عبدالواحد
27-12-2010, 13:52
البارحه كنت سهران بمكان مغلق ودافي حيل .طلعت منه ارجف
حسيت اني مصخن..
انا من طبعي البس بالطو طول فتره الشتاء , لاني جسمي مبراد حيل ,
ملابس الشتويه العاده تكون فنيله نص كم وفوقها صوف كم طويل و فوقها يكون قميص.. وبعدها اللبس الدشداشه.
فوق الدشادشه اللبس صديريه (طفاليه) .. هذي طبعا وقت اركب السياره
او ..لو نزلت من السياره افتح الدبه والبس فروه (صانعيه )
هذي حالتي كل موسم شتا ..
البالطو مرات اظل البسه لفتره ما بعد الربيع يعني ممكن لنهايه شهر الرابع ميلادي ,, وقت اشوف الناس تصب عرق
وانا جسمي يابس
كل سنه هذي حالتي .. وكل هذا خوفي مو من الم الصخونه ,, لاطبعا
اخاف من الهستيريا الكلاميه اللي تصيبني ..
اللي يقعد يسولف معاي ساعه ,, مستحيل يقول عني انسان طبيعي ..
كلامي يكون معكوس وحشرجت صوتي مزعجه نظرات عيوني فيها احتقار للاخر ..
كل هذا بسيط بس لا استرسل بالكلام ..
المهم
رحت للبيت طلبت من احدهم يقعد يمي وانا منسدح وحاطين فوقي ثلاث بطانيات !
اللي يمي قاعد عارف حالتي ,, وهو من النوع اللي يتحمل ويصبر اي كلمه او سالفه اقولها
سولفت وطلعت التاريخ كله ,, وحتي فيه امور بالبيت يحسبوني ما اعرفها تفاجأ منها ..
المهم ..
ام يوسف كانت مخفيه نفسها , بس تسمع كلامي
دخلت علينا تطلب من اللي قاعد معي يروح ينام لان الساعه وصلت للثلاثه الفجر
قلت : اقلبي ويهج مع خزرة عين قويه ..>> مو متعود اسويها وانا صاحي
واذا ما طلعتِ تري عندي علوم تصدمك ,, ولا تقولين اهذري
استنجدت بعيالها ,,,
جوني عيالها ,,
قلت : خير ؟
قالوا لا يبه سلامتك نبي نطمئن عليك ..
قلت : يا ..... انا كل ليله ادق عليكم ما تردون علي وسهرانين مع شللكم الفاسده بالبر ومضيعين درسكم وشغلكم
وجايين تطمنون علي ,, يا .... ادري جايين فازعين لامكم ..
اطلعوا .... لا والله اطلع ..... كل شي
انحاشوا
راحوا يستنجدون بعمامهم بحكم تأثيرهم علي ..
جاني عمهم اللي كان ايام سلامت عقلي احترمه ,,
قلت له ها ,, خير مع نظره استخفاف
قال سلامتك ابي اتطمن عليك؟!
قلت له فارق ,, لا والله ...
الكل يعرفني لو سخنت الله يستر من علومي ومفاجآتي
ومحد خالي من الاسرار ....
المهم ..
غفيت تقريبا نص ساعه ,, وسمعت التلفون يدق نغمه ..... و السخونه والهلوسه اختفت مني فجأه؟
ومكتوب : ااااا الوالد
طبعا ابوي ما يعترف بشي اسمه الجهاز مغلق اوالبطارية مافيها شحن ولا يعترف بجهاز راعيه نايم ولا يسمعه
ولا يعترف اني ممكن انسي الجهاز بمكان ...
مو بس هذا ,,,
ما يعترف حتي بعدد الدقات ,, يعني اذا ما رديت عليه من اول دقتين .. الله ييستر !!!
قبل ما تكمل الدقتين ..
طارت البطانيات الثلاثه كنهن ريشه برجولي ,,وفزيت لا شعوريا
ورديت عليه بسلوب وصوت صاحي ورايق .. لانه لو حس ان صوتي فيه شي
هم ما يعترف بالاعراض والامراض ..>> ابوي يتخيل لي مرات انه صانعني علي اجهزه ,,
انا للحين ما احط نفسي قدامه انسان ممكن ينسي او يغلط او يمرض .. مستحيل
المهم
قال : خير الربع مشتكين منك ..
قلت : انا لا والله , بس شوي تعبان ..
قال : عدل نفسك لا انااطلع فضايحك.....
ردييت نمت ,,وقلت بكره لو اصبحنا بحول هذراتي لاهلي مضايف شمر ..
تحملوني ثلاث ايام بس
حسيت اني مصخن..
انا من طبعي البس بالطو طول فتره الشتاء , لاني جسمي مبراد حيل ,
ملابس الشتويه العاده تكون فنيله نص كم وفوقها صوف كم طويل و فوقها يكون قميص.. وبعدها اللبس الدشداشه.
فوق الدشادشه اللبس صديريه (طفاليه) .. هذي طبعا وقت اركب السياره
او ..لو نزلت من السياره افتح الدبه والبس فروه (صانعيه )
هذي حالتي كل موسم شتا ..
البالطو مرات اظل البسه لفتره ما بعد الربيع يعني ممكن لنهايه شهر الرابع ميلادي ,, وقت اشوف الناس تصب عرق
وانا جسمي يابس
كل سنه هذي حالتي .. وكل هذا خوفي مو من الم الصخونه ,, لاطبعا
اخاف من الهستيريا الكلاميه اللي تصيبني ..
اللي يقعد يسولف معاي ساعه ,, مستحيل يقول عني انسان طبيعي ..
كلامي يكون معكوس وحشرجت صوتي مزعجه نظرات عيوني فيها احتقار للاخر ..
كل هذا بسيط بس لا استرسل بالكلام ..
المهم
رحت للبيت طلبت من احدهم يقعد يمي وانا منسدح وحاطين فوقي ثلاث بطانيات !
اللي يمي قاعد عارف حالتي ,, وهو من النوع اللي يتحمل ويصبر اي كلمه او سالفه اقولها
سولفت وطلعت التاريخ كله ,, وحتي فيه امور بالبيت يحسبوني ما اعرفها تفاجأ منها ..
المهم ..
ام يوسف كانت مخفيه نفسها , بس تسمع كلامي
دخلت علينا تطلب من اللي قاعد معي يروح ينام لان الساعه وصلت للثلاثه الفجر
قلت : اقلبي ويهج مع خزرة عين قويه ..>> مو متعود اسويها وانا صاحي
واذا ما طلعتِ تري عندي علوم تصدمك ,, ولا تقولين اهذري
استنجدت بعيالها ,,,
جوني عيالها ,,
قلت : خير ؟
قالوا لا يبه سلامتك نبي نطمئن عليك ..
قلت : يا ..... انا كل ليله ادق عليكم ما تردون علي وسهرانين مع شللكم الفاسده بالبر ومضيعين درسكم وشغلكم
وجايين تطمنون علي ,, يا .... ادري جايين فازعين لامكم ..
اطلعوا .... لا والله اطلع ..... كل شي
انحاشوا
راحوا يستنجدون بعمامهم بحكم تأثيرهم علي ..
جاني عمهم اللي كان ايام سلامت عقلي احترمه ,,
قلت له ها ,, خير مع نظره استخفاف
قال سلامتك ابي اتطمن عليك؟!
قلت له فارق ,, لا والله ...
الكل يعرفني لو سخنت الله يستر من علومي ومفاجآتي
ومحد خالي من الاسرار ....
المهم ..
غفيت تقريبا نص ساعه ,, وسمعت التلفون يدق نغمه ..... و السخونه والهلوسه اختفت مني فجأه؟
ومكتوب : ااااا الوالد
طبعا ابوي ما يعترف بشي اسمه الجهاز مغلق اوالبطارية مافيها شحن ولا يعترف بجهاز راعيه نايم ولا يسمعه
ولا يعترف اني ممكن انسي الجهاز بمكان ...
مو بس هذا ,,,
ما يعترف حتي بعدد الدقات ,, يعني اذا ما رديت عليه من اول دقتين .. الله ييستر !!!
قبل ما تكمل الدقتين ..
طارت البطانيات الثلاثه كنهن ريشه برجولي ,,وفزيت لا شعوريا
ورديت عليه بسلوب وصوت صاحي ورايق .. لانه لو حس ان صوتي فيه شي
هم ما يعترف بالاعراض والامراض ..>> ابوي يتخيل لي مرات انه صانعني علي اجهزه ,,
انا للحين ما احط نفسي قدامه انسان ممكن ينسي او يغلط او يمرض .. مستحيل
المهم
قال : خير الربع مشتكين منك ..
قلت : انا لا والله , بس شوي تعبان ..
قال : عدل نفسك لا انااطلع فضايحك.....
ردييت نمت ,,وقلت بكره لو اصبحنا بحول هذراتي لاهلي مضايف شمر ..
تحملوني ثلاث ايام بس