خلونا نرتقي بروح الرياضة والتشجيع الشيق

[ابن حزمي]

=== تعليق =====
ليش الشباب متحاملين على النصر انا ماودي نقلب الرياضي الى فلة حجاج اي شخص عنده تعليق فكاهي او نغزات الى اي نادي يحتفظ به لنفسه كل الاندية لها احترامها والرجاء مراعات مشاعر المشجعين وعندي انا او غيري فيه جحف لنادي النصر ( العالمي ) والتعليقات كثرت واتمنى من الاعضاء الالتزام بروووح الرياضية المعقوله ومو كل طالعة والنازلة النصر والنصر حنا اخوان وعندنا اراء ونقد نتقبله من اي شخص وفي حدود الاحترام والمقالات او الردود التي ليست في محلها ارجاء من المشرفين والمراقبين حذفها لكي لآتسبب الحزازيات والتعصب الرياضي والله العظيم انا ماتدخلت بهذا الموضوع الا انني رايت ناس لهم احترامهم وتقديرهم يتخبطون على حساب نادي النصر وكما ارى ان العالمي بالمضيف الرياضي ليس له وجود والدليل المواضيع قدامكم
الا بعد مبادرت اختي هند == وبسمة عز
تقبلو احترامي للجميع واتمنى ان مافيه احد ياخذ بخاطره علي
أخـــــــــــــــوكم ( ابن حـــــــــزمي )

[بسمة العز]

اهلين بن حزمي



نورت الرياضي بتواجدك



اخوي انت عارف كيف النقاشات الرياضيه
ولازم فيها ع قولك نغزات او تعليقات فكاهيه



عشان كذا انا ارجع وانبه على كل شخص
يكتب بالقسم انه يراجع القوانين
وانا ماكتبتها عشان اطبقها على نفسي او عشان
افرض سيطره او شي..!

بالعكس كل اللي يهمني هو احترام الاعضاء لوجهات النظر
وبالنهايه احنا هنا تجمعنا اخوه قبل الكوره^_^


.............


اما بالنسبه للمواضيع وانك شايف انها قليله بالقسم
يلا ورينا همتك وتفاعلك والقسم قسمك وتحت امرك :)


نورتنااا اخوي



احتراامي لك

[ابو فارس]

وسع بالك

وخل بساطك احمدي

وفلها وين ماتروح
وخل روحك رياضية
هذه شعارات للمضيف الرياضي

اخوي ابن حزمي

اللي نقوله هنا مثل مانقوله بالمجالس
احيانا نقد صحيح وصريح
واحيانا مزوح - تجي وتروح
وكل هذا في اطار الادب والاحترام ولايخلو من النغزات المقبولة بين الطرفين




وكلنا هنا اخوان استحالة تؤثر علينا الرياضة باي شكل من الاشكال مهما اختلفنا

مثل هذا مثل مانتكلم به في المجالس مع اصدقائنا وزملائنا



وجهة نظر مجردة
او مجرد وجهة نظر

دمت بخير

[ابو ضاري]

يلا على يدك ياابن حزمي جب عن العالمي


على فكره قبل عشر سنوات مااخذ بطوله بالله وش تبي تجيب


حنا ماتكلنا على العالمي لكن حنا ناتي بالحقائق لكن جمهور النصر مايصدقها وكذلك ياتون بقرارات الفيفا لكي يفرحون ان الهلال

ياتي ثالثا بالبطولات

يااخي كل واحد منا عارف النادي وكيف بطولاته

يعني لابد من خروج قليلا عن النقاش لكي ينشط الموضوع والنقاش



الروح رياضيه ...........والزعيم يبقى زعيم ياابن حزمي :)

[الشبث]

^
^

يارجال اخر واحد يتكلم عن الرياضه والانجازات انت وخشمك















ابن حزمي

لتعلم حفظك الله


ان اكبر نعمه رزق بها اخواننا الهلاليين هنا ان اختي بسمه صارت مشرفه


انا احترم اختي بسمه ولا ودي ازعله

ولا كان خليت الهلاليين ما يطبون هالقسم


والنصر غني عن هرطقات البعض


ومثل ما يقول المثل


(( ما يهذري المهذري الا من حر الصخونه ))


انت يابن حزمي يا نصراوي وصلت مواصيل يستحيل على فريقهم المدعوم محلياً الوصول لها

وهذه حقيقه

وبعد الخروج المر من الاسيويه اللي المنا جميعاً زادة حدة الحقد على العالمي


فكن بروح رياضيه وتقبل ما يقال بصدر رحب


وثق ان اغلب مشجعي الهلال هنا لم يعرفوا الكوره الا من عشر سنين :)




ودام هالشي مزعلك ابشر باللي يخلي لك الرياضي اصفر وازرق








برايفت للجميع


اتمنى من الجميع احترام قرارات اختنا بسمه مهما كانت

والمحاوله قدر الامكان للبعد عن الكلام الممنوع


ومن اراد الدخول في نقاش فلا يزعل من الاساليب الاستفزازيه


وكلكم على راسي سواء هلاليين او نصراويين او اتحاديين او راقين اهلاويين او اي ميول كان

احنا في الاساس اخوان

ننقسم في الرياضه بشرط وجود الروح الرياضيه




وتقلدوا تحيتي

[جمران]

على فكره قبل عشر سنوات مااخذ بطوله بالله وش تبي تجيب




اظن والعلم عند الله ان آخر بطوله للنصر هي كاس الامير فيصل على حساب فريقك الهلال

قبل اربع سنوات يالغالي


طبعا لايدل الرد على نصراويتي بس للحق اقول فقط


وبالنسبه للنقاشات اظن انها تزيد من احتقان الاعضاء ليس الا

[ابن حزمي]

ياكثركم اذا فيه نقااااش مولع تدورون ( الخنقييييه ) :)
تسلمين اختي بسمة ونقدك ورائيك على راسي
ابو فارس انا نصراوي صحيح بس لآ يمنع اني اكره الهلآل وجهة نظر :goooood:
ابو ضااااري اطلع برى يالهلآلآلآلآلآلآلآلآلآلآلآلآلآلآلآلآلي :7ayyoh:
ابو ماجد اعنو حيك حتى الكورة تشجعها يخرب بيتك لآتقول تشجع النصر انت وفرتك حنى حضنى معوكس شلون تشجع النصر الا نبي ننعمي :a:
سلطااان شكرا على التعزييييييييييز
هههههههههههههههه
شكرا للجميع بس والله المهم حنى حبايب واكبر دليل تفعلكم على هالموضوع :puzzled:
الكبير كبير هــــــذا العالمي واكبر دليل هذا البيت
ليتني بالجيش جندي مضلآت
واشوف النصر يلعب ومن السماء جيته
====
جـــــــــــــــــــــــــــمهور الشمس

[ابو ضاري]

البطوله خذاها النصر بالفريق الالمبي وسوولنا زحمه


يااخي تعال انت والشبث ومنهو اكثر بطولات

ذبحتونا النصر والنصر


الشبث تراك ماقصرت بعد ماتكلمت على الهلاليين وتقول كذا وكذا

اخر شي تقول احترم قرارات اختنا بسمه


وانا ارد على النصراوي اخليها ازرق وابيض لعيون الزعيم


الشبث تعلم كم كلمه عن الرياضي يحسب نفسه فاهم


الشبث وانت ابن حزمي ابي اهمس باذانكم ((((الزعيم يبقى زعيم ))))

اخواني النصراووين حنا نعرفها قبل عشر سنوات بس انتم ماتعرفون الكوره وتسمعون فيها فقط



الزعيم زعيم

[الشبث]

اخوي سلطان


كاس الامير فيصل اللي حققها النصر كانت عام 2008


وحنا الحين عام 2010 يعني سنتين بس









ابو ضاري


الج ليش تعدون بطولة الامير فيصل والنصراويين ما يعدونه ؟

اصملوا على شي يا نعده يا ما نعده



ثم يا عزيز النصر في عام 2004 حقق بطولة دمشق الوديه الدوليه


وانتم تحسبون الارهاب والصداقه

وش حلل هذي وحرم هذي ؟




وبعدين تراك صجيتنا اكثر بطولات اكثر بطولات



ياخي كلنا ندري ان الهلال اكثر بطولات بعوامل مساعده انت وانا نعرفهن زين



وتقلد تحيتي

[ابو ضاري]

^
^
^
^
^
وانتم لجيتونا بطوله فلسطين

تراك لجيتنا مع النصر انتم تحسبونها الف حساب كانكم تنفستوا يوم خذتوها اما الهلال ولا نعتبرها بطوله

تعال للدوري وكاس ولي العهد يالنصراوي

يااخي خذيتوا صداره الدوري ولجيتونا فيها كم يوم

اجل وش الاختلاف بينكم وبين علبه اللبن كلها تنتهي بعد اربع ايام


يالشبث يالغالي اللي مايطول العنب حامض عليه



الشبث


كيف الحال مع النصراوي الجديد ابن حزمي :)

[الشبث]

^
^

وانت الصادق ما صجيناكم ببطولة فلسطين


صجيناكم بالعالميه اللي للحين تفحطون تبونه


وعلى طاري العالميه


يقولك واحد سئل خويه العالميه قريبه ولا بعيده ؟


قال خويه مدري بس الهلاليين صارلهم عشر سنين يقولون قادمون الى العالميه وللحين ما وصلوا خخخخخخخخخخخخ




وتقلد تحيتي

[جمران]

انا اقترح على مشرفتنا بسمه انه تعطي ابن حزمي مخالفه


لانه هو اللي تسبب بهالنقاش



وعليه وزره ووزر من تبعه





ياويلك يابن حزمي

[بسمة العز]

اخوي بن حزمي


من بعد اذنك ح اقفل الموضوع
حتى مايأخذ منحنى آخر..!


اعتقد وجهة نظرك وصلت وان شاءالله مالك الا اللي يرضيك :thumb:



احتـراامي لك