جرح قديم

[عبدالله اليامي]

طرح قديم نوعا ما أتمنى ينال رضاكم....



لا تهز الضلوع الناحله يا غشـــــــــيم
وســـطها نام فــــــــارس ما حدٍ قــدّره

أشهد إنه يطيح إذا نوى يســــــتقيم
غير خلّه ينــــام ونـــــومــــته تعــــذره

ما نعس طرف عينه وأنهمر منْه ديم
لين قفّى حســـــامه وأنتهى خنجره

كل ما حنّت الدمعه لجرحي القــديم
مشّها كم ثوبي وألتـــــــفت وأنكــــره

كان ظلع المظالم يالغلا ما يقـــــــــــيم
في صدور العذارى.. قلت ضلعه مره

اشهد اني من إحساسي تشكّلت غيم
وانهمرت بأراضي ما تجيــــب إثمره

غير وش يستفيد اللي جرح له يتــــيم
من غلاه استتام وشـــــيل للمقبره

لا توقّف ورا الاسوار مالك نديم
كل باب لـ عذابك جيتك أسكّره

وأنت ياللي تطق الصدر عادك غشيم
لا تــــقدّر خفوقٍٍ ما حدن قدّره



وسلامت قلووبكم


إعذروني على القصور

بقلمي

أخوكم / عبدالله هادي ال منصور اليامي

[متفاائل]

جرح قديم وعبدالله اليامي

صح لسانك على هذه الابيات المعبره

تحياتي لك

[رادار الحرف]

عبدالله
اهلا بقديمك، ونستحق جديدك الذي نتمنى ان لاتبخل به علينا
ونصك كبدايه مجمل وننتظر الأجمل ان شاء الله.
ولي استفسار بسيط حول:
غير وش يستفيد اللي جرح له يتــــيم
من غلاه استتام وشـــــيل للمقبره

كلمة استتام ، هل تقصد فيها استثام من الإثم ام ماذا ؟
وفقك الله
رادار الحرف

[سالم الظفيري]

صح الله لسانك اخوي عبدالله

وتسلم وتدوم


ولك تحياتي

[جمران]

صح لسانك

[عبدالله اليامي]

متفائل

الله يصح بدنك ولا يهينك على المرور
حضورك شرف لي

تقبل تحيااااتي

[عبدالله اليامي]

رادار الحرف

اهلا بك أسعدني مرورك وحضورك المشرّف

صدقني لم ألتفت لهذا الخطأ الإملائي مع إني نشرت في كذا موقع الإ الآن هي فعلا إستثام

تشرفت بحضورك لك مني كل الشكر على المرور العذب

[عبدالله اليامي]

سالم الظفيري

الله يصح بدنك
ويديمك
تقبل تحيااااتي

[عبدالله اليامي]

جمران

مشكور على المرور

تحياااتي