

وهم يتقامزون يحسبونن مت :(

وانا اراعي لحديهم يمار يصور بالجوال وانا اسوي نفسي منصفر يعني اني

وهم يرشقونن بالماء وانا تسني صحيت هاه هاه

وشفيه قالو بسم الله عليك وش بلاك

قلت مدري يالربع انصفرت :)

قالو ماعليك طيب طيب




الى هنا انتهت السالفه





مخرج

لاتضحك بـ أحد ترى تبتلى لو طال الزمن

ضحكت بالشايب اللي من سنين وعاقبن الله



هههههه

[صعوة فسفورية]

هههههههههههههههههههههههه

سالوفه جونااان

وناكسه للمرح:)

جمران شكرآ ابسطتنا والله

[عبدالله الجعيثن]

اشوا اللي ماقدمك ابو ضاري يوم حنا بالسفانيه




تسان جامدين نتحراك تقرا عقب الفاتحه

[الحيمري]

ههههههههههههه
كان يوم ماعرفت

قايل لهم اجعلوها عرضه يجماعه ومتصرف

مثل بن زايد تصرف في وقت قصير ومحرج


شكرا جمران

[شمـ حايل ـرية]

كركركركركركركركركركركركر<<<تضحك بالزاوية خايفة ربه يبلاه باتسر



مقدر اتحمل وانا بالزاوية هههههههههههههههههههههههههههههههههههههههه هههه

[تــــركــــي]

هههههههههههههههههههههههههههههههههههههههه هههه


ابي اشبع ضحك و راجع لكم

[متفاائل]

ههههههههههههههههههه

كني اشوفك متمغط وعرقااااااااااان

سلمت جمران

[ابو فارس]

ماسكته الضحكة بس يحاول مايطلعها


يخاف من عواقبها

جمران تكفى سامحن من قلبك خلن اضحك

[شرهه]

هههههههههههههههههههههههههههههه
ههههههههههههههههههههههه
هههههههههههههههههه> الدنيا عقوبه اجل

هههههههههههههههههه هالمرة الدنيا عقوبه بس للتماسيح


اضحكن وونكتن عليه يابناي وماجاكن علي


اول مره احسس بالنعمه اللي انا به الحمد الله اللهم ادمها نعمه واحفظها من الزوال



نرجع للموضوع



بالله هو انت جمران؟؟؟؟>>>انا اخبر ان الامام لازم يكون اقرأهم و احفظهم لكتاب الله>>>> مستانستن بهالمعلومه :)



بعدين ياسويد الوجه المفروض تدرب تسان جاين يمي و مدرستك



/




والله يا هي سالفتن تهيل العقل اشكرك من صماصيم البي >>وش عقبوه :)



لاهنت

[شموخ شمالية]

.
.
هههههههههههههههه
ههههههههههههههههههههههههههههههه


أبي أضحك الى بكره على ذمة شرهه تقول العقوبة بس للتماسيح :)

/

الضاهر أبوك ماصدق على الله انك ترجع للشرقيه ميتن فشلة منك ..:)



صحيح من يضحك يبتلى
أنا ضحكت على بنت صغيرة كانت دلوعة وعووووبا واقول بنفسي شنوح أمه ماتأدبه
سبحان الله الحين مافيه أعوب من بنتي بحايل كله :315r:




سالفتن مضحكة ومعبرة
/
تسلم يابونورة

[قـــوت]

وانا استدنيه ابكشخ بوه واحطه علي مادخلت يديي بردونه



ابو الزول ههههههههههههه
هههههههههههههههههههه





الا يالله دخيلك

يعل ماعادت هالامامه


ماوجهك وجه امام :)

[جمران]

هههههههههههههههههههههههه

سالوفه جونااان

وناكسه للمرح:)

جمران شكرآ ابسطتنا والله




ناكستن للمرح مثل نكسة المكرفون على غرب الخطيب :)

[جمران]

اشوا اللي ماقدمك ابو ضاري يوم حنا بالسفانيه

تسان جامدين نتحراك تقرا عقب الفاتحه

يارجل يوم حنا بالسفانيه تسان اصلي بكم بدون قرايه

من البرد مقوى افتح افمي :)

[جمران]

ههههههههههههه
كان يوم ماعرفت

قايل لهم اجعلوها عرضه يجماعه ومتصرف

مثل بن زايد تصرف في وقت قصير ومحرج


شكرا جمران


يابو منيف مهي لحية ابن زايد

عجزت لا افكر وغيّبت عني السور كلهن :)

[جمران]

كركركركركركركركركركركركر<<<تضحك بالزاوية خايفة ربه يبلاه باتسر


مقدر اتحمل وانا بالزاوية هههههههههههههههههههههههههههههههههههههههه هههه

ايه اضحكي اغدي ربتس يبلاتس :)

[جمران]

هههههههههههههههههههههههههههههههههههههههه هههه


ابي اشبع ضحك و راجع لكم


اشبع ضحتس وتعال بس لاتعدى يم شلّقا :)

[جمران]

ههههههههههههههههههه

كني اشوفك متمغط وعرقااااااااااان

سلمت جمران


مهو

غادين وجهي تقل نيله يارجل :)

[جمران]

ماسكته الضحكة بس يحاول مايطلعها


يخاف من عواقبها

جمران تكفى سامحن من قلبك خلن اضحك



لا لا تكفى اضحك اغدي ربي يعاقبك وتعلمنا بعقوبتك

يووووه ياني ابي اضحك عليك :)

[جمران]

هههههههههههههههههههههههههههههه
ههههههههههههههههههههههه
هههههههههههههههههه> الدنيا عقوبه اجل

هههههههههههههههههه هالمرة الدنيا عقوبه بس للتماسيح


اضحكن وونكتن عليه يابناي وماجاكن علي

ترين ضحكت علي خالتي بهالسالفه ولا امداه الا هي منخمعتن بعتبة الباب

اول مره احسس بالنعمه اللي انا به الحمد الله اللهم ادمها نعمه واحفظها من الزوال

اويري يالسويري وش هالنعمه اللي انتي به :)

نرجع للموضوع



بالله هو انت جمران؟؟؟؟>>>انا اخبر ان الامام لازم يكون اقرأهم و احفظهم لكتاب الله>>>> مستانستن بهالمعلومه :)



بعدين ياسويد الوجه المفروض تدرب تسان جاين يمي و مدرستك

ماوراتس تعلوم انتي ووجهتس هع

/




والله يا هي سالفتن تهيل العقل اشكرك من صماصيم البي >>وش عقبوه :)



لاهنت


يالله ياربي تعاقب هالشرهه ياكريم

[جمران]

.
.
هههههههههههههههه
ههههههههههههههههههههههههههههههه


أبي أضحك الى بكره على ذمة شرهه تقول العقوبة بس للتماسيح :)

/

الضاهر أبوك ماصدق على الله انك ترجع للشرقيه ميتن فشلة منك ..:)

عقب هالسالفه كل شوين ينشدن متى تقضي اجازتك :)

صحيح من يضحك يبتلى
أنا ضحكت على بنت صغيرة كانت دلوعة وعووووبا واقول بنفسي شنوح أمه ماتأدبه
سبحان الله الحين مافيه أعوب من بنتي بحايل كله :315r:

الله يصلحه


سالفتن مضحكة ومعبرة
/
تسلم يابونورة

اغدي تعتبرين وتصدقين على الفقراء وانتي بس تكنزين بهالصرر :)

[جمران]

ابو الزول ههههههههههههه
هههههههههههههههههههه

تقل تنكفين بي :)



الا يالله دخيلك

يعل ماعادت هالامامه


ماوجهك وجه امام :)


يالله يارب يجي يوم وتدخلين المضايف يمار صايرن اسمتس الفالصو :)

[شمـ حايل ـرية]

تكفى جمران سامحن والله اني خفت ان الله يبلانا




ياحيي سامحن

[ابو ضاري]

وجه يستاهل :)

[جمران]

وجه يستاهل :)

ههههههاااي

هذا من شان اعلمك اني مهم ليا رحت للديره :)

[ســـعود]

هههههههههههههههههههههههههههههههههههه

جمران الله لا يبلانا سالفتك غصب تضحك والله يا اني انجضعت لي شوين يوم يغولك بشتك :)

ابو نورة تحياتي لك

[جمران]

هههههههههههههههههههههههههههههههههههه

جمران الله لا يبلانا سالفتك غصب تضحك والله يا اني انجضعت لي شوين يوم يغولك بشتك :)

ابو نورة تحياتي لك

ههههاااي


اويلي ياسعود بلّزن عيوني :)

[ابو ضاري]

اذا حصل وتواجهنا وخاصه بالشتاء


وصليت بكم اذا ماخليتك تهج ولازم ابو غازي بجنبك


تصدق مشتاق لضحكتك


ابو نوره عندك سلف 10000 الاف ريال

[جمران]

اذا حصل وتواجهنا وخاصه بالشتاء


وصليت بكم اذا ماخليتك تهج ولازم ابو غازي بجنبك


تصدق مشتاق لضحكتك


ابو نوره عندك سلف 10000 الاف ريال

ابو ضاري ليا تواجهنا صل بي شمال بعد بس ياخي لاتطري السلف تجيني غلقه :)


هذا ابوي الله يحفظه يامنه ماجاز لوه شي يقول أرخ

عاد انت تقول مشتاق لضحكتي

أرخ مرتين :)

[جمران]

الذين يشاهدون الموضوع الآن: 3 (2 من الأعضاء و 1 زائر)


جمران (http://www.shmmr.net/vb/members/29161-%D8%AC%D9%85%D8%B1%D8%A7%D9%86)
ريال الفسحه (http://www.shmmr.net/vb/members/12397-%D8%B1%D9%8A%D8%A7%D9%84-%D8%A7%D9%84%D9%81%D8%B3%D8%AD%D9%87)


بالخير يامصقان

[عبدالله الجعيثن]

جمران خل مصقان




تره بلشان



بين عجاج السما وعجاج الدركتر

[جمران]

ابو غازي الله يجعله يبلش


ترى الموذي ودك ربي يشغله بعمره :)

[عبدالله الجعيثن]

عاد تدري ياجمران



تره حفر الحفره حقت الميده



ويوم جاء الصبح اليوم يمار مندفنه

[ريال الفسحه]

ههههههههههههههههههههههههههههههههههه


الله يرحم شايبن من الربع يقول بسورة الكوثر ( انا انطيناك ) بدل اعطيناك
ولله انوه يقنع انوه مخطي :)


جمران تستاهل ماجاك

[جمران]

ابو غازي

ههههههههههههههههه


مندفتن من الكراتين والقواطي


طرى علي الشاعر يوم يقول


صاحبي بالمحرقه يومي شليله


عاد هذا زول ريالوه يجمعهن :)

[ريال الفسحه]

ياعيال لاتشمتون يبلاكم الله خخخخخخخخخخخخخخ


والله اكاليوم جبت لي شيول وطلع علمي وانا اتلازخ
انا وياوه واجيب غيروه وكل شوين متعامش مع واحد


<----يبي يدنه :(

[عبدالله الجعيثن]

http://www.m5zn.com/uploads/2011/3/26/photo/0326111403278ovyufmkmduyxr.jpg (http://games.m5zn.com/cooking_games.html)



جمران شف دركتره تحفر اليوم الصبح

[جمران]

ابو غازي

ياخي اللي يسوقه مثل ملطمه يوم يغلط على ابو رافع

تهقاوه هو

[ابو ضاري]

يقولون حصل من اثار القرامطه

[عبدالله الجعيثن]

ايه هو بزاته

[ابو ضاري]

ارخ مرتين


هين ياجمران اذا مازميتك مثل زمه الشبث بمخيم خريم

[جمران]

يقولون حصل من اثار القرامطه

ياخي هو قرمط براسه :solh:

[عبدالله الجعيثن]

وابشرك




من الدوام ببدلة العمل يجدل سمنت مع العمال

[جمران]

ارخ مرتين


هين ياجمران اذا مازميتك مثل زمه الشبث بمخيم خريم

ابو ضاري


ارخ


ارخ


ارخ :)

[جمران]

ياويسي ياريالوه



يجونه مراقبين ارامكو يقولون له وين راع البيت


يقول انا


يقولون ياخي مانسال عن حارس العماره :)

[ريال الفسحه]

هذولا الي يبوني اعلق برقبة حديهم مخالفه

ترا اطلع حرة هالبنيان بححديكم


وابوغازي اداري ماقدر لوه

وابوضاري مايخاف الله يزم


مابقي الا انت ياجمران افطن لروحك:)

[عبدالله الجعيثن]

جمران العمال يشيلون كل واحد كيس سمنت



وهو معطينه باغة خبز يملونه له سمنت

[جمران]

لا المقاول يقول هات بلك ابو عشرين سنتي

وهو يجيب ابو عشره عشان يقوى يشيلوه

[عبدالله الجعيثن]

ابوه يجيب ببسي للعمال



ويصب له بكاسه





هههههههههههههه

برب... النوم

[جمران]

سلمان رح نم عندك شيل وحط بالعماره باتسر :)

[ريال الفسحه]

نوم الظالم عباده

[شموخ شمالية]

.

ريال
ماعليك منهم هذولا غايرين من قدراتك


إلى أمام إلى أمام :315r:

[ابو ضاري]

^
^
نوت عليه تبي تنصب وتاخذ الفلوس


زنقه زنقه

[عبدالله الجعيثن]

<<<<يراعي لسيارة ريال ويهز راسه




اول مره اشوف فورد عليه سلّه :)

[جمران]

^


2 في واحد :)

[عبدالله الجعيثن]

جمران


هذي صورة بيت ريال تحت الانشاء

http://www.m5zn.com/uploads/2011/3/28/photo/0328110103296r6szkizle1xqao7ks4r.jpg (http://games.m5zn.com/cooking_games.html)


ياخي ماتحس انه تصميم مدرسه


حاط الغرف(الفصول) على جنب والساحه بالنص:)

[ريال الفسحه]

اويلك على من يهدم وجهك بهالخشبه <---سارقن من خشب المقاول :)

[عبدالله الجعيثن]

ريال



ابجيك العصر انا وابورافع



زين القهوه والشاهي عند البرج هاللي تبني

[جمران]

ابو غازي تسذب علينا

مصورن المقبره تقول بيت ريالوه :)


الله يرحم امواتنا وامواتكم

[alwafi]

ههههههههههههههههههههههه
مرنز يبي العشاء وانصفر

اجل سعوديه هااااه
هههههههههههههههه