فهد الجنيدي
20-01-2011, 02:06
السلام عليكم و رحمة الله و بركاته
يا هلا و الله باهل الفلة
مشتاق لكم بالحيل
( باركولي شريت I PAD )
بالمختصرً شيكي على الكتابة
بالربع مانا زينوه بس انبطح على بطنك
و أسدحوه قدامك صراحة شي
حم قريركم موتوا حرة
و بس ودي اكتب الليلة منوه
و تدرون عاد ابي اقولكم سالفة زينة
هذا أكليوم مداومن بالبنك و هو يجيني
شايبن من تشوفه ترحموه
بغيت اقوله كم رقم حسابك ابي احولك
باقي الخردة الي بحسابي
شكله يحسسك بالوزا و القهر و الجوع
يمار معوه ولدن لوه جذعه في مقتبل العمر
و هو يجي الشايب و يجلس قدام مكتبي
و هو يعطيني رقم حسابه و قال ابي اسحب الفلوس كلهن
و أنا بنفسي قلت اخس يا الحساب
انت و ثوبك الي يبي ينكسر من الوصخ
و أنا ادخل على حسابوه يمار بوه ٥ ملايين و خردة
أنا وقتها حسيت بالفارق الطبقي الي بيني و بينوه
و كرهت نفسي و كرهت الشبث ال(طووووووط)
الي هو سبب تعاستي بالحياة يوم عرفت وجهه
معليش لو أبشرح معاناتي مع الكريه الدبلة التسبد
العلة العثيث الشؤم الغراب الكارثة البيئية الأزمة الاقتصادية
الكساد العظيم الوباء التسونامي الحريق الي صار بعرس الجهراء الحرب العالمية الثالثة الي تبي تجي من سببه
الشبث كان ما خلصت
المهم نرجع لموضوعنا يوم شفت بحساب الشايب
٥ ملايين و أنا ابلع العافية
قلت هذا يبي يصفر خزنة الفرع
و أنا ارجع اقوله انت تبي الي بالحساب كله
رد علي و بعيونه شي مع عضة برطم و غمزة عين بس أنا و بحكم غبائي ما فهمت النظرة المريبة
كان اقول و كلي ثقة تبي تسحب ٥ ملايين
ما دريت الا الشايب صاح ؟؟؟؟ انت وش تقول وشو ٥ ملايين
و أواعي يمار الولد يصيح بنفس العبارة وشو ٥ ملايين؟؟؟
للتوضيح
الشايب هذا أثاريه متفق مع الزملاء في الفرع يجي كل راتب
و يسحب راتبه التقاعدي و يقول لهم ابي اسحب كل الي بالرصيد يعني الراتب بس و الباقي لا
يعني شفرة بينه و بينهم
و أنا جديد على الفرع ولاني فاهم الشفرة
قمم الشايب و راح لمدير الفرع و هو يقول شف موظفكم فضحني عند ولدي
و الولد قمز على مكتبي و يبي يشوف بعيونه
و صارت لجة بالفرع و تخبرون اهل الحفر شفايين
صحيح هالشايب عندوه ملايين
و كل شوي جايني واحد و ينشد لين بلشت
و يجيني المدير و يجيبني عند الشايب بمكتبه
و يسفل فيني و الشايب يقول إفصلوه
هذا ما يقعد بالبنك ابد و لا ترا بسحب حسابي كله و اروح للراجحي
و الولد يقول لابوه آفا اثاري عندك فلوس و ما تعلمنا
و لا ساعدتني بعرسي و خليتني أتسلف و أخذ قروض
و أنا مرة يهزئني المدير و مرة الشايب
و الحفراوية متجمعين عند مكتب المدير فالينها
المهم رقعنا السالفة باني جديد و لا اعرف قوانين الفرع
و قلنا لولده هذا جديد و لا يعرف يدخل على الحسابات
بس شكل الولد ذهين ما مشت عليه السالفة
و سوا نفسه مصدق كلامهم شكله يبي يعلم العجوز تتفاهم مع الشايب احسن
و راح الشايب و هو يخانق و يدعي
و أنا حصلت تهزئ و مغثة نصها يكفي
و بعد كم يوم مرني الولد و ينشدني عن حساب ابوه
و يحاول يلعب علي علشان اعلمه بالصحيح
صراحة تورطت مع الحفراويين
و يا زين الرياض
بس لو ما فيها الشبث
معليش طولت عليكم بسبب الكتابة على الإيباد
تراها مرة حلوة جربوها
يا هلا و الله باهل الفلة
مشتاق لكم بالحيل
( باركولي شريت I PAD )
بالمختصرً شيكي على الكتابة
بالربع مانا زينوه بس انبطح على بطنك
و أسدحوه قدامك صراحة شي
حم قريركم موتوا حرة
و بس ودي اكتب الليلة منوه
و تدرون عاد ابي اقولكم سالفة زينة
هذا أكليوم مداومن بالبنك و هو يجيني
شايبن من تشوفه ترحموه
بغيت اقوله كم رقم حسابك ابي احولك
باقي الخردة الي بحسابي
شكله يحسسك بالوزا و القهر و الجوع
يمار معوه ولدن لوه جذعه في مقتبل العمر
و هو يجي الشايب و يجلس قدام مكتبي
و هو يعطيني رقم حسابه و قال ابي اسحب الفلوس كلهن
و أنا بنفسي قلت اخس يا الحساب
انت و ثوبك الي يبي ينكسر من الوصخ
و أنا ادخل على حسابوه يمار بوه ٥ ملايين و خردة
أنا وقتها حسيت بالفارق الطبقي الي بيني و بينوه
و كرهت نفسي و كرهت الشبث ال(طووووووط)
الي هو سبب تعاستي بالحياة يوم عرفت وجهه
معليش لو أبشرح معاناتي مع الكريه الدبلة التسبد
العلة العثيث الشؤم الغراب الكارثة البيئية الأزمة الاقتصادية
الكساد العظيم الوباء التسونامي الحريق الي صار بعرس الجهراء الحرب العالمية الثالثة الي تبي تجي من سببه
الشبث كان ما خلصت
المهم نرجع لموضوعنا يوم شفت بحساب الشايب
٥ ملايين و أنا ابلع العافية
قلت هذا يبي يصفر خزنة الفرع
و أنا ارجع اقوله انت تبي الي بالحساب كله
رد علي و بعيونه شي مع عضة برطم و غمزة عين بس أنا و بحكم غبائي ما فهمت النظرة المريبة
كان اقول و كلي ثقة تبي تسحب ٥ ملايين
ما دريت الا الشايب صاح ؟؟؟؟ انت وش تقول وشو ٥ ملايين
و أواعي يمار الولد يصيح بنفس العبارة وشو ٥ ملايين؟؟؟
للتوضيح
الشايب هذا أثاريه متفق مع الزملاء في الفرع يجي كل راتب
و يسحب راتبه التقاعدي و يقول لهم ابي اسحب كل الي بالرصيد يعني الراتب بس و الباقي لا
يعني شفرة بينه و بينهم
و أنا جديد على الفرع ولاني فاهم الشفرة
قمم الشايب و راح لمدير الفرع و هو يقول شف موظفكم فضحني عند ولدي
و الولد قمز على مكتبي و يبي يشوف بعيونه
و صارت لجة بالفرع و تخبرون اهل الحفر شفايين
صحيح هالشايب عندوه ملايين
و كل شوي جايني واحد و ينشد لين بلشت
و يجيني المدير و يجيبني عند الشايب بمكتبه
و يسفل فيني و الشايب يقول إفصلوه
هذا ما يقعد بالبنك ابد و لا ترا بسحب حسابي كله و اروح للراجحي
و الولد يقول لابوه آفا اثاري عندك فلوس و ما تعلمنا
و لا ساعدتني بعرسي و خليتني أتسلف و أخذ قروض
و أنا مرة يهزئني المدير و مرة الشايب
و الحفراوية متجمعين عند مكتب المدير فالينها
المهم رقعنا السالفة باني جديد و لا اعرف قوانين الفرع
و قلنا لولده هذا جديد و لا يعرف يدخل على الحسابات
بس شكل الولد ذهين ما مشت عليه السالفة
و سوا نفسه مصدق كلامهم شكله يبي يعلم العجوز تتفاهم مع الشايب احسن
و راح الشايب و هو يخانق و يدعي
و أنا حصلت تهزئ و مغثة نصها يكفي
و بعد كم يوم مرني الولد و ينشدني عن حساب ابوه
و يحاول يلعب علي علشان اعلمه بالصحيح
صراحة تورطت مع الحفراويين
و يا زين الرياض
بس لو ما فيها الشبث
معليش طولت عليكم بسبب الكتابة على الإيباد
تراها مرة حلوة جربوها