المساعد الشخصي الرقمي

مشاهدة النسخة كاملة : يافيصل اللويش


السالمي
13-09-2002, 01:23
يافيصل اللي شعره اغلى من اللول

احسب حسابك واضرب العرض بالطول

والا ترى مالسالمي عنك مسئول

والصبر زين وكل مطرود ملحوق

ياسلامي على فيصل سلام كثير @@@ عد من حج بيت الله وزار النبي

شيب عيني يافيصل من زمّنا الاخير @@@ يوم اسلم على الواحد يقول اشتبي
فيصل اللويش
15-09-2002, 01:09
سم يالسالمي واستلم

والله ماشفتها غير اليوم السبت

واسف على التاخير واللي مثلك يعذر





يالسالمي يامرحبا بك وسهلا = يامرحبا واللعب يحلا ويحلا

اسف على التاخير والعبد يبلا = والصبر زين وكل مطرود ملحوق





ياسلا مي ارده مع حمامٍ يطير = سلم وقول غير اخباركم مانبي

والبشر ماتكلم غير ربع وخشير = يوم اسلم على الواحد يقول اشتبي
السالمي
17-09-2002, 00:48
معذور يافيصل ولاصار تقصير
والشك زايل ما نبا منك تبرير
مير البلا جساس خايف من الزير
والصبر زين وكل مطرود ملحوق

السفارة تراها ماتبا الا السفير
انته اختار في بيروت ولا دبي

اشهد انك ياابن الاجواد سيف شطير
مير قابلت صقر جارح المخلبي
فيصل اللويش
17-09-2002, 07:01
يالسالمي يالحر والله ونعمين = ياأبن الرجال اللي على الراس والعين


لا تعتقد مني تفكك جناحين = والصبر زين وكل مطرود ملحوق







أخذك يابعد حيي لهاك الغدير = ثم اردك وحلقك يابسٍ بسببي


مايبلك قراحه لو توسط بشير = حامضٍ يابعد حيي تراه عنبي
فواز الشبيكان
17-09-2002, 23:37
أخواني الشعراء

* فيصل اللويش
* ألسالمي

صح لسان كلا منكم وأمتعتونا وشدوا حيلكم



وتحــــيــــــــاتـــــــــــي // أخوكم القديمي
السالمي
18-09-2002, 01:17
صرت اتحدى المورسدس يالعراوي
ترى العراوي مخلفات الهقاوي
الله علم ويش انت هالليل ناوي
والصبر زين وكل مطرود ملحوق

الغدير اورده واروي واعود بخير
وان تلاقيت انا وانته ثنيت اركبي

ماتراجع ياابن لجواد مهما يصير
ضيعمي ماخلق اللي يحس اشنبي


الاخ فيصل شكرا لك على التواضع ومجاراتي وهذاشرف لي
الاخ القديمي شكرا على الاطراء وحياك الله
فيصل اللويش
18-09-2002, 03:05
وانا اتشرف باللعب معك اخي العزيز

وشكرا لمشرفنا الرائع القديمي

:D استلم




لا من بغيت الصيد ربي يجيبه = بجهز البندق تراهي قريبه


وده ولكن خايفٍ ناب ذيبه = والصبر زين وكل مطرود ملحوق





الفرزدق وابو الطيب ومعهم جرير = مايفكون منهو ماعرف ملعبي


ياابن الا جواد انا فيصل ودربي عسير = لا تباهى بركضك واثقٍ بتحبي
:D
السالمي
19-09-2002, 03:13
ما قول لا لا قيل عنك انك شاعر
والطيب من شعرك يفوح ويذاعـر
لكن حرام انك تهز المشاعر
والصبر زين وكل مطرود ملحوق



تذكرني الفين مره فالنهار القصير
وشلون ما تذكر اللي كدر المشربي

احد فراشه زوالى واحد قطعة حصير
واحد على الباب حارس مامعه مكتبي
فيصل اللويش
19-09-2002, 21:46
يالسالمي شعرك عجبني وقريته = والشعر فيني فارسٍ ذاع صيته


كم مرةٍ ياصلك لكن نهيته = والصبر زين وكل مطرود ملحوق






اسئل الله الهي هاالعزيز القدير = وادحر الشعر والشيطان هالا جنبي


ياابن الا جواد وخر عن طريق البعير = لعنبوه الجمل لا هاج والله يهبي
السالمي
20-09-2002, 01:46
لا ياللويش البنت ماهي تناظرك
البنت مخطوبه لشخص يحاورك
واللي يصبر خلق ربي يصبرك
والصبر زين وكل مطرود ملحوق


الليالي رحاها دايم تستدير
تطحن اللي يسير وتطحن اللي يحبي

من حدود الشمال اليا تهامة عسير
جعل يفداك طايع لابسات العبي




الاخ فيصل اسعد الله ايامك اشهد شهادة حق انك شاعر وتتعب اللي يجاريك
اخي فيصل هذا الرد الاخير لي في هذا الطاروق وآمل ان يجمعنا طاروق اخر
وان كنت اتوقع ان انقطع عن النت لفترة بسيطة


وتصبح على خير
فيصل اللويش
20-09-2002, 14:49
اخي العزيز والرائع السالمي


وانا اعترف انك من الشعراء المميزين


والذين تفضلوا على باللعب معهم لكي اتعلم المحاوره


فاانا لست ممن يجيدونها



يالسالمي شعرك ورود ورياحين = ياوردةٍ ماشفتها بالبساتين


ياابن الرجال اللي على الراس والعين = طيبك ترى والله ماهو بملحوق


شاعرٍ لك مكانك بالقصايد خبير = بذمتي ماخذيت الشعر غصب وسبي

نطلب الله يديمك00 جعلك بالف خير = سلم ولا تبالي بمنهو قال شتبي




مع تحياتي 000 فيصل اللويش
مرزوق الشمري
30-12-2002, 13:17
سارية بالليل هيا ما تهاب من الظلام
تقطع افجوجن خوالي تصبح بارض السلام
سلموا لي على فيصل ريت عمرة الف عام
شاعر وابن اصول ويتفنن بالكلام
بشير اللويش
05-01-2003, 01:20
اخواني الاعزاء

الشعراء الافاضل

السالمي

ابوطلال

صح لسان كل منكم

ودمتم شامخين

سجلوا اعجابي

واعذروني على التاخير

تقبلوا تحيات اخوكم الصغير

الراسي
اميرة
05-01-2003, 01:44
الأخ فيصل يبدو لي انك شاعر من نسل شاعر
على الرغم من اني لااحب قراءة الشعر ولكن !لم يستوقفني الا قصيدة الوالد ترى اين اجدها بحثت عنها في كل مكان لكن مع الأسف ماحصلتها
شكرا لك ولاخينا السالمي
تقبل تحياتي
العـــــــذا
فيصل اللويش
15-01-2003, 01:58
الاخت او الاخ

العذا

شكرا لك لهذا الاطراء

وسوف تصلك القصيده ان شاء الله


اخوك


فيصل اللويش