المساعد الشخصي الرقمي

مشاهدة النسخة كاملة : حين نادى فهد عافت ... ياعلي ... كانت هذه الرائعة ...


منصور الغايب
03-12-2010, 10:59
.
.
.

يا علي .. لا الشعر عبدي..ولا هو..سيدي
صاحبي..له من جنوني .. ولي من منطقه

مايخون "الطيش" و "الملح " ياكود .. الردي !!
له عليّ .. إن ماسبقني على الطيب ... أسبقه

أعشق من الشعر كله : عيوني ... ورمدي ..!!
وأعشق من الكل .. بعضي .. إذا الصمت : نطقه

وأعشق من الليل : الأظلم .. وأشوف السرمدي :
قدر .. قرم .. بيض الله وجهه .. بـ "صنقه"

وأعشق من الصبح : الأكسل .. نسيم .. وفي يدي
دفتر .. يهدي العصافير ..لحظة مورقة

وأعشق من الصحبة: أم البساط الأحمدي
لا ..تهيّت ، وأعشق من العسل ..طلبة .." ذقه"!!

ياعلي .. كلّي نهايات ... من وين أبتدي..؟!!
ويا علي ... كلّه بدايات .. من وين أعشقه ..؟!!

له عيون .. ولي ضلالي بها ... لين أهتدي ..!!
وله عيون ... ولي : عليه البكاء ..لين أغرقه ..!!

.
.
.

وسلامتكم
عبدالله الجعيثن
03-12-2010, 12:42
ياعلي .. كلّي نهايات ... من وين أبتدي..؟!!
ويا علي ... كلّه بدايات .. من وين أعشقه ..؟!!




صح لسان الفلسفه الشعريه


وصح قلب فهد




وتسلم يمينك
جمران
03-12-2010, 13:58
رائع نقلك بروعة حضورك طال عمرك


ابو عبدالله متيّم او معجب بقصائد فهد عافت ام ماذا؟




سلمت على النقل المميز


صح لسان الشاعر وصح بدنك يالغالي
رحال
03-12-2010, 14:03
فيلسوف الشعر


إختيار موفق كل التقدير لك ...
ريم شمر
03-12-2010, 14:22
تسلم ابو عبدالله اختيار ذوق ولاشك
أحمد
03-12-2010, 15:21
لاهنت يابو عبدالله

نقل رائع .. لشاعر مبدع

بس ليه مهي كامله

:za3lan:


وهذي هي كاملة



ياعلي


ياعلي لا الشعر عبدي ولا هو سيدي
صاحبي له من جنوني ولي من منطقه

مايخون الطيش والملح ياكود الردي
له علي ان ماسبقني على الطيب اسبقه

والله اني من عرفته وانا ابشر بسعدي
كل حزنٍ يفتح ابواب حسنٍ مغلقه

والله اني ماذخرت لمعانيه جهدي
ذمني ولا مدحني من يقول سرقه

اعشق من الشعر كله عيوني ورمدي
واعشق من الكل بعضي اذا الصمت انطقه

واعشق من الليل الاظلم وأشوف السرمدي
قدر قرمٍ بيض الله وجهه بصنقه

واعشق من الصبح الأكسل نسيم وفي يدي
دفترٍ يهدي العصافير لحظه مورقه

وأعشق من الصحبه أم البساط الأحمدي
لاتهيّت وأعشق من العسل طلبة ذقه

وأعشق من الوقت وقتي لاابوي ولا اولدي
وأعشق من الناس كلٍ على قد اعرقه

ياعلي والشعر عبدي وعبدي سيدي
أعمق الشعر أبسط الشعر وأبسطه أعمقه

في الحنايا خيل ترمح وخيال يحدي
وفي المرايا ألف بحر يتلعثم بأزرقه

ياكثر ما اذكر من الناس لاصرت وحدي
من نسوني ونسوني بكذبٍ مصدقه

كلي وعد مع اللي يخونون وعدي
البناخي بعض طيبه قهره باللي خلقه

لو تهيا للطريا سويا ماغدي
مزبن الذهيب ممراح خاينت الثقه

يقنب النسيان الأمعط بروحي ويعدي
كل ليله في فياضي والا الله يرزقه

السهر ، ماهو بهذا السهر لايابعدي
السهر شفني تعرفه وشفني تزهقه

كل جفنٍ من جفوني غدى بيت أجودي
لاتقظب فيه عبدٍ من الليل أعتقه

ليت لي قدره على الثار تكفا ياسندي
من حبيبٍ طشر القلب مليون ورقه

مارماني خطرتن لجل يرضيني ودي
نيشن الفرقا هنيّا تمركى بندقه

وانتهى مستسهل سهيل يستجدي الجدي
مابقى غير اليباس بعيون مغورقه

كم تكحل عاذلي وانعمى من مرودي
يوم قال العين بالعين مالله وفقه

قلت والله دام قفى وظليت وحدي
لا اتركه في داخل القلب محدن بشنقه

ياعلي كلي نهايات من وين ابتدي
ياعلي كله بدايات من وين أعشقه

له عيون ولي ضلالي بها لين اهتدي
ولي عيون وله علي البكا لين أغرقه



تري مكاسي
منصور الغايب
03-12-2010, 20:47
بيض الله وجوهكم جميعا على المرور ...



الجمهري أبو غازي ... منور المكان بطلتك ...


مشرفنا الغالي.... راع الجمرية .... أنا متيم بكل ماهو جميل من الشعر ... لاهنت


رحال ... ممتن لحضورك ...


ريم شمر .... سيدة الحرف أينما حلت أسعدت ..


الجثري .. هلا بهالطلة ... وتسلم على اكمالها ....


وفقك الله
بشير اللويش
04-12-2010, 07:48
تسلم يامنصور

ولا هنت يالجثري

..
.

بالذات هالقصيده من قصائد فهد عافت

منشد لها كثيرا ومعجب بها من زمان

صح لسانك يافهد

ولا هانوا من جابوها

الراسي
منصور الغايب
05-12-2010, 22:14
حياك ياالراسي ....


ممتن لحضورك ...