والا همزنا همزة مقيط ورشاه ..!!

[راعي الوقيد]

عبدالعزيز بن عيد العقيلي الهذيلي (راعي البرّه)



يا فاطري لا تكثرين الحنينا // ولايدك بخاطرك كل دوّاه


تبكين فرقا يوم وأبكي سنينا // ويلي على فرقا المحبين ويلاه


مدري بلاك مفارق الظاعنينا // ولا على جيان موقق ومرعاه


يا فاطري هذي سوات اللعينا // منك الحنين ومني القلب عنّاه


وجدى على العمّان والوالدينا // والعيد يا ماقلت به وا حلالاه


ويحق للوالد وصوله علينا // والبر ما دامه مع الحي نلقاه


من قبل ما ينسف علينا الدفينا // ولا عليه بساعةٍ ما حضرناه


اما على مثل النعايم لفينا // ولا همزنا همزة مقيط ورشاه


ولكم التحية

[الاصمعي]

توجّدٍ ما مثله ، ودعوة للوصل مؤثرة!

ألا هو وين كان؟ ورجع على مثل النعايم ولا على همزته؟

لاهنت يابو سمي

[أبو فهد]

<<< يفكر يحوله للمنقول :)




لاهنت يبو فيصل



الله يكثر من أمثالك




-----------------
أبو فهد الهمزاني

[الجازي]

ترى المضيف اسمه قصة وقصيدة

قولوا القصة عشان نفهم القصيدة :7ayyoh:
يعطيك العافية يابو فيصل

[راعي الوقيد]

هلا ابوخالد

هذا ياطوبل البقا والسلامة من اهل البرة احدى قرى الرياض

وهذا الشاعر كان مع بيرق ابن صباح يوم يغزون على الديرة

وهو صاحب المقولة التي اغضبت ابن صباح عندما سأل عن ابن رشيد

حيث قال ان ابن رشيد اللي يعرف ماتجونه بحايل هو اللي يجيكم بمعسكركم

وزعل عليه ابن صباح لأن مثل هالكلام يثبّط من عزيمة الجيش ؛ وبالفعل جاهم الجنازة بمعسكرهم

وزود على هزيمتهم كلى غداهم بالعوافي:)

وله قصيدة رائعة في هذه المناسبة ؛ يقول العزي بن عبيد راعي البره :-

يا مزنه غرا نشت من مغيبه
ترعد وتبرق ساقها رب الأرباب

ترمى السخط قيدت على من تصيبه
بأركانها تسمع كما ضرب الاطواب

همت ودمت وادلهمت غضيه
استثقلت باللي للأرواح جذاب

تبغى الحريب اللي دنا من حريبه
ابن صباح اللي تعرض للأسباب

لك التحية

[متفاائل]

والا همزنا همزة مقيط ورشاه ..!!

بعد الشر عنك يالعزوة :)

سلمت ابوفيصل على هذا الاطراء المميز دائما

امتعتنا بهذه الابيات لاهنت

تقبل مروري

[راعي الوقيد]

هلابالعزوة ابو فهد


ياحيي لاتفكر خله بمضيف القصة


وتسان يدك تحكك انقله للموروث الشعبي


بعدين مثل ماتشوف الدعوى فيها همز وهمزنا:)


تشرفنا يالغلا بمرورك


لك التحية

[راعي الوقيد]

حياتس الله يالجازي

مشكورة على المرور

تحيتي لك

[راعي الوقيد]

هلا ابو عمر

ولايحرمنا طلّتك يالعزوة

مرورك الكريم شرفني

لك التحية