يابو عيون هدبها سود ..!!

[راعي الوقيد]

من الهجينيات الرائعة والقديمة هذه الهجينية للشاعر / زيد عبدالرحمن السويداء


ياراكبين المواجيفي=داروا على الهجن بالغارة
وليا لفيتوا مناكيفي=ردوا سلامي على سارة
يامغيزل العين ياريفي =يازرع قلبي ونوارة

وهذه الهجينية للشاعر / عبدالله بن علي بن صقيه التميمي



يابو عيون هدبها سود

لا تذبح الناس بعيونك

يذبح بنجل وبيض خدود

عجزت أوصّفك وش لونك

الراس فوق المتن مرجود

واللون مثل القمر لونك

والًله ما عن لقاك صدود

لاجيت تمشي على هونك

يازين ياخيرة الماجـود

بعض الخلايق يفدونك

[ريال الفسحه]

الله يعطيك العافيه يابوفيصل


جازت لي حقت التميمي رااايقه يارااااااايق:)

[عبدالرحمن]

اختيار رائع يابوفيصل لك شكري وتقديري.

[راعي الوقيد]

حي الله ريال الفسحة

الحمد لله ان حديهن جازت لك:)

تسلم يالعزوة على المرور

ولك التحية

[ريم شمر]

تسلم يابو فيصل

الله يديم هالحضور ولايحرمنا من تواجدك وجلبك المتميز لاهنت

[شموخ شمالية]

.

يعطيك العافية أخوي ابوفيصل

لاهنت

[راعي الوقيد]

العفو اخوي عبدالرحمن

وشاكر مرورك يالعزوة

ولك التحية

[راعي الوقيد]

ومن قال يسلم يا ام طلال

اشكر لك هذا الحضور الكريم

وتحيتي لك ِ

[راعي الوقيد]

اهلين ام عمر

ومشكورة يابعدي على هذا الحضور الباهي:thumb:

لك ِ التحية

[صعوة فسفورية]

عجبتني مرة

شاكرة لك راع الوقيد

[راعي الوقيد]

الله يسلمك اختي الصعوة

والشكر لتس على المرور

وتحيتي لتس

[الحيمري]

يذبح بنجل وبيض خدود

عجزت أوصّفك وش لونك






طبعا تعجز توصف ياتميمي قبلك من عجز
بتوصيف الخفرات الله يكفيكم لذعات العيون
اللي بهن حور


اشكرك على هالهجينيات

[راعي الوقيد]

الله يكفيكم لذعات العيون

اللي بهن حور





ان العيون التي في طرفها حورٌ ** قتلننا ثم لم يحيين قتلانا

مشكور يالبناخي على المرور

ولك التحية

[أبو فهد]

الله أكبـــــــــــــــــــــــــــــر



تسلم يابو فيصل



انشهد انها هجينية مطربة



------------------
أبو فهد الهمزاني