% معود على الصفقات قلبي %

[الشبث]

مبطي اي من زماااان



يعني متى ؟


مبطي .



ايه مبطي يعني متى ؟


مبططططططي حيل مطبي



ادري مبطي بس متى بالضبط ؟


مبطي مبطي ابطى شي ياخي << تورط التسذوب :)


كنت في في المتوسطه



وكانت بداية ظهور داء الفهاوه على محياي


بيوم من الايام رحت للمدرسه الصباح


طبعاً مشي على الاقدام مهو مثل عيال هالوقت يودونهم ابوانهم يا حظهم


اول ما دخلت المدرسه واوقف


حسيت اني مفهي وناسي شي


واتفقد


وش اتفقد يا حسره


اصلاً ما معي شي


حتى جاي للمدرسه بدون نعول ( الله يعزكم )



يعني بالله اذا بداية اليوم الدراسي هاللون وش ترجون من هالنمونه :)



بس لاااااااااا


عندك انت وياه


اهم شي المحركات مثل ما يقولون اخواننا الشريطيه


اهم شي المخ






المهم


كانت ايام المتوسطه جوناااااااااااااااااااان



مره من الايام :a:


كانت عندنا مباراة بالمدرسه


ويوم قمت الصبح


ادور الجواتي ما حصلتهن


وليييه وش العلم


اثري اخوي كان مغيبهن ( لان مباراتنا معهم )


وانا البس ثانيات


بس المشكله انهن كلهن يمين


عااادي مع اني كنت اشوت باليسار




المهم رحت للمدرسه


وقبل الفسحه بربع ساعه طلعوا الفريق


ابوك يالمنتخب



ونلبس


ونتجهز


وتعال شف الجماهير


عيال فصلنا كانوا عاقدين الامل على الله ثم علي


يبوني اشوت حدا هالفاولات واشبكوه بالتسعينات



كانوا المدرسين يتفرجون


متكين على كراسي تقل اعاضء شرف


والطلاب يتفرجون


ويوم الله بغا قرادتي



ويصير فاول لخوياي

قلت خلووووووووه جاكم روبرتو كارلوس :)


واعض لساني


واجي امشي طبلوني


واشوته :a:




بدال ما تلف يسار كالعاده


لفت يمين :315r:


كان مدرس الرياضه صاد يسولف مع مدرس ثاني نيتي انوه حق الفنيه


وماله عن صابروه :)


وتصكوه بالصابر


ويتكرفس


وهو يقوم



معصب


وعاضن لسانوه


منهو اللي شاااته


وكل الفريقين يشرون علي


ويجيني



انا مدري وش اسوي



وهو يركض علي


بين يبي يتوطا ببطني


وانا اهرب


ويلحقن


وانا ركض




وهو يطير وراي


وانا ادووووس


والطلاااب يشجعوني


ودوووس كل سرعتي ابي ادخل بالاداره ابي اصير بوجه المدير


الملويات كلهن يمين


وصارت بي حذفيه يمين



واقرب للباب


والف يمين


ابي اتماكن الباب


اثريني انحرفت حيل يمين :)


واصبخ بالجدار


وانا اسوي نفسي منصفر علشان ما يضربن




يوم شافن هاللون قال خلوووه لا تجونوه




واشواء راح


واقوم واروح لفصلي


جالس بالصف عااادي



بس طالعن لي سنام براسي :315r:



وتقلدوا تحيتي

[ابو ضاري]

لحقت على المدرسين بعد

انت تدخل موسوعه غينتس المشاهير بالقراده

اكيد انهزمتوا

اكيد قاردن خوياك بالصف كل يوم تكفيخ من المدرسين

[الشبث]

ههههههههههههههههههااااااااااايلي

اضحكتني حتى انبشمت يابو ضاري




اي هزيمه الله يرضالي عليك


شطبونا من الدوري خخخخخخخخ




وتقلد تحيتي

[-------]

هههههههههههههههههههههههههههههههههههههههه ههه

مسكين المدرس :148r:

اتخيله كيف يركض

مدرس ويركض << مايناسب:)

[الشبث]

هههههههههههههههههههههه


ايثار


هو بعد من الصفقه يركض على جنب هههههههههههههههه



هو يركض يسار وانا يمين


محد يلحق الثاني ههههههههههههههههههههه



وتقلدي تحيتي

[عبدالله الجعيثن]

تخصص صبخ




اشوف خشمك متساوي مع براطمك

[الشبث]

ما تشوفن اقولك برطم يابو غازي


البرطم متساوي مع الواجهيه



وتقلد تحيتي

[الأصيل]

يخي مدري ليه .. بالفترة الأخيره ،، قمت أتابع كتاباتك بشغف :goooood:


تعرف شغف ؟؟


أخو خلف:315r:


لكن .. لحظة الأكشن يوم صبخت بالجدار .. أحس إن صابري أنا قام يوجعن:3ajeeb:


















أنا شفت العنوان ..


قلت يمكن يبي يتورشع لجنة التحكيم اللي بالمضيف العام ( يبحش النار ):)






ومتقلدين تحيتك من الـ 2003م

[الشبث]

ابو ثوووب


يالله حي عمدة الفله


ياخي حقين العام كرهوووني بنفسي


ابي اتنيفذ عليهم واوريك بهم ههههههههههههه





ياخي احس بيننا تضامن اجتماعي


او شي من هالقبيل


علشان كذا اوجعك صابرك خخخخخخخخخخ




وتقلد تحيتي

[عبدالله الجعيثن]

<<<<ماسك خشمه




حتى انا احس نفس الاحساس

[فتى البيداء]

ابوماجد أجل صارت بك حذفيه ..

على طاري كلهن يمين ..

به له واحد معلن بجريدة الوسيلة .. فيدة الأعلانات عن البيع .. << عرفناه أخلص علينا ..

كاتب عندي خشبه تصلح تكون تحت السرير ومحدوده 50 ريال .. حسيت أنا أن هالرجال يغازل ..

دقيت عليه .. يوم رد .. قلت يمشي معك المبايعات (( مقايضه )) ..

قل أيه .. بس وش عندك ؟؟

قلت عندي ثلاث نعول كلهن يمين .. << الله يكرمكم

وهو يصك السماعه بوجهي الملعون ..

[الشبث]

ابو غازي


اطلق خشمك ياخوي انه مني وقطعه من طحالي



وتقلد تحيتي

[الشبث]

حيالله الذيب فتى البيداء



ياخوي شكل الرجال يدور يسار هههههههههههه



ياخي جريدة الوسيله هذولا منسمين هههههههههههههه



انا مره دقيت على واحد يبي سيكل وتهاوشت معوه خخخخخخخخخخخخخخخ




وتقلد تحيتي

[متفاائل]

سلمت ياواسط ومقدم وكسر بيت الفله :)

بس تصدق انك سواق اللي وصلت لحروت دار المدير لانك تعتبر مرفع على كفرين يمين

لكن فرصة ليه ماتروح للمزاين اذا كان خشمك وبرطمك يحملن هالمواصفات :)

[الشبث]

ههههههههههههه


ابو عمر



لو اشارك بالمزاين اخذ الاول ههههههههه


علي براطم الله لا يوريك خخخخخخخخخ


مثل حق الفصااام هههههههههه



وتقلد تحيتي

[عبدالله الجعيثن]

^


^


اشوف الفصام ماشارك بالمزاين




ابوماجد



لايكون المدرس هو حنشل

[قـــوت]

ههههههه


تمشي على جنب ههههههههه

اما لو تشارك بالمزاين تاخذ الاول خخخخخ

[كبرياء انثى]

هههههههههههههههههههههههههه يمه الله يقطع عدوك ياالشبث وربي مت من الضحك الله يعين المدرس حااسه بصفقة الصابر>>>> مجربتهااا ههههههههههههههههههههههههههههه بالكوره مو بطراق هههههههههههههه



تقبل مروري وحترامي كبرياء انثى

[شنقل]

وفزتوا































<<< متحمس يتابع مباراة السعوديه وسوريا أسيا 88

الرياضيه السعوديه


اييييه بطولتك يالهريفي

[قـــوت]

^

منتهي هههههههههههههه


الله حيه

[شنقل]

^
^
^

ليه لبن






















هلا هلا بالذهب


شلونك يافلانه

[قـــوت]

^

والله ابشرك بخير


وين انت غاطس اكيد واقعن ببلا < علمنا مانعلم احد :)

[هند القاضي]

انت مقرود وقارد اللي حولك معك :d:

[الشبث]

ابو غازي



ضحكتني على حين غره




وشو الحنشل اللي ما غسل وجهوه


ليه قالوا لك ادرس ليلي



هذا يوم انا ادرس تو اموه ما جابتوه خخخخخخخخخخ

وتقلد تحيتي

[الشبث]

حيالله الذهب


اي ليه شفيني ياربي ما اخذ الاوله خخخخخخخخخ




وتقلدي تحيتي

[الشبث]

شنقل


تخبر هالمباراة


كان فيه عشا عند حجي ابو لافي


واهلي واهلك عندهم وحنا عندكم بالبيت نتفرج عليه


ابووووك يالعز




وتقلد تحيتي

[الشبث]

الذهب

الرجال دارعن بلوه بسيس علموه عندي هههههههههههه



وتقلدي تحيتي

[الشبث]

هلا بصباح اختي هند


يالله حيه



ياخوتس وش اسوي يعني


وش العوامل الوقائيه اللي ممكن تنفع هههههههههههه



وتقلدي تحيتي

[عبدالله الجعيثن]

^


^


انك ماتشغّل مخك ولا تتحيون:)

[الشبث]

الظاهر يابو غازي الثنتين


وتقلد تحيتي

[الشبث]

ابوز غازي


انا بين اذا تحيونت


بس هالمره ماني متحيون هههههههههه



وتقلد تحيتي

[عبدالله الجعيثن]

الحيونه مطلوبه



يالغلاrooose2




بس مخك..لاتشغله بالكشته:)

[الشبث]

مخي ابخليه بالبيت يالغلا roooose


ماني ناقص


وتقلد تحيتي

[عبدالله الجعيثن]

تسلم يالحلا والطرا



rooose2

[الشبث]

لا مو كذا يالغلا roooose


ترحجن هاللون



وتقلد تحيتي

[الشبث]

لا مو كذا يالغلا roooose


تحرجن هاللون



وتقلد تحيتي

[شموخ شمالية]

.
,

ابوماجد

شنوح ماتكتب تحت أسمك { المقرود }


بكل قصة تطلع قرادة أكبر من الاولى :)


الضاهر عظامك تقارش من كثر الضربات اللي حصلت لك بأيام طفولتك وشبابك ..




لاهنت على هالمغامرة المضحكة

[الشبث]

هلا ام عمر


ياخوتس هالحين ليامني قمت لي طقطقه ههههههههه




حاليني الله بدون ما اكتب مقرود تبين تفضحيني انتي هههههههههههه




وتقلدي تحيتي

[متفاائل]

ابوماجد ولا يهونون الربع والربعاات

والله ياجو علينا هالسويعة انه رهيب الله على الكتشته لو انتم حولي بمحلنا يابو غازي او داخل شوين

[الشبث]

اويل حالي



لا تقول مطر يابو عمر تلهدن



بعون الله متلاحدزين على الطلعات


خل هالشهر يولي وان شاء الله اجازه على طووول




وتقلد تحيتي

[متفاائل]

والله تمطر وتفهي ع الخفيف

والجوا رهيب كل ماقلت رهيب لشبة النار برا

[الشبث]

ابروح اتهاوش مع مديري


مهو رجل





وتقلد تحيتي

[متفاائل]

خخخخخخخخخخخخخخخخخخخخ

يابن الحلال لايصير مثل الغورلات

[متفاائل]

ماهو عاد جو انا شلت العزبة ورايح مشار كان هذا الحقن

يبي غديه يدب :)

[الشبث]

هههههههههههه


ابو عمر


تبي تدهورن انت هههههههههههههه


مانا جاي


حتى حنا جونا شي بالرياض


عجاج وفله



هههههههههههه



وتقلد تحيتي

[عبدالله الجعيثن]

جونا طابوق وكنكري



<<<مقابل العمال ويشتغل ببيته:)

[الشبث]

جونا ماتيريل


<< بالمصنع لهالحين




وتقلد تحيتي

[عبدالله الجعيثن]

كلهن اشوا من جو الجبيل



اويسي يابوضاري



الصبح له لون وبالليل له لون

[الشبث]

صايرن ازرق تقل قارضوه باب



وتقلد تحيتي

[عبدالله الجعيثن]

والصبح شفته اشهب من دخاخين هالمصانع

[الشبث]

الظهر يقولون انهم يغسلونوه بقاز علشان يطيرون بويتوه




وتقلد تحيتي

[جمران]

الملويات كلهن يمين


وصارت بي حذفيه يمين






تصدق اني عايشن الجو معك

والف يمين معك



ههههههاااااي



الشبث يعطيك العافيه


وبعدين خل هالسوالف للمخيم لاتخلصهن

[الشبث]

اويلي خبيل يابو نوره


المخيم لو سوالف لحال شفيك انت خخخخخخخخخخخخ



فيه سوالف ما يصلحن ينكتبن


لازم بهن حركات


مثل راع التريله اللي يرمي البنقاليه بالمحطه هههههههههههههههههه



ازهل السوالف ليما يخلص المخيم خخخخخخخخخ



وتقلد تحيتي

[ناصر الشمري]

الملويات كلهن يمين


وصارت بي حذفيه يمين



واقرب للباب


والف يمين


ابي اتماكن الباب


اثريني انحرفت حيل يمين


واصبخ بالجدار


وانا اسوي نفسي منصفر علشان ما يضربن




يوم شافن هاللون قال خلوووه لا تجونوه




ياجدي دمعت عيني من الضحك هههههههههههههههههههههههههههه


ههههههههههههههههههههههههههههه

ههههههههههههههههههههههههههههههههههه

لاهنت ياجدي

[الشبث]

يااابعد زولي يا ناصر


وعسى هالضحك دايم



وتقلد تحيتي