مشاهدة النسخة كاملة : معاناة عانس
السلام عليكم ورحمة الله وبركاته ...
هكا الليلة الغبرا كنا متجمعين حول النار
ونتناقش بمشاكل المجتمع
ومن ضمن هالمشاكل اللي ناقشناهن
مشكلة العنوسسه ..
قال اخوي والله مشكلة هالبناي هاللي ناشباتن بحلوق اهلهن وكان يراعي لي
قلت وش قصدك
قال ابد والله ما صيدي شين مار اني راحمن هالفئة من البنات
برأيكم ما سبب هالمشكلة وما الحل
قال اخوي الثاني التعدد حل كويس
قلت انا
المشكلة ان اللي يقولون ان التعدد حل كويس ويؤيدونه ما ياخذون من هالعوانس اللي يبون يحلون مشكلتهن يوم يعددون
لا يروحون يتنقون من هالبنات نقاوه وياخذون لهم بنات صغيرات على اولهن
وبها الحالة نكون ما استفدنا شي :)
قال اخوي والله مشكلة وش السوات برأيتس
/
قلت انا عندي الحلول بس لو تعطوني مجال
قال هها قولي
قلت الحين الرجال قضوا بالسنة يموت مليون رجال والحريم الف وحده
وكله حوادث
خلونا نسووووق ونمسك هالخطوط اغدي نصهن يمتن و تصير نسبة الحريم والرجال متكافئه
قال اخوي الثاني وش رايتس تطلعين برررررا
قلت تامر امر
وهو يجي اخوي الثاني وكان ساهي وسرحان طول الجلسه
قال انا عندي حل
وحنا نستبشششر خير
قلنا هاه وشو
قال نرجع لوأد البنات
قلت يا ملا الشرررررررربه انت وحلولك
وانا انخررررع وامسك رقبتي
قال اخوي اي والله انك جبته خووووووش حل
وقعدوا يراعون لي بطرف عين
وانا انخرررررررررررش
قلت يا عيال عينوا خير
وخلوا عنكم حركات عيال الجاهليه
وسكتوا ما قالوا شششي
ووووووووواوووويحي تسان انا ما قمت باتسر يمار هم دافنيني وانا حيه
هههههههههههههههههه
بقلم الفقيرة الى الله
العانسة شرهه ..
عبدالرحمن
20-02-2011, 13:57
انا جاي هالمرة ابي اتفرج ولا تفرحين بحرف مني لين اشوف حلولكم :)
لاهنتي يالنشمية.
اييييه ابيهم يفزعون لي بحل
عشان اركض واقوله للعيال
ابفك عمري
لا باتسر تلقونن موؤده :(
/
وانت ما عندك حلول غير التعدد وما نبيه هالحل مروح
ههههههههههههههههههههههههههههههههههههههه
لاهنت اخوي
قام بتقديم الشكر لـالشهبا . . كلّ من:
ريال الفسحه (http://www.shmmr.net/vb/threads/member.php?u=12397)
وش تشكرن عليه يا محد
/
والا مستانس ومكيف على هاليشارة
/
انني ابموت ابذبح حولنا :(
عبدالرحمن
20-02-2011, 14:11
وانت ما عندك حلول غير التعدد
طيب فيه حل غير التعدد بس ماظنتي تسونه:a:
الحل هو - الشعب يريد اسقاط.......:315r:
بقلم الفقيرة الى الله
العانسة شرهه ..
شرهة ولا شهبا حددي
مسكينه :solh:
ابوك يالملاحظه
هههههههههه
ما أقدر احدد لتس
شرهه و شهبا كلهن
اي والله صدقتي اني ضعيفة ومسكينه وعلى نياتي بعد :)
لا هنتي يالغلا
حمني
العنوووسة حاجة كويسه
أصلآ من قال اننا نبي حل
إنت وحلولك شكلك ناوي تقلع ضمدي :(
شمس آلع ـآلمي
20-02-2011, 14:40
ههههههههههههههههههههههههه
لآهنـتي ياالغلاا
بس اخوكِ اللي كان سرحاان < هذا يجي منه حلول :solh:
الله يكون بعون بناته بعدين خخخخخخخخخ
عبدالله الجعيثن
20-02-2011, 14:42
انا عندي حل :thumb:
يسمحون بتحويل الجنس من انثى لذكر :a:<<<<برااااااا
ابو فارس
20-02-2011, 14:47
انا مؤيد للاخ سرحان عبد البصير
حيث ان رايه سنع واكثر من سنع
ونخفف شوي من المطالبين بحقوق الحريم
لا باتسر تلقونن موؤده :(
هالحين الهمزة على الواو الاول او الثاني
وليش كتبتيها مجزومة------------------متأثر بالفصيح
شمس آلع ـآلمي
20-02-2011, 14:50
شكل بو غازي زي السرحـاان :)
إرحمونا من هالحلول :3ayyen_khair:
هههههههههههههههههههه
راعي الوقيد
20-02-2011, 14:55
هكا الليلة الغبرا كنا متجمعين حول النار
وش هالطقوس :)
مافيه حل غير التعدد:)
لوتحنقزن مالكن غير هالحل:ع4:
مار اغديكن تقنعن بنات جنسكن المتزوجات بأن تشاركنهن في ازواجهن:ع3:
تحيتي
صعوة فسفورية
20-02-2011, 14:58
ياعجز خير
يابنت الحلال في النهاية ان شاء الله بالجنه
وش تبين بهالدنيا
وعيني خير بس :)
احبتس
ابو ضاري
20-02-2011, 15:41
التعدد هو الحل الامثل
او قطعه رقبه
شموخ شمالية
20-02-2011, 16:00
خلونا نسووووق ونمسك هالخطوط اغدي نصهن يمتن و تصير نسبة الحريم والرجال متكافئه
تنعاف السواقة اذا به موت :)
بسم الله عليتس الموت لعدوتّس
خليتس عند أهلتس وش تبين بالمغثّه >> تخاف انه تحط عينه على ابوعمر :315r:
ابو ضاري
20-02-2011, 16:21
يمتن بنات مخيندز وتسبدهن على السواقه
ان شاء الله ماتسوقن
شمس العالمي
يا وووويسي يا بنيواته
الا ما تبيني اخطبتس لوه ؟؟
اغديتس تسنعينه وتكسبين بالبنيوات اجر :)
لاهنتي يالغلا
ابو غازي
لا تحاول تشغل مخك مرة ثانية
يا حلو الوأد بس عند حلولك الناكسه
شكلي والله العالم انني ابروح ابوئد نفسي
ابو فارس
اوووويري
ابطردك من طاولة النقاشات انت و من انت مؤيده
انتظروا برا بكراسي الاستقبال
ابو فيصل
والله لو تحنقزون انتم اننا ما نرضى بها الحل
و اي وحده ترضى تاخذ على اخته
تصير من المغضوب عليهم
/
وراح نلقى حل ان شاء الله لكن المسئلة مسئلة وكت لا اكثر :)
لاهنت
صعوة يا بعد رووووحي انتي
انا ما عندي اي مشاكل جايزن لي الوضع اصلا
بس البلا من الناس اللي حولي تقل قاعدتن على روسهم هههههههههههههههههههههههههههههههه
لدرجة انهم يفكرون يوئدوني
وش اعمل بروحي :(
والبلا اننا اكثر حطب النار
هههههههههههههههههه
ههههههههههههه
الظاهر هذي هي لا دين ولا دنيا :)
لاهنتي على المرور والمساندة
انا عندي حل انتس تدورين لتس عايله تبناتس بشرط يكونون هنود لان المره بيده العصمه
واعرسي وطلقي علــــــــــــــى كيفتس وكولي من هالفلفل يما تدخن اذانتس:)
تقل اعجبتن سالفه وأدك شكلي بدق على اخوك واقول عجل بمراسيم الوأد:315r:
الذين يشاهدون الموضوع الآن: 3 (2 من الأعضاء و 1 زائر)
الشهبا (http://www.shmmr.net/vb/threads/members/26252-الشهبا)*
شمعه (http://www.shmmr.net/vb/threads/members/31075-شمعه)+
جت حلالة المشاكل
جت المسنعه
تفضلي بصدر المجلس طال عمرتس وادلي بدلوتس
ابو ضاري
اذن مرحبا بقطع الرقبه
>>>>>عربية ابيه
شموخ
ارقدي وامني
ما عليتس
والله ما اخذ عليتس
لو تنطبق الدنيا على الارض
>>>تبيه تامنه
لاهنتي يالطربه
شمعه
حلتس شششششششششششي
بس منين لي عائلة هندية تبناني
وشرايتس انتي تبنيني :)
/
لا تدقين عليه خذا الله هالخشة عاد ما يصدق خبر ويجي مطبدز ويذبحن عاد وشلون تعيشين من دوني
يا خبلة فكري قبل لاتهورين
لاهنتي على المرور
قطعت الخط بوجه اخوه وهي تجوعر<اكتشفت اني مقدر اعيش من دوووووونتس :315r:
تعالي ياشهبتي اتبناتس واتبنى اهلتس كلهم
بس فيه مشكله لازم هنود وتخبرين انا من الاتراك صعبه:315r:
بس لعيونك بخلي شغالتنا تبناك
شمعووووووووه
انا الغلطانه اللي جلستتس بصدر المجلس
قومي اقول قومي
منتي كفو يالتركية
روحي للحلاق اللي انتي شغالتن بوه
استغفر الله اول مرة اشوف مره تشتغل حلاق
وانا اول بخلي شغالتنا تبناك اجل هونا:qannaj:
عادي حلاق خباز اهم شي اللقمه الحلال
اقول بس فرعي ابجز شوشتك
عبدالله الجعيثن
20-02-2011, 18:55
استغفر الله اول مرة اشوف مره تشتغل حلاق
جلس على الكرسي
شمعه بالله راس ودقن
ابو غازي قله انك من طرفي
وتحلق لك ببلاش
عااااشت ابو عصام الفلة
عبدالله الجعيثن
20-02-2011, 18:59
شمعه ان من طرف شرهه
عبدالله الجعيثن
20-02-2011, 19:00
شرهه خليتس حولي
<<< ذل من الموس
تررررره حلاق تركي
شغله غالي
تبي صنفره
لا ما عليك
ماهي خبيله لها الدرجة عشان
تخسر سمعة حلاقته
عبدالله الجعيثن
20-02-2011, 19:04
لا...تسانه غاليه
راس ودقن بس
باتسر يشوفك ريسكم
ويعجب به
ويجيبونه تشتغل حلاق بأرانكو
للارانكوين فقط
>>>>>>ترفع به عشان ما تذبح الرجل
عبدالله الجعيثن
20-02-2011, 19:05
شمعه
ماعليه اجيب غازي وخالد
بسم الله نبداء<تلبسه الشرشف اقصد هذاك اللي ينحط على الكتوف
حنا ماعندنا الاصلعات يعني على الصفر
واذا تبي تشوف الشكل ناظر لشرهه كان اعجبك نتوكل على الله:315r:
ابو غازي
والله ما تدفع ششششين
كلش ببلاش افا عليك
و جب معك غازي وخلودي معك وكل من يعز عليك
عبدالله الجعيثن
20-02-2011, 19:08
شرهه
وشنوحه ابطت تسّن الموس
ابو غازي قله انك من طرفي
وتحلق لك ببلاش
عااااشت ابو عصام الفلة
رجاااااااااااااء بلا واسطات
شمعه انلدمي
وحلقي و انتي ساكته
ابو غازي ترا به عردز مجرمين
جدته الله يرحمه فاقعتن وجه جده وانعمت حدا عيونه
عبدالله الجعيثن
20-02-2011, 19:10
<<< حط 100 ريال على الطاوله
ايه هي صادزه ياشرهه
ابو غازي
والله ما تدفع ششششين
كلش ببلاش افا عليك
و جب معك غازي وخلودي معك وكل من يعز عليك
ليه اكد على عميان سبيل
عادي جب خلودي وغازي وكل حارتكم
بس اللي يبي يرخي رياله:315r:
عبدالله الجعيثن
20-02-2011, 19:10
ابو
جدته الله يرحمه فاقعتن وجه جده وانعمت حدا عيونه
<<< قام يبلع ريدزه:)
حط 100 ثانيه
والا اروح اسن الموس صح
عبدالله الجعيثن
20-02-2011, 19:12
شرهه
يقولون ثنين لا تحارشهم بمحلهم
الحلاق والجزار
وشمعه منا حليله:)
عبدالله الجعيثن
20-02-2011, 19:13
شرهه معتس سلف 100 ليا بكرا
شكلي بقتدي بجدتي واطلع لي عين واحدن بهذا هو ولوه وحده :)
عبدالله الجعيثن
20-02-2011, 19:14
اويحي
الله لايوفق عدوتس ياشرهه
تحلق راسي بالموس والدقن بالمكينه
ابو غازي تخلف الله على واجهيتك
الداخل لحلاقي مفقود والخارج مولود:315r:
عبدالله الجعيثن
20-02-2011, 19:17
الشرهه على اللي يطيع شرهه
لالالالا
تحط كلونيا على الصلعه
شكلي بحصل لي راس جديد واصفه بالدرج مع الروس اللي عندي
ياااااااي وناااااااصه
لقد ربحت راس الجعيثن:)
قسسسما بالله ما توقعت خويتي بها الوحشششيه
ابو غازي ..
اصبر ومنت الا على اجر ان شاء الله
عبدالله الجعيثن
20-02-2011, 19:21
وين اصبر
شوفيني
http://www.shmmr.net/vb/uploaded/572_01298218806.jpg ([URL]http://www.shmmr.net/vb)
شمعه عيني خير
ما اتفقنا على كذا
تريه يكد على عايلة
ابو غازي
نعيما
واجهرتنا الله يهداك بصلعتك
عبدالله الجعيثن
20-02-2011, 19:22
بس تصدقين زين كذا
راحت القشره
<<< يرقع لروحه
عبدالله الجعيثن
20-02-2011, 19:23
<<< تلطم
يدق جوالي...العشا جاهز
<<<مخرج 8
ووش هالوووووسامة يابو غازي
ستايلك حلو بالحيل >>>>ترقع لوووه
ههههههه
خلاص لعيونتس افراج <شالت الموس عن رقبته:315r:
بس لاشوف زولك عند حلاقي
تمتع بصلعتك ونعيما
اللي بعدووووووووووو
نصيحه لوجه الله
لا تجدع غدفتك
شمعه ما بوه الا انا
قطعتي رزقتس بروحتس يالخبله
ماش ما تعرفين تعاملين مع الزباين
شروهتي تفضلي حبيبتي الكرسي ينتظرك
شــــــــــرهه وينتس <تسن الموس عاد خويتي لازم الموس بافضل حالاته لاجل الخوه
شمعه الله لا يلبس العدو عافيه
اطلعي من حياتي ياخي
مابي لتس الله لا يشكر لتس فضل
بس خليني ابروح ابسوي العشا >>>تصرف
الشمـــ نور ــــري
20-02-2011, 21:06
بصرااحه انا بعد مع راي اخواانج الوأد شفيه...
:d:
شي طيب...
عبدالله الجعيثن
20-02-2011, 21:48
:puzzled:
:puzzled:
هو راح الحلاق؟
^
ايه راحت
انت وراسك هاللي غادين تقل ممكع شجرة :)
عبدالله الجعيثن
20-02-2011, 22:19
ماهو مشكله هالحين
لافه بشماغ
البلا الصبح يارحت للعمل
اهم شين ان راسك سلم ..
وعادي محلوله
اشتر باروووكة
الحل عندي وانا ولد ابوي
نتضاهر بالشوارع ونخلي الملك يصرف لكل مواطن بيت دورين
وبكل دور مره من هالعوانس
واللي مايبي يدخل السجن
راعي الوقيد
20-02-2011, 22:45
^
^
بعدحيي والله انت:thumb:
ريال الفسحه
20-02-2011, 22:50
ولاتنسى يالجثري تقول للملك يصرف للمواطن
كراتين بندول خخخخخخخخخخخخخخخخخخ
عبدالرحمن
20-02-2011, 22:54
>يتطافف تقل ابوغازي بس وشو هاللي يتلاصف على رويسوه:)
عبدالله الجعيثن
20-02-2011, 23:16
<<< يصدد
مايبيهم يعرفونه
عبدالرحمن
20-02-2011, 23:26
ابو غازي لا مهو هو ابو غازي الا ابوغازي>ينادي الجثري شف
لنا هل قرعتوه تقل مطار القيصومة هو ابو غازي ولا يشبهلوه:)
ابو فارس
20-02-2011, 23:45
السالفة وصلت للقرعة؟
على طاري القرعة
ليه مابدأت المسابقة
عبدالرحمن
20-02-2011, 23:52
^
^
يقولون انهم مأجلينه لين ينبت شعر الرجيلي:)
شرهه
لاتقولين وأدوتس :)
حسيبهم ربي
كل هذا عشان ترضين بالتعدد !!
يابعدي والله صدز انتس مقاومة
أنا أقول من ضمن الحلول الخفيفة
تجنيد العوانس وضمهن لقوافل المجاهدين والمجاهدات في فلسطين وأفغانستان والعراق :)
إن ماتن شهيدات وبكذا يقل عدد الحريم
وإلا فهن لاهيات في أرض المعركة :)
وش رايتس يابعدي في هالحل اللي مايخرش المية
عاد متى ودتس تنضمين !!؟
المسعـودي
21-02-2011, 05:01
ههههههههههههههههههههههههه
لا هنتي يالشهبا
<B>
الحل عندي وانا ولد ابوي
نتضاهر بالشوارع ونخلي الملك يصرف لكل مواطن بيت دورين
وبكل دور مره من هالعوانس
واللي مايبي يدخل السجن
طبعا هالمظاهرة بس للعيال اللي ما خذوا
يا سلام عليك يالجثري
عليك مخ
غير شكل
لاهنت </B>
شرهه
لاتقولين وأدوتس http://www.shmmr.net/vb/threads/images/smilies/smile.gif
حسيبهم ربي
كل هذا عشان ترضين بالتعدد !!
يابعدي والله صدز انتس مقاومة
أنا أقول من ضمن الحلول الخفيفة
تجنيد العوانس وضمهن لقوافل المجاهدين والمجاهدات في فلسطين وأفغانستان والعراق http://www.shmmr.net/vb/threads/images/smilies/smile.gif
إن ماتن شهيدات وبكذا يقل عدد الحريم
وإلا فهن لاهيات في أرض المعركة http://www.shmmr.net/vb/threads/images/smilies/smile.gif
وش رايتس يابعدي في هالحل اللي مايخرش المية
عاد متى ودتس تنضمين !!؟
لو بوه ايقونة ثانكس للردود
تسان بغزته بدون تردد
لعنبو دارتس وش هالمخ اللي عليتس
عز الله انتس جبتيه
بس استثني اللي ما لاهلهن غيرهن
وانا عانسة اهلي ههههه كصدي وحيدة اهلي ما لبيي وميمتي بنيتن غيري :)
لازم اعرض حلتس على مجلس الشورى
حلتس ماهو بصيط
لاهنتي
عبدالله الجعيثن
21-02-2011, 10:32
شرهه
تري الجازي سجلت اسمتس مع مجندات تورا بورا...جهزي نفستس:)
ياخي الوأد اصرفلي .. على الاقل اموت بين اهلي وناسي وادري وشنوح متت :(
تبون تقلعون ضمدي انت واياه
حرام عليكم .. خلوني عاد حولنا
بفلسطين والا بالعراق
عبدالله الجعيثن
21-02-2011, 11:04
<<< يجمع شعر راسه اللي حلقته الخبله البارح
شرهه نلصقهن لتس لحيه وعلى افغانستان على طول
شهشه يابعدي
خذيني معتس <<<<<<< تسنها غارت :)
لا ما بوه روحه انتي تنطقين عند وغيدانتس
الروحه بس لنا يالعوانس .>>>>تحمست الخبيله
الحين كل الحريم يتمنن انهن عووووانس زينا
الله يالدنيا ما تدوم لاحد
عبدالله الجعيثن
21-02-2011, 11:17
الفقير محسود على موتت يوم الجمعه:315r:
وش وغدانوه !! :a:
وجعه
بتعنسين بي صدز :7ayyoh:
هههههههههه
هههههههههههه
الا تعالي وين حاجزتن لي صدز وين تبين تقلعيني ؟؟
/
ابو غازي بخيت اهم شين انه بوه شي انحسد عليه
با كبر وناستي
ابو فارس
21-02-2011, 11:28
شهباء
من امس وانا افكر لك بالمكان اللي تروحين له
وابشرك حصلت لك مكان تحسدين عليه
جهزي اغراضك وعلى اول طيارة متجهة لطرابلس بليبيا
ترى معمر قرب يطلع والديرة بتخلى
ينتخبونك رئيسة
بالمختصر..
21-02-2011, 11:30
الحين شلون الوحده تعرف إذا هي عانس و إلا لا ؟
<< تبي تحدد موقفه :)
.
.
والله يابعدي أنا أبيتس معي
وأنا قلبي متولع بحماس :)
من متى وأنا ودي أفزع معهم << ماناقصهم إلا فزعتي بس :7ayyoh:
عاد دربتس دربي ياحيي
على فلسطين
ولا تنسين نشيد الصباح
لما نستشهد بنروح الجنة :)
والله انتس جبتيه يالجازي نصير شهيدات وان شاالله نعرس بالجنه
احلى من رجال هالوقت اللي نصهم صلعان<ترا ماتقصد احد :315r:
يالله مشينا على فلسطين <تضبط القنابل بالحزام خاربه خاربه
ليلى بنت عبدالعزيز
22-02-2011, 01:34
خلي عنك كلام اخوانك
من زين عاد شبابنا شين وفقران وشايف روحه على ايش ياحسره
من تجين ام 35 تقدرين تتزوجين اجنبي
عاد انا بسبقك واخذ لي بريطاني حمر عطر :thumb:
ابضبط لك امورك هناك وكلن من يعز عليك
نحط لنا اكاديميه في احد هالولايات ونسميها ....>> ابرسلها بالخاص :)
شهشه يارب تعرسين بها الصيف
جاي مالي حاجه
بس ابي اكمل المشاركه رقم 100:)
عبدالله الجعيثن
22-02-2011, 12:52
تبيني احذف رد ليالي يالغلا:wallah_hoo:
Powered by vBulletin® Version 4.2.5 Copyright © 2024 vBulletin Solutions, Inc. All rights reserved, TranZ by Almuhajir