كاس الشهامه

[سالم الظفيري]

جيتي بعذر جيتي بلهفه تقولين

جيتي تقولين الزمن صار ضدي



دامـك مشيتـي ليه يمـي تـرديـن

روحي خلاص ارجوك منتي بقدي



خلـي التغلـي ينفعـك يوم تمشين

روحـي لعـلك فـي مـراويـح جـدي



راسي عنيد ولاخضع الراس ياشين

ولـو طـالت الايـام مـابحـت سـدي



لاتفرحين بدمعة(ن) داخل العين

لو انزلت وش عاد من فوق خدي



دمعة فرح بعلمك كان تبغيـن

دمعة فرح فرقاك يومك تصدي



والله لرسي لو تميـل المـوازين

ولاتخلفن امواج جزراً ومدي



لاعيش انا سلطان بين السلاطين

وكـاس الشهامة رافعه فوق يدي



النفس طابت منك مهما تقولين

عـزمت للنسيان وعلنت صـدي



لاقول روحي وعسى ماتردين

يالله عسها لامشـت ماتـردي



وسلامتكم

[عبدالله الجعيثن]

سالم




صح لسانك



ابيات معبره وجزله

[جمران]

صح لسانك يالظفيري

[بتول آل علي]

صح لسانك شاعرنا

سالم الظفيري


قلم مبدع و حضور رائع جدا

دمت بتألق



أختك

الدهور

[شموخ شمالية]

.
.
.

صح لسانك مليون

لاهنت أخوي سالم

[سالم الظفيري]

هلا بخوي عبدلله


وصح بدنك


شرفني مرورك

[سالم الظفيري]

صح بدنك اخوي جمران




شرفني مرورك

[سالم الظفيري]

صح لسانك شاعرنا

سالم الظفيري


قلم مبدع و حضور رائع جدا

دمت بتألق



أختك

الدهور

هلا بحتي دهور


الاروع مرورك


والابداع رايك


افتخر فيه

خصوصا راي شاعره في مكانتك

شهاده اعتز فيها

شرفني مرورك

[سالم الظفيري]

صح لسانك مليون

لاهنت أخوي سالم



صح بدنك مليار


اختي شموخ


شرفني مرورك

[متفاائل]

صح لسااانك

[سالم الظفيري]

صح لسااانك

صح بدنك اخوي متفأئل

[رادار الحرف]

سالم الظفيري
مشاركه تحمل في ثناياها العز والأنفه
وهذه من شيم الكرام وصفاتهم النبيله
وليسمح شخصك الكريم بدخولي لمتصفحك
وتعليقي على نصك/
المشاركه لم يتوحد فيها ضمير المخاطب
حيث كان الغالب عليها ضمير الحبيبه (كمؤنث) كقولك :

جيتي بعذر جيتي بلهفه تقولين
جيتي تقولين الزمن صار ضدي

وهذا مايتضح في سياق النص وجماله.
ولكن
هنا نجد الضمير حبيبا (مذكر) ، كقولك:

دمعة فرح بعلمك كان تبغيـن
دمعة فرح فرقاك يومك تصدي

ويستحسن تعديل ذلك الضمير

وفي صدر هذا البيت يوجد خلل في الوزن

راسي عنيد ولاخضع الراس ياشين
ولـو طـالت الايـام مـابحـت سـدي

ولك يعتدل الوزن لو قلت :

راسي عنيد ولاخضع راسي لشين
ولو طالت الايام مابحت سدي

كما ان صدر هذا البيت فيه مافي سابقه :
لاقول روحي وعسى ماتردين
يالله عسها لامشـت ماتـردي

فلو قلت :

لاقول روحي ياعسى ماتردين
يالله عساها لامشت ماتردي

لاصبح البيت معتدلا .


ومن جماليات النص

دامـك مشيتـي ليه يمـي تـرديـن
روحي خلاص ارجوك منتي بقدي

التلاعب بالمعاني وجمال المضادات

وهنا تظهر العزه والآنقه وانت كفو ان شاء الله

والله لرسي لو تميـل المـوازين
ولاتخلفن امواج جزراً ومدي
لاعيش انا سلطان بين السلاطين
وكـاس الشهامة رافعه فوق يدي

من هنا
رادار الحرف

[سالم الظفيري]

هلا اخوي ردار


اشكرك على الملاحظات ومن حقك ترى تقول رائك




ونا اوافقك الرآي



بس تقدر تقول اني كنت اخاطب مؤنث وبعدين اخاطب انسان وكلمت انسان تنطلق على العموم


على كل حال اشكرك على المرور المشرف