شمري .... الى وين.؟

[زمن للنسيان]

السلام عليكم ورحمة الله وبركانه


..ضاقت بيا الدنيا ورجعت لاهلي وعزوتي بس للاسف..

..هم السبب في ضيقتي..

..ما ادري من وين ابدا ولا كيف ابدا..

..ضايع بدنيا سهله..

..مدخلها من هنا ومخرجها من هناك..

..ما ادري اقول ياليتني ما دخلت..

..ولا الافضل لي اني اخرج بسرعه..

..ياعالم الى متي..

..ولا الى ويــن ..

..شمري وافتخر.. وراسي مرفوع..

..ونعم الحسب والنسب..

..بس هو سبب ضياعي..

..لــــــــــيـــــــــه؟!..

..العشق ممنوع.. الحب ممنوع.. الحياة ممنوعه..

..حكم عليك تعيش بنكد .. مع واحدة تربطك علاقة قرابة..

..الى متي الجاهلية..؟

..ابوي ابا اتزوج فلانة..

..لا يا ولدي ما ينفع..

..ليه يبا..
..ماهي شمرية..

..يقتلك بالكلمه هذي..

..لو اقدر اضمها لدفتر العائلة مع عمي..عشان اتزوجها..

..ولا انتظر لين تخف النعرات الجاهلية..

..يعني 60 او 70 سنه هذا اذا بداو يفكرو..

..ولا اخرج من الدنيا بسرعه..

..وفي هذي الراحة الابدية..

..هنا اقتصر عليا التفكير..

..فقط هذي الحلول الموجودة..

..بس ما زلت..

..شمري وافتخر..

[متفاائل]

الشمريه ترفع الراس

وطاعة الوالدين واجب

احتسب جزاك الله خير وتلقى خير ان شاء الله

سلمت وحيااك الله

[بسمة العز]

حيــآك الله اخـوي


بصراحه معآك حق ...



كل الناس خير وبركه .. الى متى التعصب القبلي..!



الله يهديهم .. وتتحقق آمنيآتك..



احتراامي لك

[عبدالرحمن]

حياك الله اخي الكريم واسمح لي بان اختلف مع جزء من رأيك
لا اعتقد ان الامر الذي صورته هو الحقيقة عند كل الناس -شمر-
فالزواج من خارح القبيلة لا شيء فيه وكثير من شمر زوجاتهم من خارج القبيلة
والكثير من بنات شمر مع تزوجن من خارج القبيلة
اما مسألة العشق والحب بين الجنسين
فالامر لا يعني شمر وحدها !
نعم الامر خاضع الى ديننا الاسلامي
الذي يمنع ما تطالب به.
لك تقديري.

[دلع الاتي8]

أتفق مع أخوي عبدالرحمـن إتفآق كبيـر :3ajebni:

ومارااح أضيف على كلآمه أي شئ :thumb:




يسلموو أخوي ع الموضووع


ولك جزيـل شكري rooose2




سـ you ــي

[-------]

السلام عليكم ورحمة الله وبركانه
..العشق ممنوع.. الحب ممنوع.. الحياة ممنوعه..

..حكم عليك تعيش بنكد .. مع واحدة تربطك علاقة قرابة..

..الى متي الجاهلية..؟

..ابوي ابا اتزوج فلانة..

..لا يا ولدي ما ينفع..

..ليه يبا..
..ماهي شمرية..

..يقتلك بالكلمه هذي..

..لو اقدر اضمها لدفتر العائلة مع عمي..عشان اتزوجها..



مشكلتك توجع القلب

فعلا ظاهرة غريبة

بسبب العقول المتحجرة

الحل

تزوج اللي اهلك راح يختاروها لك

وبعدها تزوج اللي تحبها وحطهم بين الامر والواقع

[قـــوت]

عوذا



يالله دخيلك

[سلطااان السويري]

الحسب والنسب لابد منه

ولولا اهلنا وشيباننا كان ضعنا

ولكن هذا لايمنع انك لاتتزوج من قبيله عريقه اخرى


لاهنت اخوي



وبعد اذنك ينقل للمضيف العام

[بالمختصر..]

الله يعين ..

استخير , ما تدري وين الخيره !

والله يرزقك الزوجه الصالحه اللي تسعدك ..





.
.

[زمن للنسيان]

يعيطكم العافية ع المرور والافادة
ومشكوور اختي ايثار على هالحل
بس وش ذنبها تعيش معي انكد عليها حياتها >>شمرية<<

واشكرك اخوي عبدالرحمن على مرورك
بس احب اقولك انه في حب قبل الزواج في الاسلام بس بضوابط
ما تكون العلاقة على النمط الغربي وخرجات وطلعات... كذا بتخالف الشريعة...
..لكن اذا شفتها وتكلمت معاها...
.. في الا صل مداخل الحب هي السمع والنظر..
ويعطيك العافية

[منصور الغايب]

أهلا بك أخي الكريم بيننا ... وسعداء بتواجدك ... وباطلالة قلمك ..

المهم أن يتزوج الإنسان الزوجة الصالحة ...

التي إن نظر إليها أسرته ..

وإن أمرها أطاعته ..

وإن غاب عنها حفظته في نفسها وماله ...

والخير موجود في كل القبايل ..


شكرا لك ...

[ريم شمر]

انا مع ابوك في كلامه :)

مهو انتقاص لاحد لكن كل ماكانت زوجتك اقرب لك ومن نفس بيئتك ومجتمعك افضل

بعدين الزواج بين قبيله واخرى مااعتقد انه ممنوع او مرفوض بالعكس معمول به قديما والان

لكن حفظ النسب مطلوب والبعد عن ماييفسده امر يجب ان تحرص عليه انت قبل غيرك !!


حياك وشكرا لك