الدوري الثقافي..الجولة السادسة ..النتائج ..جدول الترتيب..جدول اللقاءات..آراء وتصريحات

[منصور الغايب]

.
.
.

بعد جولة نارية ... حفلت بالديربيات الكثيرة ... وانتهت بنتائج مثيرة ...

صحيح أنها لم تغير كثيرا من سلم الترتيب في الدوري ...

إلا أن آثارها ... ستبدو واضحة للعيان في الجولات الأربعة الأخيرة القادمة ..

جولة ... رأينا فيها .. تناولا جميلا لموضوع الجولة .... (( ماالحب إلا للحبيب الأول ))

جولة حفلت بمواضيع .. سرقت منّا الدموع تارة ... وأجبرنا على التبسم تارة أخرى ..

جولة ... حملت عنوان ... (( عدّت سلامات :) ))

.
.
.

والآن إليكم عناوين الأخبار ... ثم تليها النتائج ...

.
.
.

المشرف العام ... يصل للنقطة الثالثة عشر ... رغم أنف الجازي ... والفضل للديكتاتورية ..

أبو فارس ... وكل تأخيرة فيها خيرة ... وثلاثية في مرمى الشاهري ....

رغم الكرميلا اللذيذة من الأصيل .... إلا أن ((نادر)) المهيني فاز برباعية نظيفة ...

الشبث ... وسارا الرياض ... وتعادل عادل ....

حيل حليل ... استفادة لأقصى درجة .....

.
.
.

الموضوع الذي حقق أعلى عدد من القرّاء حتى اللحظة هو موضوع المشرف العام بـ 324 قارئا ..

الموضوع الذي حقق أعلى عدد من الردود حتى اللحظة هو موضوع المشرف العام بـ 23 ردّا ...

حقق لقب أفضل كاتب في الجولة .... عبد الله المهيني بموضوع الرائع ... عن نادر .. وقد نافسه على اللقب الأخت سارا الرياض .... قبل أن يحوزه بجدارة ... الأخ المهيني .. فهنيئا له ...



.
.
.

والآن إليكم النتائج ...


الجازي 1 >< 3 المشرف العام

أبو فارس3 >< 1 الشاهري

المهيني 4 >< 0 الأصيل

حيل حليل 3 >< 0 راعي البيرق

الشبث 2 >< 2 سارا الرياض

.
.
.

الترتيب بعد الجولة الخامسة ..


http://www.mjahra.net/download.php?img=546


.
.
.

لقاءات الجولة السادسة ..

.
.

http://sphotos.ak.fbcdn.net/hphotos-ak-snc4/hs024.snc4/33577_158543280853260_100000927674746_286510_5570244_n.jpg

.
.
.

موضوع الجولة


(( دموع التماسيح ))

.
.

سيكون ضمن هذا المتصفح تصويت لمن ترون أنه الأحق بلقب الدوري حتى الآن ..

.
.

سيكون على هامش الدوري لقاء مع لجنة التحكيم الموقرة ... للإجابة على تساؤلاتي وتساؤلاتكم ..

.
.
.

وفقكم الله ...

[ابو فارس]

بما ن الشغل صار مكشوف
وش رايك منصور تسوي لي حركة
تشيل من المتصدر اربع نقاط
واطلب مايسرك














يجرب حظه مع اللجنة










تسلم ياذيب

طيب اصوت لنفسي او المتسابقين يمنعون من التصويت؟


دمت بخير

[منصور الغايب]

لك الحق في التصويت كيفما تشاء :)

.
.
.

بس تقفى ... تعال بدري الجولة هذي :(

[عبدالرحمن]

اهلا بالاخ العزيز ابوعبدالله والف شكر لك على هذه وغيرها الكثير والكثير
وابارك للاعزاء المتسابقين هذه النتائج واتمنى لهم كل خير وبركة.

[عبدالواحد]

تم التصويت للشبث ,,<< بصراحه مقالاته كانت مفاجأه للمسابقة

بالتوفيق للجميع

[الأصيل]

الآن .. دخلنا في الـ 100 متر الأخيرة ( سباق مضمار الخيل ):315r:


نتيجة متوقعة وعادلة :goooood:







والوعد قدااااااااااااااااااااااااااااااااام:)

[عبدالله المهيني]

الأصيل

لموضوعه كان عمق لازال صداها يتردد داخلي

لو فاز لقلت يستحق أقسم بالله




.
.
.



الحمد لله من قبل ومن بعد

[الأصيل]

الأصيل

لموضوعه كان عمق لازال صداها يتردد داخلي

لو فاز لقلت يستحق أقسم بالله


الحمد لله من قبل ومن بعد



بالعكس يالمهيني

إنت موضوعك يستحق النقاط الكاملة:thumb:



وأنا بيني وبينك .. ابي حلق المشرف العام:hala1:

بيني وبينوه ثااااار:315r:

[منصور الغايب]

^
^

يعجبني علو الهمّة :)

[الشبث]

ابوووك يالغش


هالحين انتم لا ترحمون ولا تخلون رحمة الله تنزل




ابي انتم يا اعضاء اللجنه على اي اساس تقيمون ؟


نتيجتي مع اختي سارا كان فيها ظلم واضح وصريح



بس هالمره مهو على


على اختي سارا



انا مقالتي كاتبه هاللون بس



وانتم علشان تعطلون اختي سارا عطيتوني نقطتين



لو انا طالبهن منكم ضد اي واحد ثاني ما عطيتوني





تلاهدون انتم ولا وش قصدكم




ملينااا ياخي من الظلم





لااااااا



والاسبوع الجاي ضد ابو سلطان


وخذت يا شبيثان


من الحين اقول لكم 4 لابو سلطان




وتقلدوا تحيتي

[الأصيل]

ابوووك يالغش

ألا .. أمك يالغش ،، وخالك وعمتك رمثه:hala1:
هالحين انتم لا ترحمون ولا تخلون رحمة الله تنزل

لالا ،،

لاترحمون .. ولا (تبون )رحمة الله تنزل ..

لأن ماأحد يمنع رحمة الله إذا نزلت ( مايطوف شي المطوع ):thumb:



ابي انتم يا اعضاء اللجنه على اي اساس تقيمون ؟

المزاج يالأشبث المزاج ،، ( لاحبتك عيني ،، ماظامتك اللجنة ):3ajeeb:
نتيجتي مع اختي سارا كان فيها ظلم واضح وصريح

أنا اشهد:a:

بس هالمره مهو على


على اختي سارا

أنا اشهد:7ayyoh:

انا مقالتي كاتبه هاللون بس



وانتم علشان تعطلون اختي سارا عطيتوني نقطتين



لو انا طالبهن منكم ضد اي واحد ثاني ما عطيتوني

انا اشهد:hala1:



تلاهدون انتم ولا وش قصدكم


أنا اشهد :315r: قصدي : يلاهدون >>> مسكت معوه الشهاده:)

ملينااا ياخي من الظلم

كلنا بالهوا سوا وزين وموبايلي:d:
لااااااا



والاسبوع الجاي ضد ابو سلطان


وخذت يا شبيثان

أنا اشهد:goooood:
من الحين اقول لكم 4 لابو سلطان




وتقلدوا تحيتي


أنا اشهد:315r:

[الشبث]

انشهد


انشهد





ابو ثوب

عندي معامله بالمحكمه وطالبين على شاهد


شرايك تخاوي بس تشهد ونرجع


انت شاهد شاهد الله لا يعوق بشر :)




جزاك الله خير على تنويهك الاول








بس يابو ثوب


تهقى اكبر قطعيي هالاسبوع وشو


الله العالم ما عرفوني الاخوه المشاهدين الا من فراسني




وتقلد تحيتي

[بسمة العز]

يعطيك العافيه اخوي منصور ولكل اعضاء اللجنه على جهودكم المميزه..

وبالتوفيق للمشـآركين..


احتراامي لكم

[منصور الغايب]

الأصيل .... أبو ثووووب ...


كنت ماشي كويس وكنّا مغبين لك شئ طيب يدفك شوي قدام ....


بس الظاهر من خاويت نافخ الكير .... خربت على روحك ...


آدي دأني لو فلحت :)

.
.
.

الشبث .. ياخي ليش انت تقطر خباثة ؟؟ :(


يعني تبي تشيش سارا على اللجنة :)

[الشبث]

وش حشيشوه يا ابو عبدالله :)




ليش اشيشه


سؤال بسيط


حبن بالشبث انتم يوم تخلونوه يتعادل هالاسبوع ؟



ايه هين




يارجال لجنتك هذي من جنبه والظاهر قبل يقيمون ينزلون الضمير ويخلونه مستتر





اصلا انا كتبت مقالتي هذي ابي اتأمد بس


وتأكدت



ياخي صرت اعرف النتايج قبل تنزل



مفلصه





فلصت عيون العدو



وتقلد تحيتي

[المشرف العام]

يالشبث :)

خلك من شهادة خيّال فرس البحر "ابو ثوب " حفظه الله ، حقّك بالتقييم واضح كوضوع الشمس ، ولا يختلف عليه إثنان

وصراحتي صارت طبع ، وابو طبيع مايخلي طبعه :)

بس ..

بس . .


في فمي ماااااء :)



/


وخل عنك دموع التماسيح :d:
















عجست اصبر :(

>>> استخر

<<< أهاه ، استخرنا :)

[الشبث]

لا قل يابو سلطان عادي




ادري تبي تضغط




بس يا انك تبي تضغط على اللجنه


او تبي تضغط زر الباند لي



بس حاب ابشرك اني عامل حساب الباند


علشان كذا نزلت الموضوع اليوم





وبالله طلب بسيط


اذا حصل ومغطني ابو سلطان باند


اكتبوا مشاركة فقيد الحريه والسلام والداعي اليها الشبث :)



وتقلدوا تحيتي

[الشبث]

وااااقرد حضي من هالماء اللي بالافم



اثريه اقشر



ههههههههههه



ابو سلطان


شرايك تنسحب هالاسبوع


استخر :)




وتقلد تحيتي

[الشبث]

ارجع واقول الله كريم يهون الغش الاليم



الله الله





لجنه

ترى ابي افضحكم صحيح


ياقرد عينكم من الجماهير


الواحد ما يقراء اللي يقيموه


بس تراعون لاسم المشارك وتمحطونه


اذا هزمتوني هالاسبوع تروه اسبوعن اسود عليكم



فضيحتكم بجلاجل


ابجيب فضيحة الاسبوع اللي طاف << يغمز لابو عبدالله :)



























سنع لجنتك يابو عبدالله



وتقلدوا تحيتي

[عبدالله المهيني]

^
^


كن صيغة الكلام تحولت من لجة إلى تهديد


:)

[الشبث]

^
^

بلاك والله ما تدري وش استجد الاسبوع اللي فات


خلهم يفوزون ابو سلطان علي وتشوف اذا ما فضحنهم



هم يدرون وشهم عاملين بي:)




وتقلد تحيتي

[عبدالله المهيني]

^
^


ياهملالي ياهملالي :)

[عبدالرحمن]

حقك محفوظ يا شبيثان ياراعي الجيب والحصان بس اترك المعلم المحدد بحصص الوغدان:)

[الشبث]

ابو يوسف


حلوو

بدينا نفهم بعض



وتقلد تحيتي

[عبدالله المهيني]

^
^


قله الصبيان ماهو الوغدان

لا تصير وغد وتمشي عليك



:)

[الشبث]

ياخي مدري ليه كل ما يجي يوم الربوع يوجهن بطني



واعضاء اللجنه يرثعون بنا رثيعه




ياناااس











عاد هالاسبوع غير


فيه ديربي المضايف


بيني وبين المشرف العام



المستوى اكيد لي


بس ما ادري عن النتيجه


لان يحكمها اشيءا اخرى انتم ادري بي منه



لك الله يا ضحية الدوري


<< يقصد نفسه









وتقلدوا تحيتي

[ابو ضاري]

الشبث


نجهز لبس الباكستاني

[الشبث]

ياخي كل ربوع البسوه


بس هالاسبوع الظاهر اني ابي اقبسه صحيح




وتقلد تحيتي

[ابو فارس]

الشبث
ولاول مرة اتعاطف معك--- مجبور ماهو بكيفي



اسمع هذه نقطة تحول بالدوري ومنعطف خطير للدوري
اذا ماحصلت نقاط بالجولةهذه فانت مثل منتخب عمان ايام زمان


شد حيلك ولاتسكت عن حقك

[الشبث]

تكفى يا منتخب جيبوتي انت



اقول ترن للحين منغث من فوزك على اللي جاء بطريقة ما تشتهي الجازي


فياليت تبعد عني لاني ماني طايق اشوفك فدامي



وتقلد تحيتي

[متعجب]

وش سالفة حقك وحقك

/

ابو ماجد عصامي بنى نفسه بنفسه في هالمسابقة

وهذا بحد ذاته فوز


/

[الشبث]

اشكر شعووورك يالعجبه


بس لو انتم سالمينن من سالفة الاسبوع اللي طاف خخخخخخخخخخخ




وتقلد تحيتي

[ابو فارس]

ابو ماجد عصامي بنى نفسه بنفسه في هالمسابقة

نعم بنى نفسه بنفسه
لانه حشر اللجنة لين انصاعت له
وقامت تهل عليه الجوايز والنقاط




وبقينا نحن خطة الستة مكانك راوح:)

[منصور الغايب]

^
^

طيب ليش ما صوت لنفسك ... مستحي :)

[ابو فارس]

منصور تحسبني انهبلت طيب وش رايك تصوت لي واعطيك كونكت 1 2

[الشبث]

^
^


ياخوي انت عندك جن يكتب لك


اخلص نزل موضوعك واسكت





ياااابرد دمك




وتقلد تحيتي

[ابو فارس]

وان دخلك في ظلام الليل جني لاتخافه لاتخافه لاتخافه كل ابوها سورتين ويرجهني يطلع المعتوه ويجيك اعتراف 1 2

[الشبث]

لا لا لا


رفيدزنا هذا بوه البلا





اعوذ بكلمات الله التامات من شر ما خلق



وتقلد تحيتي

[ابو فارس]

لاتخليني احطك براسي


تراني مروق وخايف عليك

[منصور الغايب]

^

^

موضوع الجولة الجاية ... عن الرقية :)

[ابو فارس]

اذن والله نرقيهم بحرب
.................يشيب الطفل من قبل المشيبِ

[منصور الغايب]

بعيد عنك هذا الفوز إن لم
.....................تشارك قبل إغلاق المجال

.
.
.

لام :)

[الشبث]

يا عيال الاسبوع هذا انا متوقع اول هزيمه للمشرف العام



شرايكم انتم ؟






وتقلدوا تحيتي

[منصور الغايب]

^
^

حامض على بوزك ...


ليش .. الحبيب دافع أكثر هالأسبوع :)

[المشرف العام]

^
^
منصور

قفل الباب ، خل البقيه بالحوش :)

ماصارت ، الساعه وحدة صباحا

[عبدالرحمن]

^
فعلا اتعبنا شايب الخفجي:)
اجلنا السفر والسبب سيادة مقاله:a:

[ابو فارس]

لازال في الوقت متسع
ومن اراد ان يسري لينام فليفعل:)
فانا اتفهم ان كبار السن يحبذون النوم باكرا

لكن عندي انا

الوقت بدري بالحيل

[ابو فارس]

^
فعلا اتعبنا شايب الخفجي:)
اجلنا السفر والسبب سيادة مقاله:a:
اللي تسبب هو نظامكم يا سيادة عضو اللجنة

مدري وش فيكم على ابو فارس؟
يا اخي انتم حاطين قانون ؟ليش ماتمشون عليه؟
اخر موعد هو يوم الاربعاء
واتفقنا بعد خلاف ان يوم الاربعاء ينتهي باذان فجر الخميس
يعني ترى انا اجي متقدم جدا

باقي اربع ساعات

[عبدالرحمن]

^
^
نعم صحيح هذا التوقيت هو من تتخذه جمهورية فارس توقيت لها!
وحيث اننا ابناء يعرب لا نقبل ان ننقاد الى احفاد سابور وشابور الاكتاف!.

[متعجب]

ألا أنجز..وخلّصنا فإنّا / مللنا ..حقّ..من (جدّي ) مللنا
سهرنا لأجلكم حينا طويلا / ألا ترحم اُخيّا كِبْر سنّا




حرف ...الالف

ارحم يبو فارس

[ابو فارس]

ابو يوسف
التوقيت سبق تناقشنا فيه
وبكلام منصور الى اذان الفجر



يعني انا جيت بالتوقيت المناسب وقبل انتهاء الوقت
:a:

[ابو فارس]

حرف ...الالف

ألا ترى ما اراه ايها الملك...........كأننا في سماءٍ مالها حبك
الفرقد ابنك والمصباح صاحبه..........وانت بدر الدجى والمجلس الفلك

متعجب
صار لي اكثر من نص ساعة منزل موضوعي

[حيل حليل]

أبو عبود
ترى ما أذن الفجر عندنا للحين :)

أدري أني مصخته بتأخري
لكن هالمره وربي أنشغلت
كل يوم أقول بكرى
لين نشبت اليوم بمليون شغله وشغله
<< ماوده يقول أنه ناقل من شقته لشقه ثانيه

أيه صح قبل لا أنسى
تراني ساكن على خط السيل الكبير
كان طاري عليك تعتمر ولا شين ترانا على دربك
<< بزعمه جاب راس المطوع :)

[منصور الغايب]

هلا بالغالي حيل حليل ...


مشاركتك شرف لنا حتى لو متأخر ..


بس لاتعيده :)

[منصور الغايب]

مع أذان فجر هذا اليوم حسب مذهب شيبان الخفجي ... أغلق باب استقبال المشاركات ..

.
.
.

انتظروا إعلان النتائج ..... والذي سيرافقه ... العديد من المفاجآت ....


تحيزموا :)

[ابو فارس]

مفاجآت؟؟ اوخذنا؟ انتم حلوين بدونها شبعتوا من شبيثان وتفرغتوا لي الله يستر 1 2 3 4

[متعجب]

طولت النتايج


تهقى في مفاجأت يبو فارس !


الذين يشاهدون الموضوع الآن: 2 (2 من الأعضاء و 0 زائر)


متعجب (http://www.shmmr.net/vb/members/816-%D9%85%D8%AA%D8%B9%D8%AC%D8%A8)
ابو فارس (http://www.shmmr.net/vb/members/14-%D8%A7%D8%A8%D9%88-%D9%81%D8%A7%D8%B1%D8%B3)