مشاهدة النسخة كاملة : الدوري الثقافي..الجولة الثامنة ..النتائج ..جدول الترتيب..جدول اللقاءات..آراء وتصريحات
منصور الغايب
14-01-2011, 11:05
.
.
.
هاقد اقتربنا من خط النهاية ... الذي لا يفصلنا عنه سوى جولتين متبقيتين ..
وإطار المنافسة ... بدأ يضيق رويدا رويدا ... بين عدد معين من الأعضاء ..
الجولتان القادمتان ... ستحملان لنا الخبر اليقين ..
جولتنا السابعة ... كانت حافلة بالجمال ... والغياب ..!!
عنوانها ....
( بدأت تتضح الرؤية ..!! )
.
.
إليكم النتائج ... بعد العناوين ....
الجازي والأصيل ... لم يكسبا نقطة ... ولكن ... خسرا نقطتين ...
أبو فارس .... والمهيني ... يقولان لراعي البيرق والشاهري .... لا تطول االغيبة ...!!
الشبث ... ينتفض في ديربي الفلة ... ويدمر جمال حيل حليل برباعية ... نظيفة .. ويحجز المركز الثالث مؤقتا ..
المشرف العام ... واثق الخطوة يمشي ملكا ... نحو اللقب الأول ..
المشرف العام .. حاز وباجماع لجنة التحكيم ... على لقب أفضل مشاركة .. وهي المرة الأولى التي يجمع فيها أعضاء اللجنة على مشارك واحد ...
أكثر المشاركات قراءة في الجولة الماضية هي مشاركة الشبث .... بـ 346 قارئا ...
أكثر المشاركات ردودا كانت مشاركة الشبث أيضا بـ 26 ردا بفارق رد واحد عن مشاركة المشرف العام ...
انحصرت المنافسة على لقب الدوري بين ستة متسابقين فقط ... هم المشرف العام وأبو فارس والشبث والجازي والمهيني والأصيل
الوحيد الذي لم يخسر حتى الجولة السابعة .... هو المشرف العام ...
الشاهري وراعي البيرق ... هما الوحيدان اللذان لم يتذوقا طعم الفوز ...
حيل حليل هو الوحيد الذي لم يتعادل ...
أقوى هجوم هو المشرف العام .... بـ 20 صوتا ....
أقوى دفاع هو المشرف العام .. حيث حصد خصومه منه فقط 7 أصوات ..
.
.
.
والآن إليكم النتائج ...
الجازي 2 >< 2 الأصيل
أبو فارس 3 >< 0 راعي البيرق
المهيني 3 >< 0 الشاهري
حيل حليل 0 >< 4 الشبث
المشرف العام 3 >< 0 سارا الرياض
.
.
.
جدول الترتيب
http://www.mjahra.net/download.php?img=557
.
.
.
لقاءات الجولة الثامنة
http://sphotos.ak.fbcdn.net/hphotos-ak-ash2/hs006.ash2/33683_158543334186588_100000927674746_286512_5713806_n.jpg
عنوان الجولة الثامنة
(( بعض لبعض وإن لم يشعروا خدمُ ))
.
.
.
سيكون على هامش الدوري موضوع أدبي بعنوان ....
((كلمة .... ورد غطاها ))
نتمنى من المتسابقين ولجنة الحكام التواجد والتفاعل ..
وفق الله الجميع
منصور الغايب
14-01-2011, 11:07
هذه الجولة سيكون فيها
الكلاسيكو :)
الشاهري العبيدي
14-01-2011, 13:10
على الأقل نحن من المتميزين ولا فوز.... :)أبارك لأخي راعي البيرق ما تميزنا به.............................................................واقترح هاكر لمعرف منصور وأبو سلطان ومعرفة ما يجري من تحويلات مادية غير مسبوقة :)منصور والبقية ما شاء الله فعلا مجهود كبير من كامل فرقة المسابقةوسأتنافس مع خصمي القادم باذن الله
عبدالرحمن
14-01-2011, 13:44
ابارك واهني جميع المتسابقين الاعزاء ومن تميز الى تميز اخر ايها الفضلاء
والف شكر لك عزيزي ابو عبدالله على الجهود الكبيرة المتعبة والمرهقة.
نحن اعضاء اللجنة نعاني من الارهاق الكتابي فكيف ملتقى الانهار:thumb:!
اما المتسابقين اعتقد انهم لا يعانون من شيء غير تخمة الاقلال:a:
خاصة ابو ماجد وابو يوسف ومعهم واحد يكثر من الالتفات:)
المشرف العام
14-01-2011, 15:05
/
ولا زال للبرد بقيّة :)
أجمل ما في قمّة هرم هذا الحشد ، هو كثرة ارتداء المعاطف الواقية من شراسة برودة احتضان سحب السماء
/
منافسي " ابو ثوب " . .
من باب أولى أن يحضر ثوبين للقائي ، ربّما استبدلت المعطف بثوب ، فلا يخرج من لقائي . . طرزاني الهيئة :d:
*
*
مساء الخيرات
ما شاء الله
من تميز الى تميز نلتقى فى كل جولة
الجميع رائع ومختلف
وكل مرة يبهرونا
الجولة القادمة اتوق لها
ابوسلطان وابو ثوب
ووواااوووو
اللقاء المنتظر من بداية الدوري
وخصوصا وابوسلطان من المعجبين بابوثوب
ويلوموه فيه :)
اتمنى من الشاهري وسارا العودة لمضمار السباق
حتى لا تكون سهلة على منافسيهم
ابوفارس
ابو ماجد
لا تطمئنوا :)
منصور واعضاء اللجنة الكرام
بارك الله فيكم وكل الشكر للجهد المميز
متابعة معكم
كونوا بخير
*
*
/
منافسي " ابو ثوب " . .
من باب أولى أن يحضر ثوبين للقائي ، ربّما استبدلت المعطف بثوب ، فلا يخرج من لقائي . . طرزاني الهيئة :d:
لله درك ..
نعم .. ثوبان .. أحدهما ... كفن!!!!:a:
ولكن .... لمن ؟؟؟؟؟؟؟؟:thumb:
وحانت اللحظة:315r:
المشرف العام
14-01-2011, 21:13
^
^
كم مقاسك :)
/
وش رايك بتوقيع :d:
عبدالله المهيني
14-01-2011, 23:05
اللهم لا سهل إلا ماجعلته سهلاً
:)
^
^
داخل اختبار فيزياء الاخ
يا لجنه
خير ان شاء الله
وش تحسون فيه
الحين تأكدت ان المسئله شخصيه
اللي تعرفونه تعطونه
وكل اللي قابلتهم قبل حليل ما كتبوا نص اللي كتبه حليل
ومع هذا ما فزت عليهم
ويوم جاء حليل
قلتوا عصفورين بحجر
نرضي الشبث على حساب خويه حليل
الله لا يشكر لكم هالنقاط
ما ابيهن
رجعوهن
خلوه تعادل
الشاهري
يعني الحين تبي تستقعد
خير ان شاء الله
حاول تاخذ لك غفوه للاسبوع الجاي :)
وتقلدوا تحيتي
منصور الغايب
15-01-2011, 09:34
^
^
فوزناك عشان حيل حليل ما يلحق على المشرف العام :)
لااا مو كذا
انتم فوزتوني لانكم تعرفون الشبث اكثر من حيل حليل
وكتب كم خربوطه بالعام
حليل ما تعتبرونه كاتب اصلا
لان اي واحد ما يكتب بأسلوبكم المحبب ما تعتبرونه كاتب
وهذي اكبر مشاكل اللجنه
وتقلد تحيتي
الحين من جدكم مفوزين الشبث على حيل حليل shlwee7
أخاف مخربطين بس والنتيجة عكسية !!
قريتوا المقالين زين !!؟
لا
هالمرة صدز اللجنة فيها إن !!؟
*
*
*
بعدين شبيثان اللي يطهبل من بداية الدوري وغاثن أبونا ومسوي مناحات لما صرفتوا له جائزة ترضية عن قولة إنه ملح الدوري <<< الله من الملح بس :)
وآخرتها بفوز وحيد ينقز للمركز الثالث :)
وأنا اللي مغير يمشي ويتنحتني على قولتهم وصجني,, الفوز للجازي واللجنة بيفوزون الجازي ومن هالحتسي الفاضي أنزل للرابع !!
لا بالله لقد هزلت :)
لقد هزلت حتى بدا من هزالها ** كلاها وحتى سامها كل مفلس
إيه يازمان العجاايب وش بقى ماحصل
بس لا زال عندي أمل :)
ويمكرون ويمكر الله والله خير الماكرين
:7ayyoh:
^
^
^
يا ليييييل مطولك
إذا الشبث يوما أراد النجاح = سينجحُ حتما وما من مفر
يُنازِعُ من في العلا وحْدهُ = ويبدو حزيناً..نديم القمر
تطول الليالي وما من سمير = ويحلو بنصف المكان السّمر
وما كان ذاك لنقصٍ به = وأعني (بذاك) شبيه العطر
شُبَيْثان أمضى السباق بمد=حٍ وهجاء وقفز السّطر
ولو ركّز الجهد في موضعٍ = لما عاش بين الثرى والحُفَر
^
^
هذا وهو ماركز الجهد صار في المركز الثالث
أجل لو بيركز وين يطس !!:7ayyoh:
^
^
طيب إهجيه بكم بيت ..جيبي أجله:d:
منصور الغايب
15-01-2011, 11:47
ولا زال صاحب الأبيات المكسرة يتمذرح بهذا :za3lan:
على مين تلعبها !!
خرعتن انت وياه
قمت ارتعد من شعركم ومعلقاتكم
خير ان شاء الله
طايح لكم الشبث تتكلمون عليه ؟
ولا اشوف ولا واحد يجيب طاري اسمي لا اتفاهم معوه زين
عطيتكم وجه انا انت وياه
ابو عبدالله
بالله بيوتوه ركيكه
وانا من اليوم ملبد ذال خخخخخخخخخخخخ
الجازي
لا تقولين يطس لا افقع وجهتس
وتقلدوا تحيتي
يطس : تعني إنك تقطع مراحل كثيرة في الانتقال من مكان لآخر
يعني مدحه الله يخلف عليك :)
ما ابيلتس مدح
سنعي روحتس
هذا واللجنه معتس متقدمن عليتس
شلون بالله لو ما لعبوا بحسبتي اللجنه
تسان محد حولي والله
وتقلدي تحيتي
عشان تعرف النزاهة على أصولها
الله بس يعطيني على نيتي :)
واتسبدي
وشو على نيتس
الا ما دهورن الا انتي وشلتس اللجنه
اشكيكم لله
وتقلدي تحيتي
الا ماتعطي دروس خصوصية في فن الحلطمة :)
يعنني ماني عااارف :)
يعنني مالي دخل :)
وتقلدي تحيتي
طيب رح اكتب لك شيء على هامش الدوري
تصدق هالموضوع عجزت أقلبه في راسي أبي أعرف وش الهدف منه ماعرفت
على هامش الدوري كلمة ورد غطاها !!
كودك تركز وتعرفه وتعلمني :)
والله العظيم من اليوم وانا جالسن بالموضوع ابي اكتب شي عجزت
قلت ابي لين تجي عمتي الجازي وتكتب واقلده :)
اثرينا واحد ينتظر الثاني
اقول
ما تحسين انهم قالبينوه حزايني
شرايتس نخربوه عليهم بس
وتقلدي تحيتي
عبدالرحمن
15-01-2011, 13:13
^
صدق هالموضوع عجزت أقلبه في راسي أبي أعرف وش الهدف منه ماعرفت
على هامش الدوري كلمة ورد غطاها !!
كودك تركز وتعرفه وتعلمن
^
^
ليه الموضوع واضح ولا يحتاي الى فهم خاص !
وهو احسن موضوع لانه يفتق ويفدغ الذهن والمخ!
بس انتم الظاهر من النوع اللي يحب يحرك ريله بدل صماخه:)
شبيثان
يعني كنت تبي الطقة تجي براسي
معصي والله
أنا بصراحة أول ماشفت الموضوع انبسطت قلت حلو
شكله من طقة فش خلئك
يعني نستلم المسابقة وراعيها ولجنتها ومتنافسيها حش وتقطيع
ونمزمز عليهم :)
بس يوم دخلت ولا والله طاقم اللجنة مسنترين في الموضوع وكل واحد يحاتسي روحه
وأنا ما أعرف أحاتسي روحي إلا تسان روحي حاتستني فأنا رديت عليها :7ayyoh:
وبعدين هم يبون كلمة ورد غطاها وأنا هذا من الشروط التعجيزية بالنسبة لي عشان كذا تجنبتهم !! :)
وش رايك تروح تكتب (( وتقلدوا تحيتي )) يمكن تنفع !! :7ayyoh:
^
^
خخخخخخخخخخخخخخخخخخخخخخخ
أنا بصراحة أول ماشفت الموضوع انبسطت قلت حلو
شكله من طقة فش خلئك
يعني نستلم المسابقة وراعيها ولجنتها ومتنافسيها حش وتقطيع
ونمزمز عليهم
قسم بالله انا احسبه هاللون
بغيت افش خلقي فيهم هاللي حاجريينا
بس يوم خشيت ولا صايرين تكانات العيال
مدري وش جارين عليهم
بغيت اراسل المهيني خاص اشوف وش السالفه :)
صبر ثواني
ابو يوسف
وش قصتكم
هين احرك رجل ولا احرك صماخ مو شغلك
بس اهم شي ما اصير سبيكه اسولف مع نفسي
ليه وش قالوا لك مهوي ولا ملبوس
ايوه عمتي
شرايتس اغير عليهم ؟
وتقلدوا تحيتي
منصور الغايب
15-01-2011, 15:19
بغيت افش خلقي فيهم هاللي حاجريينا
كل هالهرابيد وحاجرينك ؟!
عجل لو معطينك راحتك شراح تسويبنا ؟!
إنت أصلا مشاركتك بالمسابقة كله من باب فش خلئك خخخخخخ :)
^
^
فش الله راس العدو
انت وش تبي من صحتي ؟
ابو عبدالله
دامك جيت
عندي سؤال انا وعمتي الجازي ياليت تفيدنا
موضوعك اللي نزلتوه وشهو له
اشوف كل من طبوه قام يحاتسي روحوه
اقدر احاتسيهم ولا منومين ؟
اخاف اجلس بينهم ومحد يعطيني وجه
وتقلد تحيتي
منصور الغايب
15-01-2011, 15:26
خل عقلك بالبيت وتعال انت وقلبك ..
وسولف على روحك مثلنا :)
^
^
انتظر تعليق العمه الجازي على ردك
لان في فمي لقمة
<< جالس يتغدا
وتقلد تحيتي
سكّنهم مساكنهم
لا والله
إن شاء الله إني ما أعتب عندهم لو يعطوني المركز الأول :)
أنا بكتفي بالتفرج
كل ماهذا بدخل عليهم وأطلع
وتسان شفت أحدن منهم مستفحله حالته قريت عليه وطلعت <<<< تدور الأجر :)
وأنت ماعلي منك ياشبيثان ترى لو تروح عندهم ويجيك مس والا يتلبسك جني مالي شغل فيك
أنت ماينقرا عليك حالتك مستعصية :)
^
^
لااا اله الا الله
يعني بعتيني بهلله
فكي عمرتس الحين لا ينشبون بقرونتس
وتقلدي تحيتي
ابو فارس
15-01-2011, 15:35
شبيثان
وش بهم منصور وربعه هناك؟
حاس كأنهم من الاسرة المالكة بتونس
ودارت عليهم الدنيا
الله لايبلانا تقل بعزاء
فيه شئ نفزع؟
^
^
لا يابو فارس انحش
لا تقرب لهم
بهم بلا
يحاتسون روحهم
وتقلد تحيتي
ابو فارس
15-01-2011, 15:46
رشيد
رشيد
رشيد
بروح اخلي رشيد يسجل معنا ويقرأ على مشاركتهم
تلقاهم منحاشين وزابنين عند الشيخ الواكد
مايتعدون الاسلامي
وش رايك؟
نفسي نفسي
انت ماينقال عليك
أخاف بكرة يسمونك سكر الدوري ويكبر راسك وتروح تشارك معهم هناك:7ayyoh:
تسان جاك شيء ترى فيه أسرة فاضية بشهار علمني وأنا أرسلك هناك :)
اي والله يا بو فارس انحش
أنا شفت حالتهم
ما بهم
طب
/
ابو فارس
15-01-2011, 15:51
اقترح اننا نحرق بهم
ونتخلص من اللجنة ومن صاحب المركز الاول
بعدها نتفاهم ونتقاسم المراكز بعد ذلك
وش رايكم
ابو فارس
لو تجيب رشيد اول من يهرب الجازي
يجيه تساقط بالشعر
تخبر الربيع معشعشين :)
الجازي
وانتي وش موديتس هنا
طابتوه
متعجب
يعنني ما اعرفهم
وتقلدوا تحيتي
كَخُيُوطِ الشَّمْسِ بَازِغَةً
وَصَهِيْلِ حرفُكِ يَأَجّجَ لَيْلٍ الْالَقْ ..
وَسَمَآءِ القَصَائِدّ تَسْتَجْدِيْ مُزُنْا مِنْ سَلْسَبِيْلِ
اتَيْتُ يَاشَيَبَثَانَ تُمَزِّقُ صَمْتُ الْبَوْحْ
وَتَعتُقُلَ شِفَاهِ الْحُلُمِ الْمَنْفُوخِهُ
اااااااهٍ يَاشبِيثَانَ ....يالِلقَهرُ
لَاامْلِكُ الَا نُقْطَةٌ تُذَوِّبُ فِيْ بَحْرٍ الْحُكَمَاءِ
لَيْتَنِيْ امْلِكُ الْارْبَعَه
لَجَعَلْتُكَ تَتَأَجَّجُ وَتَسْتَجْدِيْ وَتُمَزِّقُ وَتَعتُقُلَ
ثُمَّ تَنُوْحُ وَتَتَحَلَطّمْ الَىَّ مَالانِهايَهُ !!
لَكِنَّهَا الْاقْدَارِ يَاايُّهَا الْشَّبَثُ مَنَعْتَنِيَ
مِنْ الْتَّمَتُّعِ بِهِوَايَتِيّ كَمَا يَجِبُ !!
اكْمَلَ انْسِكَابُكَ هُنَا وَانْثُرْ جُنُوْنِكَ فِيْ جَنَبَاتِ الْمَكَانِ
فَهَذَا لَنْ يَدُوْمَ فَيَوْمُكَ قَرِيْبٌ ...ايْبٌ ..ايْبٌ ..ايْبٌ
.
.
ابفهم ايب ايب ايب هذي وش تسنه
يعني صدى
اقول اسمعي
انها الاقدار تنخدم على رأس الاعادي
جنون الوغا يرعب من في قلبه صخب
يا ايه الموت ادن مني فلا امن ببعدك
لاني سمعت احدهم يقول
قرب للخوف تامن :)
العجوز
تعبتي نفستس على هالحركات
الله يعرف لتس ما اعطاتس الا نقطه
حيل
انقهري
وتقلدي تحيتي
ابو ضاري
16-01-2011, 08:53
^
^
الشبث حنا جاهزين ولابسين
والمخطر دافنه بالجمر للطواري
حلوووو يابو ضاري
اذا صفرت اهجموا
وتقلد تحيتي
خلص الدوري وأنتم اهجموا واتركنا عليهم
وش رايكم نفتح لكم موضوع لحالكم في الفلة وهناك سووا مناوراتكم الحربية على كيفكم لما يهديكم الله وتعرفون شلون تهجمون :7ayyoh:
^
^
ياخي مدري ليه اذا شفتس تطري علي القصيده
ياراتسبن من فوق مايدلي .. لو يسهج العشب ما يذوقه
وتقلدي تحيتي
للتصحيح الله يصبرني على أخطائك :7ayyoh:
ياراكبن فوق مايدلي <<< مافيها من :)
تطري علي ولا عليتس ؟
لحوول
وتقلدي تحيتي
عشان إذا طرت مرة ثانية
خلها تطري صح
هذا تاريخ موثق ماينلعب فيه :)
وش عندوه نايف الصنيدح
وتقلدي تحيتي
اليوم الاثنين
ومافيه الا مقالين من عشره
يعني باقي ثمانيه
وهذا يسبب ضغط على اللجنه
تحسبوني ابي انزل اليوم
ايه هين
انا لو بيدي احطهم بقدر ضغط واضغطهم كل قوتي
وتقلدوا تحيتي
ابو فارس
17-01-2011, 10:12
وانا معك
ولن ولم
لين اضغطهم ويصير متعجب كأنه ابو خليف
انت عاد ضاغطهم خلقه
وتقلد تحيتي
وش عندوه نايف الصنيدح
وتقلدي تحيتي
لا مو نايف
محمد عاصي العطوي :7ayyoh:
<<<<<< مفهية العمة :)
^
^
والله من هالعدس اللي تلهمينوه على الريق
منهو اللي تساذبن عليتس وقايلن لتس انوه يشد الوجه
اخلصي نزلي مقالتس لا ينضغطون الربع :)
وتقلدي تحيتي
أقول لك شيء ولا تعلم أحد :)
مافهمت عنوان المقالة :)
وشلون تبيني أكتبه :7ayyoh:
^
^
ياعمه تكفين ابقولتس شين ولا تعلمين بعد
حتى انا
كل يوم اقراء مقالة ابو سلطان ومقالة الاصيل ولا فهمت شي
شرايتس نسوي رديه انا وياتس مثلهم
يمكن تنجح ؟
وتقلدي تحيتي
معصي والله
أنت خطر على مستقبلي الأدبي والثقافي والتاريخي
تبي تصير صفحة سوداء في سجل تاريخي الحافل <<<< عاد مدري وشهو حافلن به :7ayyoh:
الظاهر بنسخ مقالة منصور وأشارك بها وأقول توارد أفكار :)
من قال له يشارك معنا !!؟
ضاقت المواضيع يعني عشان يكتب عن موضوعنا !!؟
مهو من المتنافسين بس قد ماخرب علينا !!
*
*
*
وش رايك تاخذ نص موضوعه وأنا أخذ النص الثاني عشان دمه يصير موزع بيننا ولا يقدرون يسوون لنا شيء :7ayyoh:
<< طلعن لوه قرون
ايوالله جبتيه
اباخذ نص موضوعوه واخلطوه بنص موضوع عبدالواحد
او مالوه دخل هذا
وتقلدي تحيتي
إلا له دخل <<<< تبي تنكبه :)
خلاص رح امحط بموضوعك الحين عشان أعرف وش أخذت منه وأمحط بموضوعي عقب :)
طيب
<< سبيكه راح ينزل مقالته مصدق
وتقلدي تحيتي
الشاهري
اشوفك موجود
ياخي انت اسبوعين ما شاركت
كمل الثالث ياخوي
جت علي انا يعني
ولا تدري
اكتب سب باللجنه << يبي يدهوروه
وتقلد تحيتي
ابو فارس
17-01-2011, 13:45
مقال منصور لي لا احد يقرب له
انا اول ماشفته قلت
بدي به
اغسلوا يديكم
يا رجال انت ما تنزله الا اخر ثانيه
انزله قبلك ولا تقدر تقول شين
فنك تسبقن
وتقلد تحيتي
ابو فارس
17-01-2011, 13:52
وش تبي فني؟
بعد ماخيبت ظني!
الشبث بسوي معك تبادل مصالح
ابيك تمسك المهيني الاسبوع القادم لاينزل شئ
اربطوه عندك لين تخلص المسابقة
ولك علي اخلي كل اللي قدامك يغيبون
وش قلت.؟
^
ازهلوه
ابي اغمتوه بفروه واقلعوه للثمامه واغيب شمسوه
وتقلد تحيتي
عبدالرحمن
17-01-2011, 14:01
^
^
^
عوذا وشهاللي ذابحلوه حوار ههههه
الشاهري يقول انوه راح يتنزل مقال يزلل الاقدام:)
يا رجال لو ما يزلزل
انتم تزلزلون اللي ما يزلزل
جاك الحبردي يردي وش تعشيه << داخ
وتقلد تحيتي
خلاص
هونت عن موضوع منصور
هو لكم
تناصفوه
ماتسوى علي يوم جاء آخر الدوري
يعطوني لقب
حنشل الدوري :7ayyoh:
عبدالرحمن
17-01-2011, 22:15
جاك الحبردي يردي وش تعشي
بل بل بل> بكلام الربع:)
توني تاكدت انك اكبر من يابو الحبردي!
هذا الحبردي اخبره قبل اربعين عام:)
اذكر يقولونها لانا ولو جاوبنا
مثلن وقلنا اعشيه .....!
يردون علينا ..........!
^
^
خخخخخخخخخخخخخ
لا مافيه اكبر منك احد
هذي انا تعلمته قبل خمس وعشرين سنه ههههههههه
وتقلد تحيتي
المشرف العام
18-01-2011, 11:59
^
^
أخبر جدّتي تقول : إذا جاك الحَبَرتِي يَرتِي وش تعشّيه
ما أدري استبدالكم التاء دالا ، هو الأصل ؟! ام عوامل تعرية العولمة ؟ <<< وش دخلها :)
^
^
ايوالله وش دخل عوامل التعريه
ابو سلطان
ممكن حبردي نسبت الى الحبرديه فخذ من عتبيه
كذا وصلتن
وممكن حبرتي
والحبرتي صفه
اهم شي لا تقربه لعوامل التعريه لا يصير بأفمي ماء :)
وتقلد تحيتي
^
^
أخبر جدّتي تقول : إذا جاك الحَبَرتِي يَرتِي وش تعشّيه
ما أدري استبدالكم التاء دالا ، هو الأصل ؟! ام عوامل تعرية العولمة ؟ <<< وش دخلها :)
جتي تسلم على جدتك:goooood:
العالم جايه بلا حتى الحبرتي يحسبون به ميزه قاموا يتماوحونه كلن يقول حبرتينا:)
يخي حتى سيف شمر الشهير هوبر بغى يروح علينا لولا باحثيننا الله يعطيهم العافية:thumb:
بلاوي هالدنيا!
^
^
ياحبك للغش :)
وتقلد تحيتي
^
^
قصدك يا حبي للصدز:thumb:
والله يبو ماجد سوالف تسولف لوهي على عهد شياب أول الا يقومون مسولفها من المجلس بس الشكوى لله الحتسي بلاش والنت ما يضيق صدره!
تحياتي
^
^
ما اعني الغش
اقصد اللللغش
يعني القرص :)
تحب تقرص من تحت هههههههههههههه
ادري انك صادق وحشاك التسذب يابو خالد
وتقلد تحيتي
المشرف العام
18-01-2011, 22:11
جتي تسلم على جدتك:goooood:
العالم جايه بلا حتى الحبرتي يحسبون به ميزه قاموا يتماوحونه كلن يقول حبرتينا:)
يخي حتى سيف شمر الشهير هوبر بغى يروح علينا لولا باحثيننا الله يعطيهم العافية:thumb:
بلاوي هالدنيا!
هوبر أقرب ماله انه عدني نسبة إلى با هبري :)
الحمد لله إننا ما غزينا الفضاء ، كان بلشنا بتدوين أسماء الكواكب :)
ما دامها من السيوف والخيول وباتسر الرّماح . . تهون وزينةٍ وتبي تزين :)
المشرف العام
18-01-2011, 22:32
^
^
اهم شي لا تقربه لعوامل التعريه لا يصير بأفمي ماء :)
وتقلد تحيتي
هو الماء اللي أنا خابر ، او غيره :)
Powered by vBulletin® Version 4.2.5 Copyright © 2024 vBulletin Solutions, Inc. All rights reserved, TranZ by Almuhajir