أليا رضت كلي تحت رمشها طاعه

[ابن حزمي]

؛؛مدخل؛؛



ياللي طغى على الوصايف جمالك
الله مـن حـبٍ طـوى خـافـقـي طـي




ردي حـيـاتي يـالـغــلا في وصالك
مات العشير اللي يحبك وهو حي






((اللقا بالقناعه))







أومى الغصن وأهتز بي طاري الشوق
قلبي خلي مير الهوا هب ذعذاعه





رحت أتذكر من خذت كامل الذوق
اللي لها نفسي عن الغير منصاعه





إليا زعلت جبت القوافي لها سوق
وإليا رضت كلي تحت رمشها طاعه






اللي خذت قلبٍ من الوقت محروق
ب يطيب كاني شفتها ربع ساعه






ولاهي تكفي لكن ظروفها عوق
مير نتمنى واللقا بالقناعه






شفي عناقه ياعسى الحظ ملحوق
وألم حضنه وأتوسد ذراعه






ماقد بقى في خافقي غير معلوق
لكني أطمع في لقاها طماعه






أنا أشهد أني من حلا النوم مسروق
أليا عرض لي وصلها والقطاعه







وأهيم لا قالت على الراس من فوق
قامت حلوم الخوف تطوي شراعه






وشلون أبنساها وهي داخل الموق
كلش يهون ألا طواري وداعه






مقطوع ياحبٍ تنوعت بالسوق
مرتاح مالي في طرفكم بضاعه






حبي جزاته شوق وسلوم وحقوق
ومقابله عند الحبيبه شفاعه







ولو كنت في حب حدا القلب مسبوق
دست الخطر لو شوفته ربع ساعه












؛؛خروج؛؛



أطـرد خيالـك وأهتني في ظلالك


وتدرين بأنك في حياتي كما الضي







وش عـاد لـو لحظه بعمري قبالك


كـان المـصـايب في حياتي ولاشي

[عبدالرحمن]

وشلون أبنساها وهي داخل الموق
كلش يهون ألا طواري وداعه

-------------------
اختيار راق ايها الاخ الرائع

[جمران]

الله الله يابن حزمي ابدااااع حتى النخاااااع

حتى دخولك وخروجك مبدع وتنتقي الدرر وتنثرها في سما المنقول

انت بحق شيخ المنقول


سلمت يالغالي وسلمت يدينك على مانقلْت




وبعدين عبدالرحمن انت وش قصتك نفس الابيات اللي تعجبني تعجبك وتاليتها معك

[فهيد الطرقي]

اللي خذت قلبٍ من الوقت محروق
ب يطيب كاني شفتها ربع ساعه


شفي عناقه ياعسى الحظ ملحوق
وألم حضنه وأتوسد ذراعه



وهل هناك افضل من توسد ذراع الحبيب لو هي ربع ساعه



قنوع جداً شاعرنا




صح فكرك ابن حزمي وروعة مانقلت





وصح لسان من قالها








تحيااااتي

[سالم الظفيري]

صح لسانك ابن حزمي على القصيدة الرائع



نقل موفق


تسلم يمينك

تقبل مروري

[شموخ شمالية]

.
.
.

تسلم يمينك أخوي ابن حزمي
نقل ولا أروع





لاهنت

[ابو ضاري]

نقل متميز دائما

لاهنت يالغالي

[-------]

فعلا ذائقتك غير


مشكور اخوي للنقل المميز

لك كل التقدير والاحترام

[ابن حزمي]

هلآبك من الالف الى الياء

[ابن حزمي]

انت الذي اتفاخر بمجيئه وتترتفع مشاعري موده ومحبه لشخصك الكريم
مما يجبرني على احترام سموك الراقي

[ابن حزمي]

هلآ و غلآ نورت متصفحي ومرحبا تليون
الله يديم المحبه

[موجود]

نقل حلو سلمت