مسابقة المنقول {مشاركة منصور الغايب}

[جمران]

عبدالكريم الجباري


قال الفراق ؟وقلت وش عاد يعني
منّاك يالله لو سمحت اقطع الصوت

واشوى!بحزّة قلتها ماسمعني
وش عاد يعني!!مادريت انه الموت

وقال الغرام؟وقلتله مانفعني
هذاك لو اني حظيظن ومبخوت

وقال الغرور؟وقلتله مارفعني
ماظنتي بأن الكبر يعمر بيوت

قال التواضع؟قلت بالله طعني
خلك عليه بذمتي تقطف التوت

قال التسّرع؟قلتله ماتبعني
ماينفعك لاصيّحوا فاتك الفوت

وقال الصحيح؟؟وقلت طبع(ن)طبعني
ماهو لباسن تلبسه لبسة الكوت

بالله كفّ عن سؤالي ودعني
يعني خلاص الصمت لولو وياقوت

قال الفراق؟وقلت وش عاد يعني
بكل برود ومادريت انه الموت


نقلتها هنا وثبتها لك يابو عبدالله


ولامانع من ان نسمع اراء الاخوان والاخوات

ولك حرية الرد roooose

[منصور الغايب]

تسلم ياجمران ..


وسعيد بمشاركتي في تلك المسابقة الجميلة ...


بالله عليك هالقصيدة ماتفوز :)


بس شقول بذوق شبيثان !!


الشكوى لله

[ليلى بنت عبدالعزيز]

الدنيا نصيب ابو عبدالله:)

وتسلم لنا ذائقك

<< يعنني ماخذه الذهبيه

لاهنت جمران

[هند القاضي]

مشاركه رائعه من اخونا ابو عبد الله واختيار جميل


يعطيكم العافيه