المساعد الشخصي الرقمي

مشاهدة النسخة كاملة : ابي اسالك ...


فهد المويهي
15-09-2002, 18:44
ياصاحبي ... ممكن اسال كم سؤال ؟؟

وش هو اقرب الحقيقه او خيال ؟

وش هو اسهل فراقنا والا وصال ؟

وش هو اقوى من الجبل ؟

وش هو احلى من القمر ؟

وش هو اضعف من ريشه في وسط الرياح ؟

او طير مكسور الجناح ! وش هو اضعف؟

ياصاحبي .....

من هو اصدق القلم والا الورق ؟

وش هو اطيب الراحه والا الارق؟

والا نضيع في وسط الورق !!!

كلمه.. جمله .. شطر من ذيك القصيده ؟

وينتهي الوقت ... وتنتهي اجمل قصيده

وتصير بس ذكرى ..

ومع مرور الوقت ... تنسى !!

وتصبح بس مجرد خيال

قالها الشاعر وقبلها قصه اليمه

والناس مجتمعه تنطر هالوليمه

كل يشاور صاحبه !!!

يافلان ... هذا حقيقه او خيال ؟؟

ويرد عليه فلان ...

هذي ماهي بحقيقه ..

بس مجرد بس قصيده

واصبحت في وقتنا .. كلام في كلام

ياصاحبي ......

ممكن اسال بس سؤال ؟؟

وش هو رايك بالقصيده؟؟؟؟؟؟
الماس
15-09-2002, 22:03
أخوي فهد...أنا بجاوب السؤال الاخير...:)
القصيده حلووووووووه يعطيك العافيه...
اما باقى الاسئله....يجاوب عليها باقى الاعضاء:D :D
طوفان
15-09-2002, 23:43
رائع ما كتبت

كلمات من الاعماق
كلمات من الروح
كلمات من القلب

وفقك الله
طوفان
15-09-2002, 23:46
فهد المويهي الاسئله....
....
من الاعماق
من الروح
من القلب

وفقك الله

اخوك ابوحمد
رنا 21
16-09-2002, 00:36
القصيده جداً .جداً ..رائعه ..

كلمات سلسه وجميله ...وأسئله محتاره بدون أجوبه ...؟؟


كنت ساختار منها أبيات لاأعقب عليها ؟؟؟؟؟؟لكن

كلها جميله .....ورائعه ...

تسلم على ها الذوق الرائع ...

وش هو أقرب الحقيقه او الخيال ؟؟؟؟؟؟

صحيح حلو الخيال ...لكن الحقيقه بمرها ...أحلى منه ..

وش هو أسهل فراقنا والا الوصال ؟؟؟؟؟؟

عذاب الفراق صعب يكون أسهل من الوصال ..

وش هو أقوى من الجبل ؟؟؟؟؟؟؟؟

القلب عندما يكون عاشقاً ..والروح عندما تهيم فرحاً ...

وش هو أحلى من القمر ؟؟؟؟؟؟؟

مافيه أحلى من القمر غير القمر ....؟؟؟

وش هو أضعف من ريشه وسط الرياح ؟؟؟؟؟

أو طير مكسور الجناح ؟؟؟؟؟؟

يمكن القلب لا ضاع وسط الدمار ؟؟؟؟؟؟؟

من هو أصدق القلم والا الورق ؟؟؟؟؟

ويبقى السؤال ينتظر للاجابه مكان .....؟؟؟؟ من هو أصدق ..القلم والاالورق ؟

وشو أطيب الراحه والا الارق ؟؟؟؟

من يدور للتعب مكان ؟؟؟؟؟؟ غيرك أنت ماأعتقد؟؟؟؟


والا نضيع فى وسط الورق؟؟؟؟؟؟

صار للورق قلب يحس ....وينتظر بلهفه تجيه تعانقه .....


أخى فهد ...

أعذرنى لانى رددت على اسئلتك ...لاكنى لم أطق السكوت ...؟؟؟

شكراً لهذا الابداع ...

تحياتى ......أختك

....رنـــــــــــــــــا....
فهد المويهي
16-09-2002, 12:58
اختي الغاليه سندريلا .... انتي حطيتي الشباب بموقف
لانك جاوبتي اخر سؤال وتركتي الباقي
لكن الاخت رنا جاوبت عليهم كلهم وفكتهم من هالمشكله

من كل قلبي من وكل نبضه فيه اشكرك بس من اعماقه

لك اجمل وارق تحياتي
اخوك ............ فهد المويهي

الاخ الكريم ابو حمد...............

اشكرك اشكرك اشكرك اشكرك .......... الى ماله نهايه .......

على تعقيبك على خاطرتي ولي الشرف في وجودك

اخوك فهد المويهي


الاخت العزيزه والغاليه رنا ...

الاخت الرائعه ... صاحبة الحس المرهف
والكلام العذب

اشكرك الف بل مليون بل اشكرك بدون عدد
على تعقيبك
وعلى اجوبتك التي كانت اجمل من الخاطره بكثير

انا اعتقد اني بغير الخاطره من الاسئله وحط اجوبتك مكانها

اشكرك اختي الغاليه والمبدعه رنا

مع اجمل تحيات وارقها
اخوك ........... فهد المويهي