رحلـــــــــــــــــــة صيـــــــــــد !!!!!!!!!

[موج البحر]

طلعنا مره انا واخوياي للبر نصيد طيور ايه وش علينا بوارديه وراعين كنص

اخويي هم (انا محاكيكم وفهد وعادل ومحمد)اسامي مركبه ولا هذي اسامي

طلعة بر :D :D :D :D وكان معنا ساكتون قوتها 27 فرحانين فيها متصيد بريعصي

والله وحنا راكبين الددسن ونلف البر طلحه طلحه ... بس مافيه شي ولا طير

قلت ؟؟؟ ياوجيه الخير يالنشمى (هين) وش رايكم نروح لي قريه نشوف كيابل

الكهرباء يمكن عليه شي..يملا الهميس :D :D :D قالوا راي طيب من وجه ودر

دخلنا اكالقريه فريناه فر مافيه ولا حتى عصافير ....قلت وش رايكم ندخل مزرعه

ونصيد الحمام الي فيها :confused: :confused: صعبه نرجع كذا للبيت ؟؟والله

من الشماته فيناااا|1| |1| |1| وندخل المزرعه وانا اشوف كالحمامه قلت ياحمامي بالبساتين اهربي انحاشي ياويلاك ....

ويقوم خويي ويصوب عليها ويرميها الا وهي جايه على راسها وهي تقول

علمته الرماية كل يوم ؟؟؟؟؟؟؟؟ عاد خويي بواردي جيد والله من كثر ميجز البنات

:D :D :D :D شوي ولا سمعنا دبكه وحركه الا هنود المزرعه مجتمعين علينا يجي اكثر من عشرين واحد ؟؟؟

كل واحد منهم شايله شيول او فاس او منساف ؟؟؟حرب ماهي سوالف

يمير فيهم اكالهندي ملعون الرقبه يتفلت علينا ويخربط مدري وش يقول

وخويه والله فيهم الخير مسكينه عنا|12| |12| اه يالقهر والله من القهر وصل

ثوبي للركبة( لبس ثوب اخوي الصغير) لكن الكثره تغلب الشجاعة|107| |107|

وبحركه مباغته من خويي وننحاش ماتشوف الا غبرتنا بالسياره والهندي ورانا

صاير امتاب باتشن ؟؟؟ وبحركه يمسك خويي بريك الا والهندي خشته بوسط

حوض السياره ميبي غيرها ؟؟ ميقدر يتحرك الا زيت شعره يقطر على وجهه

والله وننحاش يوم طلعنا من المزرعه ونتمشى بالقريه نشفي وش فيها ؟؟

الا يوم طفت السياره نقول نشغل عدل بدل مافيه فايده قالت هذا مكاني

والله التوهيقه .....والله ويقف راعي الخير من اهل القريه ويسحب سيارتنا بحبل وحنا داخل الغماره تقول مشفح !!!!!!!!!

وندخله عند الورشه ويقول الميكانيكي بسر تخلص ؟؟؟قال الي سحبنا يالله معي على البيت

وحنا لا مانبي احرجتنا ونحاول نصرفه لكن مافيه امل تنفس !!!!!!!

الوقت كان الصفره ............. رحنا للبيته وتعشينا من عشاء بيته وجاب لنا الفرش وحنا تعبانين من الفرري بالقويل

والله ويفرش لنا الفرش بالمجلس ....وحنا نقوم نعلق ثيابنا بالباب معلينا الا سراويل شهب وفنايل ام علق صفر وننام ؟؟؟؟؟؟ وندوسلها الى الضحويه

حوالي حدعش ؟؟؟ ويوم قمنا الا والمجلس مصتك من الباب الى الباب رجال وشيبان

ترى راعي البيت مسوي لنا غداء يحسبنا .......

نوحنا تقول بهم نايمين بينهم لالالالالا والمصيبه الثياب معلقه ؟؟

والله ياحنا افتشلنا فشيلة مابعدها فشلة ...وجيهن قلبت كركم وصرار احمر حار

والله ونتشجع ونفز كننا جمس عبارتين فزه وحه ونغسل خششنا ونلبس لا والمصيبه معلينا شمغ ........

والله ونسلم على الرجال :p :p :p ونشوف اكالتلفون تدرون لنا ليله ميدرون عنا

اهلنا حنا فوق الارض ولا تحتهااااااا !!!!!!!!

ويقوم عادل ويتصل على اهله ؟؟؟؟؟؟ عادل عنده ام يالله ياربي قويه وطويلة

للسان تخرش عادل وابوه واذا زعلات اعلنت حالة طواري بالبيت !!!!

اتصل عادل ....رن رن رن

ومن حظه ردة امه عليه ؟؟؟؟؟:D :D :D

عادل // الو

امه /// من

عادل// انا يمه عادل وفرحنا بعد يويلاك .......

امه // صرخت عادل يويلي وغمى عليها ..مصرقعه

عادل/// يقمز بوسط المجلس تقول مهبول ويقول امي امي امي اغمى عليه

امي امي انصفرت تكفون يوجيه الخير .... وحنا نغمز له ونتنحنح يملا النحنحه

والله يحنا تفشلنا فشيلة مابعدها فشله وجيهن قلبت كركم وصرار احمر بارد ..

طبعا الرجال غسلوا يديهم منا قالوا معندك احد برحه..اول عندهم نيه يعزموننا

لكن بعد عادل انسى حتى المعزب الظاهر انه تحسف على الطلي الي هو ذابحه ...

الدور على فهد يتصل على اهله ...

فهد .... عنده ابوا يالله المستعان دائم نفسه براس خشمه ومكشر مبحياتي

شفته يضحك والله الهم !!!!!!!لكن فهد ولد ذكي مو هطف مثل عادل فهد حكيم

ماخذا الاول على اول ابتدائي يسلااااااااااااااام

اتصل فهد رن رن رن

ومن حظه رد ابوه

الابوا// نعم

فهد // هلا يابه انا فهد

ابوه // واللعنه وينك ياسربوت او تسكع بالشوارع مع اخويك السرابيت ...احم احم احم ميقصدنا اكيد

قال فهد // حنا نتمشى

ابوه // ياضيع ياحمار يالمهستر..

فهد// الله يسلمك يابه كلنا بخير انت وش اخبارك وشاخبار الاهل(ذكي ) يصرف..

ابوه // سكر السماعه بوجه فهد ..

فهد// ايه لا انشالله محنا متاخرين يالله توصي شي يابعد عمري مع السلامه


...................هذااااااااااااا فهدا اشووووووووووا

الحلقه القادمه نكمل مع محمد وااااااااااااااااااااانااااااااااااااااا ااااااااااا



تحيااااااااااااااااااااااااااااااااااااا ااااااااااااااااااااتي
:D :D :) |105| |105|

[الفاضي]

كفششششششششششششششششششتك يالحرامي
ليه سارق يومياتي
اتسذب قصدي ليه تدخل مزرعتي ولا بعد تصيد من الحمام ههههههههههه

والله قصه مره حلوه ياريت تكمل القصه الجايه باقرب وقت

دور تصريفه حلووووووووووووه للحلقه القادمه

تحياتي الفاضيه

[أبــ شهاب ــو]

طيب ليش ماحطيت كله بموضوع واحد ؟؟؟<<<--- فكوووووووووك


على العموم سوليفية رهيييييييييييييييييييييييييييييييييييييي ييييييييييييييييييييييبه

يعطيك العافية والى الامام

[نهّاااش]

كخ كخ كخ مممخخخخخخخخخ

ياقلبي وانت والحمامه :)

أزادي لو انّ الحالة تطوّرة على ضبان تسسسسسان علوم

الحمد لله على السلامة :)

[محارش]

هههههههههههههههه
تذكرت سالفة واحد من خوياي صار لوه زي هالموقف تقريبا

يقول انهم كانوا مسيرين على خواله ووصلوهم متأخرين بعد المغرب يعني ,
المهم يقول وانا انام ويوم قمت الصبح الا الضحويه وين الصبح يامار بوه كم شايب جالسين يتقهوون :)
يقول ما ادري وش اسوي ابروح من عندهم بس مستحي يعني بالعربي ذاعّوه المسبوع يقول وانا اتنويم غديهم يروحون وهم ما عدوا محلهم وتسرخ من السوالف يقول ويوم طاب خاطري مررررره قلت ما عاشت باللحايس ( جتوه الطنخه بس مهي بمحله :D ) يقول وانا اقوم واخذ فراشي وامر من عندهم ولا عدي سويت شئ ههههههه
( ايه هيّن ما عدوه سوا شئ لكن قال خل اقوم قبل ما يكثرون وتصير الفضيحه صدز :D )

[ابو مشاري الشمري]

محارش محارش
ياسلام أثري ماهو بس أنا اللي ينحرج ويحصله موقف يفشله.
قصة حلوه وننتظر تكميلته يابعد حيي.
بس تقول الحقيقة معك أنت خاصة من الأحراج.
تحياتي لك ولكل الأخوان