عبدالمجيد محمد & عبدالله العنزي

[عبدالمجيد الشمري]

طابت اوقاتكم بكل خير

هكذا كانت بدايتي :


يا عبدالله الهاجس قدح قدحة البارود
_______ وانا صار لي مده وانا قاضب زناده

يقولون لا تشكي على واحد ٍ محدود
_______ وانا اقول والشكوى لغير الله الهاده

شكيته وهو ربي على شانه المعبود
_______ عسى الله يطفيّ جمرة ٍ فيّ وقّااااده

سبب مهرة ٍ لا نش خشمي هبوب النود
_______ عسفت العيون وعفت انا الليل وارقاده

عليها الله اكبر كيف قفّت وانا الملهود
_______ من الخلق والاقراب والوقت واجهاده

خذت فكري اللي ما يحدنّه أي حدود
_______ عثت بالحشا وتقول كنت أبغي اسعاده

الا يا وجودي وجد .. ما عاد فيّ وجود
_______ وجودي وجد نفسي عقب شدّة الغاده

يهيم المطر فيها والى من وطت جلمود
_______ تشوف النفل ينبت و تتزايد أعداده

يا كن العيون تخاف من ليلها المكدود
_______ تسل السيوف وتطلب الليل وابعاااده

ما كن نصفها السفلي من اللي علا معدود
_______ يا شتان بين انصافها شرك و عباده

برت حالي الغيبه .. مثل ما يبرّى عود
_______ وذبل عودي امن الصد والبعد وعناده

كذا دون زله ما عرفنا وش المقصود
_______ يا عبدالله القصه ما هي دق وحداده

غدت لي عنود ٍ ترتع بخافقي وتسود
_______ غدت والمراتع محّلت عادت العاده

الا من يبشرني بزوله واسوق الذود ؟
_______ جزى للذي يقطع غثى القلب باسعاده ..!


فأجابني الشاعر المبدع /

عبدالله العنزي ..قائلا ً :




على طلعت .. سهيل اليمانـي .. يبـش .. العـود ..
......... تنوض البـروق .. ويضـرب الآذن .. رعـاده ..




تهـل المـزون .. وينطلـق .. حبلهـا المعقـود ..
......... على الأرض يدرج سيلهـا .. سـال .. بزيـاده ..




لفتنـي تبـل .. الحلـق .. وتبشّـر .. الموعـود ..
.......... بغيـثٍ .. ليامنّـه هـمـا .. زآن .. مـيـراده ..




يـا عبدالمجيـد .. الشمـري والليـال .. السـود ..
.......... تبا قو .. عـزم .. وبـاس مـع قـوة .. إراده ..




شكيت المحبـه .. والمحبـه .. تبـا .. مجهـود ..
.......... نصيحه .. فـوادك لا تفكـه .. مـن .. أقيـاده ..




تهـودّ وعيّـن خيـر .. الحـب مابـه .. فــود ..
.......... غريم المحبه .. يشتكـي .. كثـرة .. أسهـاده ..




ياكـم فالمحبـه .. شاعـرٍ مبتلـى .. مضـهـود ..
........... غدى له .. عذاب الحب .. إفـراش .. ووسـاده ..




لا تشكي .. صـدوف الحـب ال واحـدٍ .. مقـرود ..
........... قرده .. الغـلا يـوم الغـلا .. شربـه .. وزاده ..




تحملّت لجل اللي .. آحبـه .. صنـوف .. الكـود ..
............ تحيزم .. رفيقك بالصبر .. مـار .. مـا آفـاده ..




وجـودي .. وجـود أمفارقـة .. أول .. العنقـود ..
............ ولدها .. قبل عيد الفطـر .. شِـرعّ .. أحـداده ..




تقضيّ الليالـي .. سِهـر .. والعالميـن .. رقـود ..
............ على الله .. دعاويها .. علـى جـال .. سجّـاده ..




له الآن .. أكثر مـن شهـر .. طعمـةٍ .. للـدود ..
............ وهي تحتفل .. اليوم فـي .. عيـد .. ميـلاده ..




عوضها .. على اللي .. يكمل الناقصه .. بالـزود ..
............. الـهٍ كريـم .. ومدتـه تشـبـع .. أعـبـاده ..




عليه أتكالـي .. رازق النـاس .. راع .. الجـود ..
............. طلبته .. ليا شح الفـرج .. يرسـل .. أمـداده ..




عسى .. الله ..يفرجّ .. كل دربٍ غدى .. مسـدود ..
............. وعسى الغايب اللي .. غاب يرجع على .. أشداده ..




وأخيرا ً تقبلوا جل احترامي وتقديري


محبكم
عبدالمجيد

[دلع الاتي8]

يسلمووو أخوي ع الابيات

وصح لسـآنك





سـ you ــي

[رادار الحرف]

عبدالمجيد

اين انت يا أخي
شاعر مثلك له جمهور وانا احد هؤلاء الجمهور.
سعدت في التعمق بنصك الجميل وكذلك بالصدى الأجمل
من قبل شاعر جميل.
لقد ابدعتما في السلاسه والبساطه في الطرح.
وفقكما الله
رادار الحرف

[عبدالله الجعيثن]

صوت وصدى قمه




صح لسانك شاعري



وصح لسان العنزي




استمتعت بالروعه والابداع

[سالم الظفيري]

صح لسانك اخوي عبدالمجيد

وتسلم وتدوم قمة في الروعة

ولك تحياتي

[عبدالمجيد الشمري]

اختي عاشقه ..شرفتينا بمرورك الراقي شكرا من الاعماق

[عبدالمجيد الشمري]

أخي رادار الحرف ..مشتاااااااااااااااااااااق لك

[عبدالمجيد الشمري]

الاستاذ ابو غازي .. حياك الله يا شاعري وصح كلك ولا هنت عالمرور العذب ,,

[عبدالمجيد الشمري]

المبدع سالم الظفيري .. اشكر لك مرورك وصح كلك ويدوم عزك يالذيب ,,

[جمران]

صح لسانك

[رحيل الوهبي]

صح لسان الاول و الثاني

و الجميل كما هو جميل

و لا داعي لتعليق

تحياتي اليكم

[هايس الشمري]

مبدعييييييين..



اطربتونااا..



عبدالمجيد.. انت كما انت.. مبدع دائما..



صح لسانك و لسان عبدالله..



لك الود