خايف عليها من الثرى ؛ غطّاها ..!!

[راعي الوقيد]

|.. خايف عليها من " الثرى"غطَّاها ..|
....................|..وإلا " الحصى "حافيه اخاف اذَّاهآ..|
..
|..أكرم عليها.. بـ[ـآلكفن].. يامطـوع..|
....................|..بالبيت ظل..[فراشها] و [غِطاهـآ]..|
..
|..أكرم عليها .. بـ[ـالكفن]..هذي امي..|
....................|..وإشهد عليها .. في ماعطت [يمناهآ]..|
..
|..هذي..[الضحى] و [الليل] يتحرونـه..|
....................|..هذي..[السمآ] و [نجومها] تنعاهـآ..|
..
|..هذي..{السوالف}.. مثلنا تبكيهـا..|
....................|..و" الارض " تنشد عن اثر لخطاهآ..|
..
|..هذي..[الكبيره].. كبر هذي الدنيا..|
....................|..هذي..[العظيمه]..جل من سواهـآ..|
..
|..ابكي عليها مو [نهـار].و.[ليلـه]..|
....................|..وإلا سَنَه ــ|تمشي|ــ وأعـد قضاهـآ..|
..
|..ابكي عليها../ــ كثـر ما شالتنـيــ/..|
....................|..وكثر>الحنين< اللي اختلط بغناهآ..|
..
|..وكثر الاسامي..وكثر من..سموها..|
....................|..و كثر النجوم..و كثر من يرعاهآ..|
..
|..ابكي عليها من..[القهر] يادنيـا..|
....................|..من لي انا من لي عقب فرقاهـآ.؟.؟|
..
|..من فتَّحَتْ " عينـي " ولاخلتنـي..|
....................|.. و شوفو ولدها بالقبر خلَّاهـآ.!.!|
..
|..هَلّ الترآب بوجهـآ ما.. قصَّـر..|
....................|..شِفتوآ ولدها كيف هو جازاهآ..|
..
|..لو إنهـا مكانـي.. ما سوَّتـهـا..|
....................|..لاكن " اعـز عيالهـا " سوَّاهـآ..|
..
|..يالدود يالدود شفها ذابله جَنِّبها..|
....................|..انا ولدها وحاضـر وافداهآ..|
..
|..قطِّعنِي هاك اللي تبي من جسمي..|
....................|..بس الكريمه لاتجـي بحذاهـآ..|
..
|..وأوصيك امانه قل لها تعذرنـي..|
....................|..وتكفى تروح تحب لي ماطاهآ..|
..
|..ابيها تغفرلي مثـل ماكانـت..|
....................|..كل خمله مني بطيبها ترفاهـآ..|
..
|..يالله عساها بالنعيـم الخالـد..|
...................|..وعسا هو في جنة عدن سكناهآ..|
..
|..يا فضو هاذا الكون ياهو خالي..|
...................|..ياضيق هذي الدنياء يامقساهآ..|
..
|..يامـرّ طعـم فراقهـا يامـرّه..|
...................|..ماني مصدق ارجع وما ألقاهـآ..|
..
|..وشلون اجي لغرفتها ماهي فيها..|
...................|..وش عذري لسبحتها ومصلَّاهآ..|
..
|..وش اقول انا لدولابها وشنطتها..|
...................|..واذا سألني مشطهـا وحناهـآ..|
..
|..وعباتها ومي زمزم ومصحفهـا..|
...................|..والمبخره ورشوشهـا ودواهـآ..|
..
|..الكل فـي غرفتهـا متفقِّدهـا..|
...................|..حتَّى[الجدار] مفطَّـر ويرجاهـآ..|
..
|..الكل يبكيهـا مهـو ناسيهـا..|
...................|..يالله صبِّرني شلـون انساهـآ..|
..
|..ياليتها ياليتها ماراحت وخلَّتني..|
...................|..او وسَّعَت لي بالقبـر ويَّاهـآ..|

http://www.youtube.com/watch?v=PD0M2tZ6ZGM&feature=player_detailpage#t=5s



|..هذي..[الضحى] و [الليل] يتحرونـه..|

اعتقد انه يقصد صلاة الضحى وصلاة التهجد من الليل

قصيدة مبكية وحزينة

صح لسان الشاعر / الحميدي الشمري

[شرهه]

الله يرحم امه ويرحم اموات المسلمين


/

ووواشيب عيني



وش جابن هالصبح هنا

>>>>تناشدز و كلن سمع جعيره


/


راع الوقيد شكرا على النقل الحزين

[جمران]

راع الوقيد

دامك جبتها والا من اول وهي عندي القصيده ماكان ودي انزلها

تستاهل التثبيت والتميز



وقليل في حق الوالده

ابكتني ابياتها كثيرا


رحمة الله عليتس يايمه ويرحم اموات المسلمين يارب


دمت وسلمت

|..هَلّ الترآب بوجهـآ ما.. قصَّـر..|
....................|..شِفتوآ ولدها كيف هو جازاهآ..|

|..وشلون اجي لغرفتها ماهي فيها..|
...................|..وش عذري لسبحتها ومصلَّاهآ..|

[موجود]

رحم الله امه وامهاتنا واموات المسلمين

شكرا راعي الوقيد

[بالمختصر..]

الله يرحم أموات المسلمين ..




.
.

[ابو ضاري]

الله يرحم اموات المسلمين


لاهنت يالغالي على النقل الرائع المبكي

[راعي الوقيد]

العفو يالشهبا


ما اقدر اكمل الرد

:3abrah:

[راعي الوقيد]

مشرفنا العزيز !!

الله لايهينك يالغلا

والله يرحم والدينا ووالديك

لك التحية

[سالم الظفيري]

الله يرحم اموات المسلمين


وتسلم وتدوم خوي راعي الوقيد على النقل


وصح لسان الشاعر



وتسلم اخو جمران على التثبت فعلا تستاهل


ولكم تحياتي

[راعي الوقيد]

موجود !!

ابو ضاري !!

سالم الظفيري !!

بالمختصر !!

اشكر لكم تواجدكم والحضور

ولكم التحية

[-------]

محزنة


الله يرحم اموات المسلمين


يعطيك العافية راعي الوقيد

[راعي الوقيد]

الله يعافيتس ايثار

شاكر لك مرورك والحضور

تحيتي

[شموخ شمالية]

.
.

رحم الله والدته وغفر لها

والله يعينه على فراقها ...الام كل شئ بالحياة ..


الله يحفظ لي أمي ويطوّل عمرها على الطاعة



قصيدة مبكية .. أبكيتنا ياأبوفيصل ..!!

[فوووز]

’

|..هَلّ الترآب بوجهـآ ما.. قصَّـر..|
....................|..شِفتوآ ولدها كيف هو جازاهآ..|


يتجرع ألماً من مافعلت يداه .. مع أنها مجبره ولا عقوق في ذلك

.
.


الله المستعان



الله يرحم والدته ... ويرحم موتانا وموتى المسلمين





,

[منصور الغايب]

.
.
.

الحميدي .. صديق قديم ...

منذ نعومة أظفاره كان مميزا ... بل قل .. كان أميزنا ..

قرّر الرحيل ... وهاهو الآن .. يأتي بالجميل ..

.
.
.

شكرا يابوفيصل ... اختيار موفق ...


لكن المقطع يحتوي على موسيقى ... وياليت يكتفى بالمنقول كتابيا ..

وفقكم الله

[راعي الوقيد]

شموخ شمالية

فوز

منصور الغايب

شاكر لكم مروركم

ولكم التحية

[صلفيق]

رحم الله أمهاتنا وأمهات المسلمين

مشكووور ابو فيصل لهذا النقل الرائع


قصيدة مؤثرة جداً .. الله يعطيك العافية


سلمت ودمت




احترامااات ابو فيصل،،،

[راعي الوقيد]

رحم الله والدينا ووالديك

شاكر مرورك يا دكتور:)

لك التحية

[الجازي]

فوق إبداع الكلمات

إبداع الإلقاء

مؤثرة جداً

*
*

المراثي أقوى أنواع الشعر تأثير في النفوس

لكن للأسف المقصود بها اللي هو (( الميت )) مايدري عنها !!

الظاهر بشترط على أهلي يكتبون مراثيهم بي من الحين عشان يمديني أعلق عليها وأتفاعل معها <<<< أخاف يبون الفكة بس :)

يعطيك العافية يابو فيصل على النقل المتميز

[alwafi]

راعي الوقيد

يعطيك العافيه علي النقل الرائع

[راعي الوقيد]

والله شكلهم يبون الفكة تسان وراتس حليّل او دريهمات:)

الله يعافيك اختي الجازي

شرفتينا بمرور كريم

تحيتي لك

[راعي الوقيد]

الله يعافيك اخوي الوافي


والله يحييك بمضايف شمّر

:hala1:


لك التحية