المساعد الشخصي الرقمي

مشاهدة النسخة كاملة : هل تصدق المرأه لو قالت سرك في بير ؟؟


راعي الوقيد
21-03-2011, 21:07
http://www.mbc66.net/upload/upjpg1/nUU46755.jpg

ربما أتت هذه المقوله نتيجه تجارب وموروثات قديمه ...

حيث ا المرأة لا تؤتمن على سر لما تتمتع به من ثرثره وعدم القدره على الاحتفاظ بالسر http://www.mbc66.com/v/images/smilies/adda57.gif (http://www.mbc66.com/v/t110275.html)

الذي دائما يسكن على طرف لسانها ويكون في حالة استعداد دئما للقفز خارج فمها وينكشف المستور http://www.mbc66.com/v/images/smilies/adda25.gif (http://www.mbc66.com/v/t110275.html)....

معنى هذا ان احدا منا لن يصدق امرأه إذاقالت له
((سرك في بير http://www.mbc66.com/v/images/smilies/adda94.gif (http://www.mbc66.com/v/t110275.html)))

لانه بالتأكيد سيخرج على حافة البئر وينطلق بين الناس ....


ولكن............



هل هذا الامر يقتصر على النساء فقط ام ان هناك رجال لا يؤتمنون على سر ايضا ..http://www.mbc66.com/v/images/smilies/adda18.gif (http://www.mbc66.com/v/t110275.html).. !!!

خاصة إذا خرج السر من بين اثنين لم يعد سرا ....


وهل تنطبق حقا هذه المقوله في جميع النساء ...!!!


فما رأيكم..؟؟!!

شاركونا الرأي.....

ولكم التحية
الجازي
21-03-2011, 22:26
أنا أقول لك يابو فيصل

إذا قالت لك المره سرك في بير

فلازم تصدقها لأنها مثلها مثلك ماتحب تكذب ولا تنصب :)

لكن هذا مايعني إن سرك ماراح يطلع

لأنه يعتمد على عمق البير

فبعض الآبار عمقها عند بعض الحريم أقل من سنتي :)

وبعضها متر إلا ربع

وبعضها ماله قرار :) <<<< بس ماتصير إلا عند وحدة في المليار :7ayyoh:

تسان عندك سر جرب قل لي وشف متى ينتشر في المضايف :)

عشان تعرف الإجابة الصحيحة بالتجربة :)
راعي الوقيد
21-03-2011, 22:33
الريم !!

مداخلة رائعة وصادقة:)

يقولون ان المشرف العام يبي يوزع على الأعضاء() بس لاتعلمين احد:)

شاكر مرورك الكريم

تحيتي لك
الجازي
21-03-2011, 22:50
هالحين أنا طق بي عرق الشفاية

وش بيوزع؟؟

وش اللي بين القوسين !؟

وش قصدك بهالحركة !؟

حنا كلامنا عن السر

مو عن أيهما أكثر شفاية :)
جمران
21-03-2011, 23:56
موضوع حلو الصراحه يابو فيصل


بالنسبه لي ومن واقع خبرتي المتواضعه بالحياه



سرّك اذا تعدى صدرك لاتأمن ان ينتشر


واذا على الثقه

يجب ان لا تتعدى حدود المعقول سواء قال لك رجل او امرأه ان سرك في بير


تشكرات يالغالي
شموخ شمالية
22-03-2011, 03:33
,
.
.

موضوع جميل ومهم



الصراحة قليل من يكتم السر وخاصةٍ نحن معشر النساء :)
لان كثير من الحريم الله يهداهن مايصدقن يسمعن خبر الا ونشرنّـه


وفيه من الرجال اللي مايكتم السر ويفضح من ائتمنه على ســّره

واللي أعرفه إن اللي كثير كلامة هو اللي تخاف منه لانه تلقاه يدوّر الحكي دوارة


هدى الله الجميع




هلابك أخوي أبوفيصل وأهلآ بموضوعك الراقي
لاهنت




يثبت
بسمة العز
22-03-2011, 05:27
سوآء المرأه او الرجل .. نآدر في هالزمن اللي تأمنه آسرآرك ومآينشـرهآ..


يعطيك العافيه يآالشيخ على الطرح الراقي..


احتراامي لك
صعوة فسفورية
22-03-2011, 06:27
نعم اصدق

نعم سرك في بير

ياراع الوقيد

فيه رجال غطو ع النساء بنقل الكلام

ماعلينا

الحكمه في التربيه .. والشخصية

شكرا راع الوقيد
سلام
22-03-2011, 06:55
صبااحك ســـر ماينتشر ..لالحرمة ولا لرجل ,,

اخووي ..بما اني انثى ..ولست مرااأه ..

يختلف اخووي ,,لما تقول حرمة بنت مرأه ..

وتختلف النظرة ..فأتكلم لك من باب اني بنت ..


القصة عند الغالبية مش قصة نشر السر ولا القصة التعمد في النشر ,,

في ناس طبعا سوا ع الحريم او البنات ..او رجاال ..

تكون حيااتهم خالية من الاسرار ..او تكون حياتهم زي الكتاب المفتووح للجميع ..يعني مش متعودين في اسرتهم ع وجود اسراار ,,سوا من ناحية ..ان الجميع بأسرتة ..مافي بينهم اسرار وكل سوالفهم مع بعض من باب الثقة والمصارحة ,,,او تلاقيهم حياتهم مافيها اسرار ,,بسبة ان اهلهم مو مخلين لهم مجال يكون عندهم اسرار او خصوصية ,,ودايم اهلهم يحشروون انفسهم بحياتهم فتلاقييهم ,,مافي بحياتهم اسرار



فلذلك ,,,تلقى هالنوعية من النااس ,,لما احد يعطيهم سر .,,ينشروونة ..مو قصة انهم متعمدين النشر ...بس قصة انهم مش عارفين اش معنى سر؟؟ فلذلك ينقلو الساالفة بغرض اننها عادية او انه سالفة مثل كل السوالف ..


واما االحريم الكباار بشكل خااص ..لان نادر جدا تلقى بنات او شباب ,,,ينشروو سر ,,,لانهم ااركد من الكباار او لان الكل فيهم عنده سر فلذلك مايحب ان ينشر حتى ماينشر سرة ,,, او لان تفكيرهم اكبر من هالشغلاات

انا بنظري ان ابنت او االولد ,,اللي ينشر سر ,,صراحة ..ماعاد اظمن اي شيء من اخلاقة ولاعاد ابغي اي شي من صداقتهم او حتى زملااتهم ,,سبحان الله ناشر السر ,,متعمد .,,وحتى سااهي ,,, احس بنظري يطييح من عييني احسهم اطفاال ,,ولايستحقوووا الاحترام حتى ,,وكل مافية من اخلاق كويسة تضيع ,,مجرد افشااء السر ,,



بأختصاار ...واظن ماخليت اختصاار ههههه


يعتمد .,,ع نوع الشخص ,,,


مش الحرمة بس ,,,


يمكن ويمكن ...طبعاا النسااء من الفضااوة ,,, وع حسب الحرمة الي ماعندة عياال ولا شغل هي اكثر من ينشر الاسرار ,,مو متعمدة بس من الفضااووة تجلس ولاتدري وش تسووي فتسولف عن العلووم كلها غالباا تكون عن حسن نيية ,,,













بس انت جرب تعطيني ســرك ,,بخختبر نفسي ههههههه




مشكوور اخووي ع موضووعك ,,,



دمت بخير
أبو فهد
22-03-2011, 09:51
^
^
^


رجعت حليمة لعادتها القديمة :) اختصري ياختي






أبو فيصل



المرة لا قالت سرّك ببير تره تقصد بير الجيران و الأهل بس




وش هالبير اللي ما يسقي منوه أحد :3ajeeb:




لذلك خله بصدرك أحسن :)





لاهنت




----------------
أبو فهد الهمزاني
متفاائل
22-03-2011, 12:11
اقطع ذراعي لو قالت بعمق المحيط :)

ياسرع والله نشلته بس الصراحه والحق يقال

انه تحرص اللي هي تعلم انه ماتعلم احد وهلما جر ياما مايبقى احد

سلمت ابوفيصل
الجازي
22-03-2011, 12:22
^
^
^
هههههههههههههههههههههههههههههاي

حسيبك ربي

والله إنك صادق

جبتها في الصميم

راعي الوقيد

تصدق بديت أعرف السبب

حسب ثقافة الصندقة

بما إن الرجل يتعامل بالصناديق

فهو يحط السر بصندوق ويقفل عليه وينساه :)

أما المره فما عندها صندقة ومعلوماتها تتحرك وتتناقل عن طريق شبكة معقدة

عشان كذا يختلط عليها الحابل بالنابل

وتختلط الأسرار مع سواليف الجار :)

وعشان كذا تسولف بالسر وكأنه سالفة قابلة للنشر :)

وش رايك بتحليلي ماتحسه مقارب للصواب :7ayyoh:
راعي الوقيد
22-03-2011, 12:26
هالحين أنا طق بي عرق الشفاية

وش بيوزع؟؟

وش اللي بين القوسين !؟

وش قصدك بهالحركة !؟

حنا كلامنا عن السر


مو عن أيهما أكثر شفاية :)

كنّا ببلشة وصرنا ببلشات

مابكن طب يالريم مار نسأل الله ان يشفيكن:)

شرّفتي الموضوع وكاتبه بمرورك العزيز

تحيتي لك
عبدالرحمن
22-03-2011, 12:54
الامر فيه تفصيل يابوفيصل!
فالسر يعتمد على نوعه وخطر كشفه
وقرب وبعد الشخص المؤتمن على السر!
وعلى متن وهشاشة العلاقة!
وعلى اشياء كثيرة وكثيرة
لكن يجب على الانسان ان لايجعل نفسه رهينة لغيره!
نعم من الافضل للشخص ان يبتعد عن توزيع اسراره على الناس
ومن ثم يطلب منهم ان يحافظوا على اسرار هو في الاصل لم يحافظ عليها!
والافضل من هذا كله هو خلو الشخص نفسه من السر والاسرار !
فمن يعيش في النور لا اعتقد انه يخشى من غيره على شيء!.
لك تقديري الغالي ابوفيصل على الموضوع المفيد.
راعي الوقيد
22-03-2011, 13:16
مداخلة رائعة منك اخوي جمران

وكلامك صحيح 99%:)

لك التحية
راعي الوقيد
22-03-2011, 13:22
بارك الله فيك مشرفتنا الفاضلة

ومشكورة على التعليق الرائع

:thumb:

تحيتي لك
الشبث
22-03-2011, 14:12
ابو فيصل



هو صحيح بير


بس بيره بس جدران مالوه حفره


يعني قراروه قريب حييييل





ماكل بير مثل البير الثاني يالغالي




انحش لا تصدقهن




وتقلد تحيتي
ريم شمر
22-03-2011, 16:55
لا لاتصدق اي احد يقول هالعباره رجل او امرأه :)

صدق فقط من جربته ووثقت به :thumb:

ومع ان المرأه تميل للثرثره وكشف الاسرار اكثر من الرجل وهذا معلوم ولاينكر

لكن وجود رجال لايحتفظون بالسر .....مؤكد يعني وجود العكس بالنسبة للنساء

احتفظ بسرك

او اشرك به معك شخص واحد فقط تثق به فما تعدى اثنين فليس بسر !!


تسلم ابو فيصل
بالمختصر..
22-03-2011, 18:36
الله يسامحكم ..

أنا مالي شغل بـ المرأه , أنا غير والله أحفظ السر و أغلب أسرار اخواني عندي :)

و أحيان من زود الأمانه أنسى وش قالوا لي :solh:


حفظ الأسرار هو طبع و إذا ما كان بـ طبيعة الشخص صعب يتقنه ..

و ترى بعض النساء إذا كان ما عندهن موضوع يسولفن فيه يبدن بـ إفشاء بعض الأسرار " أكشن يعني " :)




.
.
راعي الوقيد
22-03-2011, 20:55
بسمة العز

صعوة فسفورية

سلام

مشكورات على المرور والتعليق الرائع

تحيتي لكن
راعي الوقيد
22-03-2011, 22:15
ابو فهد

متفائل

عبدالرحمن

الشبث

مشكورين يالغوالي على مروركم الكريم

دمتم بود

ولكم التحية
راعي الوقيد
22-03-2011, 22:17
ريم شمر

بالمختصر

مشكورات على المرور والتعليق الروعة

تحيتي لكن
ابو ضاري
23-03-2011, 00:45
خله بصدرك يالغالي


انا مااصدق

لاهنت يالغالي
ريال الفسحه
23-03-2011, 00:49
ههههههههههههههههههههههههههههههههههههههه

والله كاريكاتير روعه :)



لاهنت يالغلا
شرهه
23-03-2011, 15:28
الا انت وشو لوه تطلع سرك من الاساس ..
هذا دليل ان الرجال ثرثار وما يصبر ههههههههه




خل سرك بصدرك ... ان طلع وهو طلع ان بغى لرجال او لمره





الا عاد اللي انت باخصهم و تخبرهم




لاهنت يا بو فيصل
راعي الوقيد
23-03-2011, 18:22
ابوضاري

ريال الفسحة

شرهة

مشكورين على المرور

ولكم التحية