مشاركة الجازي ( الدوري الثقافي الجولة التاسعة ) "بعض لبعض وإن لم يشعروا خدم"

[الجازي]

تذكرون المسلسل المصري القديم (( الناس لبعضيها ))


مدري هو هذا اسمه والا لأ <<< معذورة دام الفيضة وطبيناها على ذمة ابو ضاري :)


المهم إن الزوجة كانت تعطي جيرانها أي شي يحتاجونه وإذا هاوشها زوجها قالت له : الناس لبعضيها :)


جاء يوم عزموها جيرانها على زواج بنتهم يوم دخلت عليهم لقت زوجها هو العريس ولما شافها قال لها : الناس لبعضيها :) <<< المعرس الاصلي فركش العرس واستعاروا زوجها :)


<<<<<< يازين الذكريات :)


طبعا هذي جت على راسها المسكينة :)


والا الناس ماينعطون وجه <<<< تسني جبت العيد وخربت الموضوع :)

*
*
*

جميلة هي تلك الصورة التي نرى فيها سلطان البحر (( الحوت )) قد خضع بكل رفق لتلك السمكات الصغيرة لتتغذى على ما غطى جسده من عوالق هي بمثابة الغذاء بالنسبة لها


أترى السمكات تظن في قرارة نفسها أنها قد حققت نصراً عظيماً على سلطان البحر الذي لا يقهر !!؟


أم يعتقدن أنهن قد شغفنه حباً فخضع لهن!!؟


أما سلطان البحر فهو يهز زعانفه تيهاً وخيلاء


فهاهي حاشيته ترافقه أينما حل وارتحل تسهر على راحته وتتفقد مواضع نظافته وتنقي جسمه من كل صغيرة وكبيرة تلتصق به


لا السمكات علمن بما يقدمنه من خدمة لذلك الحوت الضخم :)


ولا الحوت يعلم بخدمته لهن :)


بعض لبعض وإن لم يشعروا خدم

<<<< ماحطيت الشطر الأول لأنكم ماطلبتوه بالإضافة إلى إني أحتسي عن بهايم مو أوادم من حضر وبادية :)


## معلومة وقعت عليها بالصدفة :)

الذكر من الحيتان يسمى ثور والأنثى تسمى بقرة <<< طاحوا من عيني عقب هالتسميات :)

[الاصمعي]

موضوع جميل ومشاركة مميزة


بالتوفيق ان شاء الله









الذكر من الحيتان يسمى ثور والأنثى تسمى بقرة <<< طاحوا من عيني عقب هالتسميات :)





هذولا يهونون عند اسم ((مها)) المنتشر جداً بين النساء ومعناه انثى الحوت:)<<من زود الاتكيت ما يبي يقول بقرة:thumb:


الظاهر ما جابن الا هالمقتبس لقيت به مدخل على هالمخينيقيات وأنا سيلي عليهن حدور هاليومين:)


تحياتي

[متعجب]

يُحال إلى سيادة / الشّبث


لإبداء الرأي قبل اعتماده




/

[الشبث]

^
^


اشكر شعورك يا مدير الشرطه




يالله احسن خاتمتنا يالله


ولا تردنا الى ارذل العمر فنقلب الحوت الى بقره :)






مقال طيب اختي الجازي


والله يوفقتس دنيا واخره

























يا لجنه


قلنا اوادم مو سلطان البحر وحاشيتوه



وتقلدوا تحيتي

[عبدالواحد]

مافيه جديد ,,, نفس الاسلوب والفكره والتشبيه ..>>> صابنا ملل


الجازي .. لا تزعلين حتي الموضوع اللي قبل كان يتكلم عن (الدقيقة) تراه مكررر


بالتوفيق لك وللجميع

[المشرف العام]

/

ما شاء الله ، ربط بين عالم الثديّات وعالم الأسماك ، إسقاطه احترافيه جدا


بس على الله اللجنة يستنبطون فكرتك ويرون بمجهرهم موضع عقدة الربط



لا تثريب عليك يا أُخيه



لا زلتِ تصقلين حروفك في مِصقلة الفكر النيّر

[جمران]

جميلة هي تلك الصورة التي نرى فيها سلطان البحر (( راع الجمريه ))

:thumb:

دام جا طاريي بالموضوع عز الله مافلحتي


اسلوب مميز بايصال الفكره

السهل الممتنع


شكرا لتس

[الجازي]

هذولا يهونون عند اسم ((مها)) المنتشر جداً بين النساء ومعناه انثى الحوت:)<<من زود الاتكيت ما يبي يقول بقرة:thumb:
الظاهر ما جابن الا هالمقتبس لقيت به مدخل على هالمخينيقيات وأنا سيلي عليهن حدور هاليومين:)[/QUOTE]


المها بقرة !!!؟

الظاهر يسمى بقر وحش

أهم شيء الريم لايصير له علاقة بالحيتان :)

وباقي الغزلان كل واحد يتحمل مسؤولية اسمه :)

نورت يابو خالد لولا سالفة هالتعدد اللي طحت فيها :(

طفت نورك :)

أسعدني حضورك أصمعي المضائف

[الجازي]

يُحال إلى سيادة / الشّبث


لإبداء الرأي قبل اعتماده




/



أنعم وأكرم والله :7ayyoh:

هذا أبو ماجد سلطان الدوري <<<< جازت لها سالفة السلاطين :)

ما أقول إلا الله يخلف على مسابقة المنقول اللي مختارينه في لجنة التحكيم :7ayyoh:

ياعزتي لهالمتسابقين وشلون بيفرغ اضطهاده ومعاناته من الدوري فيهم :)

[الجازي]

شبيثان

بالله وش فهمك أنت في الإسقاطات الإحترافية :7ayyoh:

هذي أشياء تبطي عظم مافهمتها :)

مايفهمها إلا أولوا الألباب من أمثال أعضاء لجنة التحكيم الموقرة :) <<<< كل جولة تجرب رشوة شكل ،،خلص الدوري وهي ماحصلت من وراهم شيء :)

الحوت يصير بقرة أنت وش محرق رزك !!؟

البقرة شاكية لك ليه ياخذون اسمها !؟

ياخي دع الخلق للخالق وخلك مثل ماقالوا بعض لبعض وإن لم يشعروا خدم <<<< يعني شد لي وأقطع لك :)

[متعجب]

شبيثان

بالله وش فهمك أنت في الإسقاطات الإحترافية :7ayyoh:

هذي أشياء تبطي عظم مافهمتها :)

مايفهمها إلا أولوا الألباب من أمثال أعضاء لجنة التحكيم الموقرة :) <<<< كل جولة تجرب رشوة شكل ،،خلص الدوري وهي ماحصلت من وراهم شيء :)

الحوت يصير بقرة أنت وش محرق رزك !!؟

البقرة شاكية لك ليه ياخذون اسمها !؟

ياخي دع الخلق للخالق وخلك مثل ماقالوا بعض لبعض وإن لم يشعروا خدم <<<< يعني شد لي وأقطع لك :)
/
/

برافوو..برافوو
هذا ماكنت ابحث عنه
موضوع في غاية الجمال
توظيف جميل للبيت...شكراً الجازي:a:

/
هكذا أنت أبا ماجد..مُلْهم للغير:thumb:

[الجازي]

مافيه جديد ,,, نفس الاسلوب والفكره والتشبيه ..>>> صابنا ملل
الجازي .. لا تزعلين حتي الموضوع اللي قبل كان يتكلم عن (الدقيقة) تراه مكررر
بالتوفيق لك وللجميع


صدز والله !!؟ :)

ياخي طيب خل فيك خير وافزع لي لو مرة بفكرة أضمن بها الفوز !!؟

أو حتى افزع لي بفكرة رشوة :)

المثل يقول بعض لبعض وإن لم يشعروا خدم :)

[الجازي]

/
ما شاء الله ، ربط بين عالم الثديّات وعالم الأسماك ، إسقاطه احترافيه جدا
بس على الله اللجنة يستنبطون فكرتك ويرون بمجهرهم موضع عقدة الربط
لا تثريب عليك يا أُخيه
لا زلتِ تصقلين حروفك في مِصقلة الفكر النيّر


تدري عاد إن حروفي من زود الصقل اندثرت معالمها !!؟

ماعاد بقى فيها شيء

خافوا الله فيني وفيها ياجماعة الخير :wallah_hoo:

[الجازي]

:thumb:

دام جا طاريي بالموضوع عز الله مافلحتي
اسلوب مميز بايصال الفكره

السهل الممتن
شكرا لتس


افا

لاتقول !!

يعني مستقبل موضوعي مثل مستقبل سلطان بن فهد :7ayyoh:

الله يستر والله

[الجازي]

/
/
برافوو..برافوو
هذا ماكنت ابحث عنه
موضوع في غاية الجمال
توظيف جميل للبيت...شكراً الجازي:a:

/
هكذا أنت أبا ماجد..مُلْهم للغير:thumb:




ياخي تسان حتسيتوا من بدري !!؟

يعني ماتبون مني إلا إني أشرشح شبيثان عشان أفوز !!؟

ياحسافة عمرن مضى

وجولاتن خسرتها بسبب مثاليتي الزايدة :)

ياخي كان علمتوني من بدري ترى الناس للناس من حضر وبادية بعض لبعض وإن لم يشعروا خدم :)

[متعجب]

يعني ماتبون مني إلا إني أشرشح شبيثان عشان أفوز !!؟


ليس المغزى ..الشرشحه

بل العفوية في إخراج موضوع من لا موضوع يتحدث في صلب الموضوع

فهو إبداع بلا شك قل نظيره..

[الجازي]

ترجمتها عند شبيثان شرشحة:7ayyoh:

المهم ماعلينا منه هو وترجمته :)

أفهم من كذا إن نقطتك صارت في جيبي :)

[المشرف العام]

^
^
يقول موضوع من لا موضوع


وختّمها بـ " قل نظيره "


عاد وين اللي يستنبط :)

[متعجب]

^
^

قلّ...وليس إنعدم نظيره


بانتظار نظيره:d:

[شموخ شمالية]

الذكر من الحيتان يسمى ثور والأنثى تسمى بقرة <<< طاحوا من عيني عقب هالتسميات :)أشوف بقرة خوالي رافعة خشمة أثريها مهي هينه :)









الفوز حليفك بإذن الله ياجدي :mabrook:

[عبدالله المهيني]

شرشحي الشبث دوم

وانا اضمن لك المركز الاول



:)

[الجازي]

^
^
يقول موضوع من لا موضوع


وختّمها بـ " قل نظيره "


عاد وين اللي يستنبط :)


موضوع يقصد به ردي على شبيثان

من اللاموضوع يعني رد شبيثان

قل نظيره يعني مافيه رد يشبه ردي على شبيثان :)

خلاص وصلنا خير :) وفهمنا المغزى <<<< مقطعتها الذهانة :)

[الجازي]

أشوف بقرة خوالي رافعة خشمة أثريها مهي هينه :)

الفوز حليفك بإذن الله ياجدي :mabrook:



ايه كابرن راسها عقب ماتسمت عليها مرة الحوت :)

شرفتيني ياعسل

[الجازي]

شرشحي الشبث دوم

وانا اضمن لك المركز الاول



:)


ماعاد يمدي خلاص

مابقى إلا الجولة الأخيرة

ماتسوى علي أختم سجلي المضائفي الأكاديمي بشرشحة شبيثان :)

لكن الظاهر بشرشح الدوري كله بعد مايخلص :)

عشان يصير ختامها مسك :)

[لوليتا]

*
*


يا خوفي

اهم شئ الريم لا تجيبي طاري اللجنة
ما سلمنا طول الدوري
مش ناقص الا الختام n)

كان نفسي يكون في منافسك هذه الجولة
ليستمتع معنا بالافكار

تسلمين الريم
وبالتوفيق يارب

*
*

[الجازي]

أهلا لوليتا

شرفتيني ياقلبي

بالعكس الله يعطيه العافية راعي البيرق على غيابه :)

لأن غيابه هو الحالة الوحيدة اللي أضمن فيها حياديتكم :)

<<< الله يستر لاتستفحل حالتكم وتسحبون النقاط مني بعد :(

[ابو ضاري]

عدوه القائد شبيثان



صراحه موضوع في غايه الروعه واسلوب مميز



شكرا اختي او جدتي الجازي على الموضوع



بس لاتعلمين الشبث اني رديت على الموضوع

[الجازي]

هلا بك يابو ضاري

والله شبيثان وأنصاره مشبوهين بالنسبة لي مقدر أثق فيكم

عشان كذا

مضطرة أعلم شبيثان عن الخيانات اللي تصير في صفوف أنصاره. :)

وأنت واياه تصلحون :)

[عبدالرحمن]

موضوع ممتاز ورائع سيدة السرد الموضوعي!.
اتمنى لك التوفيق القديرة الجازي والنجاح.

[الجازي]

حياك الله يابو يوسف

إلا مالاحظت شيء غلط مشى عليكم كلكم وما أحد انتبه له !!؟ :)

كاتبة عنوان مقالتي الجولة التاسعة :)

وحنا في الجولة الثامنة :)

[عبدالرحمن]

^
^
لا الشين غير هذا يالخمسينية بس قلت حرام اخرب على خيتي تالي العمر >قصدي اخر المسابقة:)

[الجازي]

هات الشين اللي عندك كله ماعندي مشكلة :)

راعي البيرق ماجاء والنقاط وضمنتها :)

[متعجب]

^
^

قهر..والا هالموضوع ما يمر

[الجازي]

أصلا أنا حطيته كطعم بشوف أنتم مفتحين وإلا من جنبها :)